“Solo Angimtfoli Ekhaya!”

Uke wawasho yini lawo mavi mayelana nemuntfu lokhombise inshisekelo? Ngisho nobe wetame tikhatsi letinyenti kubuyela kuloyo muntfu, solo awukhoni kunisela inhlanyelo yeliciniso lowayihlanyela. (1 Khor. 3:6) Ngaletinye tikhatsi, bamemeteli lesebanalokuhlangenwe nako bambhalela incwadzi umuntfu labasolo bangamtfoli ekhaya, nobe babhale umlayeto lomfishane bawushiye ngaphansi kwemnyango. Bacabanga ngekutsi bangahle bangamtfoli umuntfu lababuyela kuye, labanye bamemeteli bacela tinombolo takhe telucingo, mhlawumbe bambute kutsi “Unalo yini lucingo?” Nangabe siye matfupha kulomuntfu nobe sifakaze ngekubhala incwadzi, nge-e-mail, ngemlayeto wamahlalekhikhini, ngemlayeto lomfishane lesiwushiye ngaphansi kwemnyango, nobe ngelucingo, loyo muntfu singambala kanye nebantfu lesibuyele kubo. Ngisho nobe kumatima kumtfola ekhaya, sisengakhona kuchubeka sicoca naye kuze akhulise sifiso sakhe sekwati Nkulunkulu.