Mehlala ea Seo U ka se Buang le Batho

Molula-Qhooa October 1

“Re ntse re buisana le baahisani ba rōna ka sehlooho sena se thahasellisang sa Molula-Qhooa. [Mo bontše leqephe le ka ntle la makasine.] Batho ba bang ba nka hore ho rapela ke tšenyo ea nako kaha ha ho na motho ea ba mamelang. Ba bang bona ba lumela hore Molimo o mamela lithapelo tsa bona. Uena u nahana joang? [Emela karabo.] Hlokomela hore na Bibele e re’ng ka thapelo. [Bala Esaia 30:19.] Makasine ona o netefatsa hore Molimo o arabela lithapelo tse etsoang ka tsela e nepahetseng le ka morero o nepahetseng.”

Tsoha! October

“Re ntse re buisana le baahisani ba rōna ka molaetsa o mokhutšoanyane. Ho bonahala batho ba bangata ba ipotsa hore na ke hobane’ng ha Molimo a lumella lintho tse bohloko. Na u nahana hore ho loketse ho botsa Molimo lipotso tse kang tseo? [Emela karabo.] Jobo ea lokileng o ne a labalabela ho botsa Molimo. [Bala Jobo 23:3-5.] Makasine ona o tšohla lipotso tse tharo tseo batho ba bangata ba ka ratang ho li botsa Molimo haeba ba ka fuoa monyetla ’me o fana ka likarabo tse khotsofatsang tse hlahang ka Bibeleng.”