Sewulisebentisile Yini Likhasi Lelingemuva?

Nabatsatsa magazini, bantfu bavamise kubuka likhasi lelingembili bese ngekushesha bayawugucula kute babuke likhasi lelingemuva. Etilwimini letinyenti, likhasi lelingemuva le-Sicongosekulindza lesihanjiswako linemibuto kanye nemisho lembalwa levusa lilukuluku kubantfu. Liphindze livete kutsi lokwatiswa kungatfolakala kumaphi emakhasi.

Lelikhasi lelingemuva singalisebentisa kute sitfole emaphuzu lamahle lesingawasebentisa njengemibuto nasikhuluma nemuntfu. Nangabe insimi siyisebenta njalo, singashintjashintja inshumayelo yetfu ngekusebentisa imibuto leyehlukehlukene kuleyo nyanga. Nangabe umnikati welikhaya amatasatasa, singanciphisa inshumayelo yetfu ngekutsi simkhombise umbuto lowodvwa losekhasini lelingemuva, bese sitsi: “Nawungatsandza kuva imphendvulo, ngingakushiyela labomagazini bese sicoca kabanti ngalesinye sikhatsi.” Labanye bamemeteli bangase bafune kucalisa inshumayelo yabo ngekukhombisa umnikati welikhaya likhasi lelingemuva, bese bayamcela kutsi akhetse umbuto lawutsandzako. Ngemuva kwaloko, bangamkhombisa kutsi imphendvulo yawo itfolakala kuliphi likhasi, bese bafundza umbhalo lesevele bawukhetsile. Mhlawumbe nawe ungacabanga ngaletinye tindlela tekusebentisa likhasi lelingemuva kute wente bantfu babe nelilukuluku lekufundza Sicongosekulindza.