DU MUITI FU TRON WAN MORO BUN PREIKIMAN
Fa fu preiki moro bun—Skrifi san yusrefi wani taki te yu o prati den tijdschrift
FU SAN EDE A PRENSPARI: Aladi a studie-buku abi eksempre di yu kan gebroiki na ini a preikiwroko, toku yu no abi fu taki ala sani soifri soleki fa a skrifi. Te yu e prati a tijdschrift, dan gebroiki yu eigi wortu. Yu kan taki wan tra sani noso yu kan gebroiki wan tra artikel di moro bun gi den sma na ini yu kontren. Te yu kaba leisi a tijdschrift, te yu luku den eksempre gi a preikiwroko èn te yu luku den felem di e sori fa yu kan prati a tijdschrift, dan yu kan gebroiki den rai di e kon now fu skrifi san yusrefi wani taki.
FA FU DU EN:
Aksi yusrefi: ’Mi wani gebroiki wan fu den eksempre disi gi a preikiwroko?’
IYA
Oefen san yu o taki na a bigin. Te yu gi odi kaba, dan taki syatu fu san ede yu kon na a sma. (Eksempre: „Mi kon dyaso fu di . . .”)
Denki san yu o taki baka na aksi, baka te yu leisi a Bijbeltekst, èn fa yu o prati a tijdschrift. (Fu eksempre, fosi yu leisi wan Bijbeltekst, yu kan taki: „Luku wan moi piki tapu na aksi na ini a tekst disi.”)
NO
Suku wan artikel na ini a tijdschrift di yu lobi èn di o hari a prakseri fu den sma na ini yu kontren
Sreka wan aksi di yu o poti gi na ososma. Na aksi musu gi a sma na okasi fu taki fa a e denki, ma a no musu meki a sma firi syen. (Eksempre: Den aksi di yu e si na tapu bladzijde 2 fu den tijdschrift.)
Luku sortu Bijbeltekst yu o leisi. (Efu yu o pristeri na Ontwaakt!, dan kande yu no abi fu leisi wan Bijbeltekst fu di a tijdschrift disi meki gi sma di no sabi furu fu Bijbel noso di no e frutrow kerki.)
Taki wan, noso tu zin fu sori na ososma sortu wini a o kisi te a o leisi na artikel
AWINSI SAN YU O DU, DU DISI:
Sreka wan aksi di yu o poti gi na ososma èn di yu o piki te yu go baka na en
Skrifi wan tu sani di yu wani taki so taki yu no frigiti den