Ho Phethahatsa Tšebeletso ea Rōna ea ’Muso Joaloka Lipaki Tsa Jehova
1 Rōna joaloka Lipaki tsa Jehova re na le tokelo e khōlō ka ho fetisisa lefatšeng. Re emetse Jehova tsekong ea bokahohle e behang tekong bohle ba rapeloang joaloka melimo. (Esa. 41:23; 43:12) Bakeng sa ho re thusa ho sireletsa tšepo ea rōna hamolemo, Jehova o fane ka laeborari e nang le libuka tse ngata. (1 Pet. 3:15) Watch Tower Publications Index ke senotlolo sa bohlokoa sa ho fumana boitsebiso boo re bo hlokang. Ho itloaetsa litšobotsi tsa eona tse ka sehlohong ho tla re thusa ho e sebelisa hamolemo haholoanyane.
2 Kaofela ha rōna re lokela ebe re tloaelane haholo le sehloho se seholo “Jehovah.” Tlas’a sehloho seo ho 1986-1989 Index, na u ka fumana litšupiso tse hlalosang ho lumella ha Jehova bobe ka nakoana? Hape, u tla fumana sehlohoana se kenelletseng hare “Name” ho 1930-1985 Index le ho Index ea morao-rao. Litšupiso leha e le life tse hatisitsoeng mabapi le lebitso la Jehova li bokelletsoe mona kaofela. Ho boetse ho thathamisitsoe boitsebiso bo tšoanang ho index ea selemo le selemo leqepheng la ho qetela la Molula-Qhooa oa December 15 tlas’a sehloho “Jehova.”
3 Sehloho se seng sa bohlokoa haholo ke “Jehovah’s Witnesses.” Se bokella hammoho litšupiso tse buang ka Lipaki tsa Jehova joaloka mokhatlo o hlophisitsoeng. Na u tseba pono ea rōna ea molao ka thuto e phahameng, tlhahlobo ea setopo, ho bolaea bakeng sa ho itšireletsa, kapa ho thusa ka boiketlo ba sechaba? U tla fumana litšupiso tsa lipotso tse joalo tlas’a sehloho “attitude toward—.” Ho boetse ho thathamisitsoe histori ea mehleng ea joale ea Lipaki tsa Jehova linaheng tse fapaneng, le boitsebiso bo bongata ba litlhaloso ka Lipaki tsa Jehova sehlohong se bohareng “Statements by Others.” Boitsebiso bo tšoanang bo boetse bo thathamisitsoe tlas’a sehloho “Lipaki tsa Jehova” ho index ea selemo le selemo ea tokollo ea Molula-Qhooa oa December 15.
4 Boitsebiso bo buang kamoo batho ba Jehova ba ileng ba phethahatsa tšebeletso ea bona ea ’Muso mehleng ea joale bo ka fumanoa ka ho sebelisa lihlooho tse ling tse khōlō. Tlas’a sehlooho “Dates,” ho na le sehlooho se kenelletseng hare “Clarification of Beliefs.” Litlhakiso tse ka sehloohong tsa hore re utloisise melao-motheo, boprofeta, le litšoantšo tsa boprofeta li thathamisitsoe ka tatellano ea lilemo. Sehlooho “Dates of Prophetic Significance” se latela hang-hang. Tsena ke lilemo tseo boprofeta kapa litšoantšo tsa boprofeta li phethahalitsoeng ka tsona kapa li ileng tsa qala ho phethahala.
5 Lipale tsa bophelo tsa bahlanka ba Jehova ba tšepahalang ke mohloli oa khothatso le thuto ho rōna. Li ka re thusa ho rala motheo o tsitsitseng oa bokamoso ho bana ba rōna le ho lithuto tsa rōna tsa Bibele. U tla fumana lipale tsena tsa bophelo li thathamisitsoe ho latela mabitso a batho tlas’a sehlooho “Life Stories of Jehovah’s Witnesses.” Bona hape sehlooho “Lipale tsa Bophelo” ho index ea selemo le selemo ho Molula-Qhooa oa December 15.
6 Ntho ea bohlokoa ho batho ba Jehova ke thuto ea Mangolo ea moo bahlanka ba amohelehang ba Jehova ba eang teng—leholimong le lefatšeng. Sehlooho se seholo seo ho sona re fumanang litšupiso tsa ba fumaneng “kabelo pitsong ea leholimo” ke “Congregation of God.” (Ba-Heb. 3:1; Lik. 20:28, NW; 1 Tim. 3:15) Lihlooho tse ling ke “Remnant” le “144 000.” Lihooho tse peli, “Great Growd” le “Other Sheep,” ke tsona tsa sehlooho tse fanang ka boitsebiso bo sebetsanang le bao tšepo ea bona e leng bophelo bo sa feleng lefatšeng.—Tšen. 7:9; Joh. 10:16.
7 Ebang re batho ba banyenyane kapa ba baholo, tokelo ea ho ba e mong oa Lipaki tsa Jehova e akarelletsa tšobotsi e ’ngoe le e ’ngoe ea bophelo. Litokollo tse latelang tsa Tšebeletso ea Rona ea ’Muso li tla bontša kamoo Index e ka re thusang boboleling ba rōna, phuthehong, lapeng, esita le tšimong.