Ke Hobane’ng ha e Bitsoa “Propaganda”?

Ka 1622, Mopapa Gregory XV o ile a theha phutheho kapa komiti ea bak’hadinale ba 13, babishopo ba babeli le mongoli ho hlokomela baromuoa ba Kereke ea Roma e K’hatholike. O ile a e bitsa Congregatio de Propaganda Fide—Phutheho e Phatlalatsang Tumelo—kapa Propaganda ka bokhutšoanyane. Qetellong lentsoe lena le ile la bolela boiteko leha e le bofe ba ho hasa likhopolo kapa tumelo ka morero oa ho sokolla batho.

Kajeno, hangata “propaganda” e amahanngoa le ho sothoa ha linnete, ho susumetsa likelello tsa batho ka bolotsana, ka mohlala, joaloka nakong ea ntoa. Empa mehloli e meng ea boitsebiso e ikutloa hore esita le phatlalatso e molemo ka ho fetisisa ka ho nepahetseng e ka hlalosoa e le propaganda, haholo-holo haeba ho akarelletsa ho phehella. The World Book Encyclopedia e-ea hlalosa: “Matichere mekhatlong ea puso ea sechaba ka sechaba a ruta batho hore ba nahane joang, empa litsebi tse susumetsang likelello tsa batho ka mokhoa o bolotsana, li ba bolella seo ba tlamehang ho se nahana.”