Joe e memre disi ete?

Joe ben feni taki den uitgave foe A Waktitoren foe den moen di pasa, ben abi praktis waarde gi joe? Foe san ede dan joe no e loekoe san joe man memre ete nanga jepi foe san e kon now:

▫ San ben kan prenki heri boen a fesi foe a kisi di den Netinim èn den manpikin foe den foetoeboi foe Salomo ben kisi moro grani di den ben drai kon baka foe katibo na Babilon?

Ini a ten disi, ala di a fikapisi foe Israèl na jeje fasi na grontapoe, e tan kon moro pikin, den tra skapoe e tan kon moro foeroe. Sonwan foe den agersi skapoe disi, di joe man teki gersi nanga Netinim èn manpikin foe den foetoeboi foe Salomo, kisi now hebi frantiwortoe na ondro a tiri foe a salfoe fikapisi (Jesaja 61:5). — 1/4, bladzijde 24, 25.

▫ San a profeiti Sefania ben wani taki di a ben taki: „Kande den kan kibri joe na a dei foe Jehovah atibron”? (Sefania 2:2, 3)

Foe wan sma kisi kibri na a „bigi banawtoe” di e kon, a no de so taki te wan sma kisi kibri wán leisi, dan a kisi kibri foe ala ten (Mateus 24:13, 21). A kisi di wan sma sa kisi kibri na a dei dati e anga foe a go di a e go doro foe doe dri sani: A moesoe soekoe Jehovah, soekoe regtfardikifasi èn soekoe safri-atifasi. — 1/5, bladzijde 15.

▫ Na sortoe fasi Mikaèl e „opo tanapoe” na „a ten foe a kaba”? (Danièl 12:1, 4)

Sensi di den poti Mikaèl leki Kownoe na ini 1914, a ben „tanapoe” foe a boen foe Jehovah pipel. Ma heri esi Mikaèl sa „opo tanapoe” na wan spesroetoe fasi — leki a Fesiman foe Jehovah di e poeroe ala ogridoe foe grontapoe èn leki a Froeloesoeman foe a libimakandra foe Gado pipel. — 1/5, bladzijde 16, 17.

▫ Foe san troe kolokoe e anga?

Troe kolokoe e anga foe wan joisti matifasi nanga Jehovah, a feni di a e feni wi boen, èn a blesi foe en (Odo 10:22). Foe dati ede wi no kan kisi troe kolokoe sondro foe gi jesi na Jehovah èn foe saka wisrefi nanga prisiri na en wani ondro (Lukas 11:28). — 1/5, bladzijde 28, 29.

▫ Di Jesus ben doe den wondroe foe en foe dresi sma, bribi ben de fanowdoe foe a sei foe a sma di a ben dresi?

Wan marki foe bribi ben de fanowdoe foe a sei foe foeroe sma, so taki den ben kan kon na Jesus foe kon betre (Mateus 8:13). Ma, gi den wondroe di a ben doe, den no ben abi foe bekènti fosi taki den ben abi bribi, so leki di a ben dresi wan lan man di no ben sabi srefi soema ben de Jesus (Johanes 5:5-13). Jesus ben meki srefi kon boen baka a jesi, di ben koti gowe foe a foetoeboi foe a granpriester, ala di a man disi ben de wan sma foe a groepoe foe den feanti foe Jesus (Lukas 22:50, 51). Den wondroe disi ben doe nanga a krakti foe Gado en santa jeje, no foe a bribi foe a siki sma. — 1/6, bladzijde 3.

▫ San na agersitori foe a „srepi” di Jesus ben taki foe en na ini Mateus 13:47-50 e prenki?

A „srepi” e prenki wan grontapoe wrokosani di e taki, dati en de gemeente foe Gado èn en e tjari „fisi” kon makandra. A abi na ini en a krestenhèit èn so srefi a gemeente foe den salfoe kresten, den lastiwan di wi kari ben go doro foe tjari ’toemoesi boen fisi’ kon makandra, ondro a tiri foe den engel ini akroederi nanga Mateus 13:49. — 1/6, bladzijde 26.

▫ San na wan toe gronprakseri di kroetoeman na Israèl ben moesoe gebroiki foe doe a wroko foe den?

A srefi gerègtighèit gi goedoewan èn gi pôtiwan, den no ben moesoe teki sma partèi srefisrefi, den no ben moesoe teki tjoekoe (Levitikus 19:15; Deuteronomium 16:19). — 1/7, bladzijde 15.

▫ San owroeman moesoe proeberi foe doro nanga jepi foe na ondrosoekoe di a kroetoe komte e ondrosoekoe den tori?

Wan marki foe na ondrosoekoe di den e doe na foe feni san foe na afersi de troe, ala di den e doe disi nanga lobi. Te den sabi kaba san troe, dan den owroeman sa doe ala sani di de fanowdoe foe kibri a gemeente èn den sa hori den hei markitiki foe Jehovah èn meki a jeje foe En kon fri ini a gemeente. Na ondrosoekoe e doe toe foe jepi, efoe disi man pikinso srefi, wan sondoeman di de ini kefar. (Teki gersi Lukas 15:8-10.) — 1/7, bladzijde 21.

▫ Foe san ede dren di abi foe doe nanga seks di no mag de so kefarlek?

Nanga Jesus wortoe ini Mateus 5:27, 28 ini prakseri ala sma di doronomo e gi densrefi abra na den sortoe dren disi abi fowtoe, foe di den doe soetadoe ini na ati foe den. Èn troetroe kefar de taki den sortoe dren disi kan abi hoeroedoe demakandra leki bakapisi. — 1/7, bladzijde 29.

▫ Job ben de a wan enkri libisma di ben de getrow na Jehovah ini a pisiten di a ben libi? (Job 1:8)

Nôno, a boekoe Job srefi e sori taki Gado ben teki Elihu. Ini a ten di Job ben libi, foeroe Israèlsma ben de toe di ben libi na Egipti èn no wan reide no de foe denki taki no wan foe den sma disi no ben de getrow èn taki Gado no ben teki den. — 1/8, bladzijde 31.