Yepi tra sma fu anbegi Gado

’EFU wan sma di no de ini bribi ofu wan gewoon sma e kon inisei, dan den kibritori fu en ati e tyari kon na doro, sodati a sa fadon tapu en fesi èn sa anbegi Gado.’ — 1 KORINTESMA 14:24, 25.

1-3. Fa furu sma na ini Korinte ben kisi yepi fu na bunati fu Gado?

NA INI a ten fu en di fu tu zendingwaka na apostel Paulus ben tan wan nanga afu yari na ini a foto Korinte. Drape ’a ben hori ensrefi fayfaya bezig nanga na wortu, èn a ben gi kotoigi’. Nanga sortu bakapisi? „Furu fu den Korintesma di ben e arki ben go bribi èn ben kisi dopu” (Tori fu den Apostel 18:5-11). Den „ben kon santa . . . den ben kari den fu de santawan.” — 1 Korinte 1:2.

² Bakaten Apollos ben go fisiti Korinte. A fesi fu dati Priskilla nanga Aquilla ben yepi en „fu frustan na pasi fu Gado moro soifri”, èn ini a tori dati ooktu na afersi fu na dopu ben de. Na so a ben tron wan kristen di Gado ben sori en na bun wani fu en, ofu di Gado ben feni bun (Tori fu den Apostel 18:24–19:7). Apollos fu en sei ben yepi Korintesma di wan dei ’ben pusu go dini babaw kruktu gado’ (1 Korinte 12:2). Den sma disi kande ben kisi bijbelleri na oso; den ben kan leri sani ooktu te den ben go fisiti kristen komakandra. — Tori fu den Apostel 20:20; 1 Korinte 14:22, 24.

³ Na bakapisi fu na leri disi ben de dati furu fosten ’sma di ben de ini bribi èn gewoon sma’ ben hari kon na a tru anbegi. Fa a ben musu gi satisfaksi fu si fa mansm èn umasma ben go so a fesi dati te fu kaba den ben kisi dopu èn ben kisi a bunati fu Gado! Disi ooktu e gi now satisfaksi.

’Yepi sma di no de ini bribi èn gewoon sma’

4. Fa furu sma ini a ten disi tapu den srefi fasi ben kisi na na net so wan fasi yepi leki den sma na ini Korinte?

⁴ Ooktu ini a ten disi Yehovah Kotoigi e gi yesi na Yesus gebod fu ’meki disipel fu sma fu ala nâsi èn dopu den’ (Mattéus 28:19, 20). Bakadi den ben prani waarheid siri na ini ati di e teki sani, dan den ben kon baka fu nati den (1 Korinte 3:5-9; Mattéus 13:19, 23). Den Kotoigi ben pristeri sondro fu pai ala wiki osobijbelstudi, sodati sma ben kan kisi wan piki tapu den aksi fu den èn ben kan leri bijbel waarheid. Den sortu sma disi e kisi kari ooktu fu fisiti den komakandra fu Yehovah Kotoigi ini a presi pe den e libi precies soleki „den sma di ben e bribi” na ini na fosi yarhondro ben e fisiti den komakandra ini Korinte. Ma fa Yehovah Kotoigi e si sma di e studeri na bibel èn e kon na komakandra?

5. Sortu bijbelgron de fu sori voorzigtiki fasi ini wi demakandra nanga bepaalde sma?

⁵ A e gi wi bigi prisiri fu si dati den e kon krosbei na Gado. Toku wi no wani frigiti dati der no de dopu bribi sma ete. Hori ooktu den tu les na ini prakseri di wi ben leri fu na artikel dya na fesi (1) Den Israëlsma ben sori voorzigtikifasi na fesi den sma di ben kon libi a den mindri èn di no ben de Israëlsma èn di aladi den ben libi a den mindri a pipel fu Gado èn ben e gi yesi na wantu wet, no ben de proselietsma di ben besnij, no ben de brada na ini na anbegi. (2) Kristen sma fu Korinte di ben lolo nanga, ’sma di no ben de ini bribi èn gewoon sma’ ben e luku bun tangi fu den wortu fu Paulus: „No kon na ondro wan ongelijk tyatari nanga sma di no de na ini bribi. Bika sortu pisi regtvaardikifasi abi nanga kruktudu?” — 2 Korinte 6:14.

