TIHLABELELO
INCWADZI YEKUCALA
(Tihlabelelo 1-41)
1 Uyajabula umuntfu longasilaleli seluleko salababi,
Longahambi endleleni yetoni,+
Futsi longahlali nalabaphukutanako.+
3 Utawufanana nesihlahla lesihlanyelwe ngasemfuleni,
Lesitsela ngesikhatsi saso,
Nalesinemacembe langabuni.
Konkhe lakwentako kutawuphumelela.+
4 Bantfu lababi abasinjalo;
Banjengemakhoba lapheshulwa ngumoya.
5 Kungako lababi batawulahlwa ngesikhatsi sekwehlulelwa;+
Netoni ngeke titfolakale emkhatsini walabalungile.+
2 Titfukutseliswe yini tive
Futsi kungani bantfu bakhonona ngentfo lelite?+
3 Batsi: “Asidzabule letinketane labasibophe ngato
Futsi sitilahle phansi tintsambo tabo!”
4 Loyo lohleti esihlalweni sebukhosi emazulwini utawuhleka;
Jehova utabahleka bulima.
5 Ngaleso sikhatsi utawukhuluma nabo atfukutsele
Futsi abetfuse ngentfukutselo yakhe levutsako,
6 Atsi: “Mine ngibeke inkhosi yami+
ESiyoni,+ intsaba yami lengcwele.”
8 Cela kimi, mine ngitakunika tive tibe lifa lakho
Futsi ngikunike umhlaba wonkhe kutsi ube wakho.+
10 Ngako-ke banini nekucondza nine makhosi;
Vumani kuyalwa,* nine behluleli basemhlabeni.
11 Khontani Jehova ngenhlonipho lenkhulu,
Futsi nimesabe nijabulile.
12 Hloniphani* indvodzana,+ ngale kwaloko Nkulunkulu* utawutfukutsela
Futsi nitawushabalala endleleni,+
Ngobe intfukutselo yakhe isheshe ivutse.
Bayajabula bonkhe labakhosela kuye.
Ingoma yaDavide, imayelana nalesikhatsi abalekela indvodzana yakhe Absalomu.+
3 Awu Jehova, kungani titsa tami setitinyenti kangaka?+
Kungani babanyenti labangivukelako?+
2 Bantfu labanyenti bakhuluma ngami* batsi:
“Nkulunkulu ngeke amsindzise.”+ (Sela)*
7 Awu Jehova ngisite! Ngisindzise+ Nkulunkulu wami!
Ngobe tonkhe titsa tami utatishaya imihlatsi;
Utawephula ematinyo alababi.+
8 Awu Jehova, wena ungumsindzisi.+
Sibusiso sakho sisetikwebantfu bakho. (Sela)
Sicondziso lesiya kumcondzisi: Kufanele idlalwe netinsimbi temculo letinetintsambo. Ingoma yaDavide.
4 Awu Nkulunkulu wami lolungile,+ ngiphendvule nangikubita.
Ngikhulule* ekucindzetelekeni kwami.
Ngentele umusa futsi uwuve umthantazo wami.
2 Nine madvodzana ebantfu, kutawuze kube ngunini solo ningenta ngihlazeke kunekutsi ngihlonishwe?
Kutawuze kube ngunini solo nitsandza lite futsi nifunana netintfo letingemanga? (Sela)
3 Yatini kutsi Jehova utamphatsa ngendlela lekhetsekile* umuntfu lowetsembekile kuye;
Jehova utangiva nangimbita.
4 Nanitfukutsele, caphelani kutsi ningoni.+
Nibokhuluma ngenhlitiyo nisemibhedzeni yenu futsi nithule. (Sela)
6 Labanyenti batsi: “Ngubani lotasikhombisa lokuhle?”
Awu Jehova, sentele umusa.+
7 Inhlitiyo yami uyente yajabula kakhulu
Kwendlula injabulo lababanayo labo labashaye inala yakolo neyeliwayini lelisha.
Kumcondzisi weNehilothi.* Ingoma yaDavide.
5 Awu Jehova, lalela emavi ami;+
Kunake kububula kwami lokubangelwa buhlungu.
2 Awu Nkhosi yami, Nkulunkulu wami, kunake kukhalela kwami lusito,
Ngobe ngithantaza kuwe.
3 Awu Jehova, utaliva livi lami ekuseni;+
Ekuseni ngitakutjela tintfo letingikhatsatako+ bese ngiyema ngilindzela wena.
5 Kute umuntfu lotiphakamisako longema embikwakho.
Awu Jehova, wena uyabenyanya bantfu labanebudlova nalabakhohlisako.*+
7 Kodvwa ngitawungena endlini yakho+ ngenca yemusa wakho lomkhulu;*+
Ngitawukhotsama embikwelithempeli lakho lelingcwele* ngekukwesaba lokuhambisana nenhlonipho.+
8 Awu Jehova, wena ulungile. Ngihole ngobe titsa tingitungeletile;
Susa tintfo letingangigila endleleni yakho.+
9 Ngobe kute lokuliciniso letikukhulumako;
Ngekhatsi kuto kugcwele nje bubi;
Imiphimbo yato injengemathuna lavulekile;
10 Kodvwa Nkulunkulu utawutibeka licala;
Emacebo ato atawutiwisa.+
Shengatsi tono tato letinyenti tingenta kutsi ticoshwe,
Ngobe tikuvukele.
11 Kodvwa batawujabula bonkhe labakhosela kuwe;+
Batawuhlale bamemeta ngenjabulo.
Wena utawubavikela,
Futsi labo labatsandza libito lakho batawujabula ngawe.
12 Awu Jehova, wena utawubabusisa labalungile;
Utawubentela umusa, ubavikele kube shengatsi ubavikele ngelihawu lelikhulu.+
Sicondziso lesiya kumcondzisi: Kufanele idlalwe netinsimbi temculo letinetintsambo ngeShiminithi.* Ingoma yaDavide.
6 Awu Jehova, ungangekhuti ube utfukutsele,
Ungangeluleki ngelulaka.+
2 Awu Jehova, ngentele umusa* ngobe sengibutsakatsaka.
Ngiphilise Jehova,+ ngobe ematsambo ami ayachachatela.
6 Sengiphelelwe ngemandla ngenca yekububula;+
Busuku bonkhe umbhedze wami ngiwumantisa ngetinyembeti;*
Umbhedze wami ngiwumantisa ngekukhala.+
7 Ngikhatsateke kakhulu ngenca yako konkhe kuhlupheka kwami;+
Ngibona kalufifi* ngenca yabo bonkhe labangihluphako.
8 Sukani kimi nonkhe nine lenenta lokubi,
Ngobe Jehova utangiva nangikhala.+
9 Jehova utangiva nangimcela kutsi angikhombise umusa;+
Jehova utawuphendvula umthantazo wami.
10 Tonkhe titsa tami titawuhlazeka futsi tesabe;
Titawuhlehlela emuva, tidliwe ngemahloni ngaso leso sikhatsi.+
Ingoma yekulila Davide layihlabelela Jehova ngenca yemavi labekashiwo nguKushe umBhenjamini.
7 Awu Jehova Nkulunkulu wami, ngiphephele kuwe.+
Ngisindzise kubo bonkhe labangihluphako futsi ungikhulule.+
2 Nawungangikhululi, batangidzabudzabula ngibe ticucu kube shengatsi ngibanjwe libhubesi,+
Bangibambe kube kute nalotangikhulula.
3 Awu Jehova Nkulunkulu wami, nangabe licala likimi,
Nakukhona lokungakalungi lengikwentile,
4 Nangabe ngente lokubi kumuntfu longentele lokuhle,+
Nobe nangabe ngemuke sitsa sami tintfo taso ngaphandle kwesizatfu,*
5 Sitsa sami asingigijimise size singibambe;
Asingigcobagcobe* ngize ngife
Futsi sente ludvumo lwami luphelele elutfulini. (Sela)
6 Awu Jehova, sukuma ngentfukutselo yakho;
Vuka umelane nentfukutselo yetitsa tami;+
Sukuma ungisite, ulwele kutsi kwentiwe kulunga.+
7 Tive atikutungelete;
Futsi wena utawumelana nato usendzaweni lephakeme.
8 Jehova utawehlulela bantfu.+
Awu Jehova, ngehlulele ngekuvumelana nekulunga kwami
Nangekuvumelana nebucotfo bami.+
9 Ngicela kutsi uticedze tento letimbi talababi.
Kodvwa ubemise bacine labalungile,+
Njengobe wena unguNkulunkulu lolungile+ lohlola tinhlitiyo+ kanye nemiva lejulile.*+
10 Nkulunkulu ulihawu lami,+ unguMsindzisi walabo labacotfo enhlitiyweni.+
11 Nkulunkulu unguMehluleli lolungile,+
Futsi ubehlulela onkhe malanga lababi.
12 Nangabe lotsite angaphendvuki,+ Nkulunkulu ulola inkemba yakhe;+
Ugoba butjoki bakhe alungele kudubula.+
13 Ulungisa tikhali takhe letibulalako;
Alungise imicibisholo yakhe levutsa emalangabi.+
14 Asewubuke umuntfu lonemacebo lamabi;
Uhlela kwenta lokubi bese ukhuluma emanga.+
15 Umba umgodzi, awumbe ushone,
Kodvwa kuphindze kugcumkele yena kulomgodzi lawumbile.+
16 Tinkinga latibangako titawutfola yena;+
Nebudlova labentako butawehlela yena.
17 Ngitamdvumisa Jehova ngenca yekulunga kwakhe;+
Ngitawuhlabela ngidvumise* libito laJehova+ Losetikwako Konkhe.+
Sicondziso lesiya kumcondzisi: Simayelana neGithithi.* Ingoma yaDavide.
8 Awu Jehova Nkhosi yetfu, maye libito lakho liyababateka kuwo wonkhe umhlaba;
Wena wente ludvumo lwakho lwaphakama kakhulu ngisho kunemazulu!*+
2 Emilonyeni yebantfwana neyetinswane,+ wente kutsi kubonakale emandla akho
Ngenca yetitsa takho,
Kute uthulise titsa takho nalabafuna kutiphindziselela kuwe.
4 Umuntfu abeyini-ke kutsi ungahlale umkhumbula,
Nendvodzana yemuntfu beyiyini kutsi ungayinakekela?+
6 Umente wabusa imisebenti yetandla takho;+
Wabeka tonkhe tintfo ngephansi kwetinyawo takhe:
7 Yonkhe imihlambi yetimvu neyetimbuti, tinkhomo,
Tilwane tesiganga,+
8 Tinyoni temazulu, netinhlanti letiselwandle,
Kanye nako konkhe lokuhamba elwandle.
9 Awu Jehova Nkhosi yetfu, maye libito lakho liyababateka kuwo wonkhe umhlaba!
Sicondziso lesiya kumcondzisi: Simayelana neMuthi-labheni.* Ingoma yaDavide.
א [Aleph]
9 Awu Jehova, ngitakudvumisa ngayo yonkhe inhlitiyo yami;
Ngitawukhuluma ngayo yonkhe imisebenti yakho lemangalisako.+
2 Ngitawujabula futsi ngitfokote ngawe;
Ngitawuhlabela ngidvumise* libito lakho, wena Losetikwako Konkhe.+
ב [Beth]
3 Titsa tami titawutsi natihlehlela emuva,+
Tigileke futsi tishabalale embikwakho.
4 Ngobe uyawamelela emalungelo ami nendzaba yami;
Uhlala esihlalweni sakho sebukhosi futsi wehlulele ngekulunga.+
ג [Gimel]
5 Utikhalimele tive,+ wababhubhisa lababi,
Wenta libito labo langakhunjulwa phakadze naphakadze.
ה [He]
7 Kodvwa Jehova uhleti esihlalweni sebukhosi kuze kube phakadze;+
Ubeke sihlalo sakhe sebukhosi lapho ehlulela khona ngekulunga.+
ו [Waw]
9 Jehova utawuba yindzawo yekukhosela lephephile* yalabacindzetelekile,+
Abe yindzawo yekukhosela lephephile ngetikhatsi letimatima.+
10 Labo labati libito lakho batawetsembela kuwe;+
Awu Jehova, angeke uze ubashiye labo labakufunako.+
ז [Zayin]
11 Hlabelani nidvumise Jehova, lohlala eSiyoni;
Tjelani bantfu ngetento takhe.+
12 Utawutikhumbula tinceku takhe futsi atiphindziselele kulabacitse ingati yato;+
Angeke akukhohlwe kukhala kwalabo labahlushwako.+
ח [Heth]
13 Awu Jehova, ngentele umusa; bona indlela labangihlupha ngayo labo labangenyanyako,
Wena longivusa emagedeni ekufa,+
14 Kuze ngimemetele ngetento takho letibabatekako emagedeni endvodzakati yaseSiyoni,+
Futsi ngijabule ngobe wena ungisindzisile.+
ט [Teth]
15 Tive tigcumkele emgodzini letiwugubhile;
Lunyawo lwato lubanjwe linethi lelifihlwe ngito.+
16 Jehova watiwa ngetehlulelo latikhiphako.+
Bantfu lababi babanjwe lugibe lwemisebenti yetandla tabo.+
Higayoni.* (Sela)
י [Yod]
17 Lababi batawuya eThuneni,*
Kulapho tonkhe tive letikhohlwe Nkulunkulu titawuya khona.
18 Kodvwa Nkulunkulu angeke abakhohlwe phakadze bantfu labeswele;+
Nelitsemba lalabatfobekile aliyuze liphele.+
כ [Kaph]
19 Awu Jehova, phakama! Ungavumi kutsi umuntfu ancobe.
Shengatsi ungatehlulela tive!+
20 Awu Jehova, bente besabe,+
Shengatsi tive tingati kutsi timane nje tibantfu labangasilutfo. (Sela)
ל [Lamed]
10 Awu Jehova, kungani umele khashane?
Utifihlelani nasicindzetelekile?+
2 Ngekuchosha, umuntfu lowenta lokubi ufunana nemuntfu lohluphekile,+
Kodvwa utawubanjwa kulamacebo lawakhako.+
3 Ngobe utigabatisa ngetinkhanuko takhe+
Futsi abusise umuntfu lonebugovu;*
נ [Nun]
Akamhloniphi Jehova.
4 Ekutigabatiseni kwakhe, umuntfu lowenta lokubi akanaki lutfo;
Uhlale acabanga atsi: “Akekho Nkulunkulu.”+
5 Uyaphumelela etintfweni latentako,+
Kodvwa tehlulelo takho tiphakeme kutsi angaticondza;+
Lomuntfu utibukela phansi tonkhe titsa takhe.
6 Enhlitiyweni yakhe utsi: “Angeke nginyakatiswe;*
Kuto tonkhe titukulwane
Angeke ngitibone tinhlekelele.”+
פ [Pe]
7 Emlonyeni wakhe kugcwele ticalekiso, emanga nekusongela;+
Lulwimi lwakhe lukhuluma emagama lamabi nalalimatako.+
8 Ubhaca edvute nemadolobhana;
Aphume lapho abhace khona abulale umuntfu longenacala.+
ע [Ayin]
Emehlo akhe afuna umuntfu langamhlasela.+
9 Uhlala endzaweni labhace kuyo njengelibhubesi nalibhace emhumeni walo.*+
Uyalindza kuze abambe umuntfu lohluphekile.
Uyambamba amvalele ngekhatsi enethini yakhe.+
10 Lomuntfu lohlaselwako uyafihlitwa futsi alahlwe phansi;
Ubese uwela etandleni* talomuntfu lomubi.
11 Lomubi utitjela atsi: “Nkulunkulu sewukhohliwe.+
Sewubufulatselisile buso bakhe.
Akanaki lutfo.”+
ק [Qoph]
12 Awu Jehova, phakama.+ Phakamisa sandla sakho Nkulunkulu.+
Ungabakhohlwa bantfu labahluphekile.+
13 Kungani lomubi edzelele Nkulunkulu?
Enhlitiyweni yakhe utsi: “Ngeke ungibeke licala.”
ר [Resh]
14 Kodvwa wena ubabonile labo lababanga tinkinga nekucindzeteleka.
Uyababuka futsi ubajezise.+
ש [Shin]
15 Yephula sandla semuntfu lomubi,+
Shengatsi ungamjezisa ngenca yebubi bakhe,
Kuze kube bete ngisho nalobuncane lobusalako.
16 Jehova uyiNkhosi phakadze naphakadze.+
Tive tishabalele emhlabeni.+
ת [Taw]
17 Wena Jehova utawusiva sicelo salabatfobekile.+
Utawucinisa tinhlitiyo tabo+ futsi ubalalelisise.+
18 Utawutiphatsa ngekulunga tintsandzane kanye nalabacindzetelekile,+
Kuze bantfu labasemhlabeni bangaphindzi babesabise.+
Sicondziso lesiya kumcondzisi. Ingoma yaDavide.
11 Ngikhosele kuJehova.+
Manje ningasho njani kimi nitsi:
“Balekela entsabeni njengenyoni!
2 Buka indlela lababi labagobe ngayo butjoki;
Balungiselela kudubula imicibisholo yabo,
Kute badubule basebumnyameni, badubule labanetinhlitiyo leticotfo.
3 Nangabe tisekelo* tibhidlitiwe,
Yini-ke lolungile langayenta?”
4 Jehova usethempelini lakhe lelingcwele.+
Sihlalo sebukhosi saJehova sisemazulwini.+
Emehlo akhe ayabona, emehlo akhe lanakisisako* ahlolisisa emadvodzana ebantfu.+
7 Ngobe Jehova ulungile;+ utsandza tento letilungile.+
Labacotfo batawutfola umusa wakhe.*+
Sicondziso lesiya kumcondzisi: Kufanele idlalwe ngeShiminithi.* Ingoma yaDavide.
12 Awu Jehova, ngisindzise ngobe sekute bantfu labacotfo;
Labetsembekile sebaphelile emhlabeni.
2 Bantfu bakhuluma emanga kulomunye nalomunye;
3 Jehova utayijuba yonkhe imilomo lehhalatisako
Ajube nelulwimi lwalabatigabatisako,+
4 Lokubantfu labatsi: “Lulwimi lwetfu lunemandla.
Senta lesikufunako ngemilomo yetfu;
Ngubani nje longaba yinkhosi yetfu?”+
5 Jehova utsi: “Ngenca yekutsi bantfu labahluphekile bayacindzetelwa,
Nangenca yekububula kwabo,+
Ngitawusukuma,
Ngibasindzise kulabo labababukela phansi.”
6 Emavi aJehova amsulwa;+
Afanana nelisiliva lelicwengwe ngemlilo,* lahlanjululwa tikhatsi letingu-7.
7 Awu Jehova, wena utabanakekela labahluphekile;+
Utawubavikela kusukela kulesitukulwane kuze kube phakadze.
8 Bantfu lababi benta matsandza
Ngobe emadvodzana ebantfu akhutsata kutsi kwentiwe tintfo letimbi.+
Sicondziso lesiya kumcondzisi. Ingoma yaDavide.
13 Awu Jehova, utangikhohlwa kuze kube ngunini? Kuze kube phakadze yini?
Kutawuze kube ngunini ungifihlela buso bakho?+
2 Kutawuze kube ngunini ngikhatsatekile,
Ngilusizi enhlitiyweni yami onkhe emalanga?
Kutawuze kube ngunini sitsa sami singehlula?+
3 Awu Jehova Nkulunkulu wami, ngibuke futsi ungiphendvule.
Yenta emehlo ami akhanye, kuze ngingafi,*
4 Khona sitsa sami singatokusho sitsi: “Ngimehlulile!”
Ungavumi kutsi labamelene nami bajabule ngenca yekuwa kwami.+
6 Ngitamhlabelela Jehova, ngobe ungibusise kakhulu.*+
Sicondziso lesiya kumcondzisi. Ingoma yaDavide.
14 Bantfu labatilima* batsi etinhlitiyweni tabo:
“Jehova akekho.”+
Tintfo labatentako tikhohlakele futsi tiyenyanyeka;
Kute ngisho namunye lowenta lokuhle.+
2 Kodvwa Jehova ubuka phansi asezulwini, abuke emadvodzana ebantfu
Kuze abone kutsi ukhona yini lonekucondza, nekutsi ukhona yini lofuna Jehova.+
3 Bonkhe bayekele kwenta lokuhle;+
Bonkhe bakhohlakele.
Kute lowenta lokulungile,
Kute ngisho namunye.
4 Kute yini kubo lonekucondza?
Bashwabadzela bantfu bami shengatsi badla sinkhwa.
Abambiti Jehova.
6 Nine lenenta lokubi netama kuphatamisa labahluphekako kuloko labakuhlelile,
Kodvwa Jehova usiphephelo sabo.+
7 Shengatsi insindziso yema-Israyeli ingavela eSiyoni!+
Mhlazana Jehova ababuyisela emuva bantfu bakhe labatfunjiwe,
Jakobe uyawujabula, na-Israyeli atfokote.
Ingoma yaDavide.
15 Awu Jehova, ngubani longamvumela kutsi angene ethendeni lakho?
Ngubani longahlala entsabeni yakho lengcwele?+
2 Nguloyo lophila imphilo lemsulwa,*+
Lowenta lokulungile+
Futsi lokhuluma liciniso enhlitiyweni yakhe.+
Uyasifeza setsembiso* sakhe, ngisho nobe sekumatima.+
5 Nakabolekisa imali akabese sewufuna nentalo,+
Futsi akakwemukeli kufumbatsiswa kute amelane nemuntfu lomsulwa.+
Umuntfu lonjalo uyawukuma acine.*+
Imiktamu* yaDavide.
16 Awu Nkulunkulu, ngivikele ngobe ngikhosele kuwe.+
2 Ngitsite kuJehova: “Wena unguJehova, uMtfombo wato tonkhe tintfo letinhle.
4 Labo labatimisele kukhonta labanye bonkulunkulu batibangela buhlungu lobukhulu.+
Angeke ngize ngihlanganyele nabo ekwenteni iminikelo yengati kulabonkulunkulu,
Futsi angeke ngize ngiwabite emagama alabonkulunkulu.+
5 Jehova usabelo sami,+ futsi ugcwalisa indzebe yami.+
Yena ulondvolota lifa lami.
6 Ngisikelwe tindzawo letinhle kakhulu.
Lifa lami liyangenetisa.+
7 Ngitamdvumisa Jehova, longinikete seluleko.+
Ngisho nasebusuku imicabango yami lejulile* iyangicondzisa.+
8 Ngihlale ngicabanga ngaJehova.+
Angeke nginyakatiswe,* ngobe usesandleni sami sangesekudla.+
9 Ngako inhlitiyo yami iyajabula, futsi ngitfokota kakhulu.
Kuphila kwami kuvikelekile.*
10 Angeke uze ungishiye eThuneni.*+
Futsi angeke uvumele kutsi lowetsembekile wakho abole ethuneni.*+
11 Uyangifundzisa indlela yekuphila.+
Lapho wena ukhona khona* kuba nenjabulo lenkhulu;+
Esandleni sakho sangesekudla kunenjabulo* phakadze naphakadze.
Umthantazo waDavide.
17 Awu Jehova, ngilalele nangicela kutsi ungentele umusa;
Naka kukhalela kwami lusito;
Lalela umthantazo wami lengiwusho ngebucotfo.+
2 Shengatsi ungangehlulela ngekulunga;+
Shengatsi emehlo akho angabona lokuhle.
3 Wena uhlolisise inhlitiyo yami, wangibukisisa ebusuku;+
Ungicwengile;+
Futsi utawutfola kutsi angikaze ngakhe emacebo lamabi,
Nekutsi umlomo wami awukoni.
4 Nome ngabe bantfu bentani,
Mine ngiyatibalekela tindlela tetigebengu ngenca yemavi akho.+
5 Tinyawo tami atichubeke tihamba etindleleni takho
Kuze tingasheleli.+
6 Awu Nkulunkulu, ngibita wena ngobe ngiyati kutsi utangiphendvula.+
Sondzeta indlebe yakho kimi,* ulalele emavi ami.+
7 Bentele umusa* ngendlela lemangalisako,+
Wena unguMsindzisi walabo labakhosela esandleni sakho sangesekudla
Nabatsi babalekela bantfu labakuvukelako.
9 Ngivikele kulababi labangihlaselako,
Ungivikele etitseni tami letingitungeletile futsi letifuna kungibulala.+
10 Atisenanhlitiyo;*
Tiyatigabatisa ngemilomo yato;
11 Nyalo setiyasivimbetela;+
Tifuna litfuba lekusiwisa.*
12 Lomubi ufanana nelibhubesi lelifuna kudzabudzabula inyamatane ibe ticucu,
Ufanana nelibhubesi lelisakhula lelibhace endzaweni lesitsekile.
13 Awu Jehova, phakama umelane naye+ futsi umlahle phansi;
Ngisindzise kulomubi ngenkemba yakho;
14 Awu Jehova, ngikhulule ngesandla sakho
Kubantfu balapha eveni, labanake kuphila kwanyalo,+
Labo lobenetisa ngetintfo letinhle lobanikete tona+
Futsi labashiyela emadvodzana abo lamanyenti lifa.
15 Kodvwa mine ngenta lokulungile, futsi ngenca yaloko utangentela umusa;
Sicondziso lesiya kumcondzisi. Ingoma yaDavide inceku yaJehova, lowahlabelela Jehova nayi ingoma ngelilanga Jehova lamsindzisa ngalo kuto tonkhe titsa takhe kanye nakuSawula. Watsi:+
18 Ngiyakutsandza Jehova, wena ungemandla ami.+
2 Jehova ulidvwala lami nendzawo yami yekukhosela futsi nguye longisindzisako.+
Nkulunkulu wami ulidvwala lami,+ ngikhosela kuye,
Usihlangu sami nemsindzisi wami lonemandla,* uyindzawo yami yekukhosela lephephile.*+
3 Ngikhala kuJehova lokufanele advunyiswe,
Futsi ngitawusindziswa etitseni tami.+
6 Ngabita Jehova ngesikhatsi ngicindzetelekile,
Ngachubeka ngikhalela lusito kuNkulunkulu wami.
7 Umhlaba wabese ucala kutamatama;+
Kwanyakata tisekelo tetintsaba
Futsi tatamatama ngobe bekatfukutselisiwe.+
8 Intfutfu yenyuka iphuma emakhaleni akhe,
Nemlilo locotfulako waphuma emlonyeni wakhe;+
Emalahle lavutsako aphuma kuye.
9 Wabangela emazulu kutsi agobeke nakwehla yena,+
Futsi ngephansi kwetinyawo takhe bekunebumnyama lobukhasa phansi.+
10 Wagibela likherubi futsi weta andiza.+
Wehlela phansi asetimphikweni tengilosi.*+
11 Wabese wembatsa bumnyama,+
Bamtungeleta kwaba ngatsi lithende,
Waba semantini lamnyama nasemafini lahlomile.+
12 Nakuvela kukhanya embikwakhe,
Kwehla sangcotfo nemalahle lavutsako emafini.
13 Livi laJehova labese lidvuma emazulwini njengekudvuma kwelitulu;+
Losetikwako Konkhe wenta livi lakhe levakala+
Ngesangcotfo nangemalahle lavutsako.
15 Kujula kwemifula* kwase kuyabonakala;+
Awu Jehova, tisekelo temhlaba tabonakala ngenca yekwekhuta kwakho,
Nangenca yemoya lonemandla lophuma emakhaleni akho.+
16 Welula sandla sakhe asetulu;
Wangibamba futsi wangenyula emantini lashonako.+
17 Wangikhulula esitseni sami lesinemandla,+
Wangikhulula kulabo labangitondzako, lebebanemandla kunami.+
18 Bamelana nami ngelilanga ngehlelwa yinhlekelele,+
Kodvwa Jehova wangisekela.
21 Ngobe ngitilandzele tindlela taJehova,
Futsi angikamshiyi Nkulunkulu wami ngekutsi ngente lokubi.
22 Tonkhe tehlulelo takhe tisembikwami;
Angeke ngiyedzelele imitsetfo yakhe.
24 Shengatsi Jehova anganginika umvuzo ngobe ngilungile,+
Anginike umvuzo ngobe ngimsulwa embikwakhe.+
28 Awu Jehova, nguwe lokhanyisa sibane sami,
Nkulunkulu wami nguwe loshintja bumnyama lobungitungeletile bube kukhanya.+
29 Ngingakhona kulwa nemasotja lahlaselako nangisitwa nguwe;+
Ngingakhona kucanca lubondza ngemandla lavela kuNkulunkulu.+
Usihlangu sabo bonkhe labakhosela kuye.+
31 Ngobe ngubani longuNkulunkulu ngaphandle kwaJehova?+
Futsi ngubani lolidvwala ngaphandle kwaNkulunkulu wetfu?+
33 Wenta tinyawo tami tifane netenyamatane;
Ungenta ngime etindzaweni letiphakeme.+
34 Tandla tami uticeceshela imphi;
Imikhono yami iyakhona kugoba butjoki belitfusi.
35 Ungivikela ngesihlangu sakho,+
Sandla sakho sangesekudla siyangisekela,*
Futsi kutfobeka kwakho kungenta ngibe mkhulu.+
37 Ngitawutigijimisa titsa tami ngitikhandze;
Ngeke ngijike tingakacotfulwa.
38 Ngitatifihlita kuze tingaphindzi tivuke;+
Futsi ngitatincoba.
39 Utanginika emandla kute ngilwe imphi;
Utawenta kutsi titsa tami tiwe embikwami.+
41 Bakhalela lusito kodvwa kute longabasindzisa;
Baze bakhale nakuJehova kodvwa akabaphendvuli.
42 Ngitabagaya bacolisakale babe njengelutfuli lolupheshulwa ngumoya;
Ngitabalahla ngephandle kuhle kweludzaka lulahlwa etitaladini.
43 Utangikhulula kubantfu labahlale bafuna emaphutsa kimi.+
Utangibeka kutsi ngibe ngumholi wetive.+
Bantfu lebengingabati batawuba tisebenti tami.+
44 Batawutsi nje nabeva ngami bangilalele;
Bantfu betive batawuta embikwami bachachateliswa kwesaba.+
45 Bantfu baletinye tive batawuphelelwa sibindzi;*
Batawufika baveva bavela etindzaweni tabo tekukhosela.
46 Jehova uyaphila! Alidvunyiswe Lidvwala lami!+
Shengatsi Nkulunkulu longumsindzisi wami angaphakanyiswa.+
47 Nkulunkulu weliciniso uyangiphindziselela;+
Wenta bantfu bangitfobele.
48 Uyangikhulula etitseni tami letitfukutsele;
Uyangiphakamisa ngibe ngetulu kwalabo labangihlaselako;+
Uyangisindzisa kumuntfu losidlova.
Sicondziso lesiya kumcondzisi. Ingoma yaDavide.
19 Emazulu amemetela inkhatimulo yaNkulunkulu;+
2 Malanga onkhe kulandzisa kwako kuyaphuphuma,
Futsi busuku nebusuku kwembula lwati ngaNkulunkulu.
3 Akukhulumi, futsi kute nemavi lokuwashoko;
Kute ngisho nelivi lelivakalako.
4 Kodvwa liphimbo lako livakele emhlabeni wonkhe,
Umlayeto wako ufike kubo bonkhe bantfu labakuto tonkhe tincenye temhlaba.+
Nkulunkulu wentele lilanga lithende emazulwini;
5 Lilanga linjengemkhwenyane lophuma ekamelweni lakhe;
Lijabula njengendvodza lenemandla legijima endleleni yayo.
6 Liphuma ngale kwemaphetselo emazulu,
Litungelete liyofika kulamanye emaphetselo;+
Futsi kute lokusitsakele ekushiseni kwalo.
7 Umtsetfo waJehova uphelele,+ uvuselela emandla.*+
Loko lesikukhunjutwa nguJehova kwetsembekile,+ kuyabahlakaniphisa labete lwati.+
8 Imiyalo yaJehova ilungile, yenta inhlitiyo ijabule;+
Umtsetfo waJehova uhlantekile, wenta umuntfu abe nekucondza.+
9 Kwesaba Jehova+ kungcwele, kuhlala kuze kube phakadze.
Tehlulelo taJehova tiliciniso, futsi tonkhe tilungile.+
10 Titsandzeka kakhulu kwendlula ligolide,
Kwendlula ligolide lelicwengisisiwe,+
Futsi timnandzi kwendlula luju+ loluntfontsa emakhekhebeni.
12 Ukhona yini umuntfu longabona emaphutsa akhe?+
Ngitsetselele tono lengitente ngingati.
14 Awu Jehova, Dvwala lami+ neMkhululi wami,+
Shengatsi emavi emlomo wami nekuzindla kwenhlitiyo yami kungakujabulisa.+
Sicondziso lesiya kumcondzisi. Ingoma yaDavide.
20 Shengatsi Jehova angawuphendvula umthantazo wakho nawucindzetelekile.
Shengatsi Nkulunkulu waJakobe angakuvikela nawubita libito lakhe.+
3 Shengatsi angayikhumbula yonkhe iminikelo yakho;
Awemukele ngemusa* umnikelo wakho wekushiswa. (Sela)
Shengatsi Jehova angatiphendvula tonkhe ticelo takho.
6 Nyalo sengiyati kutsi Jehova uyamkhulula logcotjiwe wakhe.+
Uyamphendvula asendzaweni yakhe lengcwele ezulwini
Amsindzise ngesandla sakhe sangesekudla.+
7 Labanye betsembele etinkalishini kantsi labanye betsembele emahhashini,+
Kodvwa tsine sibita libito laJehova Nkulunkulu wetfu.+
8 Bacimuleke phansi,
Kodvwa tsine sivukile futsi savuseleleka.+
9 Awu Jehova, sindzisa inkhosi!+
Siphendvule nasicela lusito.+
Sicondziso lesiya kumcondzisi. Ingoma yaDavide.
21 Awu Jehova, inkhosi iyajabula ngenca yemandla akho;+
Futsi ijabula kakhulu ngenca yensindziso yakho!+
2 Uyiphe loko lokufiswa yinhlitiyo yayo,+
Futsi awukayigodleli loko lekucele ngemlomo wayo. (Sela)
3 Ngobe uyinika tibusiso letinyenti;
Enhloko yayo ufake umchele weligolide lelicwengisisiwe.+
4 Yakucela kutsi uyiphe kuphila, futsi wena wayipha kona,+
Wayipha imphilo lendze, yaphakadze naphakadze.*
5 Ikhatimula kakhulu ngenca yensindziso yakho.+
Wena uyente yaba nesitfunti kanye neludvumo.
7 Inkhosi yetsembele kuJehova;+
Itawuma icine* ngenca yelutsandvo lolucotfo lolukhonjiswe nguLosetikwako Konkhe.+
8 Sandla sakho sitawubamba tonkhe titsa takho;
Sandla sakho sangesekudla sitawubamba labo labakwenyanyako.
9 Ngesikhatsi losibekile lotawufika ngaso, utawubabhubhisa kube shengatsi ubaphonsa emlilweni.
Jehova utawubabhubhisa ngentfukutselo yakhe, futsi batawushwabadzelwa ngumlilo.+
10 Intalelwane* yabo utayibhubhisa emhlabeni,
Futsi ubhubhise nebantfwana babo emkhatsini webantfu.
13 Awu Jehova, phakama, ukhombise emandla akho.
Sitawuhlabela tingoma tekukudvumisa ngenca yemandla akho.
Sicondziso lesiya kumcondzisi: Kufanele ihlatjelwe ngendlela letsi: “Inyamatane Lensikati Yentsatsakusa.”* Ingoma yaDavide.
22 Nkulunkulu wami, Nkulunkulu wami, ungishiyeleni?+
Kungani ungeti utengisita?
Kungani ungangiva nangikhaliswa buhlungu?+
2 Awu Nkulunkulu wami, ngihlale ngikubita busuku nemini;+
Kodvwa wena awungiphendvuli.
3 Wena ungcwele,+
Onkhe ema-Israyeli ayakudvumisa.
6 Kodvwa bantfu bangihleka bulima* futsi bayangenyanya,
Kube shengatsi ngisibungu nje hhayi umuntfu.+
8 “Abebeke litsemba lakhe kuJehova. Ngako akamsindzise!
Akamsindzise ngobe uligugu kakhulu kuye!”+
9 Nguwe lowangikhipha esiswini samake,+
Futsi wena wangenta ngativa ngivikelekile ngesikhatsi ngisamunya.
10 Kusukela ngatalwa nganiketwa wena kutsi unginakekele;*
Kusukela ngisesiswini samake, wena bewusolo unguNkulunkulu wami.
13 Tivula imilomo yato tifuna kungihlasela,+
Kuhle kwelibhubesi lelibhodlako futsi lelidzabudzabula inyamatane ibe ticucu.+
14 Emandla ami atfululeke shengatsi ngemanti;
Onkhe ematsambo ami akhumukile.
15 Sengiphelelwe ngemandla, ngifanana nelucetu lwesitja selubumba;+
Lulwimi lwami lunamatsele elwangeni lwami;+
Futsi ungifake emgodzini kuze ngifele khona.+
Badla tandla netinyawo tami kube shengatsi tidliwa libhubesi.+
17 Onkhe ematsambo ami sekayabalwa.+
Titsa tami tiyangibuka futsi tingihlahlele emehlo.
19 Awu Jehova, ungabi khashane nami.+
Wena ungemandla ami; sheshisa utengisita.+
20 Ngisindzise enkembeni,
Sindzisa kuphila kwami lokuligugu* etidladleni* tetinja;+
21 Ngikhulule emlonyeni welibhubesi+ nasetimphondvweni tetinkhomo tesiganga;
Ngiphendvule futsi ungisindzise.
23 Nine lenesaba Jehova, mdvumiseni!
Mkhatimuliseni, nonkhe nine leniyintalelwane* yaJakobe!+
Mhlonipheni, nonkhe nine leniyintalelwane* ya-Israyeli.
Ngesikhatsi akhalela lusito kuye, yena wamuva.+
25 Ngitakudvumisa ebandleni lelikhulu;+
Tifungo tami ngitatifeza embikwalabo labakwesabako.
Shengatsi ningaphila* kuze kube phakadze.
27 Bonkhe bantfu labavela emikhawulweni yemhlaba batawukhumbula Jehova futsi bagucukele kuye.
Yonkhe imindeni yetive itawukhotsama embikwakhe.+
28 Ngobe nguJehova iNkhosi;+
Nguye lobusa tive.
29 Bonkhe bantfu labacebile* labasemhlabeni batawudla futsi bakhotsame bamkhonte;
Bonkhe labo labatawufa batawuguca embikwakhe;
Kute ngisho namunye kubo longasindzisa kuphila kwakhe.
30 Intalelwane* yabo itamkhonta;
Situkulwane lesitako sitawutjelwa ngaJehova.
31 Bantfu batawufika futsi balandzise ngekulunga kwakhe.
Batawutjela labatawutalwa ngaloko lakwentile.
Ingoma yaDavide.
Angeke ngeswele lutfo.+
Ungiholela etindleleni tekulunga ngenca yelibito lakhe.+
4 Ngisho nobe ngihamba esigodzini lesimnyama tsu!+
Angesabi lutfo lolubi,+
Ngobe wena unami;+
Intfonga yakho neludvondvolo lwakho kungenta ngitive ngivikelekile.*
5 Ungidekela litafula embikwetitsa tami.+
6 Buhle bakho nelutsandvo lwakho lolucotfo kutangilandzela onkhe emalanga ekuphila kwami,+
Futsi ngitawuhlala endlini yaJehova konkhe kuphila kwami.+
Ingoma yaDavide.
24 Umhlaba nako konkhe lokukuwo kwaJehova,+
Live nalabo labahlala kulo kwaNkulunkulu.
2 Ngobe wawusekela etikwetilwandle+
Futsi wawusimisa etikwemifula.
3 Ngubani longakhuphukela entsabeni yaJehova,+
Futsi ngubani longema endzaweni yakhe lengcwele?
4 Ngunobe ngubani lomsulwa nalonenhlitiyo lehlantekile,+
Longafungi emanga asebentisa Libito lami,*
Nalongasenti sifungo lesingemanga.+
5 Umuntfu lonjalo utawutfola tibusiso letivela kuJehova+
Futsi Nkulunkulu wensindziso utamtsatsa njengemuntfu lolungile.*+
6 Ngulaba-ke bantfu labakufunako,
Bantfu labafunisisa buso bakho, wena Nkulunkulu waJakobe. (Sela)
7 Vulekani nine magede;+
Vulekani nitsi nge* nani minyango yasemandvulo,
Kuze kutewungena iNkhosi lekhatimulako!+
8 Ingubani leNkhosi lekhatimulako?
9 Vulekani nine magede;+
Vulekani nitsi nge nani minyango yasemandvulo,
Kuze kutawungena iNkhosi lekhatimulako!
10 Ingubani leNkhosi lekhatimulako?
NguJehova wemabutfo—nguye loloyiNkhosi lekhatimulako.+ (Sela)
Ingoma yaDavide.
א [Aleph]
25 Awu Jehova, ngicela lusito kuwe.
ב [Beth]
Ungavumi kutsi titsa tami tijabule ngekuhlupheka kwami.+
ג [Gimel]
3 Kute ngisho namunye lowetsembela kuwe lotawuhlazeka,+
Kodvwa labo labakhohlisa labanye batawuhlazeka.+
ד [Daleth]
ה [He]
5 Ngihambise endleleni yakho lelungile futsi ungifundzise,+
Ngobe wena unguNkulunkulu wensindziso yami.
ו [Waw]
Ngetsembela kuwe lilanga lonkhe.
ז [Zayin]
6 Awu Jehova, khumbula umusa wakho nelutsandvo lwakho lolucotfo,+
Lokwakuvele kukhona kusukela kadzeni.+
ח [Heth]
7 Ungatikhumbuli tono lengatenta ngisesemusha kanye nemaphutsa ami.
ט [Teth]
8 Jehova muhle futsi ulungile.+
Kungako afundzisa bantfu labatoni indlela lokufanele baphile ngayo.+
י [Yod]
כ [Kaph]
10 Tonkhe tindlela taJehova tiveta lutsandvo lwakhe lolucotfo nekwetsembeka kwakhe
Kulabo labagcina sivumelwane+ lasente nabo futsi bente tintfo labakhumbuta tona.+
ל [Lamed]
11 Ngenca yelibito lakho Jehova,+
Tsetselela sono sami ngisho nobe sisikhulu.
מ [Mem]
12 Ngubani lowesaba Jehova?+
Nkulunkulu utamfundzisa indlela lokufanele ayikhetse.+
נ [Nun]
ס [Samekh]
14 Labo labesaba Jehova ngibo lababangani bakhe labakhulu,+
Futsi ubenta basati sivumelwane lasente nabo.+
ע [Ayin]
פ [Pe]
16 Gucukela kimi futsi ungentele umusa,
Ngobe ngingedvwa futsi ngihluphekile.
צ [Tsade]
17 Inhlitiyo yami icindzetelwe tintfo letinyenti;+
Ngikhulule elusizini lwami.
ר [Resh]
19 Buka indlela titsa tami lesetitinyenti ngayo
Tingenyanya kakhulu kangangekutsi setifuna kungilimata.
ש [Shin]
20 Vikela kuphila kwami futsi ungisindzise.+
Ungavumi kutsi ngihlazeke, ngobe ngikhosele kuwe.
ת [Taw]
22 Awu Nkulunkulu, sindzisa* Israyeli kuto tonkhe tinhlupheko takhe.
Ingoma yaDavide.
3 Ngobe ngihlale ngicabangisisa ngelutsandvo lwakho lolucotfo,
Futsi ngiphila ngetimiso takho letiliciniso.+
6 Awu Jehova, ngitawugeza tandla tami, ngikhombise kutsi ngimsulwa,
Futsi ngitawutungeleta li-al’thare lakho,
7 Kuze ngikubonge ngelivi lelivakalako,+
Ngimemetele nayo yonkhe imisebenti yakho lemangalisako.
9 Ungangisusi kanye netoni+
Nobe utsatse kuphila kwami kanye nekwemadvodza lanebudlova,*
10 Lawo lenta imisebenti lelihlazo ngetandla tawo,
Nalagcwele imidizo etandleni tawo tangesekudla.
11 Kodvwa mine ngitawuhlala ngicotfo.
Ngikhulule,* futsi ube nemusa kimi.
Ingoma yaDavide.
27 Jehova ukukhanya kwami+ nensindziso yami.
Ngubani-ke lengingamesaba?+
Jehova uyindzawo levikelekile yekuphila kwami.+
Ngubani nje lengingamesaba?
2 Ngesikhatsi benti balokubi, labatitsa tami beta batengibulala,+
Kwaba ngibo labagilekako futsi bawa.
Ngisho nobe kungaba nemphi lemelene nami,
Nalapho ngitawuchubeka nginesibindzi.
4 Kunye nje kuphela lengikucele kuJehova,
Ngiko kuphela lengikufunako,
Kutsi ngihlale endlini yaJehova onkhe emalanga ekuphila kwami,+
Ngibuke buhle baJehova
5 Ngobe utangibhacisa ngephansi kweluphahla lwakhe ngelilanga lekuhlupheka;+
Utangifihla ethendeni lakhe, leliyindzawo lefihlekile;+
Angibeke etulu edvwaleni.+
6 Nyalo ngitehlulile titsa tami letingitungeletile;
Ngitawenta imihlatjelo ethendeni lakhe futsi ngimemete ngekujabula;
Ngitawuhlabela ngidvumise* Jehova.
8 Inhlitiyo yami ingikhumbuta umyalo wakho lotsi:
“Funani mine.”
Awu Jehova, mine ngitimisele kufuna buso bakho.+
9 Ungangifihleli buso bakho.+
Ungayicoshi ngentfukutselo inceku yakho.
Wena ungumsiti wami;+
Ungangishiyi nobe ungilahle, Nkulunkulu wensindziso yami.
11 Awu Jehova, ngifundzise indlela yakho,+
Ngihole endleleni lelungile kuze ngivikeleke etitseni tami.
Yebo, tsemba Jehova.
Ingoma yaDavide.
28 Awu Jehova Dvwala lami, ngihlale ngikubita;+
Ngicela ungilalele.
2 Ngilalele nangincusa ngikhalela lusito kuwe
Nangiphakamisa tandla ngithantaza endzaweni yakho leNgcwelengcwele.+
3 Ungangilahli kanye nalababi, labo labenta lokubi,+
Labo labakhuluma emavi ekuthula nebangani babo kantsi tinhlitiyo tabo tigcwele bubi.+
4 Babuyisele ngalabakwentile,+
Ubabuyisele ngekwetento tabo letimbi.
Baphindzisele ngemisebenti yetandla tabo,
Kuye ngaloko labakwentile.+
Yena utawubabhidlita futsi angeke abavusetele.
6 Shengatsi Jehova angadvunyiswa,
Ngobe ungivile nangicela lusito kuye.
Ungisitile, futsi inhlitiyo yami iyajabula,
Ngako ngitawuhlabela ngimdvumise.
8 Jehova uniketa bantfu bakhe emandla;
Uyindzawo levikelekile futsi uyamsindzisa logcotjiwe wakhe.+
9 Sindzisa bantfu bakho, ubusise lifa lakho.+
Beluse futsi ubetfwale ngemikhono yakho kuze kube phakadze.+
Ingoma yaDavide.
29 Nikani Jehova ludvumo, nine madvodzana alabanemandla,
Nikani Jehova ludvumo ngenca yenkhatimulo yakhe nemandla akhe.+
2 Nikani Jehova ludvumo lolufanele libito lakhe.
Khotsamani* embikwaJehova nembetse timphahla letingcwele.*
3 Livi laJehova livakala etikwemanti;
Livi laNkulunkulu lokhatimulako lifanana nekudvuma kwelitulu.+
Jehova usetikwemanti lamanyenti.+
4 Livi laJehova linemandla;+
Livi laJehova liphakeme.
5 Livi laJehova lephula imisedari;
Jehova wephula imisedari yaseLebanoni.+
6 Wenta kutsi iLebanoni* itjakadvule njengelitfole,
Ente nekutsi iSiriyoni+ itjakadvule njengelitfole lenkhomo yesiganga.
7 Livi laJehova lenta kutsi limanyate;+
8 Livi laJehova lenta lihlane litfutfumele;+
Jehova wenta kutsi lihlane laseKhadeshi litfutfumele.+
9 Livi laJehova lenta kutsi inyamatane itfutfumele futsi itale
Lenta nekutsi emahlatsi asale ete lutfo.+
Bonkhe bantfu ethempelini lakhe batsi: “Akakhatinyuliswe Nkulunkulu!”
10 Sihlalo sebukhosi saJehova sisetikwetikhukhula;*+
Jehova uyiNkhosi futsi uhleti esihlalweni sebukhosi kuze kube phakadze.+
11 Jehova utabaniketa emandla bantfu bakhe.+
Jehova utawubusisa bantfu bakhe ngekuthula.+
Sihlabelelo sekuhlatjelwa nakuvulwa indlu. Ingoma yaDavide.
30 Awu Jehova, ngitakudvumisa ngobe ungisindzisile;*
Awukativumeli titsa tami kutsi tihlekise ngami.+
2 Awu Jehova Nkulunkulu wami, ngakhalela lusito kuwe futsi wena wangiphilisa.+
3 Awu Jehova, ungikhiphile eThuneni.*+
Ungigcine ngiphila; wangisindzisa kuze ngingangeni emgodzini.*+
4 Hlabelani nidvumise* Jehova, nine bantfu bakhe labetsembekile,+
Nibonge libito lakhe lelingcwele;*+
5 Ngobe utfukutselela umuntfu sikhashana,+
Kodvwa umusa lawentela labo labatsandzako uhlale ukhona njalo.+
Nanobe umuntfu angakhala ntsambama, kodvwa ekuseni ujabula kakhulu.+
6 Ngesikhatsi tintfo tingihambela kahle, ngatsi:
“Ngeke nginyakatiswe.”*
7 Awu Jehova, ngesikhatsi usangitsandza,* wangenta ngacina njengentsaba.+
Kodvwa watsi nawungifihlela buso bakho, ngesaba kakhulu.+
8 Awu Jehova, ngachubeka ngikubita;+
Futsi ngachubeka Jehova ngikucela kutsi ungentele umusa.
9 Kuzuzisa ngani kutsi ngife, kutsi ngehlele emgodzini?*+
Lutfuli lungakudvumisa yini?+ Lungakumemetela yini kwetsembeka kwakho?+
10 Ngilalele Jehova futsi ungentele umusa.+
Awu Jehova, ngisite.+
11 Ungente ngadansa ngijabulile esikhundleni sekutsi ngilile;
Ungikhumule indvwangu yelisaka, wangembatsisa kujabula,
12 Kuze ngihlabele ngikudvumise futsi ngingabindzi.
Awu Jehova Nkulunkulu wami, ngitakudvumisa kuze kube phakadze.
Sicondziso lesiya kumcondzisi. Ingoma yaDavide.
31 Awu Jehova, ngikhosele kuwe.+
Ungangenti ngihlazeke.+
Ngisindzise ngobe ulungile.+
2 Ngicela ungilalele.*
Wota masinyane utengikhulula.+
Bani yintsaba lengikhosela kuyo,
Ube yindzawo levikelekile kuze ungisindzise.+
3 Ngobe ulidvwala lami nendzawo yami levikelekile;+
5 Ngibeka umoya* wami esandleni sakho.+
Awu Jehova Nkulunkulu lowetsembekile,*+ wena ungikhululile.
6 Ngiyabenyanya labo labatinikele etithicweni letingenamsebenti,
Kodvwa-ke mine ngetsembele kuJehova.
7 Ngitawujabula kakhulu ngenca yelutsandvo lwakho lolucotfo,
Ngobe ukubonile kuhlupheka kwami;+
Uyati kutsi ngicindzeteleke kakhulu.
8 Awukanginikeli esandleni sesitsa,
Kodvwa ungimisa endzaweni lephephile.*
9 Awu Jehova, ngentele umusa ngobe ngicindzetelekile.
Buhlungu sebente emehlo ami aba butsakatsaka+ nawo wonkhe umtimba wami.+
Emandla ami asayaphela ngenca yekona kwami;
Ematsambo ami abutsakatsaka.+
11 Ngedzelelwa ngito tonkhe titsa tami,+
Ikakhulukati bomakhelwane bami.
Bangani bami sebayangesaba;
Nabahlangana nami ngephandle bayangibalekela.+
12 Bangikhiphile etinhlitiyweni* tabo futsi bangikhohlwa, kwaba shengatsi ngifile;
Ngifanana nembita lefile.
13 Setinyenti tintfo letimbi lengitivile;
Sengihlale ngesaba.+
Bahlangana ndzawonye,
Futsi bakha emacebo ekungibulala.+
14 Kodvwa ngetsembele kuwe Jehova.+
Ngitsi: “Wena unguNkulunkulu wami.”+
15 Emalanga ami asesandleni* sakho.
Ngisindzise etitseni tami nakulabo labangiphatsa kabi.+
16 Khombisa inceku yakho umusa.+
Ngisindzise ngenca yelutsandvo lwakho lolucotfo.
17 Awu Jehova, angingahlazeki nangikubita.+
18 Shengatsi bantfu labakhuluma emanga bangathula,+
Labo lokutsi nabakhuluma ngebantfu labalungile bakhulume ngekutigcabha nangekwedzelela.
19 Buhle bakho bukhulu kakhulu!+
Ubugcinele labo labakwesabako,+
Ubukhombise labo labakhosele kuwe, wabukhombisa embikwabo bonkhe bantfu.+
20 Utabafihla endzaweni yakho lesekusitsekeni+
Baphephe emachingeni ebantfu;
Utababhacisa endlini yakho
21 Shengatsi Jehova angadvunyiswa,
Ngobe ungikhombise lutsandvo lolucotfo+ ngendlela lemangalisako ngesikhatsi ngisedolobheni lelivinjetelwe.+
22 Mine ngetfuka ngase ngitsi:
23 Mtsandzeni Jehova, nonkhe nine labacotfo kuye!+
Imaskili* yaDavide.
32 Uyajabula umuntfu locolelwe tiphambeko takhe, lotsetselelwe tono takhe.*+
3 Ngesikhatsi ngingasivumi sono sami, ngaba butsakatsaka ngenca yekukhala lilanga lonkhe.+
4 Imini nebusuku sandla sakho besingesindza.*+
Emandla ami oma njengemanti lomiswe kushisa kwasehlobo. (Sela)
Ngisho netinkinga letifana netikhukhula ngeke tibehlele.
Ngitawumemeta ngijabulile ngobe uyangisindzisa.+ (Sela)
8 Wena utsite: “Ngitakunika kucondza futsi ngikukhombise indlela lokufanele uhambe ngayo.+
Ngitakweluleka, liso lami lingesuki kuwe.+
9 Ungabi njengelihhashi nobe umnyuzi, kona lokute kucondza,+
Emandla ako kufanele aze alawulwe ngelitomu nobe ngentsambo
Kuze kutosondzela kuwe.”
10 Lomubi unetinhlupheko letinyenti;
Kodvwa Jehova umkhombisa lutsandvo lolucotfo loyo lowetsembela kuye.+
11 Jabulani ngaJehova futsi nitfokote, nine labalungile;
Memetani ngenjabulo, nonkhe nine leninetinhlitiyo leticotfo.
33 Nine labalungile, memetani nijabulile ngenca yetintfo Jehova latentile.+
Labacotfo kufanele bamdvumise.
2 Bongani Jehova ngelihabhu;
Hlabelani nimdvumise* ngelihabhu lelikhulu.
3 Mhlabeleleni ingoma lensha;+
Dlalani lihabhu ngawo onkhe emandla enu, futsi nimemete nijabulile.
4 Ngobe livi laJehova liliciniso,+
Futsi konkhe lakwentako kwetsembekile.
5 Utsandza kulunga kanye nekwehlulela ngekungakhetsi.+
Umhlaba ugcwele lutsandvo lwaJehova lolucotfo.+
7 Ubutsisa emanti aselwandle abe shengatsi lidamu,+
Afake emagagasi etincolobaneni.
8 Wonkhe umhlaba awesabe Jehova.+
Shengatsi labahlala emhlabeni bangamhlonipha.
11 Kodvwa tincumo* taJehova titawuhlala kuze kube phakadze;+
Imicabango yenhlitiyo yakhe itawuhlala injalo kuto tonkhe titukulwane.
13 Jehova ubuka phansi asezulwini;
Abone bonkhe bantfu.+
14 Nakasendzaweni lahlala kuyo,
Ubuka bantfu labahlala emhlabeni.
15 Nguye lowenta tinhlitiyo tabo bonkhe bantfu;
Uhlolisisa yonkhe imisebenti yabo.+
16 Kute inkhosi levikeleka ngekuba nelibutfo lelikhulu;+
Indvodza lenemandla ayisindziswa ngemandla ayo lamakhulu.+
18 Liso laJehova libuke labo labamesabako,+
Labo labetsembele elutsandvweni lwakhe lolucotfo,
19 Kuze abakhulule ekufeni
Futsi abagcine baphila ngesikhatsi sendlala.+
20 Tsine silindzele Jehova.
Ungumsiti wetfu nesihlangu setfu.+
21 Tinhlitiyo tetfu tiyajabula ngaye,
Ngobe setsembele egameni lakhe lelingcwele.+
22 Awu Jehova,+ shengatsi lutsandvo lwakho lolucotfo lungehlela kitsi,
Njengobe sichubeka setsembela kuwe.+
Ingoma yaDavide. Imayelana nalesikhatsi atenta luhlanya+ embikwa-Abimeleki lowabese uyamcosha, futsi Davide wahamba.
א [Aleph]
34 Ngitawudvumisa Jehova ngaso sonkhe sikhatsi;
Angeke ngiyekele kumdvumisa.
ב [Beth]
2 Ngitawutigcabha ngaJehova;+
Labatfobekile batawuva futsi bajabule.
ג [Gimel]
3 Dvumisani Jehova kanye nami;+
Asiphakamiseni libito lakhe sikanyekanye.
ד [Daleth]
4 Ngathantaza kuJehova, yena wangiphendvula.+
Wangikhulula kuko konkhe lengikwesabako.+
ה [He]
5 Bayajabula labo labametsembako;
Futsi angeke bahlazeke.
ז [Zayin]
6 Lophansi* wakhala, futsi Jehova wamuva.
Wamsindzisa kuko konkhe kuhlupheka kwakhe.+
ח [Heth]
ט [Teth]
י [Yod]
9 Yesabani Jehova, nonkhe nine labangcwele bakhe,
Ngobe labo labamesabako abesweli lutfo.+
כ [Kaph]
10 Ngisho nemabhubesi lasakhula futsi lanemandla* ayalamba,
Kodvwa labafuna Jehova ngeke beswele lutfo loluhle.+
ל [Lamed]
11 Wotani madvodzana ami, ningilalele;
Ngitanifundzisa kwesaba Jehova.+
מ [Mem]
12 Ngubani emkhatsini wenu lofuna kujabulela kuphila
Futsi longatsandza kuphila emalanga lamanyenti lajabulisako?+
נ [Nun]
ס [Samekh]
ע [Ayin]
פ [Pe]
16 Kodvwa Jehova* umelene nalabenta lokubi,
Utawubabhubhisa kuze bangaphindze bakhunjulwe emhlabeni.+
צ [Tsade]
ק [Qoph]
ר [Resh]
ש [Shin]
ת [Taw]
21 Lomubi utawubulawa yinhlekelele;
Labo labenyanya labalungile batawubekwa licala.
Ingoma yaDavide.
3 Phakamisa sikhali sakho nelizembe* lakho umelane nalabangicoshako.+
Tsani kimi: “Ngiyinsindziso yakho.”+
4 Shengatsi labo labatingela kuphila kwami bangadliwa ngemahloni futsi bahlazeke.+
Shengatsi labo labahlela kungibulala bangajika banemahloni.
5 Shengatsi bangaba njengemakhoba nakapheshulwa ngumoya;
Shengatsi ingilosi yaJehova ingabacosha.+
6 Indlela yabo ayibe mnyama futsi ishelele
Njengobe ingilosi yaJehova ibagijimisa.
7 Nanobe ngite licala, bangitsiye ngelinethi kuze bangibambe,
Futsi bangimbele umgodzi.
8 Shengatsi inhlekelele ingabehlela bangakayigadzi;
Shengatsi linethi lebebangitsiye ngalo lingabamba bona;
Shengatsi bangawela kulo futsi babhujiswe.+
9 Kodvwa mine ngitawujabula ngaJehova;
Futsi ngitawujabula ngekutsi uyangisindzisa.
10 Ngitawukhuluma ngayo yonkhe inhlitiyo yami ngitsi:
“Awu Jehova, ngubani lonjengawe?
Ukhulula bantfu labangenamandla kulabanemandla kunabo,+
Ukhulule labangenamandla nalabeswele kulabo lababemuka tintfo tabo.”+
12 Lokuhle lengikwentile bakubuyisela ngalokubi,+
Bangenta ngitive ngicindzetelekile.
13 Kodvwa ngesikhatsi kugula bona, ngembatsa indvwangu yelisaka;
Ngatigongonya ngekutsi ngizile kudla,
Futsi ngesikhatsi umthantazo wami ungaphendvulwa,*
14 Ngahambahamba ngilila kwaba shengatsi ngililela umngani wami nobe umnaketfu wengati;
Ngaguca ngilusizi, njengemuntfu lolilela make wakhe.
15 Kodvwa ngatsi nasenginetinkinga, bajabula futsi bahlangana ndzawonye;
Babutsana kuze bangihlasele ngingakagadzi;
Abayekelanga kunginyundzela.
17 Awu Jehova, kutawuze kube ngunini ubuka ungenti lutfo?+
18 Ngitawubese ngiyakubonga ebandleni lelikhulu,+
Ngikudvumise emkhatsini weticumbi tebantfu.
19 Ungabavumeli labo lengingati kutsi bangitondzelani bangente inhlekisa;
Ungavumi kutsi labo labangenyanyela lite+ baficelane emehlo bahlekise ngami.+
20 Ngobe kute umuntfu labamfisela kuthula,
Kodvwa bacala emanga bente emachinga lamelene nebantfu labanekuthula eveni.+
21 Bavula imilomo yabo bangibeke licala,
Batsi: “Waze walayeka! Waze walayeka! Sesikubonile lebesifuna kukubona.”
22 Awu Jehova, ukubonile loku. Ungachubeki uthulile.+
Awu Jehova, ungabi khashane nami.+
23 Vuka futsi ute utengisita,
Ngimelele ecaleni lengibekwe lona, Jehova Nkulunkulu wami.
24 Awu Jehova Nkulunkulu wami, ngehlulele ngekulunga kwakho;+
Ungabavumeli kutsi bangente inhlekisa.
25 Shengatsi bangete batitjela batsi: “Waze walayeka! Sikutfolile lebesikufuna.”
Shengatsi bangete batsi: “Sicedzile ngaye.”+
26 Shengatsi bonkhe labajabula ngenhlekelele lengehlele
Bangaba nemahloni futsi bahlazeke.
Shengatsi bonkhe labangichoshelako bangadliwa ngemahloni futsi bahlazeke.
27 Kodvwa abamemete ngenjabulo labo labajatjuliswa kutsi ngilungile;
Shengatsi bangahlala batsi:
“Akadvunyiswe Jehova lojabulako nakabona inceku yakhe inekuthula.”+
Sicondziso lesiya kumcondzisi. Ingoma yaDavide loyinceku yaJehova.
36 Sono siyakhuluma ekujuleni kwenhlitiyo yalomubi;
Akamesabi Nkulunkulu.+
2 Ukhohliswa yimicabango yakhe
Kangangekutsi sono sakhe akasiboni futsi akasenyanyi.+
3 Emavi laphuma emlonyeni wakhe ayalimata futsi ayakhohlisa;
Ute kucondza lokudzingwa ngumuntfu kute ente lokulungile.
4 Ngisho alele embhedzeni wakhe, wakha emacebo lalimatako.
Utitjele ngekuhamba endleleni lengakalungi;
Akakubalekeli lokubi.
5 Awu Jehova, lutsandvo lwakho lolucotfo lufika emazulwini,+
Kwetsembeka kwakho kufika emafini.
Awu Jehova, wena ulondvolota* umuntfu kanye nesilwane.+
7 Awu Nkulunkulu, lutsandvo lwakho lolucotfo luligugu kakhulu!+
Ngephansi kwemaphiko akho, kulapho bantfu bakhosela khona.+
10 Chubeka ubakhombisa lutsandvo lolucotfo labo labakwatiko,+
Ubaphatse ngekulunga labanetinhlitiyo leticotfo.+
11 Ungavumi kutsi labatigabatisako bangigcobagcobe ngetinyawo tabo
Nobe kutsi lababi bangicoshe.
12 Bantfu lababi bawile;
Babajike phansi, futsi ngeke bakhone kuvuka.+
Ingoma yaDavide.
א [Aleph]
2 Batawusheshe babune njengetjani+
Babune njengetjani lobuluhlata lobusandza kumila.
ב [Beth]
4 Jabula kakhulu ngaJehova,
Futsi yena utawenetisa tifiso tenhlitiyo yakho.
ג [Gimel]
6 Utakwenta kulunga kwakho kugcame njengekukhanya kwasekuseni,
Ente kulunga kwakho kubonakale njengelilanga lasemini.
ד [Daleth]
Ungatfukutseli ngenca yemuntfu
Lophumelelako ebucilini bakhe.+
ה [He]
ו [Waw]
10 Ngemuva nje kwesikhashana, bantfu lababi ngeke basaba khona;+
Utawubuka lapho bebatfolakala khona,
Kepha batawube bangasekho.+
ז [Zayin]
13 Kodvwa Jehova utamhleka,
Ngobe uyati kutsi lusuku lwekubhujiswa kwakhe luyeta.+
ח [Heth]
14 Lababi bahoshula tinkemba tabo, bagobe nebutjoki babo
Kuze bawise labacindzetelekile nalabeswele,
Futsi babulale labo labacotfo.
15 Kodvwa inkemba yabo itawugwaza tinhlitiyo tabo;+
Nebutjoki babo butawephuka.
ט [Teth]
16 Lokuncane lanako lolungile kuncono
Kunenala labanayo bantfu labanyenti lababi.+
17 Ngobe imikhono yalababi itawephulwa,
Kodvwa Jehova utabasekela labalungile.
י [Yod]
18 Jehova uyakwati loko lababhekana nako labamsulwa,*
Futsi lifa labo litawuhlala kuze kube phakadze.+
19 Ngeke bahlazeke ngelilanga lenhlekelele;
Ngesikhatsi sendlala, bona batawuba nenala.
כ [Kaph]
20 Kodvwa lababi batawushabalala;+
Titsa taJehova titawubuna njengemadlelo laluhlata;
Tinyamalale njengentfutfu.
ל [Lamed]
22 Bantfu lababusiswe nguNkulunkulu batawudla lifa lemhlaba,
Kodvwa labo labacalekisile batawubhujiswa.+
מ [Mem]
נ [Nun]
26 Uhlale abolekisa ngekukhululeka,+
Futsi bantfwana bakhe batawubusiswa.
ס [Samekh]
27 Kubalekele lokubi, wente lokuhle,+
Futsi utawuhlala emhlabeni kuze kube phakadze.
28 Ngobe Jehova uyakutsandza kulunga,
Futsi angeke abalahle labetsembekile kuye.+
ע [Ayin]
פ [Pe]
צ [Tsade]
32 Lomubi ubukisisa lolungile
Kuze ambulale.
ק [Qoph]
34 Yetsemba Jehova futsi uhambe ngendlela yakhe,
Utakuphakamisa, futsi utawudla lifa lemhlaba.+
Utawubona lapho lababi babhujiswa.+
ר [Resh]
35 Ngike ngambona umuntfu losidlova futsi lomubi
Akhula njengesihlahla lesikhulu lesiluhlata, lesisemhlabatsini lesamilela kuwo.+
ש [Sin]
38 Kodvwa bonkhe labenta lokubi batawubhujiswa;
Futsi bantfu lababi bete likusasa.+
ת [Taw]
40 Jehova utawubasita futsi abakhulule.+
Utawubakhulula kubantfu lababi futsi abasindzise,
Ngobe bakhosela kuye.+
Ingoma yaDavide lokufanele ibe sikhumbuto.*
38 Awu Jehova, ungangekhuti ube utfukutsele,
Nobe ungeluleke ngelulaka.+
2 Ngobe imicibisholo yakho ingihlabe yangena,
Nesandla sakho singicindzetele.+
3 Umtimba wami wonkhe uyagula* ngobe wena ungitfukutselele.
Sono sami singenta ngingabi nekuthula.*+
4 Ngobe tono tami tiyangengama;+
Angisakhoni kutetfwala, setifana nemtfwalo lowesindzako.
5 Emanceba ami sekayanuka futsi ayancinca
Ngenca yebulima bami.
6 Ngicindzetelekile futsi ngidvumateke kakhulu;
Lilanga lonkhe ngiva buhlungu.
8 Ngidvubutekile futsi ngephukile emoyeni;
Inhlitiyo yami legcwele lusizi ingenta ngikhale kabuhlungu.*
9 Awu Jehova, wena utati tonkhe tifiso tami,
Futsi kububula kwami akukafihleki kuwe.
11 Bangani bami nabomakhelwane bami sebayangibalekela ngenca yemanceba ami,
Futsi bantfu lengibejwayele sebayatehlukanisa nami.
12 Bantfu labafuna kungibulala bangibekela tingibe;
Labo labafuna kungilimata bakhuluma kabi ngami;+
Lilanga lonkhe bakha emacebo ekukhohlisa.
13 Kodvwa njengemuntfu longeva etindlebeni, bengingabalaleli;+
Nanjengemuntfu longakhoni kukhuluma, bengingawuvuli umlomo wami.+
14 Sengifanana nemuntfu longeva etindlebeni,
Nalongakhoni kukhuluma ativikele.
16 Ngobe ngitsite: “Shengatsi bangete bajabula ngekuhlupheka kwami
Nobe bangichoshele nangishelela.”
17 Besekusele kancane kutsi ngiwe,
Bengihlale ngiva buhlungu.+
20 Lokuhle lengikwentile bakubuyisela ngalokubi;
Bebamelana nami nangifuna kwenta lokuhle.
21 Awu Jehova, ungangilahli.
Awu Nkulunkulu, ungahlali ukhashane nami.+
22 Awu Jehova msindzisi wami,
Phutfuma utongisita.+
Sicondziso lesiya kumcondzisi: Kufanele ihlatjelwe ngendlela yeJeduthuni.*+ Ingoma yaDavide.
39 Ngatsi: “Ngitawugadza tinyatselo tami
Kute ngingoni ngelulwimi lwami.+
Ngitawufaka sifonyo kute ngigadze umlomo wami+
Yingci nje nakusenalomubi eceleni kwami.”
2 Ngabindza ngangakhulumi;+
Ngangete ngasho lutfo ngisho nangalokuhle,
Kodvwa buhlungu lebengibuva bebubukhulu kakhulu.*
Ekugcineni ngatsi:
4 “Awu Jehova, ngisite ngati kutsi ngitawuphelela kuphi,
Ngati nemalanga ekuphila kwami,+
Kute ngati kutsi kuphila kwami kufishane kangakanani.*
Wonkhe umuntfu, nanobe angabonakala avikelekile, ufana nemoya nje lophuma emakhaleni.+ (Sela)
6 Ngako kuphila kwemuntfu kufana nesitfunti.
7 Awu Jehova, yini nje lengingaba nelitsemba layo?
Nguwe wedvwa lolitsemba lami.
8 Ngikhulule kuto tonkhe tono tami.+
Ungasivumeli silima kutsi singedzelele.
9 Ngachubeka ngibindzile;
Bengingakhoni kuvula umlomo wami,+
Ngobe nguwe lobangele kutsi konkhe loku kwenteke.+
10 Kususe lokuhlupheka longibangele kona.
Sengiphelelwe ngemandla ngobe sandla sakho siyangihlasela.
11 Nawekhuta umuntfu, umjezisa ngenca yekona kwakhe;+
Ushwabadzela tintfo takhe letiligugu kuhle kwemvunya.
Wonkhe umuntfu ufana nemoya nje lophuma emakhaleni.+ (Sela)
12 Awu Jehova, lalela umthantazo wami,
Ngilalele nangikhalela lusito.+
Ungenti shengatsi awutiboni tinyembeti tami.
Ngobe ngimane nje ngisihambi embikwakho,+
Ngingumuntfu nje lowendlulako,* njengabo bonkhe bokhokho bami.+
13 Yekela kungibuka kabi khona ngitewujabula
Ngaphambi kwekutsi ngife futsi nginyamalale.”
Sicondziso lesiya kumcondzisi. Ingoma yaDavide.
40 Ngatsembela kuJehova ngayo yonkhe inhlitiyo yami,*
Yena wasondzeta indlebe yakhe kimi* futsi wangiva nangikhalela lusito.+
2 Wangikhipha emgodzini,
Wangikhipha eludzakeni lolubishako.
Wabeka tinyawo tami etikwelidvwala;
Futsi wangenta ngasima.
3 Wabese ufaka ingoma lensha emlonyeni wami,+
Ingoma yekudvumisa Nkulunkulu wetfu.
Bantfu labanyenti batawubuka bamangele,
Futsi betsembele kuJehova.
4 Uyajabula umuntfu lowetsembela kuJehova
Futsi longetsembeli kulabangalaleli nobe kulabo labaphila ngemanga.*
5 Awu Jehova Nkulunkulu wami,
Tinyenti tintfo letimangalisako losentele tona,
Tinyenti netintfo loticabangako ngatsi.+
Kute lofana nawe;+
Nangingetama kulandzisa ngato futsi ngikhulume ngato,
Betitawuba tinyenti kakhulu kutsi ngingatibala!+
Awuzange ucele iminikelo yekushiswa neminikelo yesono.+
7 Ngako mine ngatsi: “Naku ngitile.
Encwadzini lengumculu* kubhalwe ngami.+
8 Awu Nkulunkulu wami, kuyangijabulisa* kwenta intsandvo yakho,+
Umtsetfo wakho usenhlitiyweni yami.+
9 Tindzaba letimnandzi tekulunga ngitimemetela ebandleni lelikhulu.+
Awu Jehova, angitivali tindzebe tami,+
Njengobe wena ukwati kahle loko.
10 Kulunga kwakho ngiyakunaka.
Ngishumayela ngekwetsembeka kwakho nangensindziso yakho.
Angilufihli lutsandvo lwakho lolucotfo nekwetsembeka kwakho ebandleni lelikhulu.”+
11 Awu Jehova, ungangigodleli umusa wakho.
Shengatsi lutsandvo lwakho lolucotfo nekwetsembeka kwakho kungahlale kungilondvolota.+
12 Angeke ngikhone ngisho nekutibala tinhlekelele letingitungeletile.+
Emaphutsa ami semanyenti kakhulu kangangekutsi angisaboni nekutsi ngibhekaphi;+
Manyenti kakhulu kwendlula tinwele letisenhloko yami,
Futsi sengilahlekelwe litsemba.
13 Awu Jehova, ngicela ube nesifiso sekungikhulula.+
Phutfuma ungisite Jehova.+
14 Shengatsi bonkhe labafuna kungibulala
Bangadliwa ngemahloni futsi bahlazeke.
Shengatsi labo labajabula ngekuhlupheka kwami
Bangahlehlela emuva bahlazekile.
15 Shengatsi labo labatsi kimi: “Waze walayeka! Waze walayeka!”
Bangacansuka ngenca yekuhlazeka kwabo.
Shengatsi labo labatsandza kusindziswa nguwe bangahlale batsi:
“Akadvunyiswe Jehova.”+
17 Ngite emandla futsi ngeswele;
Shengatsi Jehova anganginaka.
Sicondziso lesiya kumcondzisi. Ingoma yaDavide.
41 Uyajabula umuntfu losita lophansi;+
Jehova utamkhulula ngelilanga lenhlekelele.
4 Ngobe ngitsite: “Awu Jehova, ngentele umusa.+
Ngiphilise,+ ngobe ngonile kuwe.”+
5 Kodvwa titsa tami tikhuluma kabi ngami, titsi:
“Kantsi utawufa nini, kuze ligama lakhe lingasakhunjulwa?”
6 Nakwenteka munye kuto atengihlola, ufike akhulume emanga kimi.*
Ufuna tintfo letimbi langatisho ngami;
Bese utisakata yonkhe indzawo.
7 Bonkhe labangenyanyako bahlebelana bodvwana,
Benta lichinga lelimelene nami, batsi:
8 “Wehlelwe yintfo lembi;
Njengobe nyalo alele phansi, angeke aphindze avuke.”+
10 Kodvwa wena Jehova, ngentele umusa futsi ungiphakamise,
Kuze ngibajezise ngaloko labakwentile.
11 Ngitawati kutsi uyajabula ngami
Nangabe titsa tami tingeke tingincobe.+
Amen, yebo Amen.
INCWADZI YESIBILI
(Tihlabelelo 42-72)
Sicondziso lesiya kumcondzisi. Imaskili yemadvodzana aKhora.+
42 Njengenyamatane leyomele emanti,
Nami ngilangatelela wena Nkulunkulu.
2 Ngitawufika nini futsi ngibonakale embikwaNkulunkulu?
Awu Nkulunkulu, wena Nkulunkulu lophilako, ngiyalilangatelela lelolanga.+
3 Tinyembeti tami tikudla kwami busuku nemini;
Bantfu bangedzelela lilanga lonkhe, batsi: “Uphi loNkulunkulu wakho?”+
4 Inhlitiyo yami iva buhlungu lobukhulu* nangikhumbula emuva,
Ngobe ngake ngahamba nesicumbi lesikhulu sebantfu;
Bengivame kuhamba kancane embikwaso ngisihola nasiya endlini yaNkulunkulu,
Besimemeta sijabulile futsi sibonga,
Simemeta njengesicumbi lesigubha umkhosi.+
5 Kungani ngiphelelwe* litsemba?+
Ngentiwa yini kutsi ngikhatsateke kangaka?
Ngitawulindzela Nkulunkulu,+
Ngobe ngisetawuchubeka ngimdvumisa njengobe anguMsindzisi wami Lomkhulu.+
6 Sengiphelelwe litsemba Nkulunkulu wami.+
7 Emanti lashonako abitana odvwana
Nakuvakala umsindvo wemabhudlo akho.
Tinkinga setingengame njengemagagasi akho lanemandla.+
8 Emini Jehova utangentela umusa,*
Ngitawuhlabela ngaye ebusuku, ngithantaze kuNkulunkulu longiniketa kuphila.+
9 Ngitawutsi kuNkulunkulu lolidvwala lami:
“Ungikhohlwe leni?+
Kungani kufanele ngihambahambe ngidzabukile ngenca yekucindzetelwa sitsa sami?”+
10 Titsa tami tiyangedzelela ngenca yekutsi tiyangenyanya;*
Tingedzelela lilanga lonkhe, titsi: “Uphi loNkulunkulu wakho?”+
11 Kungani ngiphelelwe* litsemba?
Ngentiwa yini kutsi ngikhatsateke kangaka?
Ngitawulindzela Nkulunkulu,+
Ngobe ngisetawuchubeka ngimdvumisa njengobe anguMsindzisi wami Lomkhulu, longuNkulunkulu wami.+
Ngikhulule kumuntfu lokhohlisako nalongakalungi.
2 Ngobe wena unguNkulunkulu wami, uyindzawo yami levikelekile.+
Ungilahleleni?
Kungani kufanele ngihambahambe ngidzabukile ngenca yekucindzetelwa sitsa sami?+
3 Tfumela kukhanya kwakho neliciniso lakho.+
Shengatsi kungangihola;+
Shengatsi kungangiholela entsabeni yakho lengcwele nasethendeni lakho lelikhulu lekukhontela.+
4 Ngitawubese ngiya e-al’thare laNkulunkulu,+
Ngiye kuNkulunkulu, longumtfombo wenjabulo yami lenkhulu.
Awu Nkulunkulu, ngitakudvumisa ngelihabhu,+ wena Nkulunkulu wami.
5 Kungani ngiphelelwe litsemba?
Ngentiwa yini kutsi ngikhatsateke kangaka?
Ngitawulindzela Nkulunkulu,+
Ngobe ngisetawuchubeka ngimdvumisa njengobe anguMsindzisi wami Lomkhulu, longuNkulunkulu wami.+
Sicondziso lesiya kumcondzisi. Imaskili* yemadvodzana aKhora.+
44 Awu Nkulunkulu, sivile ngetindlebe tetfu,
Bokhokho betfu basicocela+
Loko lowakwenta emalangeni abo,
Emalangeni asendvulo.
Wancoba tive futsi waticosha.+
Kunaloko bancoba ngesandla sakho sangesekudla, nangemandla akho+ kanye nangemusa wakho,
Ngobe wena bewujabula ngabo.+
6 Ngobe angiketsembeli ebutjokini bami,
Nenkemba yami ngeke ingisindzise.+
7 Nguwe lowasisindzisa etitseni tetfu,+
Nalowenta labo labasenyanyako bahlazeka.
8 Awu Nkulunkulu, sitakudvumisa lilanga lonkhe,
Futsi sitawudvumisa libito lakho kuze kube phakadze. (Sela)
9 Kodvwa nyalo sewusilahlile, wasenta sahlazeka,
Futsi awusaphumi nemabutfo etfu.
10 Wenta kutsi sihlale sibalekela titsa tetfu;+
Labo labasenyanyako batitsatsela nobe yini labayifunako.
11 Uyasinikela kute sidliwe kuhle kwetimvu;
Usisakatele etiveni.+
13 Usente sahlazeka kubomakhelwane betfu,
Wasenta saba yinhlekisa futsi sedzelelwa ngulesakhelene nabo.
14 Wenta tive tisedzelele,+
Futsi bantfu banikina tinhloko nabasibona.
15 Lilanga lonkhe ngitiva ngihlazekile,
Futsi ngidliwa ngemahloni,
16 Nangibeva basedzelela futsi basetfuka,
Nangenca yesitsa setfu lesitiphindziselela kitsi.
17 Konkhe loku kusehlele, kodvwa wena asikakukhohlwa,
Futsi asikasephuli sivumelwane lesasenta nawe.+
18 Tinhlitiyo tetfu atikaphambuki;
Netinyawo tetfu atisuki endleleni yakho.
19 Kodvwa usente sancotjelwa lapho kubutsana khona bojakalazi;
Wasimbonya ngebumnyama lobukhulu.
20 Nangabe silikhohliwe libito laNkulunkulu wetfu
Nobe nangabe siphakamisa tandla sithantaze kulomunye nkulunkulu,
21 Angeke yini Nkulunkulu akubone loku?
Yena uyakwati lokufihleke etinhlitiyweni tetfu.+
22 Ngenca yakho sibulawa malanga onkhe;
Futsi sinjengetimvu letiyohlatjwa.+
23 Phaphama. Awu Jehova, ulele leni?+
Vuka! Ungasilahli kuze kube phakadze.+
24 Ubufihleleni buso bakho?
Kungani ungakukhumbuli kuhlupheka nekucindzetelwa kwetfu?
25 Ngobe siwiselwe phansi elutfulini;
Silele phansi emhlabatsini.+
26 Vuka usisite!+
Sikhulule* ngenca yelutsandvo lwakho lolucotfo.+
Sicondziso lesiya kumcondzisi: Kufanele ihlatjelwe ngendlela letsi: “Timbali.”* Imaskili* yemadvodzana aKhora.+ Ingoma yelutsandvo.
45 Inhlitiyo yami itsintfwe yindzaba lemnandzi.
Ngitsi: “Ingoma yami* imayelana nenkhosi.”+
Shengatsi lulwimi lwami lungafana nelutsi lwekubhala+ lwembhali* lonelikhono.+
2 Awu nkhosi, wena umuhle kunawo onkhe emadvodzana ebantfu.
Emlonyeni wakho kuphuma emavi lamnandzi.+
Kungako Nkulunkulu akubusise phakadze naphakadze.+
4 Phuma uyewuncoba*+ ngobe uyakhatimula;
Gibela lihhashi lakho futsi ulwele labatfobekile, ulwele liciniso nekulunga,+
Futsi sandla sakho sangesekudla sitawenta* tintfo letesabekako.
5 Imicibisholo yakho iyakhalipha, yenta bantfu bawe embikwakho;+
Igwaza tinhlitiyo tetitsa tenkhosi.+
7 Wena wakutsandza kulunga+ futsi wabutondza bubi.+
Kungako Nkulunkulu, longuNkulunkulu wakho akugcobe+ ngemafutsa futsi wakwenta wajabula kakhulu+ kwendlula onkhe lamanye emakhosi.
8 Tonkhe timphahla takho tinukelela emakha emure, enhlaba* newekhasiya;
Ujatjuliswa tinsimbi temculo letikhala esigodlweni lesikhulu, lesihlotjiswe ngematinyo endlovu.
9 Emkhatsini webafati lobahloniphako, kunemadvodzakati emakhosi.
Inkhosikati ime ngesekudla sakho, itihlobise ngeligolide lase-Ofiri.+
10 Awu ndvodzakati, lalela, unake futsi usondzete indlebe yakho;
Bakhohlwe bantfu bakini, uyikhohlwe nendlu yababe wakho.
11 Inkhosi itawukhangwa buhle bakho.
Iyinkhosi yakho,
Ngako yikhotsamele.
13 Indvodzakati yenkhosi iyacwebetela ngekhatsi esigodlweni;
Timphahla tayo tihlotjiswe ngeligolide.*
14 Itawuletfwa enkhosini yembetse tingubo letinhle letelukiwe.*
Tintfombi letiyiphekeletelako nato titawuletfwa embikwenkhosi.*
15 Kutawube kutfokotiwe futsi kujatjuliwe nabaletfwa;
Batawungena esigodlweni senkhosi.
16 Emadvodzana akho atawutsatsa sikhundla sabokhokho bakho.
Utawabeka kutsi abe babusi emhlabeni wonkhe.+
17 Ngitawukhuluma ngelibito lakho kuto tonkhe titukulwane letitako.+
Kungako bantfu batakudvumisa phakadze naphakadze.
Sicondziso lesiya kumcondzisi. Ingoma yemadvodzana aKhora.+ Kufanele ihlatjelwe nge-Alamothi.*
2 Ngiko singeke sesabe, ngisho nobe umhlaba ungatamatama,
Ngisho nobe tintsaba tingawela ekujuleni kwelwandle,+
3 Ngisho nobe emanti elwandle angahlokoma futsi aphukuhle emagwebu,+
Ngisho nobe tintsaba tinganyakata ngenca yekutfukutsela kwalo. (Sela)
4 Kunemfula lonemifudlana lejabulisa bantfu labahlala edolobheni laNkulunkulu,+
Ethendeni lelikhulu lelingcwele laLosetikwako Konkhe.
5 Nkulunkulu ukulelidolobha,+ kungako lingeke lincotjwe.
Nkulunkulu utalisita entsatsakusa.+
6 Bekunesiphitsiphitsi etiveni, imibuso yancotjwa;
Nkulunkulu wamemeta, futsi umhlaba wancibilika.+
8 Wotani nitewubona imisebenti yaJehova,
Nibone kutsi wente tintfo letimangalisako emhlabeni.
9 Ucedza timphi emhlabeni wonkhe.+
Wephula butjoki, ephule nesikhali sibe ticucu;
Futsi ushisa tincola temphi* ngemlilo.
10 Yena utsi: “Titfobeni futsi nati kutsi nginguNkulunkulu.
Sicondziso lesiya kumcondzisi. Ingoma yemadvodzana aKhora.+
47 Shayani tandla nonkhe nine bantfu.
Dvumisani Nkulunkulu, nimemete nijabulile.
3 Wenta bantfu babe ngephansi kwetfu;
Ubeka tive ngephansi kwetinyawo tetfu.+
5 Nkulunkulu ukhuphuke ngesikhatsi bantfu bamemeta bajabulile;
Jehova ukhuphuke ngesikhatsi bantfu bashaya luphondvo.*
6 Dvumisani* Nkulunkulu, mdvumiseni.
Dvumisani iNkhosi yetfu, yidvumiseni.
7 Ngobe Nkulunkulu uyiNkhosi yemhlaba wonkhe;+
Hlabelani nimdvumise, futsi nikhombise kutsi ninekucondza.
8 Nkulunkulu uyiNkhosi etiveni.+
Uhleti esihlalweni sakhe sebukhosi lesingcwele.
9 Baholi betive babutsene ndzawonye
Kanye nesive saNkulunkulu wa-Abrahama.
Ngobe babusi* bemhlaba baNkulunkulu.
Yena uphakeme kakhulu.+
Ingoma yemadvodzana aKhora.+
48 Jehova mkhulu futsi kufanele advunyiswe kakhulu
Edolobheni laNkulunkulu wetfu, entsabeni yakhe lengcwele.
2 INtsaba iSiyoni lesemaphetselweni enyakatfo,
Lokulidolobha leNkhosi Lenkhulu,+
Yinhle ngekuphakama kwayo, iyinjabulo yemhlaba wonkhe.+
3 Emibhoshongweni yalelidolobha levikelekile,
Nkulunkulu utente watiwa kutsi uyindzawo yekukhosela lephephile.*+
4 Emakhosi ahlangene ndzawonye;*
Ahamba aya kulo.
5 Atsi nakalibona amangala.
Esaba futsi abaleka etfukile.
6 Achachateliswa kwesaba,
Efikelwa buhlungu lobufana nebemfati lobelekako.
7 Wena wephula imikhumbi yaseThashishi ngemoya wasemphumalanga.
8 Tintfo lesativa sesitibonele ngewetfu
Edolobheni laJehova wemabutfo, edolobheni laNkulunkulu wetfu.
Nkulunkulu utawenta lelidolobha lihlale liphephile kuze kube phakadze.+ (Sela)
9 Awu Nkulunkulu, sicabangisisa ngelutsandvo lwakho lolucotfo,+
Sisethempelini lakho.
10 Awu Nkulunkulu, kudvunyiswa kwakho Kufika emaphetselweni emhlaba
njengelibito lakho.+
Sandla sakho sangesekudla sigcwele kulunga.+
11 Shengatsi iNtsaba iSiyoni+ ingajabula,
Shengatsi emadolobha* akaJuda angatfokota, ngenca yetehlulelo takho.+
13 Bukisisani tindvonga tayo leticinile.*+
Hlolisisani imibhoshongo yayo levikelekile,
Kuze nicocele titukulwane letitako ngayo.
14 Ngobe loNkulunkulu lowente konkhe loku unguNkulunkulu wetfu+ kuze kube phakadze.
Utasicondzisa phakadze naphakadze.*+
Sicondziso lesiya kumcondzisi. Ingoma yemadvodzana aKhora.+
49 Lalelani lana, nonkhe nine bantfu.
Nonkhe nine lenihlala eveni,* nakisisani,
2 Nani nine bantfukatana netikhulu,*
Nani labanjingile nalabeswele.
3 Ngitawukhuluma emavi lahlakaniphile ngemlomo wami,
Nekuzindla kwenhlitiyo yami+ kutawukhombisa kutsi nginekucondza.
4 Ngitawunakisisa saga;
Ngichaze siphicwaphicwane sami ngibe ngishaya lihabhu.
5 Yini nje lengingayesaba ngetikhatsi tebumatima,+
Nangitungeletwe bantfu lababi* labetama kungiwisa?
6 Labetsembele ebunjingeni babo+
Futsi labatigabatisa ngemcebo wabo lomnyenti,+
7 Kute ngisho namunye kubo longahlenga lomunye
Nobe amhlawulele kuNkulunkulu,+
8 (Inhlawulo yekutsenga kuphila kwabo ibita kakhulu
Futsi angeke baze bakhone kuyikhokha);
9 Kuze aphile phakadze futsi angayi ethuneni.*+
10 Wonkhe umuntfu uyabona kutsi labahlakaniphile bayafa;
Tilima kanye nebantfu labangenangcondvo nabo bayafa,+
Futsi umcebo wabo bayawushiya utsatfwe ngulabanye.+
11 Etinhlitiyweni tabo bafisa kutsi tindlu tabo tihlale phakadze,
Nekutsi emathende abo ahlale akhona kuto tonkhe titukulwane.
Tindzawo tabo batibite ngemagama abo.
13 Ngulesi-ke siphetfo setilima+
Nesalabo labatilandzelako, labajatjuliswa ngemavi ato lalite. (Sela)
14 Batawuphetsela eThuneni,* njengetimvu letiyohlatjwa.
Kufa kutabelusa;
Labalungile batababusa+ ekuseni.
16 Ungakhatsateki nangabe umuntfu anjinga,
Nangabe sekanetintfo letinyenti endlini yakhe,
17 Ngobe nakafa kute latawuhamba nako;+
Bunjinga bakhe angeke angcwatjwe nabo.+
18 Nakasaphila uyatidvumisa.+
(Bantfu bayakudvumisa nawuphumelela.)+
19 Kodvwa ekugcineni naye utawufa njengabokhokho bakhe.
Angeke baphindze bakubone kukhanya.
20 Umuntfu longakucondzi loku, ngisho nobe ahlonishwa,+
Uyafanana nje netilwane letifako.
Ingoma ya-Asafa.+
50 Jehova Nkulunkulu lophakeme kunabo bonkhe bonkulunkulu,*+ ukhulumile;
Ubitele umhlaba kuye
Kusukela emphumalanga kuye enshonalanga.
2 Nkulunkulu ukhatimula eSiyoni lenhle ngalokuphelele.+
3 Nkulunkulu wetfu utawufika futsi angeke abindze.+
5 “Hlanganisani ndzawonye labacotfo bami,
Labo labenta nami sivumelwane ngemhlatjelo.”+
6 Emazulu amemetela kulunga kwakhe,
Ngobe Nkulunkulu unguMehluleli.+ (Sela)
7 “Ngilaleleni bantfu bami, mine ngitawukhuluma;
Ngitawufakaza ngalokumelene nawe, wena Israyeli.+
Mine nginguNkulunkulu, nginguNkulunkulu wakho.+
8 Anginekhuti ngenca yemihlatjelo yenu,
Nobe iminikelo yekushiswa lephelele lenihlale niyinikela embikwami.+
10 Ngobe tonkhe tilwane tesiganga tami,+
Ngisho netilwane letikuto tonkhe tintsaba nato tami.
11 Ngitati tonkhe tinyoni letisetintsabeni;+
Tonkhe tilwane letisesigangeni tami.
12 Kube bengilambile, bengingeke nginitjele,
Ngobe umhlaba nako konkhe lokukuwo kwami.+
13 Ngiyakudzinga yini kudla inyama yetinkunzi
Nekunatsa ingati yetimbuti?+
14 Nikelani tinhlitiyo letibongako tibe ngumhlatjelo kuNkulunkulu,+
Nigcine netifungo tenu kuLosetikwako Konkhe;+
15 Ngibiteni ngetikhatsi letimatima.+
Mine ngitanikhulula, futsi nine nitangidvumisa.”+
16 Kodvwa Nkulunkulu utawutsi kulomubi:
19 Uhlale ukhuluma tintfo letimbi ngemlomo wakho,
Ukhohlise nangelulwimi lwakho.+
21 Watsi nawenta letintfo ngabindza,
Ngako wacabanga kutsi ngitawulingisa wena.
Kodvwa nyalo ngitakutsetsisa,
Futsi ngitakutjela tono takho.+
22 Nine leningasamlaleli Nkulunkulu, cabangisisani ngaloku,+
Kuze nginganidzabudzabuli nibe ticucu, kube kute nalotanikhulula.
23 Umuntfu lonikela inhlitiyo lebongako ibe ngumhlatjelo kimi uyangidvumisa,+
Futsi loyo lophila ngendlela lecondzile,
Utayibona insindziso yami.”+
Sicondziso lesiya kumcondzisi. Ingoma yaDavide. Imayelana nalesikhatsi umphrofethi Nathani eta kuye, ngemuva kwekutsi Davide alele naBhathisheba.+
51 Awu Nkulunkulu, ngihawukele ngobe wena unelutsandvo lolucotfo.+
Yesula tono tami ngobe unemusa lomkhulu.+
3 Ngobe ngiwati kahle emaphutsa ami,
Futsi ngihlale ngicabanga ngesono lengisentile.+
Ngako kulungile kutsi ungilahle ngelicala
Futsi wena ungehlulele kahle.+
5 Ngatalwa nginesono,
Ngaba nesono kusukela make atsatsa sisu.+
6 Wena uyamtsandza umuntfu lowetsembeke mbamba;+
Ngako yenta inhlitiyo yami yati kuhlakanipha lokungiko.
8 Ngente ngijabule futsi ngihalalise,
Khona ngitewutfokota ngisho nobe ufihlite ematsambo ami.+
10 Awu Nkulunkulu, yenta inhlitiyo yami ibe msulwa,+
Ungiphe ingcondvo lensha futsi lengashintjashintji.+
11 Ungangicoshi embikwakho;
Futsi ungangemuki umoya wakho longcwele.
12 Phindze ungente ngijabule ngendlela bengijabula ngayo nawungisindzisa;+
Ngente ngibe nesifiso sekukulalela.
13 Bantfu lababi ngitabafundzisa tindlela takho.+
Toni titawubuyela kuwe.
14 Awu Nkulunkulu, ngikhulule ecaleni lengati,+ wena Nkulunkulu longumsindzisi wami,+
Kuze ngimemetele ngekulunga kwakho ngijabulile.+
15 Awu Jehova, vula umlomo wami,
Kute ngimemetele ludvumo lwakho.+
16 Ngobe wena awuwudzingi umhlatjelo, kube bewuwudzinga bengingawenta;+
Futsi awujatjuliswa ngumnikelo wekushiswa lophelele.+
17 Imihlatjelo yebantfu labephukile emoyeni iyamjabulisa Nkulunkulu;
Awu Nkulunkulu, angeke uyibukele phansi inhlitiyo leyephukile naledzabukile.+
18 Khombisa umusa wakho futsi wentele iSiyoni lokuhle;
Yakha kabusha lubondza lwaseJerusalema.
19 Utawubese uyajabula ngemihlatjelo yebantfu labalungile,
Lokuyimihlatjelo leshiswako nalenikelwa yonkhe;
Futsi tinkunzi titawunikelwa e-al’thare lakho.+
Sicondziso lesiya kumcondzisi. Imaskili* yaDavide. Imayelana nalesikhatsi Dowegi um-Edomu aya kuSawula ayomtjela kutsi Davide usendlini ya-Ahimeleki.+
52 Wena muntfu lomubi, utigabatiselani ngetintfo letimbi lotentako?+
Lutsandvo lwaNkulunkulu lolucotfo luhlale lukhona ngaso sonkhe sikhatsi.+
3 Utsandza lokubi kwendlula lokuhle,
Utsandza nekukhuluma emanga kunekukhuluma liciniso. (Sela)
4 Utsandza kulimata labanye ngemavi akho,
Lulwimi lwakho lukhuluma emanga.
5 Kungako Nkulunkulu atakususa siphelane;+
Utakuhudvula akukhiphe ethendeni lakho;+
Akususe eveni.+ (Sela)
7 “Ase nibuke nangu umuntfu longazange aphephele kuNkulunkulu,+
Kodvwa lowetsemba umcebo wakhe lomnyenti+
Atitjela kutsi emacebo akhe lamabi atamsita.”
8 Kodvwa mine ngitawuba njengesihlahla semncumo lesiluhlata endlini yaNkulunkulu;
9 Ngitakudvumisa kuze kube phakadze ngenca yetintfo lotentile;+
Embikwebantfu bakho labacotfo
Ngitawetsembela egameni lakho,+ ngobe konkhe lokwentile kuhle.
Sicondziso lesiya kumcondzisi: Kufanele ihlatjelwe ngeMahalathi.* Imaskili* yaDavide.
53 Bantfu labatilima* batsi etinhlitiyweni tabo:
“Jehova akekho.”+
Tintfo labatentako tikhohlakele futsi tiyenyanyeka;
Kute ngisho namunye lowenta lokuhle.+
2 Kodvwa Nkulunkulu ubuka phansi asezulwini, abuke emadvodzana ebantfu+
Kuze abone kutsi ukhona yini lonekucondza, nekutsi ukhona yini lofuna Jehova.+
3 Bonkhe bayekele kwenta lokuhle;
Bonkhe bakhohlakele.
Kute lowenta lokulungile,
Kute ngisho namunye.+
4 Kute yini kubo lonekucondza?
Bashwabadzela bantfu bami shengatsi badla sinkhwa.
Abambiti Jehova.+
5 Kodvwa batawufikelwa kwesaba lokukhulu,
Kwesaba lokungazange sekubafikele,*
Ngobe Nkulunkulu utawusakata ematsambo alabahlasela Israyeli.
Wena Israyeli utawubenta bahlazeke, ngobe Jehova ubalahlile.
6 Shengatsi insindziso yema-Israyeli ingavela eSiyoni!+
Mhlazana Jehova ababuyisela emuva bantfu bakhe labatfunjiwe,
Jakobe uyawujabula, na-Israyeli atfokote.
Sicondziso lesiya kumcondzisi: Kufanele idlalwe netinsimbi temculo letinetintsambo. Imaskili* yaDavide. Imayelana nangesikhatsi bantfu baseZifu baya kuSawula bafike batsi: “Davide ubhace eveni letfu.”+
2 Lalela umthantazo wami Nkulunkulu;+
Unakisise emavi ami.
3 Ngobe titsa tiyangihlasela,
Nebantfu labakhohlakele bafuna kungibulala.+
Abamhloniphi Nkulunkulu.+ (Sela)
4 Nkulunkulu ungumsiti wami;+
Jehova uyabasekela labo labangisitako.
6 Ngitawuletsa umnikelo kuwe+ ngekutitsandzela.
Awu Jehova, ngitalidvumisa libito lakho ngobe lihle.+
Sicondziso lesiya kumcondzisi: Kufanele idlalwe netinsimbi temculo letinetintsambo. Imaskili* yaDavide.
2 Nginake, ungiphendvule.+
Angikutfoli kuphumula ngendlela lengikhatsateke ngayo,+
Futsi ngicindzetelekile
3 Ngenca yemavi etitsa tami
Nekucindzetelwa ngulababi.
Bangibangela kuhlupheka lokunyenti,
Bayangitfukutselela futsi bayangenyanya.+
5 Ngiyesaba futsi ngiyavevetela,
Ngishaywa naluvalo.
6 Ngihlale ngitsi: “Kube mane nginetimphiko njengelituba!
Bengitawundiza ngiyohlala endzaweni lephephile.
8 Bengitawubaleka ngiye endzaweni lephephile,
Lekhashane nemoya lomkhulu kanye nesivunguvungu.”
9 Awu Jehova, basanganise futsi wente emacebo abo angaphumeleli,+
Ngobe kulelidolobha ngibone budlova nekulwa.
10 Kuhambahamba etikwetindvonga talo imini nebusuku;
Bubi nelusizi kugcwele kulo.+
11 Inhlekelele ingekhatsi kulo;
Emakethe yakhona, bantfu bahlale bacindzetelekile futsi bakhohliswa.+
12 Lona longedzelelako akasiso sitsa sami;+
Kube bekangiso bengitambeketelela.
Lona lomelene nami akusuye umuntfu longitondzako;
Kube bekanguye bengitambhacela.
14 Besibangani labakhulu;
Futsi bengihamba nawe nasiya endlini yaNkulunkulu sikanye nesicumbi sebantfu.
15 Shengatsi titsa tami tingabhujiswa!+
Shengatsi tingangcwatjwa tiphila;
Ngobe kunebubi lapho tihlala khona, netinhlitiyo tato timbi.
16 Kodvwa mine ngitawukhala kuJehova Nkulunkulu,
Futsi yena utangisindzisa.+
17 Kusukela ekuseni lize liyoshona ngisuke ngikhatsatekile futsi ngibuhlungu,+
Bese yena uyakuva kukhala kwami.+
18 Utangikhulula kulabo labalwa nami futsi angente ngibe nekuthula,
Ngobe banyenti labamelene nami.+
19 Nkulunkulu utangiva futsi angiphindziselele kubo,+
Yena lohleti esihlalweni sebukhosi kusukela kadzeni.+ (Sela)
Ngeke bashintje
Labo labangamesabi Nkulunkulu.+
21 Emavi akhe ashelela kwendlula libhotela,+
Kodvwa enhlitiyweni yakhe ufukamele imphi.
Emavi akhe atsambe kwendlula emafutsa,
Kodvwa anjengetinkemba letikhaliphako.+
Ngeke aze avume kutsi lolungile awe.+
23 Wena Nkulunkulu utabehlisela ethuneni bantfu lababi.+
Babulali nebakhohlisi angeke baphile sikhatsi lesidze.+
Kodvwa mine ngitawetsembela kuwe.
Sicondziso lesiya kumcondzisi: Kufanele ihlatjelwe ngendlela letsi: “Lituba Lelikhashane.” Imiktamu* yaDavide. Imayelana nalesikhatsi emaFilisti ambamba eGathi.+
56 Awu Nkulunkulu, ngentele umusa ngobe bantfu bayangihlasela.
Onkhe malanga balwa nami futsi bayangicindzetela.
2 Titsa tami tingihlasela onkhe malanga;
Banyenti labalwa nami, batitjele kutsi batangehlula.
3 Nangesaba,+ ngivele ngetsembele kuwe.+
4 Ngetsembele kuNkulunkulu, futsi livi lakhe ngiyalidvumisa;
Ngetsembele kuNkulunkulu, ngiko ngingesabi.
Umuntfu angangentani nje?+
5 Bangihlupha onkhe malanga;
Bahlale nje bacabanga kungilimata.+
7 Balahle ngenca yebubi lababentile.
Awu Nkulunkulu, jezisa tive ngenca yentfukutselo yakho.+
8 Wena uyangibona nangibaleka ngisuka kulenye indzawo ngiya kulenye.+
Yetsa tinyembeti tami esikhwameni sakho sesikhumba.+
Kuhlupheka kwami ukubhalile encwadzini yakho.+
9 Titsa tami titawubaleka mhlazana ngikhalela lusito.+
Ngiyaciniseka kutsi Nkulunkulu ungakimi.+
10 Ngetsembele kuNkulunkulu, futsi livi lakhe ngiyalidvumisa;
Ngetsembele kuJehova, futsi livi lakhe ngiyalidvumisa;
11 Ngetsembele kuNkulunkulu, ngiko ngingesabi.+
Umuntfu angangentani nje?+
12 Awu Nkulunkulu, kufanele ngikwente loko lengikwetsembisile;+
Ngitawunikela kuwe iminikelo yekubonga.+
13 Ngobe wena ungikhulule ekufeni+
Wangenta ngangagileki,+
Kuze ngichubeke ngiphila futsi ngihamba embikwakho.+
Sicondziso lesiya kumcondzisi: Kufanele ihlatjelwe ngendlela letsi: “Ungangibhubhisi.” Imiktamu* yaDavide. Imayelana nalesikhatsi asemgedzeni, abalekela Sawula.+
57 Ngihawukele Nkulunkulu, ngihawukele,
Ngobe ngiphephele kuwe,+
Ngitawubhaca ngephansi kwemaphiko akho ize yendlule inhlekelele.+
2 Ngikhala kuNkulunkulu Losetikwako Konkhe,
KuNkulunkulu weliciniso locedza tinkinga tami.
3 Yena utawutfumela lusito asezulwini futsi angisindzise.+
Utawenta kutsi angaphumeleli emacebo alongihlaselako. (Sela)
Nkulunkulu utawukhombisa umusa* wakhe, akhombise nekutsi wetsembekile.+
4 Ngitungeletwe ngemabhubesi;+
Lapho ngilala khona kunebantfu labafuna kungishwabadzela,
Ematinyo abo afana netikhali nemicibisholo
Nelulwimi lwabo lukhalipha njengenkemba.+
5 Awu Nkulunkulu, shengatsi ungadvunyiswa emazulwini;
Inkhatimulo yakho ayibe semhlabeni wonkhe.+
Tingimbele umgodzi endleleni,
Kodvwa kwagcumukela tona.+ (Sela)
7 Awu Nkulunkulu, inhlitiyo yami ayingabati,+
Inhlitiyo yami ayingabati.
Ngitawuhlabela ngikudvumise.
8 Nhlitiyo yami, vuka.
Shengatsi lihabhu naletinye tinsimbi temculo letinetintsambo kungenta umsindvo wako uvakale.
Mine ngitawuvuka lokwa ekuseni.+
11 Awu Nkulunkulu, shengatsi ungadvunyiswa emazulwini;
Inkhatimulo yakho ayibe semhlabeni wonkhe.+
Sicondziso lesiya kumcondzisi: Kufanele ihlatjelwe ngendlela letsi: “Ungangibhubhisi.” Imiktamu* yaDavide.
58 Nine bantfu, ningakhuluma yini ngekulunga nibe nibindzile?+
Ningehlulela yini ngekulunga?+
3 Bantfu lababi batsi batalwa* nje babe benta lokubi;
Bakhohlakala kusukela batalwa futsi bakhuluma emanga.
4 Emavi abo afanana nesihlungu senyoka;+
Tindlebe tabo bativale njengaphemphetfwane lovale tindlebe takhe.
5 Angeke awalalele emavi alabenta imilingo,
Ngisho nobe banelikhono kangakanani.
6 Awu Nkulunkulu, bakhiphe ematinyo!
Awu Jehova, yephula imihlatsi yalabantfu labafana nemabhubesi!
7 Shengatsi banganyamalala njengemanti lageleta aze aphele.
Shengatsi Nkulunkulu angalungela kubadubula ngebutjoki bakhe futsi ababulale ngemicibisholo yakhe.
8 Shengatsi bangaba njengemnenkhe lohamba unafutela;
Futsi bafanane nemntfwana lotelwe asafile, longazange alibone lilanga.
9 Nine nibasa umlilo ngemanyeva, kodvwa kutawutsi emabhodo enu asengakawuva nalomlilo,
Nkulunkulu atfumele umoya lomkhulu uphephule lamanyeva lomile nalasemanti.+
10 Lolungile utawujabula nakabona Nkulunkulu atiphindziselela;+
Utawuklabhuta ngetinyawo takhe engatini yalababi.+
11 Bantfu batawubese batsi: “Kusho kutsi vele ukhona umvuzo walabalungile.+
Vele ukhona Nkulunkulu lowehlulela umhlaba.”+
Sicondziso lesiya kumcondzisi: Kufanele ihlatjelwe ngendlela letsi: “Ungangibhubhisi.” Imiktamu* yaDavide. Imayelana nalesikhatsi Sawula atfumele emadvodza kutsi agadze indlu yaDavide khona atombulala.+
2 Ngikhulule kulabenta lokubi,
Ungisindzise kubantfu labanebudlova.
3 Asewubuke nje, bangilalela endleleni;+
Bantfu labanemandla bayangihlasela
Kodvwa mine Jehova angikoni futsi angikavukeli.+
4 Bayagijima balungele kungihlasela, nanobe ngingakoni lutfo.
Ngisite nangikhala kuwe futsi unginake.
5 Awu Jehova Nkulunkulu wemabutfo, wena unguNkulunkulu wema-Israyeli.+
Ngisite ngekutsi ujezise tonkhe tive.
Ungatenteli umusa tihlubuki.+ (Sela)
7 Emilonyeni yaletihlubuki kuphuma emavi lamabi;
Tindzebe tato tifanana netinkemba,+
Ngoba titsi: “Ukhona yini losilalele?”+
9 Awu Nkulunkulu, wena ungemandla ami; ngitawuhlala ngetsembele kuwe+
Ngobe uyindzawo yami yekukhosela lephephile.+
10 Nkulunkulu wami longentela umusa* nguye lotangisita;+
Utawenta kutsi ngibukele nakuncotjwa titsa tami.+
11 Ungatibulali nyalo titsa tami, kuze bantfu bakitsi bangakukhohlwa lokwentile.
Sebentisa emandla akho kuze utente tizulazule;
Bese uyatincoba, wena Jehova losihlangu setfu.+
12 Ngobe tiyona ngaletikukhulumako,
Shengatsi tingabanjwa kutigcabha kwato,+
Ngobe ticalekisa bantfu futsi ticamba emanga.
13 Ticedze ngentfukutselo yakho;+
Ticotfule tingaphindzi tibe khona;
Tente tati kutsi wena Nkulunkulu ubusa kaJakobe nasemhlabeni wonkhe.+ (Sela)
15 Atizulazule tifune letingakudla;+
Ungativumeli kutsi tesutse nobe titfole indzawo yekuhlala.
16 Kodvwa mine ngitawuhlabela ngibabate emandla akho;+
Ekuseni ngitawukhuluma ngelutsandvo lwakho lolucotfo ngijabulile.
Ngobe wena uyindzawo yami yekukhosela lephephile+
Nendzawo lengibalekela kuyo ngesikhatsi lesimatima.+
17 Awu Nkulunkulu, wena ungemandla ami, ngitawuhlabela ngikudvumise,+
Ngobe uyindzawo yami yekukhosela lephephile, unguNkulunkulu longentela umusa.*+
Sicondziso lesiya kumcondzisi: Kufanele ihlatjelwe ngendlela letsi: “Imbali LeBufakazi.”* Imiktamu* yaDavide lokufanele kufundziswe ngayo. Imayelana nalesikhatsi alwa nebantfu base-Aramu-naharayimu nebase-Aramu-Sobha. Jowabe wabese ubuyela emuva wabulala bantfu baka-Edomu labangu-12 000 eSihosheni Seluswayi.+
60 Awu Nkulunkulu, wena usilahlile futsi wasincoba.+
Bewusitfukutselele; kodvwa nyalo sale usemukela!
2 Wena utamatamise umhlaba; wawenta wavuleka.
Vala timfa tawo, ngobe sewuyadzilika.
3 Wente kutsi bantfu bakho babe sebumatimeni.
Usinatsise liwayini lelisente sadzakwa.+
4 Nika* labo labakwesabako luphawu
Lwekutsi babaleke futsi bavike umcibisholo. (Sela)
5 Sindzisa bantfu bakho lobatsandzako,
Usikhulule ngesandla sakho sangesekudla futsi usiphendvule.+
6 Nkulunkulu longcwele* utsite:
“Ngitawujabula, iShekhemu ngitayinika bantfu bami,+
7 IGileyadi ngeyami, nesive sakaManase naso ngesami,+
Sive saka-Efrayimu sisivikelo senhloko yami
8 Sive sakaMowabi siyindishi yami yekugezela.+
Ngitawujika sicatfulo sami etikwesive saka-Edomu.+
Ngitawumemeta ngijabulile ngenca yekuncoba sive semaFilisti.”+
9 Ngubani lotangisita ngincobe lelidolobha lelivinjetelwe?*
Ngubani lotangisita ngihlasele sive saka-Edomu?+
10 Awu Nkulunkulu, nguwe lotasenta sincobe. Kodvwa nyalo wena usilahlile,
Futsi wena Nkulunkulu wetfu awusahambi nemabutfo etfu.+
11 Sisite nasicindzetelekile,
Ngobe kusindziswa ngumuntfu kulite.+
Sicondziso lesiya kumcondzisi: Kufanele idlalwe netinsimbi temculo letinetintsambo. Ingoma yaDavide.
61 Awu Nkulunkulu, ngilalele nangikhalela lusito.
Vani umthantazo wami.+
2 Ngitawukhala kuwe ngisemaphetselweni emhlaba
Nangikhatsatekile enhlitiyweni.+
Ngiyise edvwaleni leliphakeme kakhulu kunami.+
3 Ngobe wena usiphephelo sami,
Ungumbhoshongo locinile longivikela etitseni tami.+
4 Ngitawuhlala* ethendeni lakho kuze kube phakadze;+
Ngitawukhosela ngephansi kwemaphiko akho.+ (Sela)
5 Awu Nkulunkulu, ungivile nangifunga.
Wena unginikete lifa lolinika labo labahlonipha libito lakho.+
6 Utawenta inkhosi iphile sikhatsi lesidze,+
Utayenta iphile iminyaka leminyenti, kusukela kulesinye situkulwane kuye kulesinye.
7 Itawuhlala esihlalweni sebukhosi embikwakho kuze kube phakadze;+
Shengatsi lutsandvo lwakho lolucotfo nekwetsembeka kwakho kungayivikela.+
8 Ngitawubese ngiyahlabela ngidvumise libito lakho kuze kube phakadze+
Njengobe ngitawube ngifeza tifungo tami onkhe malanga.+
Sicondziso lesiya kumcondzisi: Kufanele ihlatjelwe ngendlela yeJeduthuni.* Ingoma yaDavide.
62 Ngilindzele Nkulunkulu ngekubeketela.
Insindziso yami ivela kuye.+
2 Ulidvwala lami nemsindzisi wami, futsi uyindzawo yami yekukhosela lephephile;+
Ngisho nginganyakatiswa angeke ngize ngiwe.+
3 Nine lenenta lokubi, kutawuze kube ngunini nihlasela umuntfu kuze nimbulale?+
Nonkhe niyingoti njengelubondza lolungakacini, njengelubondza lolwakhiwe ngematje lolungawa nome nini.
4 Bahlangana ndzawonye kute bamsuse esikhundleni lesisetulu;
Batsandza kukhuluma emanga.
Bayabusisa ngemilomo yabo, kodvwa bacalekise ngetinhlitiyo tabo.+ (Sela)
6 Ulidvwala lami nemsindzisi wami, futsi uyindzawo yami yekukhosela lephephile;
Angeke ngize nginyakatiswe.+
7 Insindziso yami nenkhatimulo yami kuvela kuNkulunkulu.
Ulidvwala lami lelicinile nendzawo lengikhosela kuyo.+
8 Nine bantfu, metsembeni ngaso sonkhe sikhatsi.
Mtjeleni konkhe lokusetinhlitiyweni tenu.+
Nkulunkulu uyindzawo yetfu yekukhosela.+ (Sela)
9 Bantfu bafana nemoya nje lophuma emakhaleni,
Akusiti kwetsembela kubo.+
Nababekwa bonkhe esikalini, sisindvo sabo simelula kunesemoya lophuma emakhaleni.+
10 Ningacabangi kutsi nitawuphumelela nanifuna tintfo ngekulwa
Futsi ningetsembeli ebugebengwini.
Ningetsembeli emcebeni wenu, ngisho nobe wandza.+
11 Sengimuve kabili Nkulunkulu akhuluma
Atsi emandla ngewakhe.+
12 Wena Jehova uphindze ube nelutsandvo lolucotfo,+
Ngobe umuntfu ngamunye umnika umvuzo kuye ngemisebenti yakhe.+
Ingoma yaDavide, imayelana nalesikhatsi asehlane lakaJuda.+
63 Awu Nkulunkulu, wena unguNkulunkulu wami, futsi ngihlale ngikufuna.+
Ngiyakulangatelela.+
Sengikulangatelele kangangekutsi sengize ngibutsakatsaka
Eveni lelome kheshe, lelite ngisho nemanti.+
2 Ngikubonile endzaweni yakho lengcwele;
Ngawabona emandla akho nenkhatimulo yakho.+
4 Kungako ngitakudvumisa nangisaphila;
Ngitawuthantaza ngibite libito lakho.
5 Ngitawesutsa njengemuntfu lowesutsiswa kudla lokunonile,
Kungako ngitawuhlabela ngetindzebe tami, ngikudvumise ngemlomo wami.+
8 Ngihlale ngisedvute nawe;
Sandla sakho sangesekudla sihlale singibambile.+
9 Kodvwa labo labafuna kungibulala
Batawehlela ethuneni.
10 Batawubulawa ngenkemba,
Bese baba kudla kwabojakalazi.*
11 Kodvwa inkhosi itakujabulela loko Nkulunkulu latayentela kona.
Bonkhe bantfu labafunga yena batamdvumisa,
Ngobe labo labakhuluma emanga batawuthuliswa.
Sicondziso lesiya kumcondzisi. Ingoma yaDavide.
64 Awu Nkulunkulu, ngikhatsatekile, ngicela ungilalele.+
Ngivikele njengobe ngihlaselwa sitsa.
2 Ngivikele emachingeni lentiwa bantfu lababi,+
Ungivikele nasesicunjini salabenta lokubi.
3 Balola lulwimi lwabo kuhle kwenkemba;
Balungela kudubula ngemavi lalimatako kube shengatsi ayimicibisholo,
4 Kute badubule longenacala babe balapho babhace khona;
Bamdubule angakagadzi, babe bangesabi.
5 Bachubeka nemacebo abo lamabi;*
Bakhuluma ngekutsi batatifihla njani titsiyo tabo.
Batsi: “Ngubani lotatibona?”+
6 Bafuna tindlela letinsha tekwenta lokubi;
Emacebo abo lanebucili bawakhela emasitseleni;+
Loko lokusetinhlitiyweni tabo kufihlakele.
7 Kodvwa Nkulunkulu utabadubula;+
Batsi bangakagadzi batitfole bagwazwe ngumcibisholo.
8 Lamacebo labawentako atawubuya ehlele bona;+
Bonkhe lababukele batawunikina tinhloko.
9 Bonkhe bantfu batawesaba,
Batawumemetela loko lokwentiwe nguNkulunkulu,
Futsi bayicondze imisebenti yakhe.+
10 Lolungile utawujabula ngaJehova futsi akhosele kuye;+
Bonkhe labacotfo enhlitiyweni batawutfokota.
Sicondziso lesiya kumcondzisi. Ingoma yaDavide.
2 Awu Nkulunkulu wami, wena uyayiva imithantazo futsi tonkhe tinhlobo tebantfu titakuta kuwe.+
4 Uyajabula loyo lomkhetsako futsi umsondzete kuwe
Kute ahlale emabaleni akho.+
5 Utawusiphendvula ngekusentela tintfo letimangalisako+ lotenta ngenca yekulunga kwakho,
Wena Nkulunkulu ungumsindzisi wetfu;
Bonkhe bantfu emhlabeni batawetsembela kuwe,+
Ngisho nalabo labangesheya kwetilwandle.
6 Wamisa tintsaba ngemandla akho;
Futsi wena unemandla lamakhulu.+
8 Bantfu labahlala khashane batawumangala nababona imisebenti yakho;+
Utawenta kutsi bantfu labahlala emphumalanga kuya kulabasenshonalanga bamemete bajabulile.
9 Wena unakekela umhlaba,
Uwente unotse futsi ukhicite kakhulu.+
Ugcwalisa imifula ngemanti;
Unikete bantfu kudla,+
Ngobe ngulena indlela lowente umhlaba kutsi ukhicite ngayo.
10 Umantisa imisele yawo futsi ulungise umhlabatsi lolinyiwe;
Uwutsambisa ngemvula; ubusise nalokukhula kuwo.+
11 Wenta umnyaka ube muhle ngetipho takho letinhle;
Lapho uhamba khona kuphuphuma tintfo letinhle.+
13 Emadlelo agcwele imihlambi yetimvu neyetimbuti,
Nasematsafeni kugcwele kolo.+
Konkhe loku kumemeta kujabulile, kuze kuhlabele.+
Sicondziso lesiya kumcondzisi. Ingoma.
66 Nonkhe nine lenihlala emhlabeni, memetani nijabulile futsi nidvumise Nkulunkulu.+
2 Hlabelani nidvumise libito lakhe lelikhatimulako.
Mkhatimuliseni futsi nimdvumise.+
3 Khulumani naNkulunkulu nitsi: “Maye iyamangalisa imisebenti yakho!+
Ngenca yemandla akho lamakhulu,
Titsa takho titawuta kuwe tichachatela.+
4 Bonkhe bantfu labasemhlabeni batakukhotsamela;+
Batawuhlabela bakudvumise;
Batawuhlabela badvumise libito lakho.”+ (Sela)
5 Wotani nibone imisebenti yaNkulunkulu.
Tintfo latentele bantfu tiyamangalisa.+
Nasilapho, sajabula ngenca yako konkhe lasentela kona.+
7 Ubusa ngemandla akhe kuze kube phakadze.+
Emehlo akhe anake tive.+
Bantfu labanenkhani akukafaneli batiphakamise.+ (Sela)
8 Dvumisani Nkulunkulu wetfu nine bantfu,+
Shengatsi bonkhe bantfu bangeva kutsi uyadvunyiswa.
10 Awu Nkulunkulu, wena usihlolisisile,+
Usicwenge njenganakucwengwa lisiliva.
11 Usibambe ngelinetha lakho;
Wasetfwesa* umtfwalo lowesindza kakhulu.
12 Uvumele bantfu kutsi basigcobagcobe;
Sisindze emlilweni nasemantini;
Wase usiletsa endzaweni lephephile.
13 Ngitawuta endlini yakho neminikelo yekushiswa lephelele;+
Ngitakwenta loko lengikwetsembise kona,+
14 Loko lengikwetsembise ngetindzebe tami,+
Nalengakusho ngemlomo wami ngesikhatsi ngikhatsatekile.
15 Ngitawunikela kuwe ngetilwane letikhuluphele tibe yiminikelo yekushiswa
Ngishuncise nentfutfu yetimvu letindvuna letingumhlatjelo.
Ngitawunikela ngetinkunzi nangetimbuti letindvuna. (Sela)
16 Wotani nilalele, nonkhe nine lenesaba Nkulunkulu,
Futsi ngitanitjela loko langentele kona.+
17 Ngimbitile ngemlomo wami
Futsi ngamdvumisa ngelulwimi lwami.
18 Kube kukhona lokubi lebengikugcinile enhlitiyweni yami,
Jehova bekangeke angive.+
20 Akadvunyiswe Nkulunkulu, lowulalele umthantazo wami
Futsi wangentela umusa.*
Sicondziso lesiya kumcondzisi: Kufanele idlalwe netinsimbi temculo letinetintsambo. Ingoma.
67 Awu Nkulunkulu, wena utawusentela umusa futsi usibusise;
Utawukhombisa kutsi uyajabula ngatsi,+ (Sela)
3 Awu Nkulunkulu, bantfu abakudvumise;
Shengatsi bonkhe bantfu bangakudvumisa.
Utawuhola tive letisemhlabeni. (Sela)
5 Awu Nkulunkulu, bantfu abakudvumise;
Shengatsi bonkhe bantfu bangakudvumisa.
Sicondziso lesiya kumcondzisi. Ingoma yaDavide.
68 Shengatsi Nkulunkulu angasukuma, ahlakate titsa takhe,
Shengatsi labo labamtondzako bangambalekela.+
2 Shengatsi ungabacosha njengentfutfu nayipheshulwa ngumoya;
Njengobe nemtfwebeba* uncibilika nawuseceleni kwemlilo,
Shengatsi lababi bangashabalala embikwaNkulunkulu.+
3 Kodvwa shengatsi labalungile bangajabula;+
Abajabule kakhulu embikwaNkulunkulu;
Shengatsi bangajabula futsi batfokote.
4 Hlabelelani Nkulunkulu; nihlabele nidvumise libito lakhe.+
Hlabelelani Loyo lodzabula ekhatsi elugwadvule.*
Libito lakhe nguJehova!+ Jabulani embikwakhe!
5 Ungubabe wetintsandzane futsi ungumvikeli webafelokati,+
UnguNkulunkulu losendzaweni yakhe lengcwele.+
6 Nkulunkulu ubaniketa likhaya bantfu labete longabasita;+
Ukhulula tiboshwa futsi atente tiphumelele.+
Kodvwa labo labanenkhani* batawuhlala endzaweni leyomile.+
7 Awu Nkulunkulu, ngesikhatsi uhola bantfu bakho,+
Ngesikhatsi uhamba elugwadvule, (Sela)
8 Umhlaba watamatama.+
EmbikwaNkulunkulu kwehla imvula ivela ezulwini;
ISinayi yatamatama embikwaNkulunkulu, longuNkulunkulu wema-Israyeli.+
9 Awu Nkulunkulu, wena unise imvula lenkhulu;
Ubanikete emandla bantfu bakho lebesebadziniwe.
10 Wabahlalisa emathendeni akho;+
Wena Nkulunkulu wanakekela labeswele ngenca yebuhle bakho.
12 Ngisho nemakhosi nemabutfo awo ayabaleka,+ impela ayabaleka!
Umfati losele ekhaya utitsatsela incenye yalokutfolakele emphini.+
13 Ngisho nobe nine madvodza benicambalele ngasemlilweni,*
Nitawutfola lituba lelinetimphiko telisiliva,
Nalelinetinsiba teligolide lelicwebetelako.
15 Intsaba yaseBhashani+ yintsaba yaNkulunkulu;*
Intsaba yaseBhashani yintsaba leneticongo letinyenti.
16 Wena ntsaba leneticongo letinyenti, wentiwa yini kutsi ube nemona
Ngentsaba Nkulunkulu lakhetse kuhlala kuyo?+
Jehova utawuhlala kuyo kuze kube phakadze.+
17 Tincola temphi taNkulunkulu tingemashumi etinkhulungwane, titinkhulungwane tetinkhulungwane.+
Jehova ufike endzaweni lengcwele asuka eSinayi.+
18 Wakhuphukela endzaweni lephakeme;+
Watfumba bantfu;
Watsatsa tipho letibantfu,+
Watsatsa ngisho nalabanenkhani,+ kuze uhlale nabo, wena Jehova Nkulunkulu.
19 Akadvunyiswe Jehova, lohlale asitfwalela imitfwalo yetfu,+
UnguNkulunkulu weliciniso longumsindzisi wetfu. (Sela)
20 Nkulunkulu weliciniso unguNkulunkulu losisindzisako;+
Jehova loyiNkhosi Lephakeme usikhulula ekufeni.+
21 Nkulunkulu utawuphihlita tinhloko tetitsa takhe,
Utawuphihlita inhloko yanobe ngubani lochubeka ona.+
22 Jehova utsite: “Titsa ngitawutilandza eBhashani;+
Ngitikhiphe nasekujuleni kwelwandle,
23 Kuze uhambe etikwengati yato+
Netinja takho tikhotse ingati yetitsa takho.”
24 Awu Nkulunkulu, babona bantfu bakho labahamba baludvwendvwe,
Lokubantfu baNkulunkulu wami loyiNkhosi yami, labahamba baludvwendvwe baya endzaweni lengcwele.+
25 Labahlabelako bahamba embili, balandzelwa ngulabadlala tinsimbi temculo;+
Tintfombi letidlala emathamborini tona tihamba emkhatsini wabo.+
26 Dvumisani Nkulunkulu ebandleni lelikhulu;
Dvumisani Jehova, nine lenivela kuloyo longuMtfombo wema-Israyeli.+
27 Bhenjamini,+ longulomncane kunabo bonkhe wehlula bantfu,
Wehlula netindvuna takaJuda kanye nesicumbi sakhona lesibanga umsindvo,
Futsi wehlula netindvuna takaZebuloni netakaNaftali.
28 Nkulunkulu wenu ukhiphe umyalo wekutsi niniketwe emandla.
Awu Nkulunkulu, khombisa emandla akho njengobe nje natsi usikhombisile.+
30 Yekhuta tilwane letihlala emhlangeni,
Wekhute umhlambi wetinkunzi+ kanye nematfole ato,
Kuze bantfu baletse tintfo telisiliva bagucile.
Kodvwa wena uyabahlakata bantfu labatsandza imphi.
32 Hlabelelani Nkulunkulu nine mibuso yemhlaba,+
Hlabelani nidvumise Jehova, (Sela)
33 Nihlabele nidvumise loyo lodzabula ekhatsi emazulwini, lobekakhona kusukela kadzeni.+
Livi lakhe lelikhulu lifana nekudvuma kwelitulu.
34 Vumani kutsi Nkulunkulu unemandla.+
Uyinkhosi ka-Israyeli,
Futsi emandla akhe asetulu esibhakabhakeni.
35 Nkulunkulu uyesabeka endzaweni yakhe* lengcwele.+
UnguNkulunkulu wema-Israyeli,
Lonika bantfu bakhe emandla futsi abacinise.+
Akadvunyiswe Nkulunkulu.
Sicondziso lesiya kumcondzisi: Kufanele ihlatjelwe ngendlela letsi: “Timbali.”* Ingoma yaDavide.
69 Awu Nkulunkulu, ngisindzise ngobe sengiyamita.+
2 Ngicwile eludzakeni lolushonako, lapho kute khona umhlaba lowomile.+
Ngisekhatsi emantini lashonako,
Futsi nemfula sewungikhukhulile.+
3 Sengimemete ngaze ngadzinwa;+
Livi lami seliyahoshota.
Emehlo ami sekaze akasaboni kahle ngobe solo ngilindzele Nkulunkulu wami.+
Labo labafuna kungibulala,
Lokutitsa tami letingitondzela lite, sebanyenti.
Bangiphocelela kutsi ngibhadale tintfo lengingakatebi.
5 Awu Nkulunkulu, wena uyatati tintfo letibulima lengitentile,
Nesono sami asikafihleki kuwe.
6 Shengatsi bantfu labetsembele kuwe bangete bahlazeka ngenca yami,
Awu Jehova wemabutfo, wena loyiNkhosi Lephakeme.
Shengatsi labo labakukhontako bangete bahlazeka ngenca yami,
Awu Nkulunkulu wema-Israyeli.
8 Bomnaketfu sebangitsatsa njengemuntfu labangamati,
Sengifanana nemuntfu wekuhamba kubantfwana bakitsi.+
9 Kushisekela indlu yakho kuvutsa njengemlilo ngekhatsi kimi,+
Nekuhlambalata kwalabo lebebakuhlambalata kwehlele kimi.+
10 Nangititfoba kuwe ngekutsi ngizile kudla,*
Bengetfukelwa kona loko.
11 Bengitsi nangigcoka indvwangu yelisaka,
Bahlekise ngami.
12 Bantfu labahleti esangweni lelidolobha bakhuluma ngami,
Futsi tidzakwa tihlabela ngami.
13 Kodvwa shengatsi umthantazo wami ungawuva
Ngesikhatsi sakho lesikahle Jehova.+
Awu Nkulunkulu, njengobe unemusa* lomkhulu,
Ngiphendvule futsi ukhombise kutsi ungumsindzisi mbamba.+
14 Ngikhiphe eludzakeni;
Ungavumi kutsi ngicwile kulo.
Ngikhulule kubantfu labangenyanyako
Futsi ungikhiphe nasemantini lashonako.+
15 Ungavumi kutsi emanti angikhukhule,+
Ungavumi nekutsi ngimite emantini lashonako,
16 Awu Jehova, ngiphendvule ngobe uyangitsandza.*+
Ngiphendvule masinyane ngobe ngicindzetelekile.+
18 Sondzela kimi futsi ungisindzise;
Ngikhulule etitseni tami.
19 Wena uyati kutsi ngiyahlanjalatwa, ngedzelelwe futsi ngihlazwe.+
Utibona tonkhe titsa tami.
20 Tinhlamba tiyephulile inhlitiyo yami, futsi sengiphelelwa litsemba.
Bengetsembe kutsi ukhona lotangihawukela, kodvwa kwaba bete,+
Bengetsembe kutsi ukhona lotangidvudvuta, kodvwa kwaba bete ngisho namunye.+
21 Esikhundleni sekunginika kudla banginikete shevu,+
Futsi ngesikhatsi ngomile banginatsise liwayini lelimunyu.+
22 Shengatsi ematafula abo angaba lugibe kubo,
Nekuphumelela kwabo kube sitsiyo kubo.+
23 Akube mnyama emehlweni abo kuze bangaboni,
Nemilente yabo ayichachatele siphelane.
24 Yehlisela intfukutselo yakho kubo,
Nelulaka lwakho loluvutsako alube setikwabo.+
25 Shengatsi indzawo labahlala kuyo ingasala ingenamuntfu;
Shengatsi kungaba bete lohlala emathendeni abo.+
26 Ngobe bagijimisa umuntfu lomjezisile,
Futsi bachubeka bakhuluma ngebuhlungu lobuviwa ngulabo lobajezisile.
27 Shengatsi ungabajezisa kakhulu ngesono labasentile,
Ubatsatse njengebantfu labangakalungi.
29 Kodvwa mine ngicindzetelekile futsi ngiva buhlungu.+
Awu Nkulunkulu, ngisindzise futsi ungivikele.
30 Ngitawuhlabela ngidvumise libito laNkulunkulu,
Ngitamdvumisa ngekumbonga.
31 Loku kutamjabulisa Jehova kwendlula kwenta umhlatjelo ngenkunzi,
Kwendlula umhlatjelo lowentiwe ngenkunzana lenetimphondvo nemasondvo.+
32 Labatfobekile batabubona buhle baNkulunkulu futsi bajabule.
Shengatsi ningakhutsateka nine lenikhonta Nkulunkulu.
34 Shengatsi lizulu nemhlaba kungamdvumisa,+
Kanye nelwandle nako konkhe lokukulo.
35 Ngobe Nkulunkulu utayisindzisa iSiyoni+
Akhe kabusha emadolobha akaJuda,
Futsi bantfu bakhe batawuhlala khona kube yindzawo yabo.
Sicondziso lesiya kumcondzisi. Ingoma yaDavide lokufanele ibe sikhumbuto.*
70 Awu Nkulunkulu, ngikhulule;
Phutfuma ungisite Jehova.+
2 Shengatsi labo labafuna kungibulala
Bangadliwa ngemahloni futsi bahlazeke.
Shengatsi labo labajabula ngekuhlupheka kwami
Bangahlehlela emuva bahlazekile.
3 Shengatsi labo labatsi kimi: “Waze walayeka! Waze walayeka!”
Bangajikiswa bahlazekile.
4 Kodvwa labo labakukhontako
Abatfokote futsi bajabule ngawe.+
Shengatsi labo labatsandza kusindziswa nguwe bangahlale batsi:
“Akadvunyiswe Nkulunkulu!”
71 Awu Jehova, ngikhosele kuwe.
Shengatsi ngingete ngahlazeka.+
2 Ngisindzise futsi ungikhulule, ngobe wena ulungile.
Sondzeta indlebe yakho kimi* futsi ungisindzise.+
3 Bani lidvwala leliphephile
Lengingahlale ngiya kulo.
Ngisindzise,
Ngobe wena ulidvwala lami nendzawo yami levikelekile.+
4 Awu Nkulunkulu wami, ngikhulule esandleni salomubi,+
Ungikhulule esandleni salongicindzetelako.
5 Ngobe wena Nkhosi Lephakeme Jehova, ulitsemba lami;
Kusukela ngisesemusha bengetsembele kuwe.+
6 Ngetsembela kuwe kusukela ngitalwa;
Nguwe lowangikhipha esiswini samake.+
Kungako ngihlale ngikudvumisa.
7 Bantfu labanyenti bayamangala nababona tintfo letenteke kimi,
Ngobe wena uyindzawo yami yekukhosela levikelekile.
8 Umlomo wami uhlale ukudvumisa;+
Ngikhuluma ngebuhle bakho onkhe malanga.
10 Titsa tami tingikhuluma kabi,
Nalabo labafuna kungibulala bahlangene ngami,+
11 Batsi: “Nkulunkulu umshiyile.
Asimgijimiseni futsi simbambe, ngobe kute lotamsindzisa.”+
12 Awu Nkulunkulu, ungabi khashane nami.
Phutfuma ungisite Nkulunkulu wami.+
13 Shengatsi labo labamelene nami
Bangahlazeka futsi bashabalale.+
Shengatsi labo labafuna ngehlelwe yinhlekelele
Bangadliwa ngemahloni futsi bajabhe.+
14 Kodvwa mine ngitawuchubeka ngilindzele wena;
Ngitakudvumisa kakhulu kunakucala.
15 Umlomo wami utawukhuluma ngekulunga kwakho,+
Onkhe malanga utawukhuluma ngetintfo lotentile kuze usisindzise,
Nanobe titinyenti kakhulu kutsi ngingatibala.+
16 Ngitawuhamba ngikhuluma ngemisebenti yakho lemikhulu,
Awu Nkhosi Lephakeme Jehova;
Kulunga kwakho kuphela lengitawukhuluma ngako.
17 Awu Nkulunkulu, wena ungifundzise kusukela ngisesemusha,+
Futsi nanyalo ngisayimemetela imisebenti yakho lemihle.+
18 Awu Nkulunkulu, ungangilahli ngisho nobe sengigugile futsi senginetimvu enhloko,+
Khona ngitawutjela situkulwane lesitako ngemandla akho,
Futsi ngitjele tonkhe titukulwane letiseta ngebukhulu bakho.+
19 Awu Nkulunkulu, kulunga kwakho kukhulu kakhulu;+
Wente tintfo letinkhulu;
Ngubani nje lofana nawe Nkulunkulu?+
20 Ngisho nobe ungente ngacindzeteleka kakhulu futsi ngehlelwa tinhlekelele,+
Phindze unginikete emandla;
Ngikhiphe ekujuleni kwemhlaba.+
21 Shengatsi ungangenta ngiphindze ngihlonipheke,
Ungivikele futsi ungidvudvute.
22 Ngitawubese ngiyakudvumisa ngetinsimbi temculo letinetintsambo
Ngobe wena Nkulunkulu wami wetsembekile.+
Ngitawuhlabela ngikudvumise ngelihabhu,
Wena Longcwele waka-Israyeli.
24 Ngitawukhuluma* ngekulunga kwakho onkhe malanga,+
Ngobe batawudliwa ngemahloni futsi bahlazeke labo labafuna ngehlelwe yinhlekelele.+
Ingoma lemayelana naSolomoni.
72 Awu Nkulunkulu, fundzisa inkhosi ngetehlulelo takho,
Uyifundzise nangekulunga kwakho.+
3 Shengatsi tintsaba tingaletsela bantfu kuthula,
Nemagcuma aletse kulunga.
4 Shengatsi ingavikela bantfu labangenabani,
Isindzise emadvodzana alabeswele,
Futsi ibhubhise labacindzetela labanye.+
5 Awu Nkulunkulu, batawesaba wena kuze kube phakadze njengobe nelilanga litawuba khona phakadze
Nanjengobe inyanga itawuhlala ikhona,
Kusukela kulesinye situkulwane kuya kulesinye.+
8 Itawubusa kusukela kulolunye lwandle kuya kulolunye
Ibuse kusukela eMfuleni iYufrathe* kuze kuyofika emikhawulweni yemhlaba.+
10 Emakhosi aseThashishi newasetihlengeni atayiletsela tipho.+
Emakhosi aseSheba newaseSeba nawo atayiletsela tipho.+
11 Onkhe emakhosi atayikhotsamela,
Futsi tonkhe tive titayisebentela.
12 Ngobe itawukhulula lohluphekile lokhalela lusito,
Ikhulule lophansi kanye naloyo lote longamsita.
13 Itamvela lophansi nalohluphekile,
Futsi itawusindzisa kuphila kwalabahluphekile.
14 Itawubakhulula ekucindzetelweni nasebudloveni,
Nengati yabo itawuba ligugu kuyo.
15 Shengatsi ingaphila sikhatsi lesidze futsi iniketwe ligolide laseSheba.+
Shengatsi bantfu bangachubeka bayithantazela,
Futsi bayibusise onkhe malanga.
Sivuno senkhosi sitawuba sikhulu njengesaseLebanoni,+
Futsi emadolobheni bantfu batawuba banyenti njengetjani lobusemhlabeni.+
17 Shengatsi libito layo lingahlala phakadze,+
Shengatsi lingachubeka latiwa, yingci nje nakusekhona lilanga.
Shengatsi bantfu bangabusiswa ngayo;+
Shengatsi tonkhe tive tingayidvumisa.
18 Akadvunyiswe Jehova Nkulunkulu, longuNkulunkulu wema-Israyeli,+
Lokunguye yedvwa lowenta tintfo letinhle.+
19 Shengatsi libito lakhe lelikhatimulako lingadvunyiswa kuze kube phakadze,+
Nenkhatimulo yakhe igcwale umhlaba wonkhe.+
Amen, yebo Amen.
20 Iphela lapha imithantazo yaDavide, indvodzana yaJese.+
INCWADZI YESITSATFU
((Tihlabelelo 73-89)
Ingoma ya-Asafa.+
73 Nkulunkulu uwentela tintfo letinhle ema-Israyeli, ubentela lokuhle labo labanetinhlitiyo leticotfo.+
2 Kepha tinyawo tami tacishe taphambuka;
Kwasala kancane kutsi tishelele.+
3 Ngobe ngaba nemona ngebantfu labatigcabhako,
Ngesikhatsi ngibona kutsi lababi banekuthula.+
6 Kubo, kutigcabha kufana nemhlobiso logatjwa entsanyeni;+
Budlova babo bunyenti kakhulu kangangekutsi kuba shengatsi babugcokile.
7 Lababi baphila kahle futsi bakhuluphele;*
Banalokunyenti kakhulu kunaloko bebakufisa etinhlitiyweni tabo.
8 Bahleka labanye bulima futsi bakhuluma tintfo letimbi.+
Ngekutiphakamisa besabisa labanye ngekutsi batabacindzetela.+
9 Nabakhuluma, batikhandza bancono kunalabanye,
Bahamba bakhuluma nobe yini labayitsandzako ngemilomo yabo.
10 Ngako bantfu baNkulunkulu babese balandzela lababi,
Futsi banatse emanti lamanyenti ebantfu lababi.
11 Batsi: “Angati njani Nkulunkulu?+
Losetikwako Konkhe uyati yini kutsi kwentekani?”
12 Banjalo-ke bantfu lababi, tintfo tihlale tibahambela kahle.+
Umcebo wabo uhlale wandza.+
13 Kuyacaca kutsi akukangisiti ngalutfo kugcina inhlitiyo yami imsulwa,
Nekugeza tandla tami kuze ngikhombise kutsi ngimsulwa.+
15 Kodvwa kube ngike ngakhuluma ngaletintfo,
Bengitawubacedza emandla bantfu bakho.
16 Ngatsi nangetama kukucondza loku,
Kwangikhatsata kakhulu,
17 Kwaze kwaba ngulapho ngingena endzaweni lengcwele yaNkulunkulu,
Futsi ngabese ngiyacondza kutsi siphetfo salababi sitawuba yini.
19 Kubhujiswa kwabo kubafikela ngekushesha.+
Siphetfo sabo sisheshe sifike futsi siba sibi kakhulu!
20 Awu Jehova, bafana neliphupho umuntfu lalikhohlwako nakavuka,
Utawutsi nawuphakama, uvele nje ubalahle.*
21 Kodvwa inhlitiyo yami yaba buhlungu,+
Futsi ngeva buhlungu lobukhulu ngekhatsi kimi.
22 Bengingenangcondvo futsi ngeswele lwati;
Kuwe bengifana nesilwane lesingacabangi.
23 Kodvwa nyalo sengihlale nginawe;
Wena ubambe sandla sami sangesekudla.+
25 Ukhona yini lomunye longangisita emazulwini?
Kute lokunye lengikufunako emhlabeni ngaphandle kwakho.+
26 Ngisho ngingaba butsakatsaka nenhlitiyo yami iphelelwe ngemandla,
Kodvwa Nkulunkulu uyayicinisa inhlitiyo yami, yena ulidvwala lami nesabelo sami kuze kube phakadze.+
27 Bantfu labakhashane nawe batawushabalala.
Wena utawubabhubhisa bonkhe labangaketsembeki kuwe.+
28 Kodvwa mine kuyangisita kusondzela kuNkulunkulu.+
Ngikhosela kuJehova loyiNkhosi Lephakeme,
Kuze ngimemetele yonkhe imisebenti yakhe.+
74 Awu Nkulunkulu, usilahleleni siphelane?+
Kwentiwa yini kutsi intfukutselo yakho ivutsele timvu telidlelo lakho?+
Khumbula iNtsaba iSiyoni, indzawo lowawuhlala kuyo.+
3 Naka tindzawo lesetasala titindzala.+
Sitsa sibhubhise konkhe lobekusendzaweni lengcwele.+
4 Titsa takho tingene timemeta ngekhatsi endzaweni yekukukhontela,+
Tafike tabeka timphawu tato.
5 Betifanana nemadvodza lagawula lihlatsi lelihlangene asebentisa emazembe.
6 Tatidzilita ngemazembe nangemathulusi ensimbi tonkhe tindvonga tendzawo lengcwele letinemihlobiso.+
7 Tashisa indzawo yakho lengcwele.+
Tedzelela lithende lekukhontela lelinelibito lakho, talidzilita.
8 Tona kanye nebantfwana bato betititjela titsi:
“Sitatishisa tonkhe tindzawo tekukhontela Nkulunkulu letikulelive.”
9 Nyalo asisatiboni timphawu tetfu;
Sekute ngisho namunye umphrofethi losele,
Futsi sonkhe asati kutsi loku kutawuchubeka sikhatsi lesingakanani.
10 Awu Nkulunkulu, kutawuze kube ngunini sitsa sikwetfuka?+
Lesitsa sitawedzelela libito lakho kuze kube phakadze yini?+
11 Usigodleleni sandla sakho sangesekudla?+
Ungatigoci tandla takho, kodvwa tibhubhise titsa takho.
12 Nkulunkulu uyiNkhosi yami kusukela kadzeni,
Ungumsindzisi lomkhulu emhlabeni.+
13 Wena wanyakatisa lwandle ngemandla akho;+
Wafihlita tinhloko tetilwane letinkhulu taselwandle.
14 Wafihlita inhloko* yesilwane lesikhulu saselwandle;*
Wayinika bantfu kutsi bayidle, lokubantfu labahlala elugwadvule.
16 Imini ngeyakho, nebusuku nabo ngebakho.
Nguwe lowenta kukhanya nelilanga.+
18 Awu Jehova, khumbula tinhlamba sitsa sakho lesikwetfuke ngato,
Ukhumbule indlela bantfu labatilima labaledzelela ngayo libito lakho.+
19 Lituba lakho ungalinikeli etilwaneni tesiganga.
Ungabakhohlwa siphelane bantfu bakho labahluphekako.
20 Khumbula sivumelwane lowasenta natsi,
Ngobe tindzawo letimnyama emhlabeni setigcwele bantfu labatidlova.
21 Shengatsi labo labacindzetelekile bangete badvumateka;+
Shengatsi labangenabani nalabeswele bangadvumisa libito lakho.+
22 Awu Nkulunkulu, sukuma futsi utikhulumele ecaleni lobekwe lona.
Ukhumbule indlela bantfu labatilima labahlale bakwetfuka ngayo.+
23 Ungakukhohlwa loko titsa takho letikushoko.
Umsindvo walabo labangakulaleli uchubeka ukhula.
Sicondziso lesiya kumcondzisi: Kufanele ihlatjelwe ngendlela letsi: “Ungangibhubhisi.” Ingoma ya-Asafa.+
75 Siyakubonga Nkulunkulu, siyakubonga;
Wena usedvute natsi,+
Futsi bantfu bamemetela imisebenti yakho lemangalisako.
2 Wena utsi: “Nasengibeke sikhatsi sekwehlulela,
Ngehlulela kahle.
3 Ngesikhatsi umhlaba nako konkhe lokukuwo kutamatama,*
Ngimi lowasimisa tinsika tawo.” (Sela)
4 Kulotigabatisako ngitsi: “Ungatigabatisi,”
Kulomubi ngitsi: “Ungatigabatisi ngekutsi unemandla.
5 Ungatigabatisi ngemandla akho lamakhulu
Futsi ungakhulumi ngekwedzelela.
6 Ngobe kutigabatisa akuveli
Emphumalanga, enshonalanga nobe eningizimu.
7 Nkulunkulu unguMehluleli.+
Wehlisa lomunye, aphakamise lomunye.+
8 Ngobe kunendzebe esandleni saJehova;+
Ineliwayini lelinengwebu futsi lelididiyelwe kahle.
Utalitfulula nakanjani,
Futsi bonkhe bantfu lababi emhlabeni batalinatsa lonkhe bangashiyi lutfo.”+
9 Kodvwa mine ngitawukhuluma kuze kube phakadze ngaloko Nkulunkulu lakwentile;
Ngitawuhlabela ngidvumise Nkulunkulu waJakobe.
10 Ngobe yena utsi: “Ngitawacedza onkhe emandla ebantfu lababi,
Kodvwa emandla alabalungile atawuba makhulu.”
Sicondziso lesiya kumcondzisi: Kufanele idlalwe netinsimbi temculo letinetintsambo. Ingoma ya-Asafa.+
3 Kulapho ephula khona imicibisholo levutsako,
Wephula nelihawu nenkemba kanye naletinye tikhali temphi.+ (Sela)
4 Awu Nkulunkulu, kukhanya kwakho kuyakhatimula;
Wena umkhulu kwendlula tintsaba letihlala tilwane tesiganga.
5 Bantfu labanesibindzi bebelwe tintfo tabo.+
Balele siphelane;
Onkhe emachawe besekete emandla.+
6 Awu Nkulunkulu waJakobe, wakhipha sijeziso,
Lihhashi lafa, nalogibele inkalishi wafa.+
7 Nguwe wedvwa lowesabekako.+
Ngubani nje longema embikwakho nasewutfukutsele kakhulu?+
8 Wena wamemetela tehlulelo takho usezulwini.+
Bantfu labahlala emhlabeni besaba futsi bathula+
9 Ngesikhatsi Nkulunkulu atawehlulela,
Futsi asindzise bonkhe labatfobekile emhlabeni.+ (Sela)
10 Nangabe bantfu benta tintfo batfukutsele, wena usebentisa loko kuze utikhatimulise;+
Wena ungatikhatimulisa ngisho nangentfo yekugcina sitsa sakho lesingayenta sitfukutsele.
11 Yentani tetsembiso kuJehova Nkulunkulu wenu futsi nitigcine,+
Bonkhe labasedvute naye abaletse tipho tabo ngekwesaba.+
12 Utabatfobisa baholi labatigabatisako;
Ente emakhosi emhlaba amesabe.
Sicondziso lesiya kumcondzisi: Kufanele ihlatjelwe ngendlela yeJeduthuni.* Ingoma ya-Asafa.+
77 Ngitawumemeta ngikhale kuNkulunkulu;
Ngitawukhala kuye futsi yena utangiva.+
2 Nangicindzetelekile, lusito ngilufuna kuJehova.+
Ebusuku ngiphakamisa tandla tami, ngithantaze ngingayekeli.
Kodvwa solo angidvudvuteki.
3 Nangikhumbula imisebenti yaNkulunkulu ngibese ngilangatelela umusa wakhe.+
Ngikhatsatekile futsi sengiphelelwa ngemandla.+ (Sela)
4 Wena wenta kutsi emehlo ami angavaleki;
Ngicindzetelekile futsi angisakhoni nekukhuluma.
5 Ngicabanga ngalokwenteka kadzeni,+
Ngicabange ngeminyaka leseyengca.
7 Jehova utasilahla siphelane yini?+
Angeke yini aphindze asentele umusa?+
8 Lutsandvo lwakhe lolucotfo seluphele siphelane yini?
Kute yini titukulwane letitawubona kugcwaliseka kwesetsembiso sakhe?
9 Nkulunkulu sewukhohliwe yini kusentela umusa,+
Nobe intfukutselo yakhe yente kutsi umusa wakhe uphele? (Sela)
10 Ngihlale ngitsi: “Nguloku lokungikhatsatako:+
Losetikwako Konkhe sewuyekele kusisita.”
11 Ngitayikhumbula imisebenti yaJehova;
Ngitatikhumbula tento takho letinhle lowatenta kadzeni.
12 Ngitawucabangisisa ngayo yonkhe imisebenti yakho,
Ngicabangisise nangalokwentile.+
13 Awu Nkulunkulu, tindlela takho tingcwele.
Ukhona yini nkulunkulu lomkhulu njengawe?+
14 Wena unguNkulunkulu weliciniso, futsi wenta tintfo letinhle.+
Wente kutsi bantfu bawabone emandla akho.+
15 Ukhulule bantfu bakho ngemandla akho,+
Lokungemadvodzana aJakobe newaJosefa. (Sela)
16 Awu Nkulunkulu, emanti akubonile;
Akubonile futsi akhatsateka.+
Nemanti lashonako atfukutsele.
17 Emafu atfulula imvula.
Ladvuma esibhakabhakeni lesimbonywe ngemafu,
Imibane yakho lefana nemicibisholo yamanyata yonkhe indzawo.+
18 Nalidvuma+ bekuba nemsindvo lonjengewemasondvo enkalishi;
Imibane yakhanyisa umhlaba;+
Umhlaba wazizitela futsi watamatama.+
19 Indlela lohamba kuyo beyidzabula elwandle,+
Idzabula emantini lamanyenti;
Kodvwa kute lobekabona lapho uhambe khona.
78 Bantfu bami, lalelani umtsetfo* wami;
Lalelani emavi laphuma emlonyeni wami.
2 Ngitawutsi nje nangivula umlomo wami kuphume saga.
Ngitawukhuluma ngetintfo takadzeni letifihlakele.+
3 Tintfo lesitivile nalesitatiko,
Lesatitjelwa bobabe betfu,+
4 Angeke sitifihlele situkulwane sabo;
Sitawucocela situkulwane lesitako+
Ngetento letibabatekako taJehova nemandla akhe,+
Nangetintfo letinhle latentile.+
5 Waniketa Jakobe* bufakazi
Futsi washayela ema-Israyeli umtsetfo;
Wayala bokhokho betfu
Kutsi bacocele bantfwana babo ngaletintfo,+
6 Kuze situkulwane lesitako,
Lokubantfwana labasetawutalwa, nabo batati,+
Bese nabo baticocela bantfwana babo.+
7 Nabenta njalo, bebatawetsembela kuNkulunkulu.
8 Bebangeke bafane nabokhokho babo,
Lebebasitukulwane lesinenkhani nalesingalaleli,+
Situkulwane lesigucugucukako+
Futsi lebesingaketsembeki kuNkulunkulu.
9 Bantfu baka-Efrayimu bebahlome ngebutjoki,
Kodvwa babaleka ngelilanga lemphi.
15 Wacheketa ematje ehlane,
Wabanatsisa emanti baze benela, kwaba shengatsi banatsa emfuleni loshonako.+
16 Wenta kutsi kuphume emanti edvwaleni
Futsi wenta emanti ageleta kulo kwaba shengatsi yimifula.+
17 Kodvwa bachubeka bamona
Ngekutsi bamvukele Losetikwako Konkhe ngesikhatsi baselugwadvule;+
18 Bavivinya Nkulunkulu etinhlitiyweni tabo+
Ngekufuna ngenkhani kudla lebebakukhanuka.
19 Babese bakhuluma kabi ngaNkulunkulu,
Batsi: “Nkulunkulu angasipha yini kudla ehlane?”+
20 Washaya lidvwala
Kwageleta emanti, nemifula yagcwala.+
Kodvwa babuta batsi: “Angasipha yini nesinkhwa,
Futsi angabaniketa yini bantfu bakhe inyama?”+
21 Ngesikhatsi Jehova abeva, watfukutsela;+
Jakobe wacotfulwa ngumlilo,+
Futsi intfukutselo yaNkulunkulu yavutsela ema-Israyeli+
22 Ngobe awazange akholwe kuNkulunkulu;+
Awazange ametsembe kutsi angawasindzisa.
23 Ngako wayala sibhakabhaka lesigcwele emafu,
Futsi wavula iminyango yelizulu.
24 Wachubeka awehlisela imana kuze ayidle;
Wawaniketa kudla lokuvela ezulwini.+
26 Wenta kutsi umoya wasemphumalanga uhhushe emazulwini,
Futsi ngemandla akhe wenta kutsi kuhhushe umoya waseningizimu.+
27 Wabehlisela inyama yaba yinyenti ngangelutfuli,
Tinyoni taba ngangesihlabatsi saselwandle.
28 Watehlisela etindzaweni bantfu bakhe lebebahlala kuto,
Kuyo yonkhe indzawo lebeyiseceleni kwemathende akhe.
29 Badla futsi bangayekeli ngisho sebesutsi;
Wabanika konkhe lebebakufisa.+
30 Kodvwa batsi basafuna kuchubeka nekudla,
Ngesikhatsi lokudla kusesemilonyeni yabo,
31 Intfukutselo yaNkulunkulu yabavutsela.+
Wabulala emadvodza lanemandla emkhatsini wabo;+
Wabulala emajaha aka-Israyeli.
32 Nobe kunjalo, bona kakhulu kunakucala,+
Futsi abazange bayikholwe imisebenti yakhe lemangalisako.+
33 Ngako wenta kutsi emalanga abo aphele kuhle kwemoya lophuma emakhaleni,+
Wenta nekutsi iminyaka yabo icedvwe tehlakalo letesabekako lebebangakatilindzeli.
34 Nakwenteka abulala labanye babo, lalabanye bebabese bafuna lusito kuye;+
Bebaphendvuka futsi bafune Nkulunkulu,
35 Bakhumbule kutsi uLidvwala labo+
Nekutsi Nkulunkulu Losetikwako Konkhe unguMhlengi wabo.+
36 Kodvwa betama kumkhohlisa ngemilomo yabo
Futsi bamyenga ngelulwimi lwabo.
Bekachubeka ayibamba intfukutselo yakhe+
Kunekutsi aluvete lonkhe lulaka lwakhe.
42 Bawakhohlwa emandla akhe,
Balikhohlwa lilanga labakhulula ngalo esitseni,+
43 Nendlela lenta ngayo tibonakaliso eGibhithe+
Netimangaliso esifundzeni saseSowani,
44 Bayikhohlwa nendlela lagucula ngayo emanti lasemiseleni yeNayili aba yingati,+
Lokwenta kutsi bantfu bangakhoni kunatsa emifuleni yakhona.
46 Wenta kutsi labakulimile kudliwe sikhonyane lesishwabadzelako,
Nekutsi lebebakusebentele kudliwe libulo letintsetse.+
49 Watfulula lulaka lwakhe loluvutsako etikwabo,
Wabakwatela, wabatfukutselela kakhulu futsi wabenta bacindzeteleka,
Watfumela netingilosi letinyenti kutsi tibaletsele inhlekelele.
50 Wadedela lulaka lwakhe.
Akazange abavikele ekufeni;
Wababulala ngesifo lesibulalako.
51 Ekugcineni wabulala onkhe ematibulo aseGibhithe,+
Lokungematibulo latalwa emathendeni aHhamu.
52 Ngemuva kwaloko, wakhipha bantfu bakhe njengetimvu+
Futsi wabahola njengemhlambi ngesikhatsi basehlane.
54 Wabaletsa eveni lakhe lelingcwele,+
Lokusifundza lesinetintsaba lasitsatsa ngesandla sakhe sangesekudla.+
55 Wacosha tive embikwabo;+
Wabaniketa lifa labakalela lona;+
Waniketa tive taka-Israyeli emakhaya kute tihlale kuwo.+
56 Kodvwa bachubeka bamvivinya Nkulunkulu Losetikwako Konkhe, futsi bamvukela;+
Abazange babunake bufakazi labanika bona.+
57 Bamshiya Nkulunkulu futsi bebakhohlakele njengabokhokho babo.+
Bebangaketsembeki, bafana nebutjoki lobugwegwile.+
58 Bachubeka bamenyanyisa ngetindzawo tabo letiphakeme lebebakhontela kuto,+
59 Nkulunkulu wakubona loku futsi wacansuka kakhulu,+
Ngako wawalahla ema-Israyeli.
60 Ekugcineni walishiya lithende lakhe lekukhontela lebeliseShilo,+
Lokulithende lebekahlala kulo emkhatsini webantfu.+
61 Wavuma kutsi libhokisi lesivumelwane litsatfwe titsa takhe;
Wativumela kutsi titsatse luphawu lwemandla akhe.+
62 Wabayekelela bantfu bakhe kutsi babulawe ngenkemba+
Futsi walitfukutselela kakhulu lifa lakhe.
63 Emajaha akhe acotfulwa ngumlilo,
Kwaba bete netingoma temshado letihlatjelelwa tintfombi.
65 Ngemuva kwaloko Jehova wavuka, kwaba ngatsi abelele,+
Wafana nelichawe+ nalivuka ngemuva kwekunatsa liwayini lelinyenti.
66 Waticosha titsa takhe;+
Futsi watenta tahlazeka phakadze.
67 Wasilahla situkulwane saJosefa;
Akazange asikhetse sive saka-Efrayimu.
69 Wenta kutsi indzawo yakhe lengcwele ihlale ikhona njengemazulu,*+
Futsi ihlale ikhona njengemhlaba lawumise kuze kube phakadze.+
70 Wakhetsa Davide+ inceku yakhe
Wamtsatsa esibayeni setimvu,+
71 Wamtsatsa elusa timvu letinemazinyane;
Wamenta welusa bantfu bakhe, lokusitukulwane saJakobe,+
Welusa Israyeli lobekalifa lakhe.+
Ingoma ya-Asafa.+
79 Awu Nkulunkulu, tive tihlasele live lakho;+
Tingcolise lithempeli lakho lelingcwele;+
Tenta lidolobha laseJerusalema laba tindzala.+
2 Tidvumbu tetinceku takho titinikete tinyoni telizulu kutsi tibe kudla kwato
Tanika netilwane tesiganga tidvumbu talabetsembekile bakho kutsi titidle.+
3 Ticitse ingati yabo eJerusalema kwaba shengatsi ticitsa emanti,
Futsi kute losele longabangcwaba.+
4 Tive letibomakhelwane betfu setiyasenyanya;+
Bantfu lesakhelene nabo bahlekisa ngatsi futsi bayasetfuka.
5 Awu Jehova, kutawuze kube ngunini solo usitfukutselele? Kutawuze kube phakadze yini?+
Kutawuze kube ngunini intfukutselo yakho ivutsa njengemlilo?+
6 Tfululela intfukutselo yakho etikwetive letingafuni kukwati
Nasetikwemibuso lengalibiti libito lakho.+
7 Ngobe tisihlasele situkulwane saJakobe
Futsi tashiya kungenamuntfu eveni lakhe.+
8 Ungasibeki licala ngetono letentiwa bokhokho betfu.+
Sentele umusa ngekushesha,+
Ngobe sesiphelelwe ngemandla.
9 Awu Nkulunkulu longumsindzisi wetfu, sisite,+
Sisite ngenca yelibito lakho lelikhatimulako;
Sikhulule futsi usicolele tono tetfu ngenca yelibito lakho.+
10 Kungani tive kufanele titsi: “Uphi loNkulunkulu wabo?”+
Shengatsi singabona lapho tive setati
Kutsi seyiphindziselelwe ingati yetinceku takho leyacitfwa.+
11 Shengatsi ungakuva kukhala kwesiboshwa.+
Sebentisa emandla akho lamakhulu kuze usindzise* labo labatfole sigwebo sekufa.+
12 Tijezise ngalokuphindvwe kangu-7 tive letibomakhelwane betfu+
Ngenca yetinhlamba letikwetfuke ngato Jehova.+
13 Ngemuva kwaloko, tsine bantfu bakho lesitimvu telidlelo lakho,+
Sitakubonga kuze kube phakadze;
Futsi ludvumo lwakho sitalumemetela kuto tonkhe titukulwane.+
Sicondziso lesiya kumcondzisi: Kufanele ihlatjelwe ngendlela letsi: “Timbali.”* Ingoma ya-Asafa lesikhumbuto.+
80 Awu Melusi wema-Israyeli, lalela,
Wena lowelusa Josefa njengemhlambi.+
4 Kutawuze kube ngunini Jehova Nkulunkulu wemabutfo solo utfukutsele, futsi ungawunaki umthantazo webantfu bakho?+
5 Wenta tinyembeti tabo tifanane nekudla kubo,
Futsi sonkhe sikhatsi wenta kutsi bahlale bakhala.
6 Wenta kutsi tive letibomakhelwane betfu tibangisane ngekusincoba;
Titsa tetfu tihlale tihlekisa ngatsi sinome kanjani.+
7 Awu Nkulunkulu wemabutfo, phindze usemukele;
Sentele umusa, khona sitewusindziswa.+
8 Wakhipha bantfu bakho eGibhithe kuhle kwesihlahla semagilebisi.+
Wacosha tive eveni lato wase uyasihlanyela.+
9 Walungisa indzawo lapho utawusihlanyela khona,
Samila timphandze futsi sagcwala yonkhe indzawo.+
10 Tintsaba betimbonywe ngumtfunti waso,
Netihlahla taNkulunkulu temisedari betimbonywe ngemagala aso.
12 Uludziliteleni lubondza lolwakhiwe ngematje lolutungelete letihlahla temagilebisi,+
Wavumela kutsi bonkhe labendlulako bakhe titselo tato?+
13 Tingulube tesiganga setitibulele letihlahla,
Netilwane tesiganga nato tatidla.+
14 Awu Nkulunkulu wemabutfo, sicela ubuye kitsi.
Buka phansi usezulwini futsi ubone.
16 Lesihlahla sijutjiwe sase siyashiswa.+
Bantfu bayashabalala nawubekhuta.
17 Shengatsi ngesandla sakho ungasita umuntfu longesekudla sakho,
Usite indvodzana lotikhulisele yona.+
18 Nawenta njalo, ngeke sikushiye.
Silondvolote kuze sibite libito lakho.
19 Awu Jehova Nkulunkulu wemabutfo, phindze usemukele;
Sentele umusa, khona sitewusindziswa.+
81 Memetani nitfokote embikwaNkulunkulu losinika emandla.+
Memetani nijabulile futsi nidvumise Nkulunkulu waJakobe.
2 Calani ingoma futsi nitsatse ithamborine,
Nitsatse nelihabhu lelikhipha umsindvo lomnandzi kanye nensimbi yemculo lenetintsambo.
3 Shayani luphondvo nakwetfwasa inyanga,+
Nilushaye nakugcwele inyanga, ngelilanga lesigubha ngalo umkhosi wetfu.+
4 Ngobe loku kungumtsetfo locondziswe kuma-Israyeli,
Kusijubo saNkulunkulu waJakobe.+
Ngeva livi lebengingalati litsi:
6 “Ngasusa umtfwalo emahlombe akhe;+
Ngamkhulula ekubeni sigcili.
Ngakuvivinya emantini aseMeribha.*+ (Sela)
8 Lalelani bantfu bami, futsi mine ngitaniyala.
Awu sive sema-Israyeli, kube mane beningangilalela.+
9 Bekungeke kube nabonkulunkulu labangatiwa emkhatsini wenu,
Futsi beningeke nikhotsamele bonkulunkulu baletinye tive.+
10 Mine Jehova, nginguNkulunkulu wenu,
Ngimi lowanikhipha eveni laseGibhithe.+
Vulani imilomo yenu, futsi ngitanipha kudla nize nesutse.+
11 Kodvwa-ke bantfu bami abazange bangilalele;
Ema-Israyeli akazange atitfobe kimi.+
12 Ngawayekela achubeka nekuba netinhlitiyo letinenkhani;
Enta loko lebekacabanga kutsi kulungile.+
14 Mine bengitatincoba ngekushesha titsa tawo;
Ngibahlasele labo labamelene nawo.+
15 Bantfu labenyanya Jehova batawuchachateliswa kwesaba embikwakhe,
Futsi sijeziso labatasitfola sitawuhlala phakadze.
16 Kodvwa bantfu bakhe utawubapha kolo loncono kakhulu+
Abaphe luju loluphuma emadvwaleni baze benetiseke.”+
Ingoma ya-Asafa.+
82 Nkulunkulu ume endzaweni yakhe emhlanganweni longcwele;+
2 Nkulunkulu utsi: “Kutawuze kube ngunini solo ningehluleli ngekulunga+
Futsi nibentela umusa lababi nanehlulela?+ (Sela)
3 Vikelani lophansi naloyintsandzane.+
Baphatseni ngekulunga labangenabani nalabahluphekile.+
4 Mkhululeni lophansi nalophuyile;
Nibavikele kulababi.”
5 Labehluleli abati lutfo futsi abacondzi;+
Bahambahamba ebumnyameni;
8 Awu Nkulunkulu, yehlulela umhlaba,+
Ngobe tonkhe tive ngetakho.
Ingoma ya-Asafa.+
83 Awu Nkulunkulu ungabindzi;+
Awu Nkulunkulu Somandla, ungathuli nobe utsalalise.
2 Ase ubuke nje, titsa takho tiyaphitsitela;+
Labo labakwenyanyako bayatigabatisa.
3 Ngebucili bakhela bantfu bakho emachinga;
Bahlangana ndzawonye kute bamelane nebantfu bakho lobatsandzako.
4 Batsi: “Wotani sicotfule lesive saka-Israyeli,+
Kute singaphindzi sikhunjulwe.”
5 Bayavumelana ngalelicebo labo lelibi;
Bente sivumelwane sekumelana nawe.+
6 Kuhlangene baka-Edomu, baka-Ishmayeli,* bakaMowabi+ nebakaHagari,+
7 BaseGebali, ema-Amoni,+ ema-Amaleki,
9 Loko lowakwenta kubakaMidiyani+ kwente nakubo,
Futsi ubente loko lowakwenta kuSisera nakuJabini esihosheni saseKhishoni.+
10 Babulawa e-Eni-dori;+
Futsi baba ngumcuba.
11 Yenta kutsi tikhulu tabo tifane na-Orebi naZebi;+
Netindvuna tabo tifane naZeba naSalmuna,+
12 Ngobe bebatsi: “Asitsatse lelive Nkulunkulu lahlala kulo libe lifa letfu.”
13 Awu Nkulunkulu wami, bente bafane netjani lobomile lobupheshulwa ngumoya,+
Ubente bafane nemakhoba lapheshulwa ngumoya.
14 Njengemlilo loshisa lihlatsi,
Nanjengelilangabi lelishisa tintsaba,+
15 Nawe bacoshe ngesiphepho sakho+
Futsi ubetfuse ngesivunguvungu sakho.+
16 Bente bahlazeke,
Kute bafunisise libito lakho Jehova.
17 Shengatsi bangadliwa ngemahloni futsi besabe kuze kube phakadze;
Abahlazeke futsi bashabalale;
18 Shengatsi bantfu bangati kutsi libito lakho nguJehova,+
Nekutsi nguwe wedvwa Losetikwako Konkhe emhlabeni wonkhe.+
Sicondziso lesiya kumcondzisi: Simayelana neGithithi.* Ingoma yemadvodzana aKhora.+
84 Maye ngiyalitsandza lithende lakho lelikhulu lekukhontela,+
Awu Jehova wemabutfo!
Ngimemeta ngijabulile embikwaNkulunkulu lophilako ngenhlitiyo yami yonkhe nangemandla ami onkhe.
3 Ngisho netinyoni titfola indzawo yekuhlala endlini yakho,
Nenkonjane itakhela sidleke sayo lapho,
Kute ihlale nemazini ayo
Eceleni kweli-al’thare lakho lelikhulu, wena Jehova wemabutfo,
LonguNkulunkulu wami neNkhosi yami.
5 Bayajabula bantfu labatfola emandla kuwe,+
Labalangatelela kuhamba emigwacweni leya endlini yakho.
6 Nabadzabula ekhatsi esihosheni lesomile lakukhula khona tihlahla tebhakha,*
Kubo kuba shengatsi siyindzawo lenemitfombo;
Futsi timvula tekucala tiyasibusisa.*
7 Batawuchubeka bahamba futsi emandla abo ngeke aphele;+
Nguloyo naloyo kubo utawungena embikwaNkulunkulu eSiyoni.
8 Awu Jehova Nkulunkulu wemabutfo, vani umthantazo wami;
Awu Nkulunkulu waJakobe, lalela. (Sela)
10 Ngobe kucitsa lilanga linye emabaleni endlu yakho kuncono kunekucitsa layinkhulungwane kulenye indzawo.+
Ngikhetsa kuma emnyango wendlu yaNkulunkulu wami
Kunekutsi ngihlale emathendeni alababi.
Jehova angeke abagodlele lokuhle
Bantfu labacotfo kuye.+
12 Awu Jehova wemabutfo,
Uyajabula umuntfu lokwetsembako.+
Sicondziso lesiya kumcondzisi. Ingoma yemadvodzana aKhora.+
2 Bantfu bakho ubatsetselele emaphutsa abo;
Wabacolela tonkhe tono tabo.+ (Sela)
3 Uyibambile intfukutselo yakho;
Awuzange uludedele lulaka lwakho loluvutsako.+
4 Awu Nkulunkulu longumsindzisi wetfu, phindze usemukele,
Ungasasicansukeli.+
5 Utasitfukutselela kuze kube phakadze yini?+
Utawuhlala utfukutsele kusukela kulesinye situkulwane kuya kulesinye yini?
6 Angeke yini uphindze usinikete emandla
Kuze bantfu bakho bajabule ngenca yebuhlobo labanabo nawe?+
8 Ngitakulalela loko lokushiwo nguJehova, longuNkulunkulu weliciniso,
Ngobe utawumemetela kuthula kubantfu bakhe,+ lokungulabo labetsembekile kuye,
Kodvwa ungabavumeli kutsi baphindze batetsembe kakhulu.+
9 Yena ukulungele kusindzisa labo labamesabako,+
Kuze inkhatimulo yakhe ibe seveni letfu.
10 Lutsandvo lolucotfo nekwetsembeka kutawuhlangabetana;
Kulunga nekuthula kuhambe kanye kanye.+
11 Emhlabeni bantfu batawetsembeka kulomunye nalomunye,
Nekulunga kutawehla kuvela emazulwini.+
13 Kulunga kutawuhamba embikwakhe+
Futsi kusilayele lapho anyatsele khona.
Umthantazo waDavide.
86 Awu Jehova, ngilalele futsi uphendvule umthantazo wami,
Ngobe ngiselusizini futsi ngeswele.+
2 Ngivikele ngobe ngetsembekile.+
Sindzisa inceku yakho leyetsembele kuwe,
Ngobe wena unguNkulunkulu wami.+
4 Yenta kutsi inceku yakho ijabule,
Ngobe ngetsembele kuwe Jehova.
11 Awu Jehova, ngifundzise indlela yakho.+
Mine ngitawuhamba endleleni yakho lelungile.+
Ngente ngesabe libito lakho ngenhlitiyo yami yonkhe.+
12 Awu Jehova Nkulunkulu wami, ngikudvumisa ngayo yonkhe inhlitiyo yami,+
Ngitawudvumisa libito lakho kuze kube phakadze,
13 Ngobe umusa* longentela wona mkhulu,
14 Awu Nkulunkulu, bantfu labatigabatisako bamelene nami;+
Licembu lebantfu labatidlova lifuna kungibulala,
Futsi alikuhloniphi.+
15 Kodvwa wena Jehova unguNkulunkulu lonesihawu neluvelo,
Uyephuta kutfukutsela, uchichima lutsandvo lolucotfo futsi wetsembekile.+
16 Nginake futsi ungentele umusa.+
Nika inceku yakho emandla,+
Usindzise indvodzana yencekukati yakho.
17 Nginikete bufakazi bebuhle bakho,
Kute labo labangenyanyako babubone futsi bahlazeke.
Ngobe wena Jehova ungumsiti wami futsi nguwe longidvudvutako.
Ingoma yemadvodzana aKhora.+
87 Lidolobha laNkulunkulu lakhiwe etintsabeni letingcwele.+
3 Awu dolobha laNkulunkulu weliciniso, kukhulunywa tintfo letinhle ngawe.+ (Sela)
4 Ngitawubala Rahabi*+ neBhabhulona emkhatsini wetive letingatiko;
Mayelana nemaFilisti, baseThire nemaKushe,
Kutawutsiwa: “Lona watalelwa eSiyoni.”
5 Mayelana neSiyoni kutawutsiwa:
“Bonkhe labantfu batalelwa eSiyoni.”
Futsi Losetikwako Konkhe utayimisa icine.
6 Naku Jehova latakusho nakabhalisa bantfu:
“Lona watalelwa eSiyoni.” (Sela)
7 Labahlabelako+ nalabadansako+ batawutsi:
“Tonkhe tibusiso tetfu tivela eSiyoni.”*+
Ingoma yemadvodzana aKhora.+ Sicondziso lesiya kumcondzisi: Kufanele ihlatjelwe ngeMahalathi,* futsi ihlatjelwe ngekushintjana. Imaskili* yaHemani+ umZera.
4 Sengibalwa nebantfu labaya ethuneni;+
Ngifana nendvodza lengenamandla+
5 Leshiywe emkhatsini webantfu labafile.
Sengifana netidvumbu letisethuneni,
Longasatikhumbuli
Futsi longasatisiti.
6 Ungifake emgodzini loshona kunayo yonkhe,
Wangifaka etindzaweni letimnyama, emgodzini lomkhulu longenamkhawulo.
7 Intfukutselo yakho iyangesindza,+
Futsi ungicindzetela ngemagagasi akho lanemandla. (Sela)
8 Sewucoshe bangani bami;+
Wangenta ngenyanyeka kubo.
Ngivalelekile futsi angikhoni ngisho nekuphunyula.
9 Emehlo ami awasaboni kahle ngenca yekuhlupheka kwami.+
Awu Jehova, onkhe malanga ngikhala kuwe;+
Ngiphakamisa tandla tami, ngithantaze kuwe.
10 Bantfu labafile ungabentela yini timangaliso?
Labo labafile bangavuka yini bakudvumise?+ (Sela)
11 Kungakhulunywa yini ngelutsandvo lwakho lolucotfo ethuneni,
Kwetsembeka kwakho kungakhulunywa yini ngako endzaweni lakubolela khona tidvumbu?*
12 Timangaliso takho tingatiwa yini endzaweni yebumnyama
Futsi kulunga kwakho kungatiwa yini endzaweni yalabangasakhunjulwa?+
14 Awu Jehova, ungilahleleni?+
Ungifihlelelani buso bakho?+
15 Kusukela ebusheni bami,
Bengisolo ngihlupheka futsi besekusele kancane kutsi ngife;+
Sengize ngindzimundzimu ngenca yetinkinga lovumele kutsi tingehlele.
16 Lulaka lwakho loluvutsako luyangesindza;+
Tento takho letesabisako tiyangibulala.
17 Tihlale tingitungeleta kuhle kwemanti;
Tingivimbetela ndzawo tonkhe.*
18 Ucoshe bangani bami nebantfu lengibetayele;+
Bumnyama sebungumngani wami.
89 Ngitawuhlabela kuze kube phakadze mayelana nendlela Jehova lakhombisa ngayo lutsandvo lolucotfo.
Ngitawucocela tonkhe titukulwane ngekwetsembeka kwakho.
2 Ngobe mine ngitsite: “Lutsandvo lwakho lolucotfo lutawuhlala lukhona kuze kube phakadze,+
Futsi wente kutsi kwetsembeka kwakho kuhlale kukhona emazulwini.”
4 ‘Intalelwane yakho ngitayenta ihlale kuze kube phakadze,+
Ngitawenta kutsi sihlalo sakho sebukhosi sihlale sikhona kuto tonkhe titukulwane.’”+ (Sela)
5 Awu Jehova, emazulu atawukhuluma ngetento takho letimangalisako,
Nelibandla lalabangcwele likhulume ngekwetsembeka kwakho.
6 Ngubani nje emazulwini longafananiswa naJehova?+
Ngubani emadvodzaneni aNkulunkulu+ lofanana naJehova?
7 Nkulunkulu uyahlonishwa ebandleni lalabangcwele;+
Mkhulu futsi uyesabeka kubo bonkhe labamtungeletile.+
8 Awu Jehova Nkulunkulu wemabutfo,
Ngubani nje lonemandla njengawe Jehova?+
Wena wetsembekile kuko konkhe lokwentako.+
10 Uncobe Rahabi*+ futsi wambulala.+
Titsa takho utisakate ngemandla akho.+
12 Wadala inyakatfo neningizimu;
INtsaba iThabori+ neNtsaba iHemoni+ kudvumisa libito lakho kujabulile.
14 Kulunga kanye nekwehlulela ngekungakhetsi kusisekelo sesihlalo sakho sebukhosi;+
Lutsandvo lolucotfo nekwetsembeka kusembikwakho.+
15 Bayajabula bantfu labakudvumisa batfokotile.+
Awu Jehova, bayachubeka bahamba nawe futsi wena ubentela umusa.*
16 Bahlale bajatjuliswa libito lakho,
Futsi baphakanyiswe ngenca yekulunga kwakho.
18 Jehova usinike sihlangu setfu,
Inkhosi yetfu ivela kuLongcwele waka-Israyeli.+
19 Ngaleso sikhatsi wena wakhuluma nalabangcwele bakho embonweni watsi:
21 Ngitamsekela ngesandla sami,+
Futsi ngimcinise ngemandla ami.
22 Kute sitsa lesitamcindzetela,
Futsi angeke ahlushwe ngumuntfu lomubi.+
25 Ngitamenta abe neligunya etikwelwandle
Ngente kutsi sandla sakhe sangesekudla sibe neligunya etikwemifula.+
26 Yena utangibita atsi: ‘Wena unguBabe,
UnguNkulunkulu wami futsi uLidvwala lensindziso yami.’+
29 Bantfwana bakhe ngitawubenta bahlale kuze kube phakadze
Futsi ngente sihlalo sakhe sebukhosi sihlale sikhona njengemazulu.+
30 Nangabe emadvodzana akhe angasawulaleli umtsetfo wami
Futsi angasatilandzeli tincumo tami,
31 Nangabe angasatigcini timiso tami
Futsi angasayilaleli imiyalo yami,
32 Mine ngitawubese ngiwashaya ngemzaca ngenca yekungalaleli kwawo,+
Ngiwashayele tono tawo.
35 Njengobe ngingcwele, ngifunga kube kanye nje;
Kutsi angeke ngikhulume emanga kuDavide.+
36 Bantfwana bakhe batawuhlala phakadze;+
Nesihlalo sakhe sebukhosi sitawuhlala sikhona embikwami njengelilanga.+
37 Sitawuhlala sikhona phakadze
Njengobe nje nenyanga ihlala ikhona* esibhakabhakeni.” (Sela)
38 Kodvwa wena umlahlile futsi wamala;+
Umtfukutselele logcotjiwe wakho.
39 Usishiyile sivumelwane losente nenceku yakho;
Umchele wakhe wawutsela ngelihlazo ngekuwulahlela phansi.
40 Udzilite tonkhe tindvonga takhe letakhiwe ngematje;
Wenta tindzawo takhe letivikelekile taba tindzala.
41 Bonkhe labendlulako bamebele tintfo takhe;
Bomakhelwane bakhe bamkhuluma kabi.+
42 Wente titsa takhe tancoba;+
Wenta bonkhe labamenyanyako bajabula.
43 Wente nekutsi inkemba yakhe ingamsiti,
Futsi wamenta wangaphumeleli emphini.
44 Ubucedzile bukhatikhati bakhe
Futsi wasilahlela phansi sihlalo sakhe sebukhosi.
45 Umente waguga asemncane;
Wamtsela ngelihlazo. (Sela)
46 Awu Jehova, kutawuze kube ngunini utifihlile? Kutawuze kube phakadze yini?+
Intfukutselo yakho itawuchubeka yini ivutsa njengemlilo?
47 Khumbula kutsi kuphila kwami kufishane kangakanani.+
Wabadalela lite yini bantfu?
48 Ukhona yini umuntfu longaphila angafi?+
Angatisindzisa yini emandleni eliThuna?* (Sela)
49 Awu Jehova, setishonephi tento takho temusa* takadzeni,
Lowafunga kutsi utawutentela Davide, njengobe wetsembekile?+
50 Awu Jehova, khumbula tinhlamba lokwetfukwa ngato tinceku takho;
Nendlela lokufanele ngetfwale ngayo tinhlamba letiphuma kubo bonkhe bantfu;
51 Ukhumbule indlela titsa takho Jehova lebetetfuka ngayo;
Nendlela letimetfuke ngayo logcotjiwe wakho kuko konkhe lakwentako.
52 Shengatsi Jehova angadvunyiswa phakadze. Amen, yebo Amen.+
INCWADZI YESINE
(Tihlabelelo 90-106)
Umthantazo waMosi inceku yaNkulunkulu weliciniso.+
90 Awu Jehova, kuto tonkhe titukulwane wena bewusolo usiphephelo*+ setfu.
2 Ngaphambi kwekutsi kudalwe tintsaba
Nangaphambi kwekutsi udale umhlaba nako konkhe lokukuwo,+
Wena bewusolo unguNkulunkulu, awunasicalo futsi awunasiphetfo.+
3 Bantfu ubenta babuyele elutfulini;
Utsi kubo: “Buyelani elutfulini, nine madvodzana ebantfu.”+
4 Ngobe kuwe iminyaka leyinkhulungwane injengelilanga layitolo leselengcile,+
Ifanana nema-awa lambalwa nje asebusuku.
5 Bantfu ubenta bashabalale+ ngekushesha, baphele njengeliphupho.
Ekuseni bafana netjani lobuhlumako.+
6 Buyachakaza ekuseni futsi bukhule,
Kodvwa entsambama buyabuna futsi bome.+
7 Lulaka lwakho luyasetfusa+
Nentfukutselo yakho iyasesabisa.
9 Kuphila kwetfu kusheshe kuphele ngenca yentfukutselo yakho;
Iminyaka yetfu yekuphila isheshe iphele kuhle kwemoya lophuma emlonyeni.
10 Siphila iminyaka lengu-70,
Nobe ibe ngu-80+ nangabe umuntfu acinile.
Kodvwa leminyaka igcwala tinkinga nelusizi;
Futsi isheshe iphele bese siyanyamalala.+
11 Ngubani nje lowatiko emandla elulaka lwakho?
Intfukutselo yakho yinkhulu, ilingana nendlela lokufanele sikwesabe ngayo.+
12 Sifundzise indlela yekubala emalanga etfu+
Kuze sibe nenhlitiyo lehlakaniphile.
13 Awu Jehova, phindze usemukele.+ Kutawuze kube ngunini solo usishiyile?+
Hawukela tinceku takho.+
14 Senetise ngemusa* wakho+ ekuseni,
Kute simemete sijabulile futsi sitfokote+ kuphila kwetfu konkhe.
15 Yenta emalanga etfu ekujabula alingane nemalanga lowente sahlupheka ngawo,+
Uwente abe ngangeminyaka leminyenti lebesehlelwa ngayo tinhlekelele.+
16 Shengatsi tinceku takho tingabona imisebenti yakho,
Nemadvodzana ato abone bukhatikhati bakho.+
17 Shengatsi Jehova Nkulunkulu wetfu angasibusisa;
Shengatsi ungawenta uphumelele umsebenti lesiwenta ngetandla tetfu.
Uwuphumelelise umsebenti lesiwenta ngetandla tetfu.+
91 Nobe ngubani lohlala endzaweni lesitsekile yaLosetikwako Konkhe+
Utawukhosela ngephansi kwemaphiko aSomandla.+
2 Ngitawutsi kuJehova: “Wena usiphephelo sami nendzawo yami levikelekile,+
UnguNkulunkulu wami lengetsembele kuye.”+
3 Utakukhulula esicupheni lesibekwe ngulotsiya tinyoni,
Akuvikele kutsi ungahlaselwa sifo lesibulalako.
4 Utakuvikela ngetimphiko takhe,
Futsi wena utawukhosela ngephansi kwemaphiko akhe.+
Kwetsembeka kwakhe+ kutawuba njengelihawu lelikhulu+ nanjengelubondza lolusivikelo.
5 Angeke utesabe tintfo letetfusako letenteka ebusuku,+
Nobe wesabe imicibisholo lentjuza emini,+
6 Nobe sifo lesibulalako lesihlasela ebusuku,
Nobe wesabe tintfo letibhubhisako letenteka emini.
7 Bantfu labangu-1 000 batakuwa eceleni kwakho
Futsi labangu-10 000 bawe ngesekudla sakho,
Kodvwa konkhe loku angeke kukwehlele.+
8 Utawugcina nje ngekukubona ngemehlo akho
Nawubukela lababi bajeziswa.
9 Ngobe wena utsite: “Jehova usiphephelo sami,”
Losetikwako Konkhe umente waba yindzawo yakho lephephile;+
10 Ngako angeke wehlelwe yinhlekelele,+
Futsi lokubi angeke kusondzele ethendeni lakho.
13 Utawuhamba etikwelibhubesi lelisakhula nasetikwemfeti;
Ugcobagcobe libhubesi lelinemandla kanye nenyoka lenkhulu.+
15 Yena utawukhala kimi, mine ngimphendvule.+
Ngitamsekela nakacindzetelekile.+
Ngitamkhulula futsi ngimkhatimulise.
Ingoma lehlatjelwa ngelilanga leliSabatha.
92 Kuhle kukubonga Jehova+
Nekuhlabela sidvumise libito lakho wena Losetikwako Konkhe,
2 Nekumemetela ngelutsandvo lwakho lolucotfo+ ekuseni
Futsi ebusuku simemetele ngekwetsembeka kwakho,
3 Sibe sidlala insimbi yemculo lenetintsambo letingu-10 nalenye insimbi yemculo lenetintsambo,
Sidlale nelihabhu+ lelinemsindvo lomnandzi.
4 Ngobe wena Jehova ungenta ngijabule ngenca yemisebenti yakho;
Futsi ngimemeta ngijabulile ngenca yemisebenti yetandla takho.
5 Awu Jehova, maye mikhulu imisebenti yakho!+
Imicabango yakho ijule kakhulu!+
6 Umuntfu longenangcondvo ngeke ayicondze;
Futsi silima ngeke sicondze kutsi:+
7 Ngisho nobe lababi bangahluma njengelukhula*
Futsi bonkhe labenta lokubi baphumelele,
Batawubhujiswa phakadze.+
8 Kodvwa wena Jehova uphakeme kuze kube phakadze.
9 Awu Jehova, buka nakuncotjwa titsa takho,
Buka indlela titsa takho letitawushabalala ngayo.
Bonkhe labenta lokubi batawuhlakatwa.+
10 Kodvwa utangenta ngibe nemandla lamakhulu njengewenkhomo yesiganga;
Ngitawugcobisa emafutsa+ kuze ngitive ngijabulile.
11 Emehlo ami atawubona nakuncotjwa titsa tami;+
Netindlebe tami tive kutsi bantfu lababi lebebangihlasela bancotjiwe.
12 Kodvwa labalungile batawuphumelela babe njengesihlahla selusundvu
Futsi bakhule babe ngangesihlahla semsedari saseLebanoni.+
13 Bafana netihlahla letihlanyelwe endlini yaJehova;
Futsi bayaphumelela emabaleni aNkulunkulu wetfu.+
14 Ngisho nobe sebakhulile* batawuchubeka baphumelela;+
Batawuhlale banemandla* futsi besulekile,+
15 Bamemetele kutsi Jehova ulungile.
Yena uLidvwala lami,+ futsi uhlale alungile.
93 Jehova sewuyiNkhosi!+
Wembetse buhle;
Jehova wembetse emandla;
Futsi uwabophe njengelibhande.
Umhlaba ume wacina;
Angeke utanyatanyiswe.
3 Awu Jehova, imifula iyagubhutela,
Iyagubhutela futsi iyahlokoma;
Ichubeka igubhutela futsi inemsindvo lomkhulu.
4 Wena uphakeme kunemsindvo wemanti lamanyenti,
Umkhulu kunemagagasi aselwandle lanemandla,+
Wena Jehova uphakeme ezulwini.+
5 Tikhumbuto takho tetsembeke mbamba.+
Awu Jehova, indlu yakho yinhle futsi ihlale ingcwele.+
94 Awu Jehova, Nkulunkulu wemphindziselo,+
Awu Nkulunkulu wemphindziselo, khombisa inkhatimulo yakho.
2 Awu Mehluleli wemhlaba, sisite.+
Unikete labatigabatisako sijeziso lesibafanele.+
3 Awu Jehova, kutawuze kube ngunini,
Kutawuze kube ngunini solo lababi bajabula?+
4 Basho tintfo bangakacabangi futsi bayatigabatisa nabakhuluma;
Bonkhe labenta lokubi bayatigcabha.
5 Awu Jehova, bacindzetela bantfu bakho,+
Futsi baphatsa kabi labo labalifa lakho.
6 Babulala umfelokati nemuntfu wekuhamba,
Babulale netintsandzane.
8 Kucondzeni loku nine leningenangcondvo;
Nine tilima, nitawuhlakanipha nini?+
9 Loyo lowadala indlebe angehluleka yini kuva?
Loyo lowadala liso angehluleka yini kubona?+
10 Loyo lowekhuta tive angehluleka yini kuyala bantfu?+
Nguye lowenta bantfu babe nelwati.+
11 Jehova uyayati imicabango yebantfu,
Uyati kutsi ifanana nemoya lophuma emakhaleni.+
12 Awu Jehova, uyajabula umuntfu loyalwa nguwe,+
Loyo lomfundzisa umtsetfo wakho,+
13 Kute umnike kuthula ngesikhatsi sebumatima,
Kuze kube ngulapho lababi bagujelwa umgodzi.+
15 Ngobe kutawuphindze kwehlulelwe ngekulunga,
Futsi bonkhe labanetinhlitiyo leticotfo batasihlonipha lesehlulelo.
16 Ngubani longangilwela nalababi?
Ngubani longangisita amelane nalababi?
17 Kube Jehova abengesuye umsiti wami,
Ngabe ngasheshe ngashabalala.+
18 Ngesikhatsi ngitsi: “Lunyawo lwami luyashelela,”
Wena Jehova bewuhlale ungisekela ngelutsandvo lwakho lolucotfo.+
20 Babusi lababi bangahlotjaniswa yini nawe
Babe bakha emacebo lamabi, bente shengatsi balandzela umtsetfo?+
22 Kodvwa Jehova utawuba yindzawo yami yekukhosela lephephile,
Nkulunkulu wami ulidvwala lami lengiphephela kulo.+
23 Utawenta kutsi tento tabo letimbi tibuye tehlele bona.+
Ente kutsi emacebo abo lamabi abacotfule.
Jehova Nkulunkulu wetfu utababhubhisa.+
95 Wotani simemete sitfokotile embikwaJehova!
Asimemeteni sijabulile futsi sidvumise Lidvwala letfu lensindziso.+
2 Asiye embikwakhe futsi simbonge;+
Asimemeteni sijabulile futsi sihlabele simdvumise.
3 Ngobe Jehova unguNkulunkulu lomkhulu,
UyiNkhosi lenemandla leyendlula bonkhe labanye bonkulunkulu.+
4 Nguye lolawula nasekujuleni kwemhlaba;
Ticongo tetintsaba ngetakhe.+
6 Wotani simkhonte futsi sikhotsame embikwakhe;
Asiguceni embikwaJehova uMdali wetfu.+
7 Ngobe yena unguNkulunkulu wetfu,
Tsine sibantfu bakhe.
Usinakekela njengetimvu letisemadlelweni.+
Kube mane lamuhla beningalilalela livi lakhe+ nakatsi:
8 “Ningatenti lukhuni tinhlitiyo tenu njengobe bokhokho benu benta eMeribha,*+
Njengobe benta eMasa* lesehlane,+
9 Ngesikhatsi bangilinga;+
Bangivivinya nanobe bebayibonile imisebenti yami.+
10 Kwaphela iminyaka lengu-40 lesitukulwane ngisenyanya, futsi ngatsi:
“Tinhlitiyo talabantfu tihlale tiphambuka;
Netindlela tami abatilandzeli.”
11 Ngako ngafunga ngitfukutsele ngatsi:
“Ngeke ngibavumele kutsi baphumule kanye nami.”+
96 Hlabelelani Jehova ingoma lensha.+
Hlabelelani Jehova nonkhe nine lenisemhlabeni.+
2 Hlabelelani Jehova, nidvumise libito lakhe.
Onkhe malanga memetelani tindzaba letimnandzi tensindziso yakhe.+
3 Memetelani inkhatimulo yakhe etiveni,
Nimemetele kubo bonkhe bantfu ngemisebenti yakhe lemihle.+
4 Jehova mkhulu futsi kumfanele mbamba kudvunyiswa.
Nguye lokufanele esatjwe kwendlula bonkhe labanye bonkulunkulu.
5 Bonkhe bonkulunkulu betive babonkulunkulu labangenamsebenti,+
Kodvwa Jehova nguye lowadala emazulu.+
7 Nikani Jehova ludvumo nine mindeni yebantfu,
Nikani Jehova ludvumo ngenca yenkhatimulo yakhe nemandla akhe.+
8 Nikani Jehova ludvumo lolufanele libito lakhe;+
Letsani sipho futsi ningene emabaleni akhe.
9 Khotsamani* embikwaJehova nigcoke tembatfo letingcwele;*
Chachatelani ngenca yekumesaba, nonkhe nine bantfu labasemhlabeni.
10 Memetelani etiveni nitsi: “Jehova sewuyiNkhosi!+
Umhlaba ume wacina, angeke utanyatanyiswe.
Yena utawehlulela bantfu ngekulunga.”+
11 Shengatsi emazulu angatfokota, nemhlaba ujabule;
Shengatsi lwandle nako konkhe lokukulo kungamdvumisa;+
12 Shengatsi emasimu angatfokota kanye nako konkhe lokukuwo.+
Ngesikhatsi lesifanako tonkhe tihlahla letisemahlatsini atimemete tijabulile+
13 EmbikwaJehova, ngobe uyeta,*
Uyeta kutawehlulela umhlaba.
97 Jehova sewuyiNkhosi!+
Shengatsi umhlaba ungatfokota.+
Shengatsi tonkhe tichingi tingajabula.+
2 Utungeletwe ngemafu kanye nebumnyama lobukhulu;+
Kulunga kanye nekwehlulela ngekungakhetsi kusisekelo sesihlalo sakhe sebukhosi.+
4 Imibane yakhe ikhanyisa live;
Umhlaba uyakubona loku futsi wesabe kakhulu.+
6 Emazulu amemetela ngekulunga kwakhe,
Futsi bonkhe bantfu babona inkhatimulo yakhe.+
7 Shengatsi bangahlazeka bonkhe labo labakhonta tithico,+
Labo labatigabatisa ngabonkulunkulu babo labangenamsebenti.+
Khotsamani* embikwakhe, nonkhe nine bonkulunkulu.+
8 ISiyoni ivile ngekuncoba kwakho futsi yajabula;+
Emadolobha akaJuda ayatfokota
Ngenca yekwehlulela kwakho Jehova.+
9 Ngobe wena Jehova unguLosetikwako Konkhe emhlabeni wonkhe;
Uphakeme kakhulu kunabo bonkhe labanye bonkulunkulu.+
10 Nine lenitsandza Jehova, kwenyanyeni lokubi.+
11 Nkulunkulu ubanika litsemba labalungile,+
Ente labo labanetinhlitiyo leticotfo bajabule.
12 Nine lenilungile, jabulani ngaJehova,
Futsi nibonge libito lakhe lelingcwele.
Ingoma.
Sandla sakhe sangesekudla, lokungumkhono wakhe longcwele, sente kutsi ancobe.+
3 Usikhumbulile setsembiso sakhe sekuyentela umusa* indlu ya-Israyeli+ nekwetsembeka kuyo.
Wonkhe umhlaba uyibonile insindziso levela kuNkulunkulu wetfu.+
4 Nonkhe nine lenisemhlabeni memetani nijabulile, nihlabelele Jehova.
Jabulani, nimemete nitfokotile futsi nimdvumise ngengoma.+
5 Hlabelani nidvumise Jehova ngelihabhu,
Dlalani lihabhu futsi nihlabele ingoma lemnandzi.
6 Shayani emacilongo neluphondvo,+
Nimemete nijabulile embikwaJehova iNkhosi.
7 Shengatsi lwandle nako konkhe lokukulo kungamdvumisa,
Akadvunyiswe nangumhlaba nalabo labahlala kuwo.
8 Shengatsi imifula ingashaya tandla;
Netintsaba timemete kanye kanye tijabulile+
9 EmbikwaJehova, ngobe uyeta* kutawehlulela umhlaba.
99 Jehova sewuyiNkhosi.+ Shengatsi bantfu bangesaba kakhulu.
Uhleti esihlalweni sebukhosi, ngetulu* kwemakherubhi.+ Shengatsi umhlaba ungatamatama.
2 Jehova mkhulu eSiyoni,
Futsi ungetulu kwabo bonkhe bantfu.+
3 Shengatsi bangalidvumisa libito lakho leliphakeme,+
Ngobe liyesabeka futsi lingcwele.
4 Wena uyinkhosi lenemandla letsandza kwehlulela ngekulunga.+
Utimise tacina timiso letilungile.
Wente kutsi kube nekulunga nekwehlulela kahle kaJakobe.*+
5 Phakamisani Jehova Nkulunkulu wetfu+ futsi nikhotsame embikwesenabelo setinyawo takhe;+
Yena ungcwele.+
6 BoMosi na-Aroni bebangulabanye bebaphristi bakhe,+
NaSamuweli bekangulomunye walabebabita libito laNkulunkulu.+
Bebabita Jehova,
Futsi yena abaphendvule.+
7 Abekhuluma nabo asensikeni yelifu.+
Bebatenta tintfo lebekabakhumbuta tona, bawugcina nemtsetfo wakhe.+
8 Awu Jehova Nkulunkulu wetfu, wena wabaphendvula.+
9 Phakamisani Jehova Nkulunkulu wetfu,+
Nikhotsame embikwentsaba yakhe lengcwele,+
Ngobe Jehova Nkulunkulu wetfu ungcwele.+
Ingoma yekubonga.
100 Nonkhe nine lenisemhlabeni memetani nijabulile, nihlabelele Jehova.+
2 Khontani Jehova nijabulile.+
Wotani embikwakhe nibe nimemeta nitfokotile.
3 Yatini kutsi Jehova unguNkulunkulu.+
Nguye lowasidala futsi tsine sibakhe.*+
Sibantfu bakhe futsi sitimvu telidlelo lakhe.+
Mbongeni futsi nidvumise libito lakhe.+
5 Ngobe Jehova muhle;+
Lutsandvo lwakhe lolucotfo luhlala kuze kube phakadze,
Nekwetsembeka kwakhe kuhlale kukhona kuto tonkhe titukulwane.+
Ingoma yaDavide.
101 Ngitawuhlabela ingoma lekhuluma ngelutsandvo lolucotfo nekwehlulela ngekulunga.
Awu Jehova, ngitawuhlabela ngikudvumise.
2 Ngitawenta tintfo ngekuhlakanipha futsi ngibe msulwa.
Utangisita nini?
Ngitawuhlale ngicotfo enhlitiyweni+ ngisho ngisendlini yami.
3 Angeke ngibuke nome ngabe yini lengenamsebenti.
Ngiyakwenyanya lokwentiwa ngulabo labashiye lokulungile;+
Angeke ngitihlanganise nabo.
4 Angitihlanganisi nemuntfu lonenhlitiyo lekhohlakele;
Angeke ngikwente lokungakalungi.
5 Nome ngubani lonyundzela makhelwane wakhe emakhwaceleni+
Ngitamthulisa.
Nome ngubani lotiphakamisako nalotigcabhako,
Ngeke ngimbeketelele.
6 Bantfu labetsembekile labasemhlabeni ngibo lengitabemukela
Kutsi bahlale nami.
Umuntfu lomsulwa* utawuba yinceku yami.
7 Umuntfu lokhohlisako ngeke ahlale endlini yami,
Nemuntfu lonemanga angeke eme embikwami.
8 Ngitababindzisa* njalo ekuseni bonkhe bantfu lababi emhlabeni,
Kuze ngibasuse edolobheni laJehova bonkhe labenta lokubi.+
Umthantazo wemuntfu locindzetelekile ngesikhatsi aphelelwe litsemba futsi atjela Jehova konkhe lokumkhatsatako.+
2 Ungangifihleli buso bakho nangicindzetelekile.+
Ngicela ungilalele;
Sheshe ungiphendvule nangikhala kuwe.+
3 Ngobe kuphila kwami kuphela kuhle kwentfutfu,
Futsi ematsambo ami abuhlungu kakhulu, kuba ngatsi asemlilweni.+
4 Inhlitiyo yami seyifana netjani lobushiswe lilanga futsi boma,+
Sengize angisakhanuki ngisho nekudla.
6 Sengifana nelivuba lasehlane;
Ngifana nesikhova lesihleti etindzaleni.
8 Titsa tami tingetfuka onkhe malanga.+
Labo labangedzelelako* basebentisa libito lami nabacalekisa labanye.
9 Umlotsa sewaba kudla kwami,+
Futsi tinyembeti tami tintfontsela kulengikunatsako,+
10 Ngenca yekutsi wena ungitfukutselele futsi ungicansukele.
Ungiphakamisile wabese uyangilahla.
12 Kodvwa wena Jehova uhlala ukhona kuze kube phakadze,+
Nelibito* lakho litawuhlala latiwa kuto tonkhe titukulwane.+
13 Utawuphakama futsi uyentele umusa iSiyoni,+
Ngobe sesikhatsi sekutsi uyivele;+
Sikhatsi lesibekiwe sesifikile.+
15 Tive titalesaba libito laJehova,
Futsi onkhe emakhosi asemhlabeni atawuvuma kutsi wena uyakhatimula.+
19 Ngobe ubuka phansi asendzaweni yakhe lephakeme lengcwele,+
Jehova ubuka umhlaba asezulwini
20 Kute alalele kukhala kwetiboshwa,+
Abakhulule labo labagwetjelwe kufa,+
21 Khona libito laJehova litawumenyetelwa eSiyoni+
Futsi advunyiswe eJerusalema,
22 Lapho imibuso nebantfu
Bahlangana kute bakhonte Jehova.+
23 Yena wente kutsi emandla ami asheshe aphele;
Wafinyeta emalanga ami ekuphila.
24 Ngitsite: “Awu Nkulunkulu wami,
Ungakufinyeti kuphila kwami ngobe ngisengakagugi,
Wena unguNkulunkulu lotawuhlala akhona kuze kube phakadze.+
25 Kadzeni wabeka tisekelo temhlaba,
Futsi emazulu angumsebenti wetandla takho.+
26 Kutawushabalala, kodvwa wena utawuhlale ukhona;
Konkhe kutawuguga njengengubo.
Utakushintja njengalapho umuntfu ashintja imphahla legugile, futsi konkhe kutawuphela.
27 Kodvwa wena awushintji, futsi utawuhlale ukhona.+
28 Bantfwana betinceku takho batawuhlala baphephile,
Nebantfwana babo batawuchubeka baphila embikwakho.”+
Ingoma yaDavide.
103 Shengatsi ngingamdvumisa Jehova;
Angidvumise libito lakhe lelingcwele ngayo yonkhe inhlitiyo yami.
2 Shengatsi ngingamdvumisa Jehova;
Shengatsi ngingahlale ngikukhumbula konkhe lakwentile.+
3 Yena ucolela onkhe emaphutsa ami,+
Elaphe konkhe kugula kwami;+
Ungitsandza ngelutsandvo lolucotfo futsi ungentela umusa.+
5 Ungenelisa ngetintfo letinhle+ kuko konkhe kuphila kwami,
Kuze ngihlale ngimusha futsi nginemandla njengelusweti.+
10 Indlela lasiphatsa ngayo ayiyi ngendlela lesona ngayo,+
Nekusijezisa kwakhe akuyi ngemaphutsa lesiwentako.+
11 Njengobe emazulu aphakeme kakhulu kunemhlaba,
12 Njengobe imphumalanga ikhashane kakhulu nenshonalanga,
Naye utikhweshise kangako-ke tono tetfu kitsi.+
16 Kodvwa kutsi kungahhusha umoya kuvele kuphele ngayo,
Kube ngatsi ayikaze ibe khona.
17 Kepha Jehova utabentela umusa* kuze kube phakadze
Labo labamesabako,+
Futsi utawubaphatsa ngendlela lelungile bantfwana bebantfwana babo,+
18 Ente lokufanako nakulabo labagcina sivumelwane sakhe+
Nakulabo labatimiselako kugcina imitsetfo yakhe.
19 Jehova usente sema sacina sihlalo sakhe sebukhosi emazulwini;+
Futsi konkhe lokukhona kubuswa nguye.+
20 Dvumisani Jehova nonkhe nine tingilosi takhe,+ nine leninemandla lamakhulu,
Lenenta loko lakushoko+ futsi lenilalela livi lakhe.
22 Yonkhe indalo yakhe ayidvumise Jehova
Kuyo yonkhe indzawo labusa kuyo.
Shengatsi ngingamdvumisa Jehova.
104 Shengatsi ngingamdvumisa Jehova.+
Awu Jehova Nkulunkulu wami, wena umkhulu kakhulu.+
Wembetse ludvumo nebukhosi.+
3 Indzawo yakho yekuhlala uyakhe ngetulu kwemafu,+
Wenta emafu aba yinkalishi yakho,+
Futsi uhamba etikwemoya.+
6 Uwumbonye ngemanti lashonako kwaba shengatsi uwumbonya ngengubo yekugcoka.+
Netintsaba timbonywe ngemanti.
7 Emanti avele nje akhwesha ngesikhatsi uwekhuta;+
Avele ageleta ngekushesha ngesikhatsi eva livi lakho lelifana nekudvuma kwelitulu.
8 Ngenca yaloko, tintsaba takhuphuka,+ tihosha tashona phansi,
Taya endzaweni lobewutilungiselele yona.
9 Wawabekela umncele lokufanele angaweci,+
Kuze angaphindzi ambonye umhlaba.
10 Wenta kutsi kube netiyalu etihosheni;
Nekutsi emanti agelete emkhatsini wetintsaba.
11 Tonkhe tilwane tesiganga tinatsa khona;
Netimbongolo* tifike tinatse khona nasetomile.
12 Tinyoni takha tidleke tato etihlahleni letiseceleni kwalamanti;
Tihlabele emkhatsini wemagala etihlahla letiluhlata.
13 Unisela tintsaba ngemvula levela emakamelweni akho lasetulu.+
Umhlaba ugcwele imisebenti yakho.+
Loku ukwentela kutsi kuvele kudla emhlabeni,
15 Neliwayini lelenta inhlitiyo yemuntfu ijabule,+
Nemafutsa lenta buso bucwebetele,
Kanye nesinkhwa lesenta umuntfu aphile.+
16 Tihlahla taJehova tiniselwe kahle,
Lokuyimisedari yaseLebanoni layihlanyela,
17 Lapho tinyoni takhela khona tidleke tato.
Dvoye+ yena uhlala etihlahleni temjunipha.
19 Wente kutsi inyanga yehlukanise tikhatsi temnyaka;
Nelilanga liyati kutsi kufanele lishone nini.+
20 Wenta kutsi kube mnyama bese kuba kusebusuku,+
Lokusikhatsi lapho tonkhe tilwane tesiganga tijangaza khona.
21 Emabhubesi lasakhula ayabhodla nakatingela inyamatane+
Futsi etama kutfola kudla lakunikwa nguNkulunkulu.+
22 Kutsi nakuphuma lilanga,
Ayekele kutingela, ahambe ayolala emihumeni yawo.
23 Umuntfu uyahamba aye emsebentini wakhe,
Asebente lize liyoshona.
24 Awu Jehova, maye minyenti imisebenti yakho!+
Yonkhe uyente ngekuhlakanipha.+
Umhlaba ugcwele tintfo letentiwe nguwe.
25 Wente lwandle lwaba lukhulu kakhulu futsi lwaba banti,
Lugcwele tintfo letiphilako lesingeke sikhone kutibala, letincane naletinkhulu.+
27 Tonkhe tibuke wena
Kutsi utiphe kudla ngesikhatsi lesifanele.+
28 Tiyakudla loko lotinika kona.+
Nawuvula sandla sakho, titfola tintfo letinyenti letinhle.+
29 Nawufihla buso bakho tiva buhlungu.
Nawutemuka umoya wato tiyafa futsi tibuyele elutfulini.+
30 Nawutfumela umoya wakho longcwele tiyadalwa,+
Futsi wena wenta kutsi umhlaba uvete tintfo letinsha.
31 Inkhatimulo yaJehova itawuhlala kuze kube phakadze.
Jehova utawujabula ngemisebenti yakhe.+
32 Nakabuka umhlaba, uvele utamatame;
Nakatsintsa tintsaba, tivele tibhunye intfutfu.+
33 Ngitamhlabelela Jehova+ nangisaphila;
Ngitawuhlabela ngidvumise Nkulunkulu wami, yingci nje nangisaphila.+
34 Shengatsi imicabango yami ingamjabulisa.*
Ngitawujabula ngaJehova.
35 Bantfu labonako batawushabalala emhlabeni,
Futsi bantfu lababi ngeke baphindze babe khona.+
Shengatsi ngingamdvumisa Jehova. Dvumisani Jehova!
3 Tigcabheni ngelibito lakhe lelingcwele.+
Tinhlitiyo talabo labafuna Jehova atijabule.+
4 Funani Jehova+ futsi nimcele kutsi aninike emandla.
Mfuneni ngaso sonkhe sikhatsi.
5 Khumbulani imisebenti yakhe lemangalisako layentile,
Nikhumbule netimangaliso latenta kanye netehlulelo latikhiphile,+
6 Nine ntalelwane* ya-Abrahama inceku yaNkulunkulu,+
Nine madvodzana aJakobe, leningulabakhetsiwe bakhe.+
7 Yena unguJehova Nkulunkulu wetfu.+
Tehlulelo takhe tisemhlabeni wonkhe.+
8 Uhlale asikhumbula sivumelwane lasenta,+
Loko lakwetsembisa etitukulwaneni letiyinkhulungwane,+
9 Lokusivumelwane lasenta na-Abrahama,+
Nesifungo lasenta ku-Isaka.+
10 Leso lasisungula saba ngumtsetfo kuJakobe
Saphindze saba sivumelwane lesihlala njalo ku-Israyeli,
11 Ngesikhatsi atsi: “Ngitakunika live laseKhenani+
Libe lifa lakho.”+
13 Bebahambahamba basuka kulesinye sive baya kulesinye,
Basuka nakulomunye umbuso baya kulabanye bantfu.+
14 Akazange avumele muntfu kutsi abacindzetele,+
Kodvwa abejezisa emakhosi ngenca yabo,+
15 Atsi: “Ningabatsintsi labagcotjiwe bami,
Futsi ningenti lutfo lolubi kubaphrofethi bami.”+
17 Watfumela indvodza leyahamba embikwabo,
LokunguJosefa lowatsengiswa waba sigcili.+
18 Tinyawo takhe batibopha* ngetinketane;+
Intsamo yakhe bayibopha ngetinsimbi,
19 Kwaze kwaba ngulapho livi laNkulunkulu lifezeka.+
Loko lokwashiwo nguJehova kwamenta waba ngumuntfu lohlantekile.
20 Inkhosi yayala kutsi akhululwe,+
Lombusi walabantfu wamkhulula.
21 Yamenta waba sikhulu sendlu yayo,
Yamenta walawula konkhe lenako,+
22 Yamniketa lonkhe ligunya lekwengamela tindvuna tayo
Nelekufundzisa baholi kuhlakanipha.+
23 Israyeli wase uyefika eGibhithe,+
Futsi Jakobe waba sihambi eveni laHhamu.
24 Nkulunkulu wenta bantfu bakhe baba nebantfwana labanyenti;+
Wabenta baba nemandla kunetitsa tabo,+
25 Futsi tinhlitiyo tato watishintja tase tenyanya bantfu bakhe,
Kuze takhe lichinga lekumelana netinceku takhe.+
27 Benta tibonakaliso taNkulunkulu embikwebaseGibhithe,
Benta timangaliso takhe eveni laHhamu.+
28 Watfumela bumnyama futsi live laba mnyama;+
BoMosi na-Aroni balilalela livi lakhe.
29 Washintja emanti akhona aba yingati
Futsi wabulala tinhlanti.+
30 Kwagcwala ticoco eveni,+
Tagcwala ngisho nasetindlini tasebukhosini.
33 Wavitsita tihlahla tabo temagilebisi netemakhiwa,
Wabulala tonkhe tihlahla kulelive.
34 Watjela sikhonyane kutsi sihlasele,
Tintsetse letinyenti kakhulu letisengakakhoni kundiza tahlasela.+
35 Tadla konkhe lobekumilile kulelive,
Futsi tashwabadzela konkhe lebebakulimile.
37 Bantfu bakhe wabakhipha baphetse lisiliva neligolide;+
Futsi kute lobekabutsakatsaka etiveni tebantfu bakhe.
38 Bantfu baseGibhithe bajabula ngesikhatsi ema-Israyeli ahamba,
Ngobe bese bawesaba kakhulu.+
40 Ngesikhatsi bacela inyama, wabanika tinyoni;*+
Bekahlale abesutsisa ngesinkhwa lesivela ezulwini.+
42 Ngobe bekasikhumbula setsembiso lesingcwele lasenta ku-Abrahama inceku yakhe.+
43 Bantfu bakhe bebajabulile nakabakhipha,+
Labakhetsiwe bakhe baphuma bamemeta bajabulile.
45 Wenta loko kuze bagcine imiyalo yakhe+
Futsi balalele imitsetfo yakhe.
Dvumisani Jehova!
106 Dvumisani Jehova!
2 Ukhona yini longayimemetela yonkhe imisebenti lemikhulu leyentiwe nguJehova,
Nobe longamemetela ngato tonkhe tento takhe letibabatekako?+
3 Bayajabula bantfu labenta tintfo ngendlela lelungile,
Labo labahlale benta lokuhle.+
4 Awu Jehova, ngikhumbule nawubentela umusa bantfu bakho.+
Nginakekele futsi ungisindzise,
5 Kuze ngibone buhle lobukhombisa labakhetsiwe bakho,+
Kute ngijabule kanye nesive sakho,
Futsi ngikudvumise ngijabulile* ngikanye nebantfu labalifa lakho.
7 Ngesikhatsi bokhokho betfu baseseGibhithe, abazange bakubone kubaluleka kwemisebenti yakho lemangalisako.
9 Wekhuta Lwandle Lolubovu, lwase luyoma;
Wabahola ekujuleni kwalo kwaba shengatsi ubahola ehlane;+
10 Wabasindzisa kubantfu lababenyanyako+
Futsi wabakhulula etitseni tabo.+
11 Titsa tabo tambonywa ngemanti;
Kwangasindzi ngisho nasinye kuto.+
13 Kodvwa basheshe bakukhohlwa loko lebekakwentile;+
Abazange bamele kutfola sicondziso sakhe.
14 Ngenca yekutsi bebanebugovu, bebafuna tintfo letinyenti ngesikhatsi basehlane;+
Bamvivinya Nkulunkulu elugwadvule.+
15 Wabanika loko lebebakucelile,
Kodvwa wabese ubashaya ngesifo lesabenta baba butsakatsaka futsi bagcine bafile.+
16 Labantfu baba nemona ngaMosi.
Baba nemona nanga-Aroni,+ longulongcwele waJehova.+
17 Umhlaba wase uyavuleka, wamita Dathani,
Futsi wambonya labo labebakanye na-Abiramu.+
18 Kwavutsa umlilo kulelicembu lalabantfu;
Lilangabi labacotfula bantfu lababi.+
19 Bakha sithico selitfole eHorebe
Futsi basikhotsamela lesithico sensimbi;+
20 Esikhundleni sekukhatimulisa yena,
Bakhatimulisa sithico lesakhiwe safana nenkunzi ledla tjani.+
21 Bamkhohlwa Nkulunkulu+ longuMsindzisi wabo,
Lowabentela tintfo letinkhulu eGibhithe,+
22 Wabentela imisebenti lemangalisako eveni laHhamu,+
Nemisebenti leyesabekako eLwandle Lolubovu.+
23 Besekusele kancane kutsi atsi abacotfulwe,
Kodvwa Mosi, lokhetsiwe wakhe, wamncenga
Kutsi abambe lulaka lwakhe, angababhubhisi.+
26 Ngako waphakamisa sandla wafunga
Kutsi utabenta bafele ehlane;+
27 Ente nebantfwana babo babulawe tive,
Futsi abahlakatele kuletinye tindzawo.+
30 Kodvwa kwatsi lapho Finehasi asukuma enta lokulungile,
Lesishayo saphela.+
31 Ngako Nkulunkulu watsi ulungile
Kuto tonkhe titukulwane kuze kube phakadze.+
32 Bamtfukutselisa ngesikhatsi basemantini aseMeribha,*
Futsi tintfo tamhambela kabi Mosi ngenca yabo.+
37 Bebanikela ngemadvodzana abo
Nangemadvodzakati abo emadimonini.+
38 Bachubeka bacitsa ingati yebantfu labangenacala,+
Lokuyingati yemadvodzana abo nemadvodzakati abo,
Lebebanikela ngawo etithicweni taseKhenani;+
Lelive balingcolisa ngekucitsa ingati.
40 Ngako intfukutselo yaJehova yabavutsela bantfu bakhe,
Futsi wabenyanya bantfu labalifa lakhe.
42 Titsa tabo tabacindzetela,
Futsi kwadzingeka batitfobe kuto.
Bebabese bayahlazeka ngenca yetono tabo.+
45 Bekabese uyasikhumbula sivumelwane lasenta nabo,
46 Bekenta kutsi bavelwe
Ngibo bonkhe lebebabatfumbile.+
47 Awu Jehova Nkulunkulu wetfu, sisindzise,+
Silandze kuletive+
Kuze sibonge libito lakho lelingcwele
Futsi sitfokote nasikudvumisa.+
Shengatsi bonkhe bantfu bangatsi: “Amen!”*
Dvumisani Jehova!
INCWADZI YESIHLANU
(Tihlabelelo 107-150)
2 Shengatsi bantfu labahlengwe nguJehova bangasho kanjalo,
Labo labahlenge etitseni tabo,+
3 Labo labagcogce ndzawonye basuka kulamanye emave,+
Basuka emphumalanga nasenshonalanga,
Basuka enyakatfo naseningizimu.+
4 Bebazulazula ehlane, elugwadvule;
Abayitfolanga indlela leya edolobheni lebebangahlala kulo.
5 Bebalambile futsi bomile;
Bese baphelelwe ngemandla ngenca yekudzinwa.
8 Shengatsi bantfu bangambonga Jehova+ ngelutsandvo lwakhe lolucotfo,
Bambonge nangemisebenti yakhe lemangalisako layentele bantfu.+
9 Ngobe labo labomile ubanatsise emanti baze benela
Futsi labalambile ubesutsise ngetintfo letinhle.+
10 Labanye bebahleti ebumnyameni nasetfuntini lekufa,
Bebatiboshwa letiselusizini futsi bebaboshwe ngetinketane.
11 Ngobe abalilalelanga livi laNkulunkulu;
Basedzelela seluleko saLosetikwako Konkhe.+
12 Ngako wabafundzisa kutfobeka ngekutsi abayekelele bahlupheke;+
Bawa, kwaba bete nalotabasita.
13 Bakhala kuJehova bacela lusito ngesikhatsi bacindzetelekile;
Yena wabakhulula elusizini lwabo.
14 Wabakhipha ebumnyameni nasetfuntini lekufa,
Futsi wadzabula tinketane lebebaboshwe ngato.+
15 Shengatsi bantfu bangambonga Jehova ngelutsandvo lwakhe lolucotfo,+
Bambonge nangemisebenti yakhe lemangalisako layentele bantfu.
16 Ngobe wephule iminyango yelitfusi,
Wephula nemishudo yensimbi.+
18 Kute kudla lebebasakukhanuka;
Futsi bacishe bafa.*
19 Bebakhala kuJehova bacele lusito nabacindzetelekile;
Bekabese uyabakhulula elusizini lwabo.
20 Abekhipha livi lekutsi baphile+
Futsi abakhulule emigodzini lebebagcumkele kuyo.
21 Shengatsi bantfu bangambonga Jehova ngelutsandvo lwakhe lolucotfo,
Bambonge nangemisebenti yakhe lemangalisako layentele bantfu.
22 Bantfu abanikele ngemihlatjelo yekubonga+
Futsi bamemetele ngemisebenti yakhe bajabulile.
23 Labo labahamba ngemikhumbi elwandle,
Labahamba kulo netintfo labatitsengisako,+
24 Bayibonile imisebenti yaJehova
Babona netintfo letinhle latidala letiselwandle;+
25 Nekutsi ukhipha livi futsi kucale sivunguvungu,+
Siphakamise emagagasi elwandle.
26 Ayabatsatsa abajike etulu;
Baphindze babuye phansi ekujuleni kwelwandle.
Bafikelwa kwesaba ngenca yenhlekelele lebasondzelelako.
27 Bayayendza futsi badzayitele njengemuntfu lodzakiwe,
Onkhe emakhono abo ekucondzisa umkhumbi aba lite.+
28 Batsi nasebacindzetelekile bakhale kuJehova;+
Yena abakhulule elusizini lwabo.
29 Uthulisa lesivunguvungu;
Bese emagagasi aselwandle ayabindza.+
30 Bayajabula nasebawabona athulile,
Bese ubaholela esikhumulweni semikhumbi lebebaya kuso.
31 Shengatsi bantfu bangambonga Jehova ngelutsandvo lwakhe lolucotfo,
Bambonge nangemisebenti yakhe lemangalisako layentele bantfu.+
32 Shengatsi bangamphakamisa emkhatsini welibandla,+
Bamdvumise emhlanganweni wemadvodza lamadzala.
33 Ugucula imifula ibe lugwadvule
Agucule imitfombo yemanti ibe yindzawo leyomile,+
34 Nelive lelikhicitako alente libe live lelingasakhiciti,+
Ngenca yebubi lobentiwa bantfu labahlala kulo.
35 Ushintja lugwadvule lube yindzawo lenemachibi;
Ashintje nendzawo leyomile ibe nemitfombo yemanti.+
38 Uyababusisa bese bandza kakhulu;
Akavumi nekutsi linani letinkhomo tabo linciphe.+
39 Kodvwa baphindze babe mbalwa futsi bahlazeke
Ngenca yekucindzetelwa, kanye nenhlekelele nelusizi.
40 Wenta kutsi tikhulu tingahlonishwa
Atente tizulazule ehlane tingayiboni indlela.+
41 Kodvwa labeswele uyabavikela kuze bangacindzetelwa,+
Nemindeni yabo uyenta yandze ibe ngangemhlambi.
43 Bonkhe bantfu labahlakaniphile batatinakisisa letintfo+
Ingoma yaDavide.
108 Awu Nkulunkulu, inhlitiyo yami ayingabati.
Ngitawuhlabela ngikudvumise ngemandla ami onkhe.+
2 Shengatsi lihabhu naletinye tinsimbi temculo letinetintsambo kungenta umsindvo wako uvakale.+
Mine ngitawuvuka lokwa ekuseni.
3 Awu Jehova, ngitakudvumisa embikwebantfu,
Ngitawuhlabela ngikudvumise embikwetive.
5 Awu Nkulunkulu, shengatsi ungadvunyiswa emazulwini;
Inkhatimulo yakho ayibe semhlabeni wonkhe.+
6 Sindzisa bantfu bakho lobatsandzako,
Usikhulule ngesandla sakho sangesekudla futsi ungiphendvule.+
7 Nkulunkulu longcwele* utsite:
“Ngitawujabula, iShekhemu+ ngitayinika bantfu bami,
9 Sive sakaMowabi siyindishi yami yekugezela.+
Ngitawujika sicatfulo sami etikwesive saka-Edomu.+
Ngitawumemeta ngijabulile ngenca yekuncoba sive semaFilisti.”+
10 Ngubani lotangisita ngincobe lelidolobha lelivikelekile?
Ngubani lotangisita ngihlasele sive saka-Edomu?+
11 Awu Nkulunkulu, nguwe lotasenta sincobe. Kodvwa nyalo wena usilahlile,
Futsi wena Nkulunkulu wetfu awusahambi nemabutfo etfu.+
Sicondziso lesiya kumcondzisi. Ingoma yaDavide.
109 Awu Nkulunkulu lengimdvumisako,+ ungathuli.
2 Ngobe bantfu lababi nalabakhohlakele bakhuluma kabi ngami.
Bakhuluma emanga ngami;+
3 Bangitungeletile futsi basho emavi langivisa buhlungu,
Bangihlasela ngaphandle kwesizatfu.+
4 Nanobe mine ngibatsandza, bona bayangihlasela;+
Kodvwa ngiyachubeka ngithantaza.
5 Lokuhle lengikwentile bakubuyisela ngalokubi,+
Nelutsandvo lengibakhombise lona balubuyisela ngekungitondza.+
6 Shengatsi umuntfu lomubi angehlulelwa ngulomunye lomubi;
Loyo lommangalelako akeme ngesekudla sakhe.
7 Shengatsi nakehlulelwa angatfolwa anelicala;
Nemthantazo wakhe utsatfwe njengalosono.+
8 Shengatsi angete aphila sikhatsi lesidze;+
Umsebenti wakhe wekuba ngumbonisi awutsatfwe ngulomunye.+
9 Shengatsi bantfwana* bakhe bangaba tintsandzane,
Nemfati wakhe abe ngumfelokati.
10 Shengatsi bantfwana* bakhe bangehla benyuka bahamba bacela,
Baphume emakhaya akubo lasatindzala bahambe bayofuna kudla.
11 Shengatsi umuntfu laboleke kuye imali angamemuka konkhe lanako,
Nebantfu bekuhamba batsatse tonkhe tintfo takhe.
12 Akubete umuntfu lomentela umusa,
Futsi akubete lobentela umusa bantfwabakhe labatintsandzane.
13 Shengatsi bantfwana bakhe bangaphela nya;+
Abangakhunjulwa ngisho nasitukulwane lesitako.
14 Jehova akasikhumbule sono sabokhokho bakhe,+
Shengatsi angete asicisha sono samake wakhe.
15 Shengatsi Jehova angahlale akukhumbula labakwentile;
Nemabito abo akangakhunjulwa emhlabeni.+
16 Ngobe lomuntfu lomubi akabentelanga labanye umusa,+
Kodvwa bekasolo afuna labacindzetelekile,+ labeswele nalabephukile etinhlitiyweni,
Kuze ababulale.+
17 Abetsandza kucalekisa labanye, kepha leticalekiso tabuye tehlela yena;
Abengatsandzi kubusisa labanye, ngako naye akazange abusiswe.
18 Ticalekiso bekatigcoke shengatsi yimphahla.
Futsi tangena emtimbeni wakhe njengemanti,
Tangena nasematsanjeni akhe njengemafutsa.
19 Shengatsi ticalekiso angatembatsa njengemphahla layigcokako,+
Tibe njengelibhande lahlale alibophile.
20 Nguleyo-ke indlela Jehova lamjezisa ngayo umuntfu lomelene nami,+
Nalabajezisa ngayo labo labakhuluma kabi ngami.
21 Kodvwa wena Jehova loyiNkhosi Lephakeme,
Ngisite ngenca yelibito lakho.+
Ngisindzise ngobe unemusa* lomkhulu.+
23 Njengesitfunti lesishabalalako nami sengiyashabalala;
Ngipheshulwe ngumoya njengetintsetse.
24 Emadvolo ami sekayacega ngenca yekuzila kudla;
Sengondzile futsi ngibutsakatsaka.
25 Sebangitsatsa njengentfo yekwedzelelwa.+
Batsi nabangibona banikine tinhloko.+
26 Awu Jehova Nkulunkulu wami, ngisite;
Ngisindzise ngenca yelutsandvo lwakho lolucotfo.
27 Shengatsi bangati kutsi nguwe
Jehova longisindzisile.
28 Bona bangangicalekisa, kodvwa shengatsi wena ungangibusisa.
Abatsi nabamelana nami, ubente bahlazeke,
Kodvwa shengatsi mine nceku yakho ngingajabula.
29 Shengatsi labo labangihlaselako bangahlazeka;
Shengatsi emahloni angabambonya kube ngatsi bambonywe lijazi.+
30 Ngitawudvumisa Jehova ngenhlitiyo yonkhe;
Ngitamdvumisa embikwebantfu labanyenti.+
31 Ngobe utawuma ngesekudla saloweswele
Kute amkhulule kulabo labamlahla ngelicala.
Ingoma yaDavide.
110 Jehova watsi eNkhosini yami:
2 Jehova utawuphakamisa intfonga yakho yemandla eSiyoni atsi:
“Ngena emkhatsini wetitsa takho futsi utincobe.”+
3 Bantfu bakho batatinikela ngekutitsandzela mhlazana uhola libutfo lakho liya emphini.
Libutfo lakho lingcwele futsi libukeka kahle,
Wena unelicembu lemajaha lelinjengematolo asentsatsakusa.
4 Jehova ufungile futsi angeke ashintje,* watsi:
Utawupitjita umholi wemhlaba wonkhe.
7 Iyawunatsa* emfuleni loseceleni kwemgwaco.
Ngako itawuphakamisa inhloko ijabulile.
א [Aleph]
Ngitamdvumisa Jehova ngayo yonkhe inhlitiyo yami+
ב [Beth]
Emkhatsini webantfu labalungile labahlangene nasebandleni.
ג [Gimel]
ה [He]
ז [Zayin]
4 Wenta kutsi imisebenti yakhe lemangalisako ikhunjulwe.+
ח [Heth]
Jehova unesihawu futsi unemusa.+
ט [Teth]
5 Ubanika kudla labo labamesabako.+
י [Yod]
Uhlale asikhumbula sivumelwane lasenta.+
כ [Kaph]
6 Wente kutsi bantfu bakhe bayibone imisebenti yakhe lemikhulu
ל [Lamed]
Ngekutsi abanikete lifa laletinye tive.+
מ [Mem]
7 Imisebenti layente ngetandla takhe yetsembekile futsi ilungile;+
נ [Nun]
Yonkhe imitsetfo yakhe yetsembekile.+
ס [Samekh]
8 Ihlale yetsembekile futsi itawuchubeka injalo kuze kube phakadze;
ע [Ayin]
Isekelwe ecinisweni nasekulungeni.+
פ [Pe]
9 Ubasindzisile bantfu bakhe.+
צ [Tsade]
Wente kutsi sivumelwane lasentile sihlale kuze kube phakadze.
ק [Qoph]
Libito lakhe lingcwele futsi liyesabeka.+
ר [Resh]
10 Kwesaba Jehova kusicalo sekuhlakanipha.+
ש [Sin]
Bonkhe labalalela imitsetfo yakhe bakhombisa kutsi bahlakaniphe mbamba.+
ת [Taw]
Yena utawudvunyiswa kuze kube phakadze.
112 Dvumisani Jehova!+
א [Aleph]
ג [Gimel]
2 Bantfwana bakhe batawuba nemandla emhlabeni,
ד [Daleth]
Futsi situkulwane salabalungile sitawubusiswa.+
ה [He]
3 Endlini yakhe kunemcebo nebunjinga,
ו [Waw]
Nekulunga kwakhe kutawuhlala kuze kube phakadze.
ז [Zayin]
4 Kulabalungile ukhanya njengekukhanya lokukhanyisa ebumnyameni.+
ח [Heth]
Unesihawu, unemusa+ futsi ulungile.
ט [Teth]
5 Tintfo timhambela kahle umuntfu lobolekisa ngesihle.+
י [Yod]
Tonkhe tintfo utenta ngekulunga.
כ [Kaph]
6 Utawuhlale aphumelela.+
ל [Lamed]
Umuntfu lolungile utawuhlale akhunjulwa kuze kube phakadze.+
מ [Mem]
7 Ngeke atesabe tindzaba letibuhlungu.+
נ [Nun]
Inhlitiyo yakhe ayingabati, yetsembela kuJehova.+
ס [Samekh]
8 Inhlitiyo yakhe ayishintjashintji, akesabi lutfo;+
ע [Ayin]
Ekugcineni utawubukela nakuncotjwa titsa takhe.+
פ [Pe]
9 Uphe ngenhlitiyo lekhululekile, wapha labeswele.+
צ [Tsade]
Kulunga kwakhe kutawuhlala kuze kube phakadze.+
ק [Qoph]
Utawuba nemandla lamakhulu, ahlonipheke.
ר [Resh]
10 Lomubi utakubona loku futsi atfukutsele.
ש [Shin]
Utawucucudza ematinyo akhe futsi utawubese uyanyamalala.
ת [Taw]
Tinhloso talomubi titawushabalala.+
113 Dvumisani Jehova!
Nine tinceku taJehova, mdvumiseni,
Dvumisani libito laJehova.
2 Shengatsi libito laJehova lingadvunyiswa
Kusukela nyalo kuze kube phakadze.+
3 Kusukela nakuphuma lilanga lize liyoshona,
Alidvunyiswe libito laJehova.+
6 Yena uyagobondzela kute abuke ezulwini nasemhlabeni,+
7 Uphakamisa lophansi amsuse elutfulini.
Aphakamise loweswele amsuse emlotseni*+
8 Kuze amhlalise netikhulu,
Amhlalise netikhulu tebantfu bakhe.
9 Umupha likhaya umfati lobekangabatfoli bantfwana,
Amente ajabule ngekuba nebantfwana.+
Dvumisani Jehova!
114 Ngesikhatsi Israyeli aphuma eGibhithe,+
Ngesikhatsi indlu yaJakobe isuka kubantfu labakhuluma lolunye lulwimi,
2 Juda waba yindzawo lengcwele yaNkulunkulu,
Israyeli waba sive lasibusako.+
4 Tintsaba tatjakadvula njengetimvu letindvuna,+
Emagcuma atjakadvula njengetimvu letisetincane.
5 Wena lwandle, wahlukanelani ekhatsi?+
Wena Jordane, wayekelelani kugeleta?+
6 Nine tintsaba, yini leyanenta natjakadvula njengetimvu letindvuna?
Nine magcuma, yini leyanenta natjakadvula njengetimvu letisetincane?
7 Awu mhlaba, chachatela ngenca yeNkhosi,
Uchachatele ngenca yaNkulunkulu waJakobe,+
8 Loshintja lidvwala libe lidamu lemanti,
Ashintje lidvwala lelicinile libe yimitfombo yemanti.+
115 Akungadvunyiswa tsine Jehova, akungadvunyiswa tsine,
Kodvwa akudvunyiswe libito lakho,+
Ngobe wena unelutsandvo lolucotfo futsi wetsembekile.+
2 Kungani tive kufanele titsi:
“Uphi loNkulunkulu wabo?”+
3 Nkulunkulu wetfu usemazulwini;
Wenta nobe yini layifunako.
4 Tithico tebantfu betive tentiwe ngelisiliva nangeligolide,
Futsi takhiwe bantfu.+
5 Tinemlomo kodvwa atikhulumi;+
Tinemehlo kodvwa atiboni;
6 Tinetindlebe kodvwa ativa;
Tinemakhala kodvwa atiliva liphunga;
7 Tinetandla kodvwa atikhoni kubamba;
Tinetinyawo kodvwa atihambi;+
Kute nelivi leliphuma emiphinjeni yato.+
10 Nine situkulwane sa-Aroni,+ yetsembelani kuJehova
—Ungumsiti wenu nesihlangu senu.
12 Jehova uyasikhumbula futsi utasibusisa;
Utawubusisa situkulwane sa-Israyeli;+
Abusise situkulwane sa-Aroni.
13 Jehova utababusisa labo labamesabako,
Abusise labancane nalabadzala.*
18 Kodvwa tsine sitawudvumisa Jehova
Kusukela nyalo kuze kube phakadze.
Dvumisani Jehova!
116 Ngiyamtsandza Jehova
Ngobe uyaliva livi lami, uyangiva nangicela lusito.+
2 Yena uyangiva,+
Futsi ngitawuchubeka ngikhala kuye nangisaphila.
3 Kufa kungigigeletele ngetintsambo tako;
LiThuna lingibambe ngci.+
Bengicindzeteleke kakhulu futsi ngiva buhlungu.+
4 Kodvwa ngase ngibita libito laJehova,+ ngatsi:
“Awu Jehova, ngikhulule!”
6 Jehova uyabavikela bantfu labete lwati.+
Bengicindzeteleke kakhulu, yena wangisindzisa.
7 Shengatsi ngingaphindze ngiphumule,
Ngobe Jehova ungentele lokuhle.
8 Wena ungikhulule ekufeni,
Wenta kutsi ngingasakhali, wenta nekutsi ngingasheleli.+
9 Ngitawuchubeka ngihamba embikwaJehova nangisaphila.
10 Benginekukholwa, ngako ngakhuluma;+
Nanobe bengihlupheka kakhulu.
11 Mine ngesaba kakhulu futsi ngatsi:
“Bonkhe bantfu banemanga.”+
12 Ngitambonga ngani Jehova
Ngenca yako konkhe lokuhle langentele kona?
13 Ngitawunatsa kulendzebe kute ngimbonge ngekungisindzisa,*
Futsi ngitawubita libito laJehova.
14 Tetsembiso lengitente kuJehova ngitawutifeza
Embikwabo bonkhe bantfu bakhe.+
16 Awu Jehova, ngiyakuncenga,
Mine ngiyinceku yakho.
Ngiyinceku yakho, indvodzana yencekukati yakho.
Wena ungikhululile etintsanjeni lebetingigigeletele.+
17 Ngitawunikela kuwe umhlatjelo wekubonga;+
Ngitawubita libito laJehova.
18 Tetsembiso lengitente kuJehova ngitawutifeza+
Embikwabo bonkhe bantfu bakhe,+
19 Emabaleni endlu yaJehova,+
Edolobheni laseJerusalema.
Dvumisani Jehova!+
Dvumisani Jehova!+
118 Bongani Jehova ngobe muhle;+
Lutsandvo lwakhe lolucotfo luhlala kuze kube phakadze.
2 Israyeli akatsi:
“Lutsandvo lwakhe lolucotfo luhlala kuze kube phakadze.”
3 Situkulwane sa-Aroni asitsi:
“Lutsandvo lwakhe lolucotfo luhlala kuze kube phakadze.”
4 Labo labesaba Jehova abatsi:
“Lutsandvo lwakhe lolucotfo luhlala kuze kube phakadze.”
5 Ngesikhatsi ngikhatsatekile ngakhala kuJehova;
Jehova wangiphendvula futsi wangiletsa endzaweni levikelekile.+
6 Jehova ungakimi, angeke ngesabe.+
Umuntfu angangentani nje?+
8 Kuncono kukhosela kuJehova
Kunekwetsembela kubantfu.+
9 Kuncono kukhosela kuJehova
Kunekwetsembela kubaholi.+
10 Tonkhe tive tangitungeleta,
Kodvwa ngenca yekwetsembela egameni laJehova, Ngatikhweshisa kimi.+
11 Tangitungeleta, tangitungeleta yonkhe indzawo,
Kodvwa ngenca yekwetsembela egameni laJehova, Ngatikhweshisa kimi.
12 Tangitungeleta njengetinyosi,
Kodvwa tacotfulwa ngekushesha njengemanyeva lashiswa ngumlilo.
Ngenca yekwetsembela egameni laJehova, Ngatikhweshisa kimi.+
13 Ngafucwa ngemandla* kuze ngiwe,
Kodvwa Jehova wangisita.
14 Jehova uyindzawo yami yekukhosela futsi ungemandla ami,
Senguye longisindzisako.+
15 Umsindvo wekujabula newekuncoba
Uvakala emathendeni alabalungile.
Sandla saJehova sangesekudla senta imisebenti lemikhulu.+
16 Sandla sangesekudla saJehova sincobile;
Sandla saJehova sangesekudla senta imisebenti lemikhulu.+
17 Angeke ngife, kodvwa ngitawuphila,
Kuze ngikhulume ngemisebenti yaJehova.+
19 Ngivuleleni emagede ekulunga;+
Ngitawungena kuwo futsi ngidvumise Jehova.
20 Leli ligede laJehova.
Lolungile utongena kulo.+
21 Ngitakudvumisa ngobe wena ungiphendvulile,+
Futsi senguwe longisindzisako.
24 Leli lilanga Jehova lalibekile;
Sitawujabula futsi sitfokote ngalo.
25 Sicela usisindzise Jehova, siyakuncenga!
Jehova, sicela usente sincobe!
27 Jehova unguNkulunkulu;
Uyasikhanyisela.+
Hambani nalabo labaya emkhosini, niphatse emagala etandleni tenu,+
Nihambe nize niyofika ngasetimphondvweni teli-al’thare.+
28 Wena unguNkulunkulu wami futsi ngitakudvumisa;
Ngitakuphakamisa Nkulunkulu wami.+
א [Aleph]
3 Abakwenti lokungakalungi;
Bahamba etindleleni takhe.+
4 Wena usiyalile,
Watsi kufanele siyigcine ngekucophelela imitsetfo yakho.+
5 Ngifisa kuhlala ngetsembekile+
Kuze ngikhone kugcina imitsetfo yakho.
6 Loko kutawungenta ngingahlazeki+
Nangihlolisisa yonkhe imitsetfo yakho.
7 Ngitakudvumisa ngenhlitiyo lecotfo
Nangifundza ngetehlulelo takho letilungile.
8 Ngitayigcina imitsetfo yakho.
Shengatsi ungete wangishiya.
ב [Beth]
9 Yini umuntfu lomusha lokufanele ayente kuze aphile imphilo lehlantekile?
Kufanele alalele livi lakho.+
10 Ngikufuna ngenhlitiyo yami yonkhe.
Ungavumi kutsi ngiphambuke emitsetfweni yakho.+
12 Awu Jehova, shengatsi ungadvunyiswa;
Ngifundzise imitsetfo yakho.
13 Ngemlomo wami ngimemetela
Tonkhe tehlulelo lotikhiphile.
14 Kuyangijabulisa loko longikhumbuta kona,+
Kungijabulisa kwendlula tonkhe letinye tintfo letiligugu.+
16 Ngiyayitsandza imitsetfo yakho.
Angeke ngilikhohlwe livi lakho.+
ג [Gimel]
17 Ngentele umusa, mine nceku yakho
Kuze ngiphile futsi ngigcine livi lakho.+
18 Vula emehlo ami kuze ngitibone kahle
Tintfo letimangalisako letisemtsetfweni wakho.
19 Ngifana nesihambi kulelinye live.+
Ungangifihleli imitsetfo yakho.
20 Ngihlale ngiyilangatelela
Njalo imitsetfo yakho.
21 Uyabekhuta labatigabatisako,
Labo labacalekiswe ngobe bangayilaleli imitsetfo yakho.+
22 Bente bayekele kungedzelela, futsi ubente bayekele kungibukela phansi,
Ngobe ngikwentile loko longikhumbute kona.
23 Ngisho nalapho baholi bahlangene futsi bakhuluma kabi ngami,
Mine nceku yakho ngitawucabangisisa* ngemitsetfo yakho.
ד [Daleth]
25 Ngibhabhalele elutfulini.+
Londvolota kuphila kwami njengobe wetsembisile.+
26 Ngikutjele yonkhe intfo lengiyentako, futsi wena wangiphendvula;
Ngifundzise imitsetfo yakho.+
27 Ngente ngikucondze loko lokushiwo yimitsetfo yakho,
28 Bengingasakhoni kulala ngenca yelusizi.
Ngiphe emandla njengobe wetsembisile.
29 Ngisite ngingabi ngumuntfu wemanga,+
Ngentele umusa ngekutsi ungifundzise umtsetfo wakho.
30 Ngitimisele kuhlala ngetsembekile.+
Ngiyabona kutsi tehlulelo takho tilungile.
31 Ngibambelela kuloko longikhumbuta kona.+
Awu Jehova, ungavumi kutsi ngidvumateke.*+
32 Ngitayilalela ngekutimisela imitsetfo yakho,
Ngobe wena wenta kutsi ngiyicondze kancono.*
ה [He]
34 Ngente ngihlakaniphe,
Kuze ngilalele umtsetfo wakho
Futsi ngiwugcine ngenhlitiyo yami yonkhe.
37 Yenta kutsi emehlo ami angakubuki lokungenamsebenti;+
Ungente ngihambe endleleni yakho kuze ngichubeke ngiphila.
38 Gcina setsembiso lowasenta kimi, mine nceku yakho,
Kuze bantfu bakwesabe.*
39 Susa lihlazo lengilesabako,
Ngobe tehlulelo takho tilungile.+
40 Maye ngiyayilangatelela imitsetfo yakho.
Londvolota kuphila kwami ngobe wena ulungile.
ו [Waw]
41 Awu Jehova, shengatsi ungangentela umusa,*+
Ungisindzise njengobe wetsembisile;+
42 Mine ngitawubese ngiyakhona kumphendvula longetfukako,
Ngobe ngetsembele evini lakho.
43 Shengatsi ungete walisusa livi leliliciniso emlonyeni wami,
Ngobe ngetsembele etincumeni takho.
44 Ngitawuchubeka ngiwugcina umyalo wakho
Kuze kube phakadze.+
45 Ngitawuhamba ngikhululekile endzaweni lephephile,+
Ngobe ngifuna kuyigcina imitsetfo yakho.
46 Ngisho nasembikwemakhosi ngitawukhuluma ngemitsetfo yakho,
Futsi angeke ngibe nemahloni.+
47 Ngiyayitsandza imitsetfo yakho,
Ngiyitsandza mbamba.+
48 Ngitawuthantaza ngiphakamise tandla tami ngenca yemitsetfo yakho lengiyitsandzako,+
ז [Zayin]
49 Khumbula lowakusho kimi,* mine nceku yakho,
Loko lowakusho kute ungente ngibe nelitsemba.
50 Kuyangidvudvuta ekuhluphekeni kwami,+
Ngobe loko lowakusho kungenta ngichubeke ngiphila.
51 Labatigabatisako sebahlale bahlekisa ngami,
Kodvwa angiphambuki emtsetfweni wakho.+
53 Ngitfukutsele ngiyabilelana ngenca yalababi,
Labangawulaleli umtsetfo wakho.+
54 Imitsetfo yakho ingumgogodla wetingoma lengitihlabela
Nome ngukuphi langihlala khona.*
55 Awu Jehova, ebusuku ngikhumbula libito lakho,+
Kuze ngitewugcina umtsetfo wakho.
56 Lena sekwaba yindlela yami yekuphila,
Ngobe ngiyilalele imiyalo yakho.
ח [Heth]
59 Ngiyihlolisisile indlela lengiphila ngayo,
Kuze ngiphindze ngiphile ngekuvumelana naloko longikhumbuta kona.+
60 Ngivele ngisheshe futsi ngingacitsi sikhatsi
Kulalela imitsetfo yakho.+
61 Lababi bangitungelete ngetintsambo tabo,
Kodvwa angiwukhohlwa umtsetfo wakho.+
62 Ekhatsi nebusuku ngiyavuka ngikubonge+
Ngetehlulelo takho letilungile.
64 Awu Jehova, lutsandvo lwakho lolucotfo lugcwele emhlabeni wonkhe;+
Ngifundzise imiyalo yakho.
ט [Teth]
65 Wena uyentele lokuhle inceku yakho,
Njengobe wetsembisile Jehova.
66 Ngente ngibe nekucondza kanye nelwati,+
Ngobe ngetsembele emitsetfweni yakho.
67 Ngake ngaphambuka, ngase ngiyahlupheka,
Kodvwa nyalo sengiyakulalela lokushoko.+
68 Wena umuhle,+ nemisebenti yakho mihle.
Ngifundzise imiyalo yakho.+
69 Bantfu labatigabatisako bakhuluma emanga ngami,
Kodvwa imitsetfo yakho ngiyigcina ngayo yonkhe inhlitiyo yami.
71 Kusitile kutsi ngihlupheke,+
Ngobe sengiyayicondza imiyalo yakho.
י [Yod]
73 Wangidala futsi wangibumba ngetandla takho.
Ngente ngihlakaniphe,
Kuze ngicondze imitsetfo yakho.+
78 Shengatsi bantfu labatigabatisako bangahlazeka,
Ngobe bangiphatsa kabuhlungu ngaphandle kwesizatfu.
Kodvwa mine ngitawucabangisisa* ngemitsetfo yakho.+
79 Shengatsi labo labakwesabako bangabuya kimi,
Labo labacondza tecwayiso* takho.
כ [Kaph]
83 Ngobe sengifana nesikhwama sesikhumba lesomiswe yintfutfu,
Kodvwa imiyalo yakho angiyikhohlwa.+
84 Kutawuze kube ngunini solo ngilindzile?
Utabehlulela nini labo labangiphatsa kabi?+
85 Bantfu labatigabatisako bangigubhela imigodzi,
Lokungulabo labangawuhloniphi umtsetfo wakho.
86 Yonkhe imitsetfo yakho yetsembekile.
Ngisite, ngobe bantfu bangiphatsa kabi ngaphandle kwesizatfu.+
87 Bacishe bangibulala,
Kodvwa angizange ngiyishiye imitsetfo yakho.
88 Londvolota kuphila kwami ngenca yekutsi wena unemusa,*
Kuze ngikhone kulalela loko longikhumbuta kona.
ל [Lamed]
89 Awu Jehova, livi lakho lihlala kuze kube phakadze,
Livi lakho litawuhlala likhona njengemazulu.+
90 Wena uhlala wetsembekile kusukela kulesinye situkulwane kuye kulesinye.+
Umhlaba uwumise wacina kuze uchubeke ukhona.+
91 Ngenca yemitsetfo yakho, konkhe lokudalile kusekhona nalamuhla,
Ngobe konkhe kutinceku takho.
92 Kube bengingawutsandzi umtsetfo wakho,
Ngabe ngacedvwa tinhlupheko tami.+
93 Angeke ngize ngiyikhohlwe imitsetfo yakho,
Ngobe kuphila kwami ukulondvolote ngayo.+
95 Bantfu lababi bafuna kungibulala,
Kodvwa mine ngiyakunakisisa loko longikhumbuta kona.
96 Ngibone tintfo letinyenti letingenasici,
Kodvwa umtsetfo wakho uncono kakhulu kunato.
מ [Mem]
97 Maye ngiyawutsandza umtsetfo wakho!+
Ngicabangisisa* ngawo lilanga lonkhe.+
98 Umtsetfo wakho ungenta ngihlakaniphe kwendlula titsa tami,+
Ngobe ngihlale ngicondziswa ngiwo.
99 Ngihlakaniphe kakhulu kwendlula bonkhe labangifundzisako,+
Ngobe ngiyacabangisisa* ngaloko longikhumbuta kona.
100 Ngihlakaniphe kwendlula emadvodza lamadzala,
Ngobe ngiyayilalela imitsetfo yakho.
101 Ngiyakubalekela kuhamba etindleleni letimbi,+
Kuze ngilalele livi lakho.
102 Angiyishiyi imitsetfo yakho,
Ngobe wena ungifundzisile.
104 Imitsetfo yakho ingenta ngihlakaniphe.+
Kungako ngikwenyanya konkhe lokungemanga.+
נ [Nun]
106 Ngente sifungo futsi ngitasigcina,
Ngifunge kutsi ngitayilalela imitsetfo yakho lelungile.
107 Sengihlupheke kakhulu.+
Awu Jehova, londvolota kuphila kwami njengobe wetsembisile.+
108 Awu Jehova, ngicela uyemukele iminikelo yami yekukudvumisa lengiyenta ngekutitsandzela,*+
Futsi ungifundzise imitsetfo yakho.+
109 Kuphila kwami kuhlale kusengotini,
Kodvwa angikawukhohlwa umtsetfo wakho.+
110 Bantfu lababi bangibekele lugibe,
Kodvwa angikayishiyi imiyalo yakho.+
112 Ngitimisele kulalela imiyalo yakho,
Ngitawuhlale ngiyilalela ngize ngiyokufa.
ס [Samekh]
113 Ngiyabenyanya bantfu labangenti tintfo ngenhlitiyo yabo yonkhe,*+
Kodvwa ngiyawutsandza umtsetfo wakho.+
115 Sukani kimi nine bantfu lababi,+
Kuze ngigcine imitsetfo yaNkulunkulu wami.
116 Awu Nkulunkulu, ngisite njengobe wetsembisile,+
Kuze ngichubeke ngiphila;
Ungangijabhisi ngobe ngetsembele kuwe.+
118 Uyabenyanya bonkhe labashiya imitsetfo yakho,+
Ngobe banemanga futsi bayakhohlisa.
119 Bonkhe bantfu lababi emhlabeni ubalahla kuhle kwentfo lengenamsebenti.+
Kungako ngititsandza tintfo longikhumbuta tona.
120 Umtimba wami uyachachatela ngenca yekukwesaba;
Tehlulelo takho ngiyatesaba.
ע [Ayin]
121 Mine ngente lokulungile futsi ngehlulela kahle.
Ungangiyekeleli kulabo labangicindzetelako.
122 Yenta kutsi tonkhe tintfo tiyihambele kahle inceku yakho;
Shengatsi labo labatigabatisako bangete bangicindzetela.
123 Emehlo ami sekaze abona kalufifi solo ngimele kusindziswa nguwe,+
Futsi ngimele setsembiso sakho+ lesitawufezeka nakanjani.
126 Awu Jehova, sesifikile sikhatsi sekutsi ubajezise,+
Ngobe bephule umtsetfo wakho.
127 Ngiyayitsandza imitsetfo yakho
Ngiyitsandza kwendlula ligolide, kwendlula ligolide lelicwengisisiwe.+
128 Ngako tonkhe ticondziso letivela kuwe ngititsatsa njengaletilungile;+
Konkhe lokungemanga ngiyakwenyanya.+
פ [Pe]
129 Tintfo longikhumbuta tona tinhle.
Kungako ngitenta.
131 Ngomele imitsetfo yakho
Futsi ngiyilangatelela kakhulu.+
133 Ngicondzise ngelivi lakho;
Ungavumi kutsi lokubi kungincobe.+
134 Ngikhulule kubantfu labangicindzetelako,
Futsi mine ngitayigcina imitsetfo yakho.
135 Ngentele umusa, mine nceku yakho,+
Ungifundzise nemiyalo yakho.
136 Kuhushuka tinyembeti emehlweni ami
Ngobe bantfu abawulaleli umtsetfo wakho.+
צ [Tsade]
138 Tecwayiso* takho tilungile
Futsi tetsembeke mbamba.
139 Kushiseka kwami kufana nemlilo lovutsa ngekhatsi kimi,+
Ngobe titsa tami tiwakhohliwe emavi akho.
141 Bantfu bangibukela phansi futsi bayangenyanya;+
Kodvwa angikayikhohlwa imitsetfo yakho.
143 Nanobe ngicindzeteleka futsi ngibhekana nebumatima,
Ngichubeka ngiyitsandza imitsetfo yakho.
144 Loko longikhumbuta kona kutawuhlala kulungile kuze kube phakadze.
Ngente ngihlakaniphe+ kuze ngichubeke ngiphila.
ק [Qoph]
145 Awu Jehova, ngiphendvule, ngobe ngikubita ngenhlitiyo yami yonkhe.
Ngitayigcina imiyalo yakho.
146 Ngisindzise ngobe ngikhala kuwe.
Ngitakwenta loko longikhumbuta kona.
149 Ngicela ungilalele ngobe wena unelutsandvo lolucotfo.+
Awu Jehova, ngilondvolote ngobe wena wehlulela ngekulunga.
150 Labo labenta tintfo letilihlazo bayangisondzelela kuze bangilimate;
Abawulaleli umtsetfo wakho.
152 Kusukela kadzeni mine ngafundza ngetecwayiso* takho,
Kutsi watibeka kute tihlale tikhona kuze kube phakadze.+
ר [Resh]
153 Buka indlela lengihlupheka ngayo futsi ungikhulule,+
Ngobe angikawukhohlwa umtsetfo wakho.
155 Angeke ubasindzise lababi,
Ngobe abafuni kulalela imitsetfo yakho.+
156 Awu Jehova, mkhulu umusa wakho.+
Ngilondvolote ngobe wena wehlulela ngekulunga.
157 Banyenti bantfu labangihluphako nalabamelene nami;+
Kodvwa angikayekeli kulalela loko longikhumbuta kona.
158 Ngivele ngenyanye nangibuka labo labakhohlisako,
Ngobe abawalaleli emavi akho.+
159 Maye ngiyayitsandza imitsetfo yakho!
Awu Jehova, ngilondvolote ngobe wena unelutsandvo lolucotfo.+
160 Onkhe emavi akho aliciniso,+
Yonkhe imitsetfo yakho lelungile itawuhlala ikhona kuze kube phakadze.
ש [Sin] nobe [Shin]
162 Emavi akho ayangijabulisa,+
Angenta ngijabule njengemuntfu lotfole intfo leligugu.
164 Ngikudvumisa tikhatsi letingu-7 ngelilanga
Ngobe imitsetfo yakho ilungile.
166 Awu Jehova, mine ngetsembele ekusindzisweni nguwe,
Futsi ngiyayilalela imitsetfo yakho.
167 Ngiyatenta tintfo longikhumbuta tona,
Futsi ngititsandza kakhulu.+
168 Ngiyayilalela imitsetfo yakho, ngikwente naloko longikhumbuta kona,
Ngobe wena ukwati konkhe lengikwentako.+
ת [Taw]
169 Awu Jehova, shengatsi ungangiva nangikhalela lusito.+
Ngiphe kuhlakanipha lokusevini lakho.+
170 Shengatsi ungangilalela nangicela kutsi ungentele umusa.
Ngisindzise njengobe wetsembisile.
171 Ngitawuhlale ngikudvumisa,+
Ngobe ungifundzisa imitsetfo yakho.
172 Ngitawuhlabela mayelana nemavi akho,+
Ngenca yekutsi yonkhe imitsetfo yakho ilungile.
173 Shengatsi sandla sakho singahlala sikulungele kungisita,+
Ngobe ngikhetsa kulalela imitsetfo yakho.+
174 Ngiyakulangatelela kusindziswa nguwe Jehova,
Futsi ngiyawutsandza umtsetfo wakho.+
175 Yenta kutsi ngichubeke ngiphila khona ngitekudvumisa;+
Shengatsi imitsetfo yakho ingangisita.
176 Ngedukile, njengemvu lelahlekile.+ Ngifune, mine nceku yakho,
Ngobe angikayikhohlwa imitsetfo yakho.+
Ingoma Yekwenyukela Edolobheni.*
2 Awu Jehova, ngikhulule kubantfu labangicambela emanga
Nakulabo labakhohlisako.
3 Nkulunkulu utawentani kini, futsi utanijezisa njani
Nine lenikhohlisa labanye?+
4 Utanijezisa ngemicibisholo lecijile+ yelichawe lemphi,
Nangemalahle lavutsako+ esihlahla saselugwadvule.
5 Maye kimi, ngobe bengihlala njengesihambi eMesheki!+
Bengihlala emathendeni aseKhedari.+
6 Sekuphele sikhatsi lesidze kakhulu solo ngihlala
Nebantfu labangakutsandzi kuthula.+
7 Mine ngiyakutsandza kuthula, kodvwa nangitsi ngikhuluma ngako,
Bona bavele basuse lutfutfuva.
Ingoma Yekwenyukela Edolobheni.
121 Ngiphakamisela emehlo ami etintsabeni.+
Ngitalutfola kubani nje lusito?
2 Ngitawusitwa nguJehova,+
UMdali welizulu nemhlaba.
3 Angeke aze avume kutsi lunyawo lwakho lushelele.+
Angeke kuze kwenteke kutsi Loyo lokuvikelako etele.
4 Angeke aze aphatfwe butfongo nobe alale,
Loyo lovikela Israyeli.+
5 Jehova uyakuvikela.
7 Jehova utakuvikela kuko konkhe lokungakulimata.+
Utawulondvolota kuphila kwakho.+
8 Jehova utakuvikela kuko konkhe lokwentako,
Kusukela nyalo kuze kube phakadze.
Ingoma YaDavide Yekwenyukela Edolobheni.
122 Ngajabula ngesikhatsi batsi kimi:
“Asihambe siye endlini yaJehova.”+
2 Nyalo sesime
Ngekhatsi kwemagede akho, wena Jerusalema.+
4 Tive taka-Israyeli tikhuphukele khona,
Lokutive taJehova,
Njengobe nje ema-Israyeli abenikwe umtsetfo
Wekutsi advumise libito laJehova.+
5 Ngobe kulapho tibekwe khona tihlalo tebukhosi tekwehlulela,+
Lokutihlalo tebukhosi tetitukulwane taDavide.+
6 Thantazelani kutsi iJerusalema ibe nekuthula.+
Shengatsi labo labayitsandzako bangaba nekuthula.
7 Shengatsi kungachubeka kunekuthula ngekhatsi kwetindvonga takho,
Shengatsi bonkhe labahlala emibhoshongweni yakho bangativa bavikelekile.
8 Ngenca yabomnaketfu nebangani bami ngitawutsi:
“Shengatsi ungaba nekuthula.”
9 Ngenca yendlu yaJehova Nkulunkulu wetfu+
Ngitawuchubeka ngithantazela kutsi uphumelele.
Ingoma Yekwenyukela Edolobheni.
123 Emehlo ami ngiwaphakamisela kuwe+
Wena lohleti esihlalweni sebukhosi emazulwini.
2 Njengobe tinceku tetsembela enkhosini yato,
Nanjengobe incekukati yetsembela kumphatsi wayo,
Natsi setsembele kuJehova Nkulunkulu wetfu+
Kutsi asentele umusa.+
3 Sentele umusa Jehova, sentele umusa,
Ngobe sesikhatsele kwedzelelwa.+
4 Sesidziniwe kuhlekwa ngulabatigcabhako,
Nekwedzelelwa ngulabatigabatisako.
Ingoma YaDavide Yekwenyukela Edolobheni.
124 “Kube Jehova bekangekho ngakitsi,”+
Israyeli naye akatsi:
2 “Kube Jehova bekangekho ngakitsi+
Nasihlaselwa titsa,+
3 Betitasigwinya siphila+
Ngesikhatsi tisitfukutselele kakhulu.+
4 Ngabe semuka nemanti,
Netikhukhula ngabe tahamba natsi.+
5 Ngabe sakhukhulwa tikhukhula.
6 Akadvunyiswe Jehova,
Ngobe usivikele etitseni tetfu letifana netilwane letiyingoti.
7 Sinjengenyoni lephunyule
Esicupheni salotsiya tinyoni;+ Lesicupho sadzabuka Futsi tsine saphunyula.+
8 Lusito silutfola egameni laJehova,+
UMdali welizulu nemhlaba.”
Ingoma Yekwenyukela Edolobheni.
125 Labo labetsembela kuJehova+
Bafanana neNtsaba iSiyoni, lengeke itanyatanyiswe
Kodvwa letawuhlala ikhona kuze kube phakadze.+
2 Njengobe nje tintsaba titungelete iJerusalema,+
Kanjalo naJehova utungelete bantfu bakhe+
Kusukela nyalo kuze kube phakadze.
3 Bantfu lababi angeke bachubeke bababusa labalungile,+
Kuze labalungile bangabese bayashintja, bente lokubi.+
5 Kodvwa labo labaphambukako bese bahamba ngetindlela letimbi,
Jehova utababhubhisa kanye nalabenta lokubi.+
Shengatsi kungaba nekuthula ka-Israyeli.
Ingoma Yekwenyukela Edolobheni.
126 Ngesikhatsi Jehova abuyisa bantfu baseSiyoni lebebatfunjiwe,+
Bekungatsi siyabhudza.
2 Savele sahleka kakhulu
Futsi samemeta sijabulile.+
Ngaleso sikhatsi bantfu baletinye tive bakhuluma bodvwa batsi:
“Jehova ubentele tintfo letinkhulu.”+
3 Jehova usentele tintfo letinkhulu,+
Futsi sijabula kakhulu.
4 Awu Jehova, babuyise bantfu bakho lebebatfunjiwe,
Njengalapho imvula igcwalisa imifula yaseNegebhu.
5 Labo labahlanyela bakhala
Batawumemeta bajabulile nasebavuna.
6 Loyo loya emasimini akhala
Aphetse inhlanyelo yakhe,
Utawumemeta ajabulile nakabuya+
Aphetse sivuno sakhe.+
Ingoma YaSolomoni Yekwenyukela Edolobheni.
127 Nangabe indlu ingakhiwa nguJehova,
Basebentela lite labo labayakhako.+
Nangabe lidolobha lingagadvwa nguJehova,+
Akusiti kutsi gadzi walo ahlale aphapheme.
2 Akusiti kutsi uvuke lokwa ekuseni,
Usebente kuze kube sebusuku,
Nekutsi ukhandleke kute utfole longakudla,
Ngobe Nkulunkulu uyabanakekela bantfu bakhe labatsandzako, abente balale kamnandzi.+
5 Iyajabula indvodza legcwalisa sikhwama sayo sesikhumba ngalemicibisholo.+
Angeke ihlazeke,
Ngobe bantfwana bayo batayimelela nabakhuluma netitsa esangweni lelidolobha.
Ingoma Yekwenyukela Edolobheni.
2 Utawudla loko lokusebentele matima ngetandla takho.
Utawujabula futsi uphumelele.+
3 Umfati wakho utawufana nesihlahla semagilebisi lesitselako ekhaya lakho;+
Emadvodzana akho atakutungeleta etafuleni lakho kuhle kwemahlumela esihlahla semncumo.
4 Nguleyo-ke indlela indvodza leyesaba Jehova
Letawubusiswa ngayo.+
5 Jehova utakubusisa aseSiyoni.
Shengatsi kuko konkhe kuphila kwakho ungayibona iJerusalema iphumelela+
6 Futsi ubone nebatukulu bakho.
Shengatsi kungaba nekuthula ka-Israyeli.
Ingoma Yekwenyukela Edolobheni.
129 “Titsa tami betisolo tingihlasela kusukela ngisemusha,”+
Israyeli naye akatsi:
3 Letinye tato tente umhlane wami wafana nemhlaba lolinywako;+
Tente imisele lemidze emhlane wami.”
5 Batawudliwa ngemahloni futsi bajike bahlazekile
Bonkhe labo labenyanya iSiyoni.+
6 Batawufanana netjani lobumila eluphahleni,
Lobubuna busengakaziphunwa,
7 Lobungeke buze bugcwale esandleni salovunako
Nalobuncane kakhulu kutsi loyo lobubutsako angabubopha ticumbi.
8 Bantfu labendlulako angeke batsi:
“Shengatsi Jehova anganibusisa;
Siyanibusisa egameni laJehova.”
Ingoma Yekwenyukela Edolobheni.
130 Awu Jehova, nangihlupheke kakhulu ngikhala kuwe.+
2 Ngicela ungilalele Jehova.
Shengatsi ungangilalelisisa nangikhalela lusito.
5 Ngetsembele kuJehova, inhlitiyo yami yonkhe yetsembele kuye;
Ngetsembele evini lakhe.
6 Ngimlindzele ngemehlo labovu Jehova,+
Kwendlula bogadzi nabalindzele kutsi kuse,+
Ngimlindzele kwendlula bogadzi nabalindzele kutsi kuse.
7 Ema-Israyeli akachubeke alindzele Jehova,
Ngobe Jehova unelutsandvo,+
Futsi emandla akhe ekusindzisa makhulu.
8 Ema-Israyeli utawatsetselela tonkhe tono tawo.
Ingoma YaDavide Yekwenyukela Edolobheni.
131 Awu Jehova, angikaze ngitiphakamise,
Futsi angitigcabhi;+
Angikaze ngifise tintfo letinkhulu kakhulu,+
Nobe tintfo letingetulu kwemandla ami.
2 Kodvwa ngehlise umoya futsi ngaba nekuthula kwangekhatsi,*+
Ngafanana nemntfwana lolunyuliwe logone kumake wakhe;
Ngenetisekile njengemntfwana lolunyuliwe.
3 Shengatsi Israyeli angalindzela Jehova+
Kusukela nyalo kuze kube phakadze.
Ingoma Yekwenyukela Edolobheni.
132 Awu Jehova, khumbula Davide
Kanye nako konkhe kuhlupheka lokwamehlela;+
2 Khumbula kutsi wafunga kuwe Jehova,
Wena unguNkulunkulu Lonemandla waJakobe. Davide wafunga kuwe+ watsi:
3 “Angeke ngingene endlini yami.+
Angeke ngilale embhedzeni wami;
4 Ngingeke ngilale,
Nobe ngivale emehlo ami
5 Kuze kube ngulapho ngitfola indzawo yekubeka Libhokisi lesivumelwane saJehova,
Indzawo lekahle* lakungahlala khona Nkulunkulu Lonemandla waJakobe.”+
8 Phakama Jehova, uye lapho uhlala khona,+
Wena kanye neLibhokisi lakho lesivumelwane, leliluphawu lwemandla akho.+
9 Shengatsi baphristi bakho bangembatsa kulunga,
Nebantfu bakho labetsembekile bamemete bajabulile.
10 Ngenca yenceku yakho Davide,
Ungamlahli logcotjiwe wakho.+
11 Jehova ufungile kuDavide;
Futsi utakwenta loko lakusho, nakatsi:
“Lomunye webantfwana bakho
Ngitambeka esihlalweni sakho sebukhosi.+
12 Nangabe emadvodzana akho asigcina sivumelwane sami
Nemiyalo yami lengiwafundzisa yona,+
Emadvodzana awo nawo
Atawuhlala esihlalweni sakho sebukhosi kuze kube phakadze.”+
14 “Lena yindzawo lengitawuhlala kuyo kuze kube phakadze;
Ngitawuhlala kuyo+ ngobe nguloko lengikufisako.
15 Ngitayibusisa ngekutsi ibe nekudla lokunyenti;
Bantfu labeswele labahlala khona ngitabesutsisa ngesinkhwa.+
17 Kulapho ngitawakhulisa khona emandla aDavide.
Logcotjiwe wami sengimlungisele sibane.+
Ingoma YaDavide Yekwenyukela Edolobheni.
2 Kufanana nemafutsa elikhetselo latselwa enhloko+
Bese ehlela esilevini,
Esilevini sa-Aroni,+
Ehlele nasesiphikeni setimphahla takhe.
Jehova usehlisela lapho sibusiso sakhe
Sekuphila lokuphakadze.
Ingoma Yekwenyukela Edolobheni.
3 Shengatsi Jehova uMdali welizulu nemhlaba
Anganibusisa aseSiyoni.
135 Dvumisani Jehova!
Dvumisani libito laJehova;
Mdvumiseni nine tinceku taJehova,+
2 Nine lenisebenta endlini yaJehova,
Emabaleni endlu yaNkulunkulu wetfu.+
3 Dvumisani Jehova, ngobe Jehova muhle.+
Hlabelani nidvumise libito lakhe, ngobe loko kumnandzi.
5 Ngati kahle kutsi Jehova mkhulu;
INkhosi yetfu iphakeme kunabo bonkhe labanye bonkulunkulu.+
6 Jehova wenta konkhe lafuna kukwenta+
Ezulwini nasemhlabeni, elwandle nasekujuleni kwalo.
7 Wenta kutsi kukhuphuke emafu* asuka emikhawulweni yemhlaba;
Utfumela imvula lehambisana nembane;
Akhiphe umoya etincolobaneni takhe.+
8 Wabulala ematibulo aseGibhithe,
Ematibulo ebantfu newetilwane.+
10 Wancoba tive letinyenti,+
Wabulala nemakhosi lanemandla,+
11 LokunguSihoni inkhosi yema-Amori,+
Na-Ogi inkhosi yaseBhashani,+
Futsi wancoba yonkhe imibuso yaseKhenani.
12 Wenta live lawo laba lifa,
Walenta laba lifa la-Israyeli, losive sakhe.+
13 Awu Jehova, libito lakho litawuhlala likhona kuze kube phakadze.
Awu Jehova, ludvumo lwakho lutawuhlala lwatiwa kuto tonkhe titukulwane.+
15 Tithico tebantfu betive tentiwe ngelisiliva nangeligolide,
Futsi takhiwe bantfu.+
Kute ngisho nemoya lophuma emakhaleni ato.+
19 Nine situkulwane sa-Israyeli, dvumisani Jehova.
Nine situkulwane sa-Aroni, dvumisani Jehova.
20 Nine situkulwane saLevi, dvumisani Jehova.+
Nine lenesaba Jehova, dvumisani Jehova.
Dvumisani Jehova!+
2 Bongani Nkulunkulu lophakeme kunabo bonkhe bonkulunkulu,+
Ngobe lutsandvo lwakhe lolucotfo luhlala kuze kube phakadze.
3 Bongani iNkhosi yemakhosi,
Ngobe lutsandvo lwayo lolucotfo luhlala kuze kube phakadze.
5 Emazulu wawadala ngelikhono* lelikhulu,+
Ngobe lutsandvo lwakhe lolucotfo luhlala kuze kube phakadze.
6 Wendlala umhlaba ngetulu kwemanti,+
Ngobe lutsandvo lwakhe lolucotfo luhlala kuze kube phakadze.
7 Wenta tibane letikhanyako esibhakabhakeni,+
Ngobe lutsandvo lwakhe lolucotfo luhlala kuze kube phakadze,
8 Wenta kutsi lilanga likhanyise emini,+
Ngobe lutsandvo lwakhe lolucotfo luhlala kuze kube phakadze,
9 Wenta kutsi inyanga netinkhanyeti kukhanyise ebusuku,+
Ngobe lutsandvo lwakhe lolucotfo luhlala kuze kube phakadze.
10 Wabulala ematibulo aseGibhithe,+
Ngobe lutsandvo lwakhe lolucotfo luhlala kuze kube phakadze.
11 Wakhipha ema-Israyeli eGibhithe,+
Ngobe lutsandvo lwakhe lolucotfo luhlala kuze kube phakadze,
12 Wawakhipha ngesandla lesinemandla,+
Ngobe lutsandvo lwakhe lolucotfo luhlala kuze kube phakadze.
13 Walwehlukanisa ekhatsi Lwandle Lolubovu,+
Ngobe lutsandvo lwakhe lolucotfo luhlala kuze kube phakadze.
14 Wenta kutsi ema-Israyeli ahambe emkhatsini walo,+
Ngobe lutsandvo lwakhe lolucotfo luhlala kuze kube phakadze.
15 Wajikijela Faro kanye nelibutfo lakhe ekhatsi eLwandle Lolubovu,+
Ngobe lutsandvo lwakhe lolucotfo luhlala kuze kube phakadze.
16 Wahola bantfu bakhe ehlane,+
Ngobe lutsandvo lwakhe lolucotfo luhlala kuze kube phakadze.
17 Wancoba emakhosi lamakhulu,+
Ngobe lutsandvo lwakhe lolucotfo luhlala kuze kube phakadze.
18 Wabulala emakhosi lanemandla,
Ngobe lutsandvo lwakhe lolucotfo luhlala kuze kube phakadze,
19 Wabulala Sihoni+ inkhosi yema-Amori,
Ngobe lutsandvo lwakhe lolucotfo luhlala kuze kube phakadze,
20 Wabulala na-Ogi+ inkhosi yaseBhashani,
Ngobe lutsandvo lwakhe lolucotfo luhlala kuze kube phakadze.
21 Wenta live lawo laba lifa,+
Ngobe lutsandvo lwakhe lolucotfo luhlala kuze kube phakadze,
22 Walenta laba lifa la-Israyeli inceku yakhe,
Ngobe lutsandvo lwakhe lolucotfo luhlala kuze kube phakadze.
23 Wasikhumbula ngesikhatsi sitiva sihlazekile,+
Ngobe lutsandvo lwakhe lolucotfo luhlala kuze kube phakadze.+
24 Wachubeka asikhulula etitseni tetfu,+
Ngobe lutsandvo lwakhe lolucotfo luhlala kuze kube phakadze.
25 Tonkhe tintfo letiphilako utiniketa kudla,+
Ngobe lutsandvo lwakhe lolucotfo luhlala kuze kube phakadze.
26 Bongani Nkulunkulu wemazulu,
Ngobe lutsandvo lwakhe lolucotfo luhlala kuze kube phakadze.
137 Sahlala ngasemifuleni yaseBhabhulona.+
Sakhala nasikhumbula iSiyoni.+
3 Ngesikhatsi silapho, labo lebebasitfumbile batsi asibahlabelele ingoma,+
Labo labebahlekisa ngatsi bebafuna kuchazeka, futsi batsi:
“Sihlabeleleni ingoma lekhuluma ngeSiyoni.”
4 Singayihlabela njani nje ingoma yaJehova
Sikulelinye live?
6 Shengatsi lulwimi lwami lunganamatsela elwangeni
Nakungenteka ngikukhohlwe,
Nakungenteka iJerusalema ngingayitsatsi njengalebaluleke kakhulu
Kwendlula tonkhe letinye tintfo letingenta ngijabule.+
7 Awu Jehova, khumbula
Loko lokwashiwo baka-Edomu mhlazana kudzilitwa iJerusalema, nabatsi:
“Yidziliteni! Dzilitani ngisho netisekelo tayo!”+
8 Awu dolobha laseBhabhulona, sekusele kancane kutsi ubhujiswe,+
Uyajabula loyo lotatiphindziselela kuwe
Akwente wehlelwe nguletintfo letibuhlungu lowatenta kitsi.+
9 Uyajabula loyo lotawubamba bantfwana bakho,
Abasacate emadvwaleni.+
Ingoma yaDavide.
138 Ngitakudvumisa ngayo yonkhe inhlitiyo yami.+
Nangisembikwalabanye bonkulunkulu,
Ngitawuhlabela ngikudvumise.
2 Ngitawukhotsama embikwelithempeli lakho lelingcwele,+
Futsi ngidvumise libito lakho+
Ngobe wena unelutsandvo lolucotfo futsi wetsembekile.
Wente kutsi livi lakho nelibito lakho kuphakame kunato tonkhe letinye tintfo.*
4 Awu Jehova, onkhe emakhosi emhlaba atakudvumisa,+
Ngobe atawube asavile ngaloko lokwetsembisile.
5 Atawuhlabela ngetindlela taJehova,
Ngobe inkhatimulo yaJehova yinkhulu.+
6 Nanobe Jehova aphakeme, uyamnakekela lotfobekile,+
Kodvwa umuntfu lotigabatisako akamsondzeti kuye.+
7 Wena utangilondvolota ngisho nobe ngisengotini.+
Welula sandla sakho umelane netitsa tami letitfukutsele;
Sandla sakho sangesekudla sitangisindzisa.
8 Jehova utakufeza konkhe lakuhlosile ngami.
Awu Jehova, lutsandvo lwakho lolucotfo lutawuhlala kuze kube phakadze.+
Ungabashiyi bantfu bakho lowabadala.+
Sicondziso lesiya kumcondzisi. Ingoma yaDavide.
139 Awu Jehova, ungihlolisisile futsi uyangati.+
2 Wena uyati nangihlala phansi nalapho ngisukuma.+
Wati lengikucabangako ube ukhashane.+
4 Ngitsi ngisengakakhulumi lutfo ngemlomo wami,
Wena Jehova, usuke sewati kutsi ngitawutsini.+
5 Wena ungitungelete kuto tonkhe tinhlangotsi;
Futsi sandla sakho usibeka etikwami.
7 Ngingawubalekela ngiyephi nje umoya wakho,
Ngingabhaca kuphi nje lapho wena ungeke ungibone khona?+
8 Kube bengingenyukela ezulwini, wena bewutangibona nalapho,
9 Kube bengingandizela khashane,*
Ngiyohlala etichingini letikhashane,
10 Sandla sakho besitangihola ngisho nalapho
Futsi bewutangibamba ngesandla sakho sangesekudla.+
11 Kube bengingatsi: “Bumnyama butangimbonya!”
Busuku bebutawugucuka bufanane nekukhanya kimi.
12 Ngisho nebumnyama bebungeke bube mnyama kuwe,
Kodvwa busuku bebutawukhanya njengemini;+
Kuwe bumnyama bufana nekukhanya.+
14 Ngiyakudvumisa ngobe ungidale ngendlela lemangalisako.+
Imisebenti yakho mihle kakhulu,+
Futsi loko ngikwati kahle.
15 Ematsambo ami bekangakafihleki kuwe
Ngalesikhatsi ungidala ekusitsekeni,
16 Emehlo akho angibona ngesikhatsi ngisesiswini samake;*
Ngaphambi kwekutsi kuvele ngisho nalinye lilunga lemtimba wami,
Wena besewuvele uwabhale phansi encwadzini yakho,
Wabhala mayelana nekutsi wawenta nini.
18 Kube bengingayibala, beyingaba minyenti kakhulu kunesihlabatsi saselwandle.+
Bengingatsi nobe ngivuka ngibe solo ngiyibala.*+
19 Awu Nkulunkulu, kube mane bewungababulala lababi,+
Bantfu labanebudlova* bebatawubese bayesuka kimi,
20 Lokungulabo labatikhuluma ngemabomu tintfo letimbi ngawe.
Batitsa takho futsi balisebentisa kabi libito lakho.+
22 Ngibenyanya mbamba;+
Batitsa tami letinkhulu.
23 Awu Nkulunkulu, ngihlolisise futsi wati inhlitiyo yami.+
Ngiphenyisise futsi wati imicabango lengikhatsatako.*+
24 Buka kutsi ngisengakacali yini kuhamba endleleni leyingoti,+
Futsi ungicondzise ngihambe endleleni yaphakadze.+
Sicondziso lesiya kumcondzisi. Ingoma yaDavide.
140 Awu Jehova, ngikhulule kubantfu lababi;
Ungivikele kubantfu labanebudlova,+
2 Lokungulabo labakha emacebo lamabi etinhlitiyweni tabo+
Futsi labahlale basusa lutfutfuva.
4 Awu Jehova, ngivikele kulababi;+
Ungiphephise kubantfu labanebudlova,
Lokungulabo labakha emacebo ekungigila.
5 Bantfu labatigabatisako bangibekela lugibe;
Basebentise tintsambo kuze bangibekele linethi endleleni.+
Bayangitsiya.+ (Sela)
6 Mine ngikhuluma naJehova ngitsi: “Wena unguNkulunkulu wami.
Awu Jehova, mane ungilalele nangicela lusito.”+
7 Awu Nkhosi Lephakeme Jehova, unguMsindzisi wami lonemandla,
Uyayivikela inhloko yami ngelilanga lemphi.+
8 Awu Jehova, ungatiphumelelisi tifiso talababi.
Ungavumi kutsi emacebo abo aphumelele, kuze bangatotiphakamisa. (Sela)+
9 Shengatsi labo labangitungeletile
Bangehlelwa ngulokubi labakukhulume ngemilomo yabo.+
10 Emalahle lavutsako akehlele etikwabo.+
Shengatsi bangajikijelwa emlilweni,
Bajikijelwe emigodzini leshonako,*+ futsi bangaphindzi baphume kuyo.
11 Shengatsi loyo lonyundzela labanye angete aphumelela emhlabeni.+
Shengatsi bubi bungahlasela bantfu labatidlova futsi bubacotfule.
12 Ngiyati kutsi Jehova utabamelela labahluphekile
Futsi abehlulele ngekulunga labaphuyile.+
13 Labalungile batawudvumisa libito lakho;
Labacotfo batawuhlala embikwakho.+
Ingoma yaDavide.
141 Awu Jehova, ngikhala kuwe.+
Phutfuma ungisite.+
Ngilalele nangikhala kuwe.+
2 Shengatsi umthantazo wami ungafana nemphepho+ lelungiswe kahle leletfwa embikwakho,+
Netandla tami lengitiphakamisa nangithantaza atifane nemnikelo walokutinhlavu lowentiwa kusihlwa.+
3 Awu Jehova, ngisite ngigadze umlomo wami,
Ungavumi kutsi kuphume lokubi kuwo.+
4 Ungayivumeli inhlitiyo yami kutsi itsandze lokubi,+
Ungangivumeli kutsi ngihlanganyele nebantfu lababi ekwenteni lokubi;
Shengatsi ngingete ngatidla tibiliboco tabo.
5 Nakungenteka lolungile angijezise, loko kutawuveta kutsi uyangitsandza;*+
Nakungenteka angekhute, loko kutawufanana nemafutsa latselwe enhloko yami,+
Futsi lengingeke ngiwale.+
Ngitawuchubeka ngimthantazela ngisho nobe ehlelwa tinhlekelele.
6 Nanobe behluleli babo bajikijelwe emaweni,
Kodvwa bantfu batawalalela emavi ami ngobe amnandzi.
7 Njengalapho umuntfu alima futsi kusakateka emagadze ngemuva,
Nematsambo etfu asakateke kanjalo-ke eThuneni.*
8 Awu Nkhosi Lephakeme Jehova, mine ngetsembele kuwe.+
Ngikhosela kuwe.
Ungavumi kutsi ngife.
9 Ngivikele kuze ngingabanjwa lugibe labangibekele lona,
Ungivikele etingibeni letibekwa ngulababi.
10 Lababi batawubanjwa kanyekanye emanethini labawabekile,+
Kodvwa mine ngitawendlula ngiphephile.
IMaskili.* Umthantazo waDavide lomayelana nalesikhatsi asemhumeni.+
142 Ngikhala kuJehova ngicele lusito;+
Ngicele Jehova kutsi angentele umusa.
2 Ngimtjela konkhe lokungikhatsatako;
Ngimtjele konkhe lokungicindzetelako+
3 Nangitiva ngiphelelwe ngemandla.
Wena Nkulunkulu ubese ugadza tinyatselo tami.+
Lapho ngihamba khona,
Titsa tami tingibekela lugibe.
4 Buka ngesekudla sami kuze ubone
Kutsi kute lonendzaba nami.+
Kute lapho ngingabalekela khona;+
Futsi kute umuntfu lotihluphako ngami.
5 Awu Jehova, ngikhala kuwe kuze ungisite.
6 Ngilalele nangikhalela lusito,
Ngobe ngicindzeteleke kakhulu.
Ngikhulule kubantfu labangihluphako,+
Ngobe banemandla kunami.
7 Ngikhiphe ejele
Kuze ngidvumise libito lakho.
Shengatsi labalungile bangangitungeleta,
Ngobe wena ungentele umusa.
Ingoma yaDavide.
143 Awu Jehova, lalela umthantazo wami;+
Ngilalele nangicela lusito.
Ngiphendvule ngobe wena wetsembekile futsi ulungile.
2 Ungayitekisi licala inceku yakho,
Ngobe kute umuntfu lophilako longatsi ulungile embikwakho.+
3 Sitsa siyangigijimisa;
Singiwisele phansi emhlabatsini sangifihlita.
Sente kutsi ngihlale ebumnyameni njengebantfu lesebafa kadzeni.
5 Ngikhumbula emalanga akadzeni;
Ngicabangisise ngayo yonkhe imisebenti yakho;+
Ngicabangisise* nangemisebenti loyente ngetandla takho.
6 Ngiphakamisa tandla tami ngithantaze kuwe;
Ngikulangatelela njengelive lelomile lelilangatelela imvula.+ (Sela)
8 Shengatsi ngingeva ngelutsandvo lwakho lolucotfo ekuseni,
Ngobe ngetsembele kuwe.
Ngikhombise indlela lokufanele ngihambe ngayo,+
Ngobe ngetsembele kuwe.
9 Awu Jehova, ngikhulule etitseni tami.
Ngibalekela kuwe kuze ngivikeleke.+
10 Ngifundzise kwenta intsandvo yakho,+
Ngobe unguNkulunkulu wami.
Wena umuhle,
Shengatsi umoya wakho ungangiholela endzaweni lebekile.*
11 Awu Jehova, ngilondvolote ngenca yelibito lakho.
Ngikhulule kulokungicindzetelako ngobe wena ulungile.+
12 Bhubhisa titsa tami ngobe
wena unelutsandvo lolucotfo;+
Babhubhise bonkhe labangihluphako,+
Ngobe mine ngiyinceku yakho.+
Ingoma yaDavide.
144 Akadvunyiswe Jehova loLidvwala lami,+
Nguye longiceceshela imphi
Ente nekutsi ngilungele kuyokulwa.+
2 Unelutsandvo lolucotfo futsi uyindzawo yami levikelekile,
Uyindzawo yami yekukhosela lephephile futsi ungumkhululi wami,
Usihlangu sami futsi nguye lengibalekela kuye,+
Nguye nalowenta bantfu bangitfobele.+
3 Awu Jehova, uyini nje umuntfu kutsi ungamnaka,
Iyini nje indvodzana yemuntfu kutsi ungaba nendzaba nayo?+
6 Yenta kutsi limanyate futsi kuhlakateke titsa;+
Dubula ngemicibisholo yakho futsi utente tidideke.+
7 Yelula tandla takho usezulwini;
Ngikhulule futsi ungisindzise emagagasini,
Ungikhulule esandleni sebantfu bakuletinye tive,+
8 Labo labakhuluma emanga ngemilomo yabo
Futsi labaphakamisa sandla sabo sangesekudla kuze bafungele intfo lengemanga.
9 Awu Nkulunkulu, ngitakuhlabelela ingoma lensha.+
Ngitawuhlabela ngikudvumise ngensimbi yemculo lenetintsambo letingu-10,
10 Ngihlabelele Loyo lowenta kutsi emakhosi ancobe,+
Loyo lowakhulula inceku yakhe Davide kuze bantfu bangayibulali ngenkemba.+
11 Ngikhulule futsi ungisindzise esandleni sebantfu bakuletinye tive,
Labo labakhuluma emanga ngemilomo yabo
Futsi labaphakamisa sandla sabo sangesekudla kuze bafungele intfo lengemanga.
12 Ngaleyo ndlela emadvodzana etfu atawufanana netihlahla letisheshe tikhule,
Nemadvodzakati etfu afanane netinsika letihlobisa emakona asesigodlweni.
13 Tincolobane tetfu titawugcwala tiphuphume lonkhe luhlobo lwekudla;
Imfuyo yetfu lesemadlelweni itawandza ngetinkhulungwane nangemashumi etinkhulungwane.
14 Tinkhomo tetfu letemitsi angeke tehlelwe yingoti nobe tiphunte;
Kute lotawukhaliswa yinhlupheko etitaladini tetfu.
15 Bayajabula labo tintfo letibahambela kahle ngalendlela!
Bayajabula bantfu Nkulunkulu wabo lokunguJehova!+
Ingoma yaDavide yekudvumisa.
א [Aleph]
145 Awu Nkulunkulu loyiNkhosi yami,+ mine ngitakudvumisa,
Ngitawudvumisa libito lakho kuze kube phakadze.+
ב [Beth]
ג [Gimel]
ד [Daleth]
4 Titukulwane ngetitukulwane titawudvumisa imisebenti yakho;
Titawumemetela ngemisebenti yakho lemikhulu.+
ה [He]
5 Titawukhuluma ngebuhle bebukhosi bakho lobukhatimulako,+
Futsi mine ngitawucabangisisa ngemisebenti yakho lemangalisako.
ו [Waw]
6 Titawukhuluma ngemisebenti* yakho lemangalisako,
Futsi mine ngitawumemetela ngebukhulu bakho.
ז [Zayin]
7 Emavi ato ekudvumisa bukhulu bebuhle bakho atawugeleta njengemfula,+
Futsi titawumemeta tijabulile ngobe wena ulungile.+
ח [Heth]
ט [Teth]
9 Jehova muhle kubo bonkhe,+
Nemusa wakhe uyabonakala kuko konkhe lakwentako.
י [Yod]
כ [Kaph]
11 Batawumemetela ngekukhatimula kwebukhosi bakho+
Futsi bakhulume ngemandla akho,+
ל [Lamed]
12 Kuze bantfu bati ngemisebenti yakho lemikhulu+
Nangebuhle bebukhosi bakho lobukhatimulako.+
מ [Mem]
13 Bukhosi bakho butawuhlala bukhona kuze kube phakadze,
Futsi kubusa kwakho kutawuhlala kukhona kuto tonkhe titukulwane.+
ס [Samekh]
ע [Ayin]
15 Tonkhe tintfo letiphilako tetsembele kuwe;
Utinika kudla ngesikhatsi lesifanele.+
פ [Pe]
צ [Tsade]
ק [Qoph]
ר [Resh]
ש [Shin]
ת [Taw]
21 Ngitawumemetela ngeludvumo lwaJehova;+
Konkhe lokuphilako akudvumise libito lakhe lelingcwele, kuze kube phakadze.+
146 Dvumisani Jehova!+
Shengatsi ngingadvumisa Jehova ngayo yonkhe inhlitiyo yami.+
2 Ngitawudvumisa Jehova kuphila kwami konkhe.
Ngitawuhlabela ngidvumise Nkulunkulu wami, yingci nje nangisaphila.
5 Uyajabula umuntfu locela lusito kuNkulunkulu waJakobe,*+
Loyo lowetsembele kuJehova Nkulunkulu wakhe,+
6 LonguMdali welizulu nemhlaba,
Nelwandle kanye nako konkhe lokukuko.+
Yena uhlale etsembekile,+
7 Ubehlulela ngekulunga labo labemukwe tintfo tabo,
Abaphe kudla labo labeswele.+
Jehova uyabakhulula lababoshiwe.+
8 Jehova uvula emehlo alabangaboni;+
Jehova uyabaphakamisa labo labacindzetelekile;+
Jehova uyabatsandza bantfu labalungile.
9 Jehova uyabavikela bantfu bekuhamba;
Uyatinakekela tintsandzane nebafelokati,+
Kodvwa emacebo alababi uwenta angaphumeleli.+
10 Jehova utawuhlale ayiNkhosi kuze kube phakadze,+
Awu Siyoni, yena utawuhlale anguNkulunkulu wakho kuto tonkhe titukulwane.
Dvumisani Jehova!
147 Dvumisani Jehova!
Kuhle kuhlabela sidvumise Nkulunkulu wetfu;
Maye kumnandzi kumdvumisa futsi kumfanele!+
3 Uyabelapha labephukile enhlitiyweni;
Abophe nemanceba abo.
7 Hlabelelani Jehova nimbonge;
Hlabelani nidvumise Nkulunkulu wetfu, nidlale nelihabhu,
8 Hlabelelani Loyo lowenta kutsi emafu ambonye emazulu,
Loyo loletsa imvula emhlabeni,+
Lowenta nekutsi tjani buhlume+ etintsabeni.
12 Awu Jerusalema, khatimulisa Jehova.
Awu Siyoni, dvumisa Nkulunkulu wakho.
13 Ucinisa imishudo yemagede elidolobha lakho;
Abusise nemadvodzana akho.
15 Ukhipha umyalo loya emhlabeni;
Livi lakhe ligijima ngematubane lamakhulu.
16 Wenta kutsi likhitsike emhlabeni kube shengatsi kunengubo lemhlophe lewumbonyile;+
Asakate sitfwatfwa kube shengatsi usakata umlotsa.+
17 Wehlisa sangcotfo* kube shengatsi wehlisa tincetu tesinkhwa.+
Ngubani nje longabeketelela emakhata?+
18 Ukhipha livi, kuncibilike ematje esangcotfo.
Ahhushise umoya wakhe,+ bese kugeleta nemanti.
Dvumisani Jehova!+
148 Dvumisani Jehova!
Dvumisani Jehova nine lenisemazulwini;+
Mdvumiseni nine lenisetindzaweni letiphakeme.
2 Mdvumiseni nonkhe nine tingilosi takhe.+
Mdvumiseni nonkhe nine butfo lakhe.+
3 Wena langa nawe nyanga, mdvumiseni.
Mdvumiseni nonkhe nine tinkhanyeti letikhanyako.+
4 Mdvumiseni nine mazulu lasetulu kakhulu,
Nani nine mafu lanemvula lasesibhakabhakeni.
5 Shengatsi konkhe kungadvumisa libito laJehova,
Ngobe wakhipha umyalo wakhe, futsi wakudala.+
6 Ukwenta kutsi kuhlale kukhona phakadze naphakadze;+
Ukushayele umtsetfo longeke uphelelwe sikhatsi.+
7 Dvumisani Jehova nine lenisemhlabeni,
Nine tilwane letinkhulu taselwandle, nani nonkhe nine manti lajulile,
8 Wena mbane nawe sangcotfo, wena lichwa nani nine mafu lamnyama,
Wena siphepho, lesifeza livi lakhe,+
9 Nine tintsaba, nani nonkhe nine magcuma,+
Nine tihlahla tetitselo, nani nonkhe nine misedari,+
10 Nine tilwane tesiganga+ nani nonkhe nine tilwane letifuywako,
Nine tilwane letihamba ngesisu, nani nine tinyoni,
11 Nine makhosi emhlaba nani nonkhe nine tive,
Nine babusi nani nonkhe nine behluleli bemhlaba,+
12 Nine majaha nani tintfombi,
Nine labakhulile nani lenisebancane.
Bukhosi bakhe bungetulu kwemhlaba nemazulu.+
14 Utawuniketa bantfu bakhe emandla lamakhulu,
Ente kutsi bonkhe bantfu bakhe labetsembekile badvunyiswe,
Asente sidvunyiswe sive saka-Israyeli, lokubantfu labasondzelene naye.
Dvumisani Jehova!
149 Dvumisani Jehova!
2 Israyeli akajabule ngenca yeMdali wakhe Lomkhulu;+
Shengatsi bantfu baseSiyoni bangajabula ngeNkhosi yabo.
3 Shengatsi bangadvumisa libito lakhe babe bajayiva+
Bahlabele bamdvumise, babe badlala ithamborine nelihabhu.+
4 Ngobe Jehova uyabatsandza bantfu bakhe.+
Usindzisa labatfobekile kuze bahlonipheke.+
5 Shengatsi labetsembekile bangajabula ngobe ubenta bakhatimule;
Abamemete bajabulile emibhedzeni yabo.+
6 Shengatsi bangahlabela badvumise Nkulunkulu ngemilomo yabo,
Futsi baphatse inkemba lesika ngetinhlangotsi totimbili,
7 Kuze batiphindziselele etiveni
Futsi bajezise bantfu,
8 Kuze babophe emakhosi ato ngetinketane
Netindvuna tato batifase ngabozankosi,
9 Kuze bakhiphe sehlulelo lesimelene nato, njengobe kubhaliwe.+
Lolu ludvumo lwabo bonkhe bantfu bakhe labetsembekile.
Dvumisani Jehova!
150 Dvumisani Jehova!+
Dvumisani Nkulunkulu endzaweni yakhe lengcwele.+
Dvumisani emandla akhe labonakala esibhakabhakeni.*+
2 Mdvumiseni ngenca yemisebenti yakhe lemikhulu.+
Mdvumiseni ngenca yekutsi uphakeme kakhulu.+
3 Mdvumiseni ngekushaya luphondvo.+
Mdvumiseni ngekudlala insimbi yemculo lenetintsambo nangekudlala lihabhu.+
5 Mdvumiseni ngemasimbali* lakhalako.
Nimdvumise ngemasimbali lakhala kakhulu.+
6 Shengatsi konkhe lokuphilako kungadvumisa Jehova.
Dvumisani Jehova!+
Nobe “uwufundza ngelivi leliphansi.”
Nobe “babonisene ndzawonye.”
Nobe “naKhristu wakhe.”
Nobe “Caphelani.”
NgesiHebheru kutsi, “Yangani.”
NgesiHebheru kutsi, “yena.”
Nobe “ngemphefumulo wami.”
Fundza Tinchazelo Temagama.
NgesiHebheru kutsi, “uphakamisa inhloko yami.”
NgesiHebheru kutsi, “Ngivulele indzawo lebanti.”
Nobe “utatehlukanisela.”
Fundza Tinchazelo Temagama.
Nobe “lababulalako nalabakhohlisako.”
Nobe “yelutsandvo lwakho lolucotfo.”
Nobe “embikwendzawo yakho lengcwele.”
Nobe “Tisebentisa lulwimi lolumnandzi.”
Fundza Tinchazelo Temagama.
Nobe “ngihawukele.”
Nobe “abakukhumbuli.”
Nobe “eShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “ngindandisa umbhedze wami.”
Nobe “Liso lami ligugile.”
Kungaphindze kubekwe ngekutsi, “Ngibe ngivikela lomelene nami ngaphandle kwesizatfu.”
NgesiHebheru kutsi, “Asigcobagcobe kuphila kwami.”
Nobe “lovivinya tinhlitiyo netinso.”
Nobe “Ngitawucamba tingoma tekudvumisa.”
Fundza Tinchazelo Temagama.
Kungaphindze kubekwe ngekutsi, “Wena ludvumo lwakho kukhulunywa ngalo ngetulu kwemazulu!”
NgesiHebheru kutsi, “weminwe yakho.”
Nobe “kwalabanjengankulunkulu.”
Fundza Tinchazelo Temagama.
Nobe “Ngitawucamba tingoma tekudvumisa.”
Nobe “Umhlaba utawehlulela.”
Nobe “indzawo lephakeme levikelekile.”
Fundza Tinchazelo Temagama.
Nobe “eShiyoli,” lokusho lithuna lebantfu. Fundza Tinchazelo Temagama.
Kungaphindze kubekwe ngekutsi, “Umuntfu lonebugovu utibusisa yena.”
Nobe “ngiyendze (ngidzayitele).”
Nobe “nalibhace etihlahleni.”
Nobe “etidladleni leticinile.”
Nobe “tisekelo tekulunga.”
Nobe “lakhanyako.”
Kungaphindze kubekwe ngekutsi, “emalahle lavutsako.”
Nobe “batawubona buso bakhe.”
Fundza Tinchazelo Temagama.
NgesiHebheru kutsi, “Bakhuluma nebantfu ngetindzebe letitsambile.”
Nobe “bakhulume ngenhlitiyo lemphacambili.”
Kungaphindze kubekwe ngekutsi, “ngemlilo lobaswe phansi wekuncibilikisa insimbi.”
NgesiHebheru kutsi, “ngingalali ekufeni.”
Nobe “lutsandvo lolucotfo.”
Nobe “ungentele lokuhle.”
Nobe “labangenangcondvo.”
Nobe “uyasivikela situkulwane salabalungile.”
Nobe “lecotfo.”
Nobe “akabahlazi bangani bakhe.”
NgesiHebheru kutsi, “sifungo.”
Nobe “angeke ayendze (adzayitele).”
Fundza Tinchazelo Temagama.
Nobe “imiva yami lejulile.” NgesiHebheru kutsi, “tinso tami tiyangicondzisa.”
Nobe “Angeke ngiyendze (ngidzayitele).”
Nobe “Inyama yami ihlala ngekuvikeleka.”
Nobe “eShiyoli,” lokusho lithuna lebantfu. Fundza Tinchazelo Temagama.
Kungaphindze kubekwe ngekutsi, “abone konakala.”
NgesiHebheru kutsi, “Ebusweni bakho.”
Nobe “kunebunandzi.”
Nobe “Goba futsi ungilalele.”
Nobe “lutsandvo lolucotfo.”
Nobe “Titivimbetele emanonini ato.”
Nobe “lekusilahla phansi.”
Nobe “ngibona simo sakho.”
NgesiHebheru kutsi, “neluphondvo lwensindziso.” Fundza Tinchazelo Temagama.
Nobe “indzawo lephakeme nalephephile.”
Nobe “teShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “etimphikweni temoya.”
Nobe “imisele yemanti.”
Nobe “endzaweni levulekile.”
NgesiHebheru kutsi, “yekuhlanteka.”
Nobe “bantfu labacindzetelekile.”
NgesiHebheru kutsi, “labanemehlo ladvwalile.”
Nobe “siyangicinisa.”
Nobe “Tihlakala.”
Nobe “Utanginika umhlane wetitsa tami.”
NgesiHebheru kutsi, “ngitabathulisa.”
Nobe “batawuphelelwa ngemandla.”
Nobe “Ngitawucula.”
Nobe “uyenta incobe kakhulu.”
Nobe “lutsandvo lolucotfo.”
NgesiHebheru kutsi, “nenhlanyelo.”
Nobe “Nemkhatsi.”
Nobe “uvuselela (ubuyisa) umphefumulo.”
Nobe “esiphambukweni lesikhulu.”
NgesiHebheru kutsi, “Awutsatse njengalononile.”
Nobe “tonkhe tinhloso takho tiphumelele.”
NgesiHebheru kutsi, “emalanga lamadze aphakadze naphakadze.”
NgesiHebheru kutsi, “yebuso bakho.”
Nobe “Angeke iyendze (idzayitele).”
NgesiHebheru kutsi, “Inhlanyelo.”
NgesiHebheru kutsi, “kudubula buso babo.”
NgesiHebheru kutsi, “ngetintsambo tebutjoki.”
Kungenteka lena yindlela yekuhlabela ingoma.
Nobe “bahlazeke.”
Nobe “bayangiphukuta.”
NgesiHebheru kutsi, “ngalahlelwa kuwe.”
Kungenteka loku yintfo lesheshe incibilike leyakhiwa tinyosi leyenta kutsi luju lungonakali.
NgesiHebheru kutsi, “lokukuphela kwako,” lokusho umphefumulo wakhe nobe kuphila kwakhe.
NgesiHebheru kutsi, “etandleni.”
NgesiHebheru kutsi, “leniyinhlanyelo.”
NgesiHebheru kutsi, “leniyinhlanyelo.”
NgesiHebheru kutsi, “tinhlitiyo tenu tingaphila.”
NgesiHebheru kutsi, “labakhuluphele.”
NgesiHebheru kutsi, “Inhlanyelo.”
Kungaphindze kubekwe ngekutsi, “Angiholele emantini lathulile.”
Nobe “kuyangidvudvuta.”
Nobe “Ucabula.”
Nobe “Umphefumulo wami,” lokusho kuphila kwaJehova umuntfu lafunga ngako.
Nobe “utamentela kulunga.”
Nobe “Vukani.”
NgesiHebheru kutsi, “lokulungile.”
NgesiHebheru kutsi, “inhlanyelo.”
NgesiHebheru kutsi, “khulula.”
Nobe “imiva yami lejulile.” NgesiHebheru kutsi, “tinso tami.”
NgesiHebheru kutsi, “angihlali.”
Nobe “Angitihlanganisi nebatentisi.”
NgesiHebheru kutsi, “angihlali.”
Nobe “nekwemadvodza lacitsa ingati.”
NgesiHebheru kutsi, “Ngisindzise.”
NgesiHebheru kutsi, “embikwemabandla.”
Nobe “indzawo yakhe lengcwele.”
Nobe “ngizindle ngalo.”
Nobe “Ngitawucamba tingoma tekudvumisa.”
Kungaphindze kubekwe ngekutsi, “Ngiyakholwa kutsi buhle baJehova ngitabubona ngisaphila.”
Nobe “ethuneni.”
Nobe “Khontani.”
Kungaphindze kubekwe ngekutsi, “ngenca yebukhatikhati bebungcwele bakhe.”
Lapha kushiwo tintsaba taseLebanoni.
Nobe “sisetikwelwandle lwasezulwini.”
Nobe “ungenyulile.”
Nobe “eShiyoli,” lokusho lithuna lebantfu. Fundza Tinchazelo Temagama.
Nobe “ethuneni.”
Nobe “Cambani tingoma tekudvumisa.”
NgesiHebheru kutsi, “sikhumbuto sebungcwele bakhe.”
Nobe “ngiyendze (ngidzayitele).”
Nobe “usangentela umusa.”
Nobe “ethuneni.”
Nobe “Goba futsi ungilalele.”
Nobe “kuphila.”
Nobe “Nkulunkulu weliciniso; longumtfombo weliciniso.”
Nobe “endzaweni levulekile.”
Nobe “etingcondvweni.”
NgesiHebheru kutsi, “Tikhatsi tami tisesandleni.”
Nobe “eShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “ekuhlaselweni ngemavi.”
Fundza Tinchazelo Temagama.
Nobe “tono takhe letimbonyiwe.”
Nobe “intfukutselo yakho beyingesindza.”
Nobe “Cambani tingoma tekumdvumisa.”
NgesiHebheru kutsi, “Lonkhe libutfo lawo ladalwa.”
Nobe “ngemoya wemlomo.”
Nobe “uticitsile tinhloso tetive.”
Nobe “Wayicedza imicabango yebantfu.”
Nobe “tinhloso.”
Nobe “limente ancobe.”
Lona lophansi ngumhlabeleli.
Nobe “imisa lithende lelitungelete.”
Nobe “nemabhubesi lasemancane lanemdlonga.”
Nobe “buso baJehova.”
Nobe “labadvumatekile.”
Nobe “tinhlekelele.”
Livame kuphatfwa bantfu labasebentisa butjoki.
Nobe “nelizembe lelijuba tinhlangotsi totimbili.”
Nobe “ubuyela esifubeni sami.”
Kungaphindze kubekwe ngekutsi, “Bantfu labenta lokubi bayangiphukuta kuze batfole lucetu lwesinkhwa.”
NgesiHebheru kutsi, “lokukuphela kwako,” lokusho umphefumulo wakhe nobe kuphila kwakhe.
Nobe “emabhubesini lasemancane lanemdlonga.”
Nobe “lutawuzindla.”
NgesiHebheru kutsi, “kunjengetintsaba taNkulunkulu.”
Nobe “usindzisa.”
NgesiHebheru kutsi, “lokunonile.”
Nobe “Ungafutfumali.”
Nobe “eveni.”
NgesiHebheru kutsi, “Gicitela indlela yakho kuye.”
Nobe “ngesineke.”
Kungaphindze kubekwe ngekutsi, “Ungacansuki, ngobe loko kungakwenta ulimale.”
NgesiHebheru kutsi, “Ucucudza ematinyo.”
NgesiHebheru kutsi, “uyawati emalanga alabamsulwa.”
Nobe “uyasitana.”
Nobe “uyamcinisa.”
Nobe “utambamba ngesandla sakhe.”
Nobe “sinkhwa.”
Nobe “ukhuluma tintfo letihlakaniphile ngelivi leliphansi.”
Nobe “umuntfu logcina bucotfo.”
Nobe “lesikhumbuto.”
NgesiHebheru kutsi, “Sekute lapho ngiphile khona enyameni yami.”
NgesiHebheru kutsi, “senta ematsambo ami angabi nekuthula.”
NgesiHebheru kutsi, “Lukhalo lwami luyavutsa.”
Nobe “ngicume.”
NgesiHebheru kutsi, “Kukhanya kwemehlo ami akusakhanyi.”
NgesiHebheru kutsi, “tiyaphila.”
Kungaphindze kubekwe ngekutsi, “Kodvwa titsa tami letingitondzela lite setinyenti.”
Fundza Tinchazelo Temagama.
Nobe “badlanga.”
NgesiHebheru kutsi, “yavutsa.”
Nobe “Nangisadvonsa umoya.”
Nobe “kwesikhashana.”
NgesiHebheru kutsi, “lesingangebubanti besandla sekuphila.”
NgesiHebheru kutsi, “Ubanga umsindvo ngelite nje.”
Nobe “Ngingumuntfu wekuhamba.”
Nobe “ngekubeketela.”
Nobe “wagoba wangilalela.”
Nobe “kulabacala emanga.”
Nobe “awuzange uwufise umhlatjelo nemnikelo.”
NgesiHebheru kutsi, “Emculwini wencwadzi.”
Nobe “kusifiso sami.”
Nobe “entsandvweni yetitsa takhe.”
NgesiHebheru kutsi, “inhlitiyo yakhe ikhuluma emanga.”
NgesiHebheru kutsi, “ungiphakamisele sitsendze sakhe.”
Nobe “Kusukela phakadze kuze kube phakadze.”
Nobe “Ngitfulula umphefumulo wami.”
Nobe “umphefumulo wami uphelelwe.”
Nobe “ngisentsatjaneni.”
Nobe “lutsandvo lolucotfo.”
Kungaphindze kubekwe ngekutsi, “kube shengatsi kufohloteka ematsambo ami.”
Nobe “umphefumulo wami uphelelwe.”
Fundza Tinchazelo Temagama.
Nobe “Vuma.”
Nobe “akhululwe.”
Nobe “ngentsengo yabo.”
NgesiHebheru kutsi, “Sihlenge.”
Kungenteka kushiwo insimbi yemculo lenetintsambo, indlela ingoma lebhalwe ngayo, nobe indlela yekuhlabela. Kodvwa ayatiwa kahle inchazelo lengiyo.
Fundza Tinchazelo Temagama.
NgesiHebheru kutsi, “Imisebenti yami.”
Leligama lesiHebheru lifaka ekhatsi bantfu labebakopa uMtsetfo naletinye tincenye temiBhalo Lengcwele.
Nobe “uyewuphumelela.”
NgesiHebheru kutsi, “sitakufundzisa.”
NgesiHebheru kutsi, “Nkulunkulu usihlalo sakho sebukhosi.”
Nobe “yebucotfo.”
Leli ligama lelisetjentiswa nakukhulunywa ngesihlahla lesinesitaputapu lesinuka kamnandzi, lebesisetjentiselwa kwakha emakha ngetikhatsi tekubhalwa kweliBhayibheli.
Nobe “atawutsambisa buso bakho.”
NgesiHebheru kutsi, “tinemihlobiso yeligolide.”
Kungaphindze kubekwe ngekutsi, “letihlotjisiwe.”
NgesiHebheru kutsi, “embikwakho.”
Fundza Tinchazelo Temagama.
Nobe “lephakeme levikelekile.”
Kungaphindze kubekwe ngekutsi, “emahawu.”
Nobe “luphondvo lwemvu lendvuna; licilongo.”
Nobe “Cambani tingoma tekudvumisa.”
NgesiHebheru kutsi, “emahawu.”
Nobe “lephakeme levikelekile.”
Nobe “ngesikhatsi lasibekile.”
NgesiHebheru kutsi, “emadvodzakati.”
Nobe “letivikelekile.”
Kungaphindze kubekwe ngekutsi, “size sife.”
Nobe “kulelive.”
NgesiHebheru kutsi, “nine madvodzana ebantfu kanye nemadvodzana emuntfu.”
NgesiHebheru kutsi, “labanemaphutsa.”
Nobe “emgodzini.”
Nobe “eShiyoli,” lokusho lithuna lebantfu. Fundza Tinchazelo Temagama.
Nobe “IShiyoli,” lokusho lithuna lebantfu. Fundza Tinchazelo Temagama.
Nobe “utawukhulula umphefumulo wami.”
Nobe “eShiyoli,” lokusho lithuna lebantfu. Fundza Tinchazelo Temagama.
Nobe “Nkulunkulu Losezulwini, Jehova.”
NgesiHebheru kutsi, “timbuti letindvuna.”
Nobe “kucondziswa.”
Kungaphindze kubekwe ngekutsi, “utihlanganisa naso.”
Nobe “Umnyundzele.”
Fundza Tinchazelo Temagama.
Fundza Tinchazelo Temagama.
Nobe “lutsandvo lolucotfo.”
Fundza Tinchazelo Temagama.
Fundza Tinchazelo Temagama.
Nobe “labangenangcondvo.”
Kungaphindze kubekwe ngekutsi, “Besabe ngisho nelite.”
Fundza Tinchazelo Temagama.
NgesiHebheru kutsi, “Tithulise.”
Fundza Tinchazelo Temagama.
Nobe “Ungatifihli nangithantazela kutsi ungisite.”
Nobe “lolingana.”
Fundza Tinchazelo Temagama.
Fundza Tinchazelo Temagama.
Nobe “lutsandvo lolucotfo.”
Nobe “lutsandvo lolucotfo.”
Fundza Tinchazelo Temagama.
NgesiHebheru kutsi, “basesesiswini.”
Fundza Tinchazelo Temagama.
Nobe “Tikhonkotsa.”
Nobe “lutsandvo lolucotfo.”
Nobe “Tikhonkotse.”
Nobe “lutsandvo lolucotfo.”
Kungenteka kushiwo insimbi yemculo lenetintsambo, indlela ingoma lebhalwe ngayo, nobe indlela yekuhlabela. Kodvwa ayatiwa kahle inchazelo lengiyo.
Fundza Tinchazelo Temagama.
Kungaphindze kubekwe ngekutsi, “Unikete.”
Kungaphindze kubekwe ngekutsi, “losendzaweni yakhe lengcwele.”
Nobe “NeliTsafa.”
NgesiHebheru leligama lisho indvuku lendze lemelela lilungelo lemholi lekushaya imitsetfo.
Kungaphindze kubekwe ngekutsi, “lelivikelekile.”
Nobe “Utangivumela kutsi ngingene.”
Fundza Tinchazelo Temagama.
Nobe “kwetimphungushe.”
Nobe “Bakhutsatana bodvwa kutsi bente lokubi.”
Nobe “Letisendzaweni yakho lengcwele.”
NgesiHebheru kutsi, “Wetfwesa ematsanga etfu.”
Nobe “lutsandvo lolucotfo.”
Nobe “batamhlonipha.”
Kungenteka loku yintfo lesheshe incibilike leyakhiwa tinyosi leyenta kutsi luju lungonakali.
Kungaphindze kubekwe ngekutsi, “logibela emafu.”
Nobe “labavukelako.”
Kungaphindze kubekwe ngekutsi, “ngasetibayeni tetimvu.”
NgesiHebheru kutsi, “akhona.”
Nobe “Kwaba shengatsi liyakhitsika eSalmoni.”
Nobe “yintsaba lenkhulu.”
Kungaphindze kubekwe ngekutsi, “Emancusa atawuvela.”
NgesiHebheru kutsi, “yakho.”
Kungenteka kushiwo insimbi yemculo lenetintsambo, indlela ingoma lebhalwe ngayo, nobe indlela yekuhlabela. Kodvwa ayatiwa kahle inchazelo lengiyo.
Kungaphindze kubekwe ngekutsi, “Nangikhala futsi ngizila kudla.”
Nobe “lutsandvo lolucotfo.”
Nobe “ngumtfombo wemanti.”
Nobe “unelutsandvo lolucotfo.”
Nobe “yalabaphilako.”
Nobe “lesikhumbuto.”
Nobe “Goba futsi ungilalele.”
Nobe “Ngitawucabanga.”
NgesiHebheru kutsi, “eMfuleni.”
Nobe “banemikhaba.”
NgesiHebheru kutsi, “emehlo abo akhuluphele.”
NgesiHebheru kutsi, “ulenyanye ligama labatakhele lona.”
Fundza Tinchazelo Temagama.
NgesiHebheru kutsi, “tinhloko.”
NgesiHebheru kutsi, “Leviyathani.”
NgesiHebheru kutsi, “kuncibilika.”
Fundza Tinchazelo Temagama.
NgesiHebheru kutsi, “Ngesandla.”
Fundza Tinchazelo Temagama.
Nobe “sicondziso.”
Nobe “situkulwane saJakobe.”
Nobe “lubondza.”
NgesiHebheru kutsi, “ngekukhanya kwemlilo.”
NgesiHebheru kutsi, “salabanemandla.”
NgesiHebheru kutsi, “bayinyama.”
Lolu luhlobo lwemphungane lolulumanako.
Lolu luhlobo lwesihlahla semkhiwa lesinemacembe lafana newesihlahla semgungumence.
Kungaphindze kubekwe ngekutsi, “ngemkhuhlane.”
Nobe “bebamenta abe nemona.”
NgesiHebheru kutsi, “Wakha indzawo yakhe lengcwele yaba njengendzawo lephakeme.”
Lokusho, Davide.
Kungaphindze kubekwe ngekutsi, “ukhulule.”
Kungenteka kushiwo insimbi yemculo lenetintsambo, indlela ingoma lebhalwe ngayo, nobe indlela yekuhlabela. Kodvwa ayatiwa kahle inchazelo lengiyo.
Kungaphindze kubekwe ngekutsi, “emkhatsini.”
Lokusho, iYufrathe.
Nobe “Lokusicu.”
Nobe “ligala.”
Fundza Tinchazelo Temagama.
Lokusho kutsi “Kulwa.”
NgesiHebheru kutsi, “wabonkulunkulu.”
NgesiHebheru kutsi, “Tonkhe tisekelo temhlaba tiyatanyatanyiswa.”
Nobe “nifana nabonkulunkulu.”
NgesiHebheru kutsi, “emathende aka-Edomu newaka-Ishmayeli.”
NgesiHebheru kutsi, “emadvodzana aLoti.”
Fundza Tinchazelo Temagama.
Leligama lelitsi ‘bhakha’ lisukela egameni lesiHebheru lelisho ‘kukhala.’ Akwatiwa kahle kutsi lesihlahla sinjani.
Kungaphindze kubekwe ngekutsi, “Futsi umfundzisi uyadvunyiswa.”
Kungaphindze kubekwe ngekutsi, “Awu Nkulunkulu, buka sihlangu setfu.”
Nobe “lutsandvo lolucotfo.”
Nobe “utasiphumelelisa.”
Nobe “lutsandvo lolucotfo.”
Nobe “lutsandvo lolucotfo.”
Nobe “kweShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “emagede aseSiyoni.”
Kungenteka kusho iGibhithe.
NgesiHebheru kutsi, “Yonkhe imitfombo yami ikuwe.”
Fundza Tinchazelo Temagama.
Fundza Tinchazelo Temagama.
Nobe “eShiyoli,” lokusho lithuna lebantfu. Fundza Tinchazelo Temagama.
Nobe “e-Abhadoni.”
Kungaphindze kubekwe ngekutsi, “sikhatsi sinye.”
Fundza Tinchazelo Temagama.
Kungenteka kusho iGibhithe nobe Faro.
NgesiHebheru kutsi, “bahamba ekukhanyeni kwebuso bakho.”
Nobe “lutsandvo lolucotfo.”
Nobe “lutsandvo lolucotfo.”
Nobe “lutsandvo lolucotfo.”
NgesiHebheru kutsi, “ingufakazi lowetsembekile.”
NgesiHebheru kutsi, “sandla seShiyoli,” lokusho lithuna lebantfu. Fundza Tinchazelo Temagama.
Nobe “lutsandvo lolucotfo.”
Nobe “indzawo yekuhlala.”
Nobe “ngelutsandvo lolucotfo.”
Nobe “njengetjani.”
Nobe “sebanetimvu enhloko.”
NgesiHebheru kutsi, “bakhuluphele.”
Lokusho kutsi “Kulwa.”
Lokusho kutsi “Kuvivinya; Kulinga.”
Nobe “Khontani.”
Kungaphindze kubekwe ngekutsi, “ngenca yebuhle bebungcwele bakhe.”
Nobe “ufikile.”
Kungenteka loku yintfo lesheshe incibilike leyakhiwa tinyosi leyenta kutsi luju lungonakali.
Nobe “Mkhonteni.”
Nobe “lutsandvo lolucotfo.”
Nobe “ufikile.”
Kungaphindze kubekwe ngekutsi, “emkhatsini.”
Nobe “situkulwane saJakobe.”
Kungaphindze kubekwe ngekutsi, “asitidalanga.”
Nobe “locotfo.”
Nobe “Ngitabasusa.”
Kungaphindze kubekwe ngekutsi, “Sengondzile.”
Nobe “labahlekisa ngami.”
Nobe “Neludvumo.”
NgesiHebheru kutsi, “labasetawudalwa.”
NgesiHebheru kutsi, “emgodzini.”
Nobe “lutsandvo lolucotfo.”
Nobe “lutsandvo lolucotfo.”
NgesiHebheru kutsi, “ngumoya.”
Nobe “Netimbongolo tesiganga.” Loluhlobo lwembongolo alufuywa futsi luhlala esigangeni.
NgesiHebheru kutsi, “Leviyathani.” Fundza Tinchazelo Temagama.
Kungaphindze kubekwe ngekutsi, “Shengatsi loko lengikucabanga ngaye kungangijabulisa.”
Kungaphindze kubekwe ngekutsi, “Khulumani.”
Nobe “situkulwane.” NgesiHebheru kutsi, “nhlanyelo.”
NgesiHebheru kutsi, “Wephula tonkhe tindvuku tesinkwa.” Loku kungenteka kusho tindvuku lebetisetjentiselwa kugcina sinkhwa.
NgesiHebheru kutsi, “batilimata.”
Lolu luhlobo lwemphungane lolulumanako.
Lolu luhlobo lwemphungane lencane lefana nembuzulwane lebeluvamile eGibhithe.
Nobe “emalangabi emlilo.”
Nobe “Lokusicalo semandla abo ekutala.”
NgesiHebheru kutsi, “tigwaca.” Lena yinyoni lencane futsi lekhuluphele (icishe ibe ngemasentimitha langu-18 budze). Inyama yayo iyadliwa.
Nobe “ngitigcabhe ngawe.”
Nobe “lutsandvo lolucotfo.”
Lokusho, imihlatjelo lebeyinikelelwa bantfu labafile nobe tithico.
Lokusho kutsi “Kulwa.”
Nobe “bafana netingwadla ekukhonteni kwabo Nkulunkulu.”
Nobe “abetisola.”
Nobe “lutsandvo lolucotfo.”
Nobe “Kusukela phakadze kuze kube phakadze.”
Nobe “Akube njalo!”
NgesiHebheru kutsi, “basondzela emagedeni ekufa.”
Nobe “ngelutsandvo lolucotfo.”
Nobe “lutsandvo lolucotfo.”
Kungaphindze kubekwe ngekutsi, “losendzaweni yakhe lengcwele.”
Nobe “NeliTsafa.”
NgesiHebheru leligama lisho indvuku lendze lemelela lilungelo lemholi lekushaya imitsetfo.
NgesiHebheru kutsi, “emadvodzana.”
NgesiHebheru kutsi, “emadvodzana.”
Nobe “unelutsandvo lolucotfo.”
Nobe “angeke atisole.”
Lokusho “iNkhosi yami” lokukhulunywe ngayo kuvesi 1.
Nobe “lohlala esihlalweni sebukhosi.”
Kungaphindze kubekwe ngekutsi, “etibini.”
Nobe “lababalulekile nalabangakabaluleki.”
NgesiHebheru kutsi, “nemadvodzana.”
NgesiHebheru kutsi, “losendzaweni yalabathulile.”
Nobe “Ngitawuphakamisa indzebe yensindziso.”
NgesiHebheru kutsi, “ukutsatsa njengentfo leligugu kuye.”
Nobe “lutsandvo lolucotfo.”
Kungaphindze kubekwe ngekutsi, “ukanye nalabo labangisitako.”
Kungaphindze kubekwe ngekutsi, “Wangifuca ngemandla.”
NgesiHebheru kutsi, “leliyinhloko lelisekoneni.”
Nobe “labacotfo.”
Nobe “Ngitawufundza.”
Nobe “ngitawufundza.”
Nobe “ngifundze.”
Nobe “ngihlazeke.”
Kungaphindze kubekwe ngekutsi, “wenta inhlitiyo yami ibe nesibindzi.”
Nobe “Ngente ngihambe ngendlela.”
Nobe “Ingatifuneli lokuzuzisa yona kuphela.”
Kungaphindze kubekwe ngekutsi, “Lowasenta kulabo labakwesabako.”
Nobe “lutsandvo lolucotfo.”
Nobe “ngitawufundza.”
Nobe “lowangetsembisa kona.”
Nobe “Endlini langihlala khona njengesihambi.”
Nobe “ngilindzele livi lakho.”
Nobe “ngelutsandvo lwakho lolucotfo.”
Nobe “ngitawufundza.”
Nobe “tikhumbuto.”
Nobe “ngilindzele livi lakho.”
Nobe “lutsandvo lolucotfo.”
Nobe “Ngifundza.”
Nobe “ngiyafundza.”
NgesiHebheru kutsi, “iminikelo yekutitsandzela lengiyenta ngemlomo wami.”
Nobe “Kutawuba lifa lami kuze kube phakadze.”
Nobe “labanenhlitiyo lehlukene ekhatsi.”
Nobe “ngilindzele livi lakho.”
Nobe “lutsandvo lolucotfo.”
Nobe “tikhumbuto.”
NgesiHebheru kutsi, “Njengobe uncumile.”
Nobe “Tikhumbuto.”
Nobe “entsatsakusa.”
Nobe “ngilindzele emavi akho.”
Nobe “ngifundze.”
Nobe “ngetikhumbuto.”
Nobe “Ngimelele ecaleni lami.”
Nobe “Kute lokutawubagila endleleni.”
Fundza Tinchazelo Temagama.
NgesiHebheru kutsi, “Emini ngeke ushiswe lilanga, nayinyeti ebusuku.”
NgesiHebheru kutsi, “Lelihlangene ndzawonye futsi lelinebunye.”
NgesiHebheru kutsi, “batokwesaba.”
Nobe “emphefumulweni.” Fundza Tinchazelo Temagama.
Nobe “Lithende lekukhontela lelikhulu.”
Nobe “lithende lekukhontela.”
Nobe “ethendeni lakhe lelikhulu.”
Nobe “Ngitabembatsisa ngensindziso.”
Nobe “umchele.”
Kungaphindze kubekwe ngekutsi, “Endzaweni lengcwele.”
Nobe “imphahla lekhetsekile.”
Nobe “tinkhungu.”
Nobe “utawubamelela.”
Nobe “ngekuhlakanipha.”
Tatiwa ngekutsi ngema-poplar aseYufrathe.
Kungaphindze kubekwe ngekutsi, “asiphelelwe ngemandla.”
Kungaphindze kubekwe ngekutsi, “Uphakamise livi lakho laba ngetulu kweligama lakho.”
Nobe “imangalisa kakhulu.”
Nobe “eShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “Kube bengingandizela khashane ngetimphiko tentsatsakusa.”
Kungaphindze kubekwe ngekutsi, “Wangidala.”
NgesiHebheru kutsi, “Ngesikhatsi ngelukwa ekujuleni kwemhlaba.”
Nobe “ngisengumbungu.”
NgesiHebheru kutsi, “ngibe solo nginawe.”
Nobe “labababulali.”
Nobe “lenganginiki kuthula.”
Nobe “emigodzini lenemanti.”
Nobe “unelutsandvo lolucotfo.”
Nobe “eShiyoli,” lokusho lithuna lebantfu. Fundza Tinchazelo Temagama.
Fundza Tinchazelo Temagama.
NgesiHebheru kutsi, “losabelo sami.”
NgesiHebheru kutsi, “Umoya wami uphansi.”
Nobe “Ngifundze.”
NgesiHebheru kutsi, “Umoya wami ushona phansi.”
Nobe “emgodzini.”
Nobe “endzaweni lenekulunga.”
Nobe “ngemandla.”
Nobe “unemusa.”
Nobe “ngebucotfo.”
Nobe “endvodzaneni yemuntfu.”
Nobe “umsiti wakhe lokunguNkulunkulu waJakobe.”
Nobe “Kucondza.”
Nobe “lutsandvo lolucotfo.”
Nobe “lichwa.”
Nobe “Mdvumiseni esibhakabhakeni lesikhomba emandla akhe.”
Nobe “nijayive nishaye situngeletane.”
Lena yinsimbi yemculo lemise kwendingilizi, lokutsi natishaywa titimbili tikhiphe umsindvo loncencetsako.