Jesu o Tla Fedisa Tlolo ya Molao

Jesu o tseba hantle hore na re ikutlwa jwang ha ho e na le tlolo ya molao ebile re tshwarwa ka ho hloka toka, hobane le yena o ile a etselletswa, a otlwa, a hloriswa, a ahlolwa ka ho hloka toka a ba a bolawa ka sehloho. Le hoja Jesu a ne a se na molato, o ne a ikemiseditse ho fana ka “bophelo ba hae e le tefo bakeng sa ho lopolla batho ba bangata.” (Matheu 20:​28; Johanne 15:​13) Jwalo ka ha Jesu e se e ntse e le Morena wa Mmuso wa Modimo, haufinyane o tla fedisa ho hloka toka lefatsheng lohle a be a fedise tlolo ya molao ka ho feletseng.​—Esaia 42:3.

Bibele e ya hlalosa hore na ho tla ba jwang lefatsheng ka mora hore Jesu a nke kgato:

• “Batho ba kgopo ha ba sa tla hlola ba eba teng. O tla sheba moo ba neng ba le teng empa ba tla be ba le siyo. Le ha ho le jwalo, lefatshe e tla ba lefa la ba bonolo, ba tla thaba haholo hobane ho tla be ho rena kgotso.”​—Pesaleme ya 37:​10, 11.

Re ka bontsha jwang hore re ananela dintho tseo Jesu a re etseditseng tsona le tseo a tla di etsa? Tsela e nngwe ke ka ho ithuta haholwanyane ka “molaetsa o monate wa Mmuso wa Modimo” e leng molaetsa oo a neng a o bolela. (Luka 4:​43) Bala sehlooho se reng “Mmuso wa Modimo ke Eng?”