Indlela Lensha Yekucala Kucoca Nemuntfu

Kusukela ngaMarch 2016a, njalo ngemuva kwetinyanga letimbili, likhasi lelingemuva le-Sicongosekulindza litawuba nesihloko lesitsi “Litsini LiBhayibheli?” Lencenye lensha yentelwe kusisita kutsi sicalise ingcoco ngendzaba leseBhayibhelini. Ihlelwe ngendlela lefanako nemapheshana etfu. Kunembuto lowenta umuntfu kutsi acabange kanye nembhalo lophendvula loyo mbuto, bese kuba nalamanye emaphuzu leningacoca ngawo.

Nangabe ihambe kahle ingcoco yetfu nemuntfu, lemayelana nendzaba letsite leseBhayibhelini, loko kuvame kwenta kutsi sigcine sesinesifundvo seliBhayibheli naloyo muntfu. Yisebentise lencenye lensha kute usite bantfu labanyenti batfole lwati ngaNkulunkulu.​—Mat 5:6.

INDLELA YEKUYISEBENTISA:

1. Buta loyo lococa naye umbuto munye

2. Lalela nakaphendvula bese uyambonga ngemphendvulo yakhe

3. Fundza umbhalo longephansi kwesihloko lesitsi “Litsini LiBhayibheli,” bese uyambuta kutsi ucabangani ngalokushiwo ngulelivesi. Nakanesikhatsi, chubeka nengcoco usebentise liphuzu lelingephansi kwembuto lotsi “Kukhona Yini Lokunye LiBhayibheli Lelikushoko Ngalendzaba?”

4. Mnikete lomagazini

5. Hlelani kutsi utawubuya utewuphendvula umbuto wesibili