Yesus libi nanga diniwroko

Wan waka na kibrifasi go na Yerusalem

A DE herfst (bigi dreiten) fu 32 G.T. èn na wiwirikampufesa de fu kon. Sensi na Pascha ini 31 G.T. di den dyu ben suku fu kiri Yesus dan a ben du en wroko moro furu na Galiléa. Baka dati kande seiker Yesus ben fisiti Yerusalem wawan fu de a den dri alayari fesa fu den dyu.

Den brada fu Yesus now nanga tranga e taigi en: „Komoto fu dya èn go na Yuda.” Yerusalem de a moro prenspari foto fu Yudea èn na moro prenspari presi fu anbegi Gado fu na heri kondre. Den brada fu en ben tak-go-tak-kon: „Nowan sma e du wan sani na kibrifasi efu ensrefi e suku a publikifasi.”

Ala di Yakobus, Yosef nanga Yudas no e bribi dati a moro bigi brada fu den, Yesus de trutru na Messias, toku den wani datl ala den sma di e komakandra na a fesa si dati a abi na makti fu du wondru. Ma Yesus de sabisabi fu na kefar. „Grontapu no abi reide fu abi ogro-ati gi yu,” a e taki, „ma den abi ogri ati gi mi fudi mi e gi kotoigi fu en dati en wroko de goddelowsu. Fu dat’ede Yesus e taigi en brada: „unu go na a fesa; mi no e go ete na a fesa disi.”

Na wiwirikampufesa de wan fesa fu seibi dei di e kon na wan kaba nanga wan plegtige activiteit na di fu na aiti dei. Na fesa e marki na kaba fu a pranigon yari èn de wan ten fu bigi prisiri èn taki tangi. Difrenti dei bakadi Yesus brada ben gwe fu de na a fesa makandra nanga na ede grupu fu sma di ben e waka makandra go, dan en nanga en disipel e go na kibrifasi na reis, sondro fu den sori densrefi na publiki. Den e teki na pasi psa Samaria, na presi fu waka a pasi di a moro bigi pisi sma fu den sma e teki seisei fu na liba Yordaan.

Fudi Yesus nanga den sma di de na en sa musu psa a neti na ini wan dorpu fu Samaria, meki a e seni boskopuman go a fesi fu a grupu fu sreka sani fu dati. Ma sodra den sma e yere dati Yesus de a pasi fu go na Yerusalem, dan den e weigri fu du wan sani gi en. Nanga atibron Yakobus nanga Yohannes e aksi en: „Masra, yu wani dati wi taki dati faya komoto na hemel fu pori den?” Yesus e pir’ai gi den fu a tyari fu sowan prakseri kon a fesi èn den e waka go na wan tra dorpu.

Aladi den de a pasi e go moro fara, dan wan meester fu wet e taigi Yesus: „Leriman, mi sa waka na yu baka, awinsi pe yu e go tu.”

„Den krabdagu abi olo èn den fowru fu hemel sribipresi,” Yesus e piki, „ma na Manpikin fu libisma no abi presi fu poti en ede.” Yesus e ferteri dati na meester fu wet sa musu ondrofeni pina efu a tron en bakaman. Èn na bosroiti di no e taki nanga wortu de dati na meester fu wet abi tumsi bigimemre fu waka na baka na libifasi disi.

Gi wan tra man Yesus e taki: „Tron mi bakaman.”

„Gi mi pasi fu go fosi èn fu beri mi papa”, na man e piki.

„Meki den dedewan beri den dedewan fu den,” Yesus e piki, „ma yu go èn meki na kownukondre bekenti na alape.” A de krin dati a papa fu a man no dede ete, bika ini a geval dati a no ben sa de wan sani di kan dati en manpikin ben sa arki dya na Yesus. Na manpikin e aksi te yu luku en bun ofu a kan kisi a ten fu wakti a dede fu en papa. A no ben klari fu poti a kownukondre fu Gado ini a fosi presi ini en libi.

Aladi den de a pasi e go na Yerusalem, wan tra man e taigi Yesus: „Mi sa waka na yu baka, Masra, ma gi mi pasi fu bari adyosi na mi ososma.”

Leki piki Yesus e taki: „Nowan sma di naki en anu poti na a plugu èn e luku a den sani di de na en baka de bun gi na kownukondre fu Gado.” Den sma di wani de Yesus disipel mu poti den ai tapu na Kownukondredienst. Netleki wan olo ini wan gron kando seiker sa waka skoinsi efu a sma di e plugu no e luku let go na en fesi, na so ibriwan sma di e luku go na baka na a owru seti fu sani disi, makriki kan nakifutu fadon èn komoto na a pasi di e go na tego libi. Yohannes 7:2-10; Lukas 9:51-62; Mattéus 8:19-22.

◆ Suma na den brada fu Yesus èn fa den e denki fu en?

◆ Fu san-ede den Samaritaansma no de nanga switifasi èn san Yakobus nanga Yohannes wani du?

◆ Sortu dri takmakandra Yesus abi na pasi, èn fa ai poti krakti na tapu na fanowdu fu dini di e go makandra nanga offer di wan sma mu offer ensrefi?