Ho Phethahatsa Tšebeletso ea Rōna ea ’Muso Tšimong
1 Lerato la rōna ho Jehova le bakeng sa moahisani le re susumelletsa ho bolela litaba tse molemo tsa ’Muso. Ha re tseba ho sebelisa ’nete, re ka hlōla “menahano le ntho e ’ngoe le e ’ngoe e phahameng e leng khahlanong le tsebo ea Molimo.” (2 Ba-Kor. 10:5, NW) Watch Tower Publications Index e etselitsoe ho re thusa ntlheng ena.
2 Sehlooho se seholo sa litšupiso tse mabapi le mosebetsi oa rōna oa ho bolela tšimong ke se reng “Field Ministry.” Tšobotsi e ’ngoe le e ’ngoe e akaretsoa ho sona, ho akarelletsa le boikutlo ba rōna ba botho, likenyelletso, ho hlōla likhanyetso, ho nehelana ka lingoliloeng tse fapaneng, maeto a ho boela, le lithuto tsa Bibele. Na u rata ho hlakisa ntlha ee ka liphihlelo tse seng kae tse ntle? Mohlomong u tla fumana seo u se hlokang hantle tlas’a sehlooho se leng bohareng se reng “Experiences.” Haeba u thatafalloa ke ho sebelisa Watch Tower Publications Index ea Senyesemane, u tla fumana litšupiso tse tšoanang tse thusang tlhahlamanong ea lihlooho e hlahang ka morao ho Molula-Qhooa oa December 15 le Tsoha! ea December 8.
3 Na e mong o phahamisitse khanyetso ea hore Bibele ea itoantša, mohlomong a bile a supa litemana tse itseng tseo ho bonahalang eka lia itoantša? Tlas’a sehlooho se reng “Bible Authenticity,” lihloohoana tse reng “contradictions” le “harmony” li fana ka litšupiso tse lebisang litlhalosong tse akaretsang khanyetso ena. Tlas’a sehloohoana se reng “scriptures harmonized,” u tla fumana lethathamo le pharalletseng la litemana tse fapaneng tseo ho bonahalang eka lia itoantša le litšupiso tse li rarollang ka ho hlaka.
4 Libakeng tse ling, re tlameha ho hlōla menahano e theiloeng lithutong tsa bohata tsa Bokreste-’mōtoana, tse kang Boraro-bo-bong, mollo oa lihele, le ho se shoe ha sephefumolohi. Ho na le lihlooho tse khōlō bakeng sa e ’ngoe le e ’ngoe ea tsona. Tlas’a sehlooho se reng “Trinity” le “Immortality of the Soul,” u tla fumana sehloohoana se reng “scriptures misapplied to support.” Se tla u lebisa litlhalosong tse tšohlang litemana tseo ka ho fapana. Tšobotsi e tšoanang e fumanoa tlas’a sehlooho se reng “Hell,” se nang le sehloohoana se reng “scriptures misinterpreted.”
5 Na u laba-labela ho qalisa thuto ea Bibele? Kapa na u na le thuto eo ho bonahalang eka ha e hatele pele? Tlas’a sehlooho se reng “Bible Studies” ho na le lihloohoana tse reng “starting,” “assisting—,” le se reng “teaching,” se seng le se seng se na le litšupiso tse tla u thusa ho fumana le ho khanna lithuto tsa Bibele tse hatelang pele. Ho u thusa ho tseba hore na ho ka ba molemo ho khaotsa thuto neng, hlahloba lihloohoana tse reng “terminating unfruitful” le “discontinuing.”
6 Na u lakatsa ho hahamalla litokelo tse eketsehileng tšebeletsong ea tšimo? Lihlooho tse reng “Full-Time Ministry,” “Auxiliary Pioneers,” “Pioneers,” “Missionaries,” le “Serving Where Need Is Greater” li u lebisa boitsebisong bo sebetsang ba kamoo u ka finyellang lipakane tse joalo le liphihlelo tse thabisang tsa ba seng ba entse joalo.
7 Ho phethahatsa tšebeletso ea rōna ea ’Muso tšimong ho tlisa khotsofalo e khōlō. (Joh. 4:34) Watch Tower Publications Index e ka u thusa ha u ntse u kopanela mosebetsing ona o thabisang.