Mehlala ea Seo U ka se Buang le Batho

Tsela ea ho Qala Lithuto Tsa Bibele ka Moqebelo oa Pele oa June

“Kaofela re kile ra shoeloa ke beng ka rōna kapa metsoalle. Na u na le tšepo ea hore u tla ke u ba bone hape? [Emela karabo.] Utloa taba ena e tšelisang.” Bala u be u tšohle le eena sehloohoana sa pele leqepheng la 16 la Molula-Qhooa oa June 1 hammoho le le leng la mangolo a sa qotsoang. Mo fe limakasine ’me u lokisetse ho khutlela ho eena hore le e’o tšohla karabo ea potso e latelang.

Molula-Qhooa June 1

“Boholo ba rōna re hula ka thata bophelong, ’me batho ba bang bona ba kolla ntsi hanong. Na u bona eka ho na le mohla ho ke keng ha e-ba le mofutsana lefatšeng? [Emela karabo. Ebe u bala Pesaleme ea 9:18.] Makasine ena e totobatsa hore na bofutsana bo bakoa ke eng ’me e bontša hore na ha e le hantle Bibele e re bothata bona bo ka felisoa ke eng.”

Tsoha! June

“Bokhukhuni ke bothata bo aparetseng lefatše. U bona eka bo bakoa ke eng? [Emela karabo.] Mantsoe ana a Bibele a re fa tšepo. [Bala Pesaleme ea 72:7, 14.] Makasine ena e bolela tse ling tsa lintho tse bakang bokhukhuni ’me e bontša hore na Bibele e re bokhukhuni bo tla fela joang le hore na bo tla fela neng.”