Mehlala ea Seo U ka se Buang le Batho

Tsela ea ho Qala Lithuto Tsa Bibele ka Moqebelo oa Pele oa December

“Batho ba bangata ba lebeletse hore Jesu a khutle. Ha Jesu a khutla, ke ntho efe eo u ka ratang hore a e etse?” Emela karabo. Mo bontše leqephe le ka morao la Molula-Qhooa oa December 1, ebe le buisana ka lintlha tse tlas’a potso ea pele ʼme ka mor’a moo le tšohle bonyane lengolo le le leng ho a bontšitsoeng. Mo siele limakasine ’me u lokisetse ho khutla e le hore le tšohle potso e latelang.

Molula-Qhooa December 1

“Matsatsing ana bophelo bo maphathephathe hoo ho ka bang thata hore re nahane ka Molimo. Na u bona eka ke habohlokoa ho kenya Molimo bophelong ba rōna? [Emela karabo.] Thutong ea hae e tsebahalang ea Thabeng, Jesu o ile a re ho hlokahala re be le kamano e ntle le Molimo e le hore re thabe e le kannete. [Bala Matheu 5:3.] Makasine ena e bua ka mabaka a mararo ao re hlokang Molimo ka ’ona.”

Tsoha! December

“Boholo ba rōna re etsa liqeto re itšetlehile ka seo re se utloang kapa re se balang mecheng ea litaba. Na u nahana hore litaba tseo re li utloang li nepahetse ebile ke ’nete? [Emela karabo.] Bibele e re khothalletsa hore re be hlokolosi tabeng ea ho kholoa lintho tseo re li utloang. [Bala Jobo 12:11.] Makasine ena e re fa likeletso mabapi le hore na re ka ikholisa joang hore litaba tseo re li utloang le tseo re li balang ke ’nete.”