6. Fa bepaalde sma di no de ini bribi kan kisi „pir-ai” du den komakandra èn sortu fasi na pir-ai dati de?

⁶ Aladi wi e bari wan switikon gi ’sma di no de ini bribi èn gewoon sma’ sobun, toku wi e frustan taki den no doro den markitiki fu Gado ete. Soleki 1 Korinte 14:24, 25 e sori, dan den sortu sma disi kande „den mu ondrosuku soifri” ofu srefi kisi pir’ai . . . nanga yepi fu san den ben leri. Sowan pir’ai no de fu wan krutu kon; den no e kisi wan kari fu wan krutu komte fu na gemeente fudi den no de ete wan dopu memre fu en. A de moro-furu so dati den nyunwan disi leki wan bakapisi fu san den e leri, e kon kisi na overtoigi dati Gado e krutu ala vorm fu gridi fasi èn hurudu waka nanga libi.

7. Sortu go na fesi furu studenti sa wani meki, èn fu san-ede?

⁷ Furu sma di no dopu ete te wan pisten kande sa wan go mofofara leki soso fu fisiti den komakandra leki studenti di abi belangstelling. Den tra wortu fu Yesus e sori na reide fu dati: „Wan studenti no de moro hei leki en leriman, ma ibriwan sma di kisi leri volmaakti, sa de leki en leriman” (Lukas 6:40). Na bijbelstudenti kan si taki en leriman e si a velddienst leki tumsi prenspari èn e kisi prisiri fu dati (Mattéus 24:14). Te den sma di e leri bijbel waarheid èn e fisiti komakandra, e gro ini bribi, dan a sa teki kande den wortu na ati: „O switi den futu de tapu den bergi fu na sma di e tyari bun nyunsu, di e barwroko gi freide, di e tyari bun nyunsu fu wan moro bun sani, di e barwroko gi ferlusu” (Yesaya 52:2; Romeini 10:13-15). Aladi a no kisi dopu ete, dan kande a wani tron wan Kownukondrepreikiman èn moksi ensrefi na a gemeente fu Yehovah Kotoigi.

8, 9. (a) San mu du efu wan bijbelstudenti wani teki prati na a publiki diniwroko? (b) San den tu owruman sa du te den kon makandra nanga wan preikiman ini a ten di e kon? (c) Sortu frantwortu wan nyun preikiman e teki tapu en?

⁸ Te na Kotoigi di e lei a bijbelstudi, e si taki na studenti abi na lostu fu teki prati na a velddienst, dan a kan taki na afersi nanga na fesiman opziener di sa seti sani taki tu owruman komakandra nanga na bijbelstudenti nanga en leriman. Den owruman e feni en moi te wan nyun sma wani dini Gado. Den no sa fruwakti taki a sa abi net someni sabi leki den sma di dopu kaba èn di go moro a fesi na ini a waarheid, èn di den e aksi moro fu den. Ma toku den owruman sa wani ondrosuku bifo na nyun sma teki prati ini a velddienst makandra nanga a gemeente taki a abi wantu sabi fu bijbelleri èn ben tyari en libi kon ini akruderi nanga den gronprakseri fu Gado. Sobun bun reide de taki tu owruman miti makandra nanga na preikiman fu a ten di o kon èn na kotoigi di e lei na studi.a

⁹ Den tu owruman sa ferteri den studenti, taki te den feni en bun fu teki prati na a velddienst, a mag gi wan veldddienstrapport èn dati den sa skrifi wan preikiman bericht-karta di abi en nen. Disi na a bewijsi taki den teki en poti na ini na theokratis organisâsi fu Yehovah Kotoigi èn a musu saka ensrefi na ondro. (Disi de ook so tu gi ala tra sma di e gi velddienstrapport.) Na a ten fu a takmakandra bijbel rai mu gi ooktu, soleki fu eksempre na rai di tyari kon na krin tapu bladzijde 100 nanga 101 fu Orga fu klari wi diniwroko.b Disi ben sa de fu dat’ede wan bun momenti fu gi na studenti wan persoonlek eksemplaar fu na buku dati.

