11 Na Wayahudi wote waliokuwa Moabu, Amoni, na Edomu, na wale waliokuwa katika nchi nyingine zote, wakasikia pia kwamba mfalme wa Babiloni alikuwa amewaacha watu fulani wabaki Yuda na kwamba alikuwa amemweka Gedalia mwana wa Ahikamu mwana wa Shafani awe msimamizi wao. 12 Basi Wayahudi wote wakaanza kurudi kutoka kila mahali ambako walikuwa wametawanywa, nao wakaja katika nchi ya Yuda, kwa Gedalia huko Mispa. Nao wakakusanya divai na matunda ya wakati wa kiangazi kwa wingi sana.