Meki belangstelling gi a Kownoekondre boskopoe gro moro fara
1 Wan pisiten pasa — kande wan toe dei, noso kande wan wiki — sensi joe ben taki nanga wan sma di ben sori belangstelling gi a Kownoekondre boskopoe. Awasi a ben teki boekoe di e taki foe bijbel ofoe no, tokoe a de prenspari foe meki iniwan belangstelling gro moro fara so esi leki a kan.
2 Go loekoe den sani di joe ben skrifi, baka di joe ben meki na fosi fisiti, finifini. Dan te joe e poti sani ini joe velddiensttas, sorgoe seiker taki joe poti wan foe na boekoe di joe ben libi na baka na a sma so taki joe kan sori go na en te joe e hori a gobaka.
Efoe joe ben libi a „Loekoe!” brochure, joe ben sa kan taki:
◼ „Mi breiti foe si joe baka. A lasti leisi di wi ben taki, mi ben sori joe na dorosei kafti foe a brochure disi, èn wi ben leisi wan tekst foe bijbel foe boeweisi taki, nanga jepi foe en Kownoekondre, Gado sa sorgoe foe tanpresi èn wroko gi ibriwan sma. Ma Gado ben pramisi toe taki a ben o tjari wan kaba kon na siki, owroedei, èn srefi dede. Joe feni taki disi hebi foe bribi? [Gi ososma okasi foe piki.] Loekoe na bladzijde 4 foe na brochure di mi ben libi na baka gi joe.” Leisi na paragraaf èn taki foe wan noso toe foe den bijbeltekst di skrifi na ondrosei foe na bladzijde. Wan bijbelstudie bigin!
3 Foe opo na pasi gi wan tra fisiti, joe ben sa kan tapoe a takimakandra nanga den wortoe:
◼ „A no de foe taki, dati ala sani di wi ben loekoe makandra de ini bijbel, ma foeroe sma e praksei efoe den kan bribi troetroe san bijbel e taki. A tra leisi te mi e kon, mi ben sa wani teki wan toe foe taki a tori disi nanga joe”. Te joe e go baka foe meki a belangstelling gro moro fara, dan poti prakseri baka tapoe a takimakandra foe na ondro-edepenti „A boekoe di e froeklari a paradijs”, èn bigin nanga paragraaf 5 foe a brochure.
4 Ini kontren pe joe no e libi foeroe boekoe na baka: Na srefi fasi foe hori joe pristeri joe kan gebroiki te joe e fisiti sma di ben sori pikinso belangstelling, ma di no ben teki boekoe. Joe ben sa kan sori go na a brochure di joe ben pristeri en, di oenoe ben abi na fosi takimakandra. A kan de fanowdoe taki joe go wan toe leisi foe fisiti a sma èn foe gebroiki bijbel èn joe eigi brochure bifo na ososma teki wan brochure. Efoe joe ben libi a 1 juli noso 15 juli tijdschrift foe A Waktitoren na baka, dan sori go na tori di e taki foe a srefi afersi ini a „Loekoe!”-brochure te joe e go baka foe meki a belangstelling gro.
5 Heri boen gobaka, di e abi bijbelstudie leki bakapisi ini a Tiri-brochure, kan sreka a fesi tapoe bladzijde . . . foe a Taki-go-taki-kon-boekoe. Noso oen kan bigin wan bijbelstudie foe di oenoe e poti na aksi: „Joe ben sabi taki bijbel e pristeri toe sortoe howpoe? Wan na foe libi foe têgo na grontapoe. A brochure disi e froeklari fa dati sa kan. Dan naki bladzijde 15 foe a brochure opo, èn leisi den dri bijbel tekst di skrifi drape.
6 Efoe joe libi toe tijdschrift, wan boekoe, noso wan brochure noso joe ben abi soso wan heri moi bijbel takimakandra nanga wan sma, joe abi na frantiwortoe foe meki na belangstelling gro moro fara. Wi e gi oen alamala a deki-ati foe poti pikinso ten a wan sei ini a moen juli foe teki prati na a wroko disi di e kibri sma libi. — 1 Timoteus 4:16.