Mehlala ea Seo U ka se Buang le Batho

Tsela ea ho Qala Lithuto Tsa Bibele ka Moqebelo oa Pele oa October

“Kajeno re etela baahelani ba rōna ka nako e khutšoanyane. Ba bangata bao re buileng le bona ba re ntho e bohloko ka ho fetisisa e kileng ea ba hlahela ke ho shoeloa ke motho eo ba mo ratang. Na le uena u ikutloa joalo? [Emela karabo.] Ke utloile taba e makasineng ena e khothatsa.” Mo bontše leqephe le ka morao la Molula-Qhooa oa October 1, ebe le buisana ka lintlha tse tlas’a potso ea pele ʼme ka mor’a moo le tšohle bonyane lengolo le le leng ho a bontšitsoeng. Mo siele limakasine, ’me u lokisetse ho khutla e le hore le tl’o tšohla potso e latelang.

Molula-Qhooa October 1

“Re le etetse hakhutšoanyane ho tla le khothalletsa ho bala Bibele. Rea tseba hore batho ba bang ba thahasella Bibele empa ba bang ha ba e thahaselle. Uena? [Emela karabo.] Bibele e re: [Bala 1 Bathesalonika 2:13.] Kea kholoa u tla lumela hore haeba ke ’nete hore Bibele ke buka e tsoang ho Molimo, ho molemo ho e bala. Ka bokhutšoanyane makasine ena e bontša hore na Bibele e na le molaetsa ofe le hore na ke hobane’ng ha re lokela ho e thahasella.”

Tsoha! October

“Nka rata ho utloa maikutlo a hao ka potso ena: Na motho a ka khotsofala leha a se na lintho tse ngata? [Emela karabo.] Hlokomela hore na Bibele e re’ng. [Bala 1 Timothea 6:8.] Makasine ena e fana ka pono e leka-lekaneng ka lintho tse bonahalang ’me e tšohla lintho tse tharo tsa bohlokoa tseo chelete e ke keng ea li reka.”