10. (a) Fa van preikiman di no dopu ete kan tan go na fesi, èn nanga sortu marki? (b) Fu san-ede den wortu „wan sma di moksi ensrefi nanga wi èn di wi e feni bun” no e gebroiki morolanga? (Luku voetnoot).

¹⁰ Wan sma di den feni en bun fu de wan preikiman fu na bun nyunsu di no dopu ete, de af’pasi fu tron wan ’sma fu bun wani’ (Lukas 2:14).c Aladi a no gi ensrefi abra èn no teki dopu, dan makandra nanga den milyunmilyun sma di de actief bezig na a heri grontapu fu ’preiki na wortu fu Gado’ a kan lever wan bericht fu en preiki-activiteit (Tori fu den Apostel 13:5; 17:3; 26:22, 23). Na gemeente sa kisi fu yere taki a de wan nyun preikiman di no dopu ete. A mu go doro fu studeri a bijbel, teki prati na den komakandra, èn poti na ini en libi san a e leri èn prati san a e leri nanga trawan. A no sa teki langa ofu a sa wani du a stap fu ne kristen dopu, sodati na bun ati fu Gado e kon rostu na tapu en èn a e kisi a marki fu ferlusu. — Ezechiël 9:4-6.

Yepi gi a sma di las’pasi

11. Fa na gemeente e handri nanga dopuwan di du ogri?

¹¹ Na ini na artikel dya a fesi wi ben taki sortu gemeente sani seti fu yepi wan dopu kristen di e du wan seryusu sondu (Hebrewsma 12:9-13). Èn wi ben si nanga yepi fu na bijbel taki efu wan dopu ogridu-man no abi berow, na gemeente kande sa mu puru en a den mindri èn baka dati ben sa mu tan farawe fu ibri demakandra nanga en (1 Korinte 5:11-13; 2 Yohannes 9-11; 2 Thessalonikasma 2:11, 12). Ma sortu stap kan du efu wan preikiman di no dopu ete las’pasi efu e sondu ete tapu wan seryusu fasi?

12. (a) Fu san-ede sari-ati yepi de ooktu gi preikiman di no dopu ete èn di e sondu? (b) Fa na gronprakseri fu Lukas 12:48 kan gebroiki tapu na frantwortu ini na geval fu ogri di de tapu wan sma?

¹² Yudas e taki tranga fu sori sar’atifasi gi salfu kristen di ben meki degedege kon na ini den ofu ben fadon go ini sondu fu na skin, èn ben poti a fesi taki den ben abi berow (Yudas 22, 23; luku ooktu 2 Korintesma 7:10). A no ben sa de dan wan sani di fiti moro ete fu sori sar’atifasi gi wan sma di no dopu ete èn di las’pasi èn di no sori berow? (Tori fu den Apostel 3:19) Iya, bika en yeye fondamenti no de so tranga ete èn en ondrofeni na ini na kristen libifasi skotu moro. Kande a no ben leri ete fa Gado e denki fu bepaalde afersi. A no ben abi ete na lo bijbeltakmakandra nanga owruman di e de bifo a dopu èn a no ben saka ensrefi na seryusu stap fu dipi en na ondro watra. Boiti fu dati Yesus ben taki: „na ibriwan sma di den e gi furu den sa aksi furu” (Lukas 12:48). Furu den e aksi fu wan dopu sma di no wawan kisi moro sabi èn ben kisi moro blesi, ma di ooktu e tyari wan ekstra marki fu frantwortu. — Yakobus 4:17; Lukas 15:1-7; 1 Korinte 13:11.

13. San den owruman sa du fu gi yepi na preikiman di no dopu ete èn di e lasipasi?

¹³ Ini akruderi nanga na rai fu Paulus yeye bekwaam brada wani gi yepi na preikiman di no dopu ete èn di kande du wan fowtu stap bifo a kisi ensrefi (Teki gersi nanga Galasia 6:1). Den owruman ben sa kan aksi tu fu den (kande na sma di ben miti nanga en a fesi kaba) fu du muiti fu tyari en kon baka efu a wani kisi yepi. Den no sa du disi nanga na winsi fu pir’ai gi en tranga ma tapu wan sar’atifasi èn na ini wan yeye fu safri-atifasi (Psalm 130:3). Ini morofuru geval wan bijbel fermane èn praktis rai sa de nofo fu wiki berow èn fu tyari en kon baka tapu a reti pasi.

14, 15. (a) San kan du efu na ogriduman abi opregti berow? (b) Sortu syatu mededeling kan du ini son geval pe wan bodoi de fanowdu?

¹⁴ Den tu owruman sa gi richtlijn di e fiti na a situwasi fu ogriduman di no dopu. Na ini son geval den kan meki mofo taki na wan di lasi pasi fu wan pisten no mag teki prati na a theokratis diniwrokoskoro ofu no mag gi komentaar na a ten fu den komakandra. Ofu den kan taigi en taki a no mag teki prati nanga a gemeente nanga a publiki diniwroko teleki a go moro a fesi na yeyefasi. Te a de dan sofara den sa ferteri en taki a mag abi wan prati baka na a velddienst. Efu na fowtu libi nanga waka no de algemeen bekenti èn kefar no de gi na krinfasi fu na ipi, dan a no de fanowdu fu ferteri na gemeente disi nanga yepi fu wan mededeling na a gemeente.

¹⁵ Ma fa den sani didon efu den tu owruman si taki na sma abi opregti berow ma dati furu sma sabi na ogri? Ofu na ogri bakaten o de bekenti na furu sma? Ini ibriwan fu den tu geval den kan ferteri na dienstkomte fu na gemeente di sa seti sani taki wan eenvoudig mededeling sa gi: „Na afersi fu . . . ben behandel èn a e tan du dienst nanga na gemeente leki wan preikiman di no dopu ete.” Soleki a ben de na ala den sortu geval disi dan na skin fu owruman kan bepaal ofu a de wan frustan sani fu wan ten di o kon fu hori wan bijbellezing nanga rai di e go nanga na sortu fu ogridu di ben de ini na tori.

16, 17. (a) Sortu situwâsi ben sa kan de wan reide fu du wan tra mededeling? (b) San na a marki fu na mededeling disi?

¹⁶ Wawan-tron a sa psa dati wan preikiman di no dopu ete èn di de wan ogriduman no sa teki lobi yepi tapu wan bun fasi. Ofu wan preikiman di no dopu ete taki a no wani go morofara na fesi fu kisi dopu, èn a e ferteri den owruman fu dati taki a no wani fu den erken en leki preikiman. Fa wi mu handel dan? Wan uitsluiting procedure no e bigin ini a tori fu den sortu sma disi, di te yu luku en bun Gado no e feni den bun ete. Na seti dati ogridu sma di no abi berow musu sluituit, abi fu du nanga den sma di den e ’kari brada’, tapu dopu sma (1 Korintesma 5:11). Ma disi wani taki dati wi e luku psa na ogridu? Nono.

¹⁷ Tapu den owruman na frantwortu e rostu ’fu wei na ipi fu Gado di de na a sorgu fu den’ (1 Petrus 5:2). Efu tu owruman di e gi yepi kon si taki wan ogriduman di no dopu ete no abi berow èn no bun fu de wan preikiman, dan den sa ferteri a sma dati a tori disi.d Ofu efu wan sma di no dopu ete e ferteri den owruman taki a no wanl meki den erken en morolanga leki preikiman dan den sa teki na bosroiti fu en. Ini ala tu geval a fiti taki na dienstkomte fu na gemeente tapu wan yoisti ten gi na eenvoudig mededeling di e kon now: „ . . . no de wan preikiman moro fu na bun nyunsu.”

18. (a) San kristensma sa hori na ini prakseri baka te wan sortu mededeling gi èn persoonlek e bosroiti fa den mu handri? (b) A de fanowdu fu tan farawe krinkrin fu sma di ben gi densrefi abra na ogridu ini a ten di psa èn di no ben dopu?

¹⁸ Fa Kotoigi sa si sowan sma baka dati? We, na ini wan pisten a fesi a ben de wan ’sma di no ben de ini bribi’ di ben fisiti den komakandra. Dan a no ben de soso a winsi fu en fu de soso wan preikiman fu a bun nyunsu ma den ben feni en bun fu dati tu. Disi no de morolanga so, sobun a de baka wan sma fu a grontapu. Na bijbel no e aksi Kotoigi fu no taki nanga en bika a no sluituit.e Toku kristensma mu de voorzigtiki nanga sowan sma fu a grontapu di no e anbegi Yehovah, net soleki den Israëlsma ben du disi nanga sma di ben libi na den mindri di no ben de Israëlsma èn di no ben besnij. Na voorzigtikifasi disi e meki na gemeente kibri ensrefi teige ala san „ben sa kan de wan „pikin srudeki” ofu wan pori elementi (1 Korinte 5:6). Efu bakaten a tyari na opregti winsi kon a krin taki wan bijbelstudi mu hori nanga en èn disi e sori gi den owruman taki a de wan yoisti sani, dan kande a sa yepi en fu go warderi baka san de wan grani fu anbegi Yehovah makandra nanga en pipel. — Psalm 100.

19. Fa den owruman ini son geval kan yepi morofara ini na privé-sfeer?

¹⁹ Efu den owruman e si taki wan seiker sma fu a sortu disi de wan tumsi bigi kefar gi na ipi, dan den kan warskow den sma di de ini kefar ondro fo ai. Ma a preikiman ben sa kan de wan nyonguwan di ben broko kindi gi dringi ofu hurudu. Aladi na mededeling ben gi taki a no de morolanga wan preikiman di no dopu ete, a e proberi kande fu suku prisiri demakandra nanga yonguwan na ini na gemeente. Ini na situwsi dati den owruman kan taki ondro fo ai nanga den papa nanga sma fu den sma di de na ini kefar èn kande ooktu nanga den yonguwan dati srefi (Hebrewsma 12:15, 16; Tori fu den Apostel 20:28-30). Ini na geval di pikinmoro no e de so taki wan sma de wan trobi-sani ofu de wan kefar fu trangafasi, dan den kan meki bekenti taki a no de wan sma di wi no wani bari bari wan switi kon tapu den komakandra èn dati ibri muiti fu kon na inisei wi sa si leki wan sani di a no abi a leti fu dati.

Yepi mendri yari wan fu anbegi Gado

20. Sortu yepi kristen papa nanga mama kan gi den pikin fu den nanga sortu bakapisi?

²⁰ Na bijbel e poti na frantwortu na tapu papa nanga mama fu leri den pikin fu den na ini na pasi fu na waarheid fu Gado (Deuteronomium 6:4-9; 11:12, 13). Yehovah Kotoigi e gi tranga na kristen osofamiri fu dat’ede bun langa kaba fu hori wan ala wiki bijbelstudi. Kristen papa nanga mama mu gi den pikin fu den dek’ati fu go na fesi èn fu wroko miti na gi di den mu gi densrefi abra èn teki dopu èn sofasi kisi na bunati fu Gado (Odo 4:1-7). Wi e si den switi bakapisi ini den gemeente — hondro dusundusun yonguwan di de wan bun eksempre, di lobi Yehovah èn di wani dini en fu tego.

21-23. (a) Suma ini na fosi presi de frantowrtu fu behandel na ogridu fu wan mendri-yariwan? (b) Sortu rol gemeente-owruman e prei ini den sortu situwâsi disi?

²¹ Tapu kristen papa nanga mama na ini na fosi presi na frantwortu. de ooktu fu gi den pikin fu den tranga leri èn fu pir’ai gi den èn fu poti skotu gi den ofu gi den strafu na wan lobi fasi di den feni de fanowdu (Efesesma 6:4; Hebrewsma 12:8, 9; Odo 3:11, 12; 22:15). Ma efu wan mendri yari pikin di moksi nanga a gemeente leki wan preikiman di no dopu ete kon na ini seryusu ogridu, dan disi na wan sani gi den owruman di ’e hori ai tapu na sili’ fu na ipi, abi fu du nanga en. — Hebrewsma 13:17.

²² Te yu e luku a tori bun dan den sortu ogridu disi mu behandel tapu na fasi di tyari kon a krin na fesi kuba na ini na artikel disi. Den kan gi tu owruman a wroko fu ondrosuku na afersi. Den ben sa kan taki fosi fu eksempre nanga a papa nanga mama fu san ben psa, san na a fasi fu a pikin èn sortu stap ben bun fu yepi en fu kenki. (Teki gersi nanga Deuteronomium 21:18-21.) Efu na kristen papa nanga mama abi na situwasi na ini anu, dan den owruman ten na ten kan meki kontakti nanga den fu gi bun rai èn lobi dek’ati.

²³ Ma sontron e kon a krin ini a takmakandra nanga na papa nanga mama dati a ben sa de moro bun efu den owruman ben sa kon makandra nanga na tranga-ede mendri yari pikin èn na papa nanga mama. Nanga ini prakseri den skotu èn den lostu fu yonguwan, den opziener sa proberi fu gi na yongu preikiman di no dopu ete leri nanga safri-atifasi (2 Timóteus 2:22-26). Ini son geval a kan de krin taki a no de bun moro fu de wan preikiman èn taki wan mededeling di fiti mu gi.

24. (a) San papa nanga mama nanga reti mu du efu wan mendri yariwan ben gi ensrefi abra na seryusu ogridu, èn fa den ben sa kan du disi? (b) Fa disi ben sa kan de ooktu so gi wan mendri-yariwan di sluit uit?

²⁴ San papa nanga mama baka dati kan du fu na bun fu den mendri yari pikin di las’pasi? Den de te now ete frantwortu fu na pikin fu den. Awansi a no de bun moro fu de wan preikiman di no dopu ofu srefi awinsi den sluit en uit baka en dopu fu ogridu ede. Net soleki fa den sa go doro fu gi en nyanyan, krosi nanga wan presi fu tan, na so den mu go doro fu gi en leri èn tranga leri na ini akruderi nanga a Wortu fu Gado (Odo 6:20-22; 29:17). Papa nanga mama di e sori lobi kan seti fu dat’ede wan osobijbelstudi nanga en awinsi a sluit uit.f Na rai fu meki a kenki kande sa psa go moro bun na ini en te den sa studeri nanga en wawan. Ofu den kan teki a bosroitl taki a kan tan teki prati na den sani di seti gi na osofamiristudi. Awinsi a ben go na ini a fowtu pasi, den e si sote taki netleki na lasi manpikin na ini Yesus agersitori a e drai kon baka na Yehovah. — Lukas 5:11-24.

25. Fu san-ede lobi belangstelling e sori na ini a ten disi gi sma „di no de ini bribi” èn den e kisi yepi?

²⁵ Na marki fu wi preiki èn a leri fu wi de fu yepi trawan fu tron koloku anbegiman fu Yehovah. ’Sma di no de ini bribi èn gewoon sma’ na ini Korinte ben beweigi ’fu fadon tapu den fesi èn anbegi Gado èn fu ferklari: „Gado de trutru na ini un mindri’” (1 Korinte 14:25). Fa a de wan prisiri ini a ten disi fu si omoro sma e go anbegi Gado! Disi na wan tumsi glori kontru fu san den engel ben meki be kenti: „Glori na ini na moro hei presi na Gado, èn na grontapu na mindri sma fu bun wani [ofu: sma di Gado ben feni bun]”. — Lukas 2:14.

[Futuwortu]

Yu kan memre disi ete?

◻ Fa kristensma e si „sma di no de ini bribi” èn di e fisiti komakandra?

◻ Sortu stap owruman mu du te wan bijbelstudenti wani go teki prati na a velddienst èn sortu frantwortu na studenti e teki?

◻ San e du efu wan preikiman di no dopu ete e du wan seryusu sondu?

◻ Fa papa nanga mama èn den owruman kan yepi mendriyari pikin di e libi na oso ete èn srefi efu den sortu yonguwan disi lasi pasi na wan seryusufasi?

[Prenki na tapu bladzijde 6]

Fu tron wan preikiman, awinsi wan sma no dopu ete, de wan frantwortu èn prenspari stap di e meki Gado feni wan sma bun