Je! Nakala Nyinginezo Zaidi Zapatikana?

“MAPEMA katika Novemba,” aandika mwanamke mmoja kutoka Michigan, U.S.A., “mama-mkwe wangu na mimi tulikuwa katika duka moja la kuchapa vitabu katika Grand Rapids tukitoa nakala za habari fulani nilipoona mwanamke mmoja akitoa nakala nyingi za habari kuhusu ugonjwa wa uchovu wa daima (CFS). Niliuliza kama alipata kusoma makala iliyokuwa katika gazeti Amkeni! ishughulikayo na ugonjwa CFS.

“‘La. Nilisikia kuihusu lakini sikupata nakala,’ akajibu.

“Niliuliza kama angependa kupata nakala moja.

“‘Waweza kunipa moja?’ yeye akauliza.

“Nikaeleza kwamba nilikuwa mmoja wa Mashahidi wa Yehova na ilitukia kwamba nilikuwa na nakala kadhaa za ziada za toleo hilo. Basi akanipa anwani yake, na baadaye nikampelekea nakala hizo kupitia posta. Nilimwomba anijibu kwa barua akinieleza maoni yake juu ya makala hiyo.”

Siku chache baadaye, mwanamke huyo akaandika hivi: “Asante sana. Makala uliyoniletea ni nzuri sana. Ilifanyiwa utafiti sana na kuandikwa vyema. . . . Je! inawezekana kupata nakala kama 1,000 ya hizo? Nitazilipia na ningependa kueleza wengine habari iliyomo.”

Mwanamke huyo alipojua kwamba watu waweza kuchangia ule utendaji wa ulimwenguni pote wa kuhubiri unaofanywa na Mashahidi wa Yehova, alipeleka hundi kwa Watchtower Bible & Tract Society. Alisema kwamba alikuwa akienda kugawanya magazeti hayo kwa vikundi 17 tofauti-tofauti vya watu wanaogua ugonjwa huo kotekote Michigan.[1]

Amkeni! hufanya mengi zaidi ya kuonyesha wasomaji namna ya kukabiliana na matatizo ya leo. Gazeti hili pia hujenga uhakika katika ahadi ya Muumba ya kuleta ulimwengu mpya wenye amani na usalama.

Ikiwa ungependa kuwa na habari zaidi au funzo la Biblia nyumbani bila malipo, tafadhali andikia I.B.S.A., Box 47788, Nairobi, Kenya, au tumia anwani ifaayo iliyoorodheshwa kwenye ukurasa 5.

[Picha katika ukurasa wa 32]

Awake!

Chronic Fatigue Syndrome How to Deal With It