Fasihi ya Biblia Yathaminiwa katika Hungaria

Mwalimu mmoja katika Balmazújváros aliandikia ofisi ya tawi ya Watch Tower katika Hungaria: “Nimeona kitabu kilichovuta uangalifu wangu. Ikiwezekana, tafadhali nipelekeeni nakala. Kichwa ni Kitabu Changu cha Hadithi za Biblia.” Baada ya kukifahamu vizuri kitabu hiki, mkuu mmoja wa shule katika Budapest aliomba: “Tungependa kuagiza nakala 20 za Kitabu Changu cha Hadithi za Biblia kwa Shule ya Msingi Na. 6.”

Mtu fulani kutoka Balatonboglár ambaye alikuwa amesoma kitabu Maswali Ambayo Vijana Huuliza—Majibu Yafanyayo Kazi aliandika: “Kitabu hicho kilikuwa chenye kuchochea kufikiri, na majibu yenye kutegemea Biblia yaliyoandaliwa ndani yalikuwa sahihi. Kitabu hicho kilinisaidia sana, nami nilipata majibu kwa maswali niliyokuwa nayo. Ningependa kuimarisha imani yangu hata zaidi. Kwa hivyo, ikiwezekana, tafadhali nipelekeeni vichapo vinavyohusu Biblia.”

Mashahidi wa Yehova wanapendezwa kuandalia msaada wale wanaotamani kukua katika ujuzi wa Biblia. Ikiwa ungependa kupata nakala ya moja ya vitabu vilivyotajwa juu au ungependa mtu aje nyumbani kwako kuzungumza juu ya Biblia pamoja nawe, tafadhali andikia I.B.S.A., P.O. Box 47788, Nairobi, au kwa kutumia anwani ihusuyo iliyoorodheshwa kