Shumayela ‘Kubo Bonkhe Bantfu’
1. Bashumayeli labaphumelelako bafanana njani nemuntfu lonelikhono lekwenta imisebenti yetandla?
1 Umuntfu lonelikhono lekwenta imisebenti yetandla unemathulusi lamanyenti futsi uyati kutsi lithulusi nelithulusi kufanele alisebentise nini futsi njani. Ngendlela lefananako, sinemathulusi lehlukehlekene lasisita kutsi sifeze umsebenti wetfu njengebashumayeli. Sibonelo saloko sikutsi sinetincwajana letinyenti letehlukehlukene letishicilelwe ngenjongo yekusisita kutsi sikwati kushumayela ‘kubo bonkhe bantfu.’ (1 Khor. 9:22) Sengeto lesikulo-Msebenti Wetfu WeMbuso sibala letinye tato, siyachaza kutsi tentelwe bobani futsi siyasho nekutsi tingahanjiswa njani.
2. Singase sitihambise nini tincwajana?
2 Lapho Kufanele Sihambise Tincwajana Khona: Umuntfu lowenta imisebenti yetandla angasebentisa lithulusi lakhe nome kunini nakufaneleka. Natsi singahambisa incwajana letsite nome kunini lapho sibona kutsi umuntfu ingamsita, hhayi kuphela ngetinyanga tekuhambisa leyo ncwajana. Asesibekise, nangabe kuhanjiswa incwadzi letsi Lokufundziswa LiBhayibheli futsi sishumayela umnikati welikhaya losenkholweni lengesiyo yebuKhristu, longanendzaba kakhulu neliBhayibheli, kungazuzisa kumhambisela incwajana lefanelekako bese wetfula incwadzi letsi Lokufundziswa LiBhayibheli ngemuva kwekwakha inshisekelo yakhe.
3. Kungani kufanele sibe nelikhono lekusebentisa emathulusi etfu ekufakaza?
3 ImiBhalo iyabancoma labo labanelikhono emsebentini wabo. (Taga 22:29) Awukho lomunye umsebenti lobaluleke kakhulu lamuhla kwendlula umsebenti ‘wekushumayela liVangeli’. (Rom. 15:16) Kute sibe ‘tisebenti . . . letite emahloni,’ kufanele sitimisele kuba nelikhono lekusebentisa emathulusi etfu.—2 Thim. 2:15.