Litaba Tse Molemo ho Internet

Mehleng ea rōna ea theknoloji, batho ba bang ba fumana boitsebiso mehloling ea elektronike, e akarelletsang le Internet. Ka lebaka leo Mokhatlo o kentse boitsebiso bo nepahetseng bo mabapi le litumelo le mesebetsi ea Lipaki tsa Jehova ho Internet.

Aterese ea rōna sebakeng seo re se abetsoeng ho Internet ke http://www.watchtower.org ’me se na le lipampitšana tse ngata, libukana le lihlooho tsa Molula-Qhooa le Tsoha! ka Senyesemane, Sechaena (se Nolofalitsoeng), Sejeremane, Serussia, Sepanishe le ka lipuo tse ling. Likhatiso tse fumanehang sebakeng sena seo re se abetsoeng ho Internet li se li ntse li fumaneha liphuthehong ’me lia sebelisoa tšebeletsong. Morero oa rōna ka sebaka seo re se abetsoeng ho Internet hase ho hlahisa likhatiso tse ncha, empa ke ho etsa hore batho bohle ba fumane boitsebiso ka tsela ea elektronike. Ha ho hlokahale hore motho leha e le mang a hlophise boitsebiso bo tla sebelisoa ho Internet bo buang ka Lipaki tsa Jehova, mosebetsi oa rōna kapa litumelo tsa rōna. Sebaka seo re se abetsoeng ka molao ho Internet ke sona se nehelanang ka boitsebiso bo nepahetseng ho mang kapa mang ea bo batlang.

Le hoja sebaka seo re se abetsoeng se se na tokisetso ea melaetsa ea elektronike (E-mail), se thathamisa liaterese tsa poso tsa makala a rōna lefatšeng lohle. Ka lebaka leo, batho ba ka ngola bakeng sa ho fumana boitsebiso bo eketsehileng kapa thuso e tobileng e tsoang ho Lipaki tsa sebakeng seo. Ikutloe u lokolohile ho abelana liaterese tsena tse boletsoeng ka holimo tsa Internet hammoho le mang kapa mang ea nang le takatso ea ho qala ho ithuta ’nete ea Bibele ka tsela ena.