Fa memre foe na osofamiri e wroko makandra foe abi wan prati doronomo—Na bijbelstudie
1 Waarheid e meki taki na osofamiri libi wani taki wan sani troetroe, èn taki a abi wan marki troetroe, ma foe dini Jehovah nanga boen bakapisi, no e kon foe ensrefi. A e teki ten nanga moeiti foe bow wan osofamiri di tranga na jejefasi. A de tranga fanowdoe taki den memre foe wan osofamiri e wroko krosibei makandra te den e meki moeiti foe doe disi. Na artikel disi de a fosiwan foe dri artikel di sa poti prakseri na tapoe fa osofamiri kan wroko makandra foe kweki boen gwenti foe studeri.
2 Foe di oenoe e leisi bijbel ala dei: Odo 24:5 e taki dati „wan man foe sabi e meki krakti kon tranga”. A sabi di wan sma e kisi foe di a e leisi Gado Wortoe doronomo, e gi en inisei krakti di de fanowdoe foe kakafoetoe gi den tesi di Satan e tjari kon na tapoe a jejefasi foe a sma (Ps. 1:1, 2). Oenoe leki wan osofamiri e leisi bijbel makandra ala dei? A Schema gi a Theokrasia Diniwroko-skoro abi wan „Ekstra bijbel-leisi schema” gi ibri wiki foe a jari. Foe kan hori oensrefi na a schema, e aksi soso tin miniti foe a ten foe wan osofamiri, ibri dei. Soekoe wan ten di boen gi oenoe, soleki te oenoe e njan na mamanten, baka te oenoe e njan na brekten, noso bifo oenoe e go sribi te neti, foe leisi bijbel èn foe loekoe a deitekst foe Ondrosoekoe den Boekoe foe bijbel. Meki a tron wan gwenti gi oenoe leki osofamiri foe doe sani ibri dei.
3 Foe di oenoe e studeri makandra ibri wiki: Na osofamiri bijbelstudie moesoe de a heimarki foe a wiki foe wan famiri. Ibri memre moesoe horibaka gi dati foe di den abi wan prati fajafaja na a studie. Na osofamiri edeman wani hori den sani di na osofamiri abi fanowdoe na prakseri, te a e soekoe a materiaal foe a studie, èn te a e loekoe sortoe dei nanga ten a studie o hori èn o langa a o de. Meki na osofamiri studie de a moro prenspari sani na tapoe a schema di oenoe abi gi a wiki. No meki tra sani di no de so prenspari kon na mindri.—Fil. 1:10, 11.
4 Foeroe sma ben bèl wan papa na en oso foe taki foe bisnis tori. Dati meki te den ben hori na osofamiri studie, a ben poeroe a telefon. Efoe klanti ben kon na en oso, dan a ben aksi den foe kon sidon na a studie noso foe wakti te leki a studie ben kaba. A papa ben abi a fasti bosroiti foe no meki noti no kon na mindri na osofamiri studie. Disi ben abi foeroe krakti na tapoe den pikin foe en, èn a bisnis foe en ben waka boen toe.
5 A de troetroe wan prisiri sani te memre foe na osofamiri e wroko makandra foe doe sani na jejefasi! Efoe wi e meki moeiti na wan getrow fasi foe abi wan prati dorodoro na a osofamiri bijbelstudie, dan Jehovah sa blesi wi.—Ps. 1:3.