Mehlala ea Seo U ka se Buang le Batho

Tsela ea ho Qala Lithuto Tsa Bibele ka Moqebelo oa Pele oa June

“Re ntse re etela batho hakhutšoanyane ’me re buisana le bona ka potso ena e thahasellisang. [Mo bontše potso ea pele e hlahang leqepheng la ho qetela la Molula-Qhooa oa June 1.] Uena u re’ng ka taba ee?” Emela karabo. Bua le eena ka lintlha tse hlahang tlas’a potso ea pele ebe le tšohla bonyane lengolo le le leng ho a bontšitsoeng. Mo siele limakasine, ’me u lokisetse ho khutla hore le tl’o tšohla potso e latelang.

Molula-Qhooa June 1

“Koae e bolaea batho ba ka bang 6 000 000 ka selemo. Na u bona eka ho na le se ka etsoang ho fokotsa koluoa ee? [Emela karabo.] Batho ba bangata ba thusitsoe hore ba tlohele koae ka ho ithuta hore na maikutlo a Molimo ke afe ka eona. Ka mohlala, temana ena e entse hore ba bang ba nahane ka hore na ho tsuba ho ama ba bang joang. [Bala 1 Bakorinthe 10:24.] Makasine ona o bontša kamoo ho tseba maikutlo a Molimo ka ho tsuba ho ka thusang motho hore a ho tlohele.”

Tsoha! June

“Liwebsaete tseo batho ba etsang metsoalle ho tsona li entse hore batho ba be le metsoalle ea bohata ho feta leha e le neng pele. U ka re tšobotsi ea bohlokoa eo motsoalle oa ’nete a lokelang ho ba le eona ke efe? [Emela karabo.] Bibele e re fa keletso ena ea bohlokoa ea tšobotsi eo re tšoanelang ho ba le eona tabeng ea metsoalle. [Bala Jakobo 1:19.] Makasineng ona ho na le melao-motheo e mene e ka re thusang hore re be batho bao ba bang ba ka ratang ho ba metsoalle ea bona.”