Fa wi musu gebroiki a papira di nen Te bezoeken adres (S-43)
Yu musu gebroiki a papira disi te yu miti wan sma di wani sabi moro fu Bijbel, ma di no e libi na ini yu kontren noso di e taki wan tra tongo. Na ini a ten di pasa wi ben e gebroiki a papira disi te wi miti wan sma di e taki wan tra tongo, awansi a no ben sori taki a wani sabi moro. Ma now wi o gebroiki a papira soso te a sma e sori taki a wani sabi moro fu Bijbel. Soso te a sma dofu wi kan gebroiki a papira disi ala ten. Te wi e miti wan sma di dofu, dan wi musu gebroiki a S-43 papira, awansi a sma sori taki a wani sabi moro noso efu a no du dati.
San wi musu du nanga a papira te wi kaba skrifi ala sani na tapu? Wi musu gi en na a sekretarsi fu a gemeente. Efu a sabi na sortu gemeente a musu seni a papira, dan a kan seni dati gi den owruman fu a gemeente so taki den kan seti sani fu yepi a sma. Efu a sekretarsi no sabi na sortu gemeente a musu seni a papira, dan a o seni en go na a bijkantoro.
Efu a sma di wani sabi moro fu Bijbel e taki wan tra tongo èn a e libi na ini yu kontren, dan yu kan tan go baka na en fu yepi en teleki wan preikiman fu a gemeente di e taki a tongo dati kan go na en.—Luku Wi Kownukondre diniwroko fu november 2009, bladzijde 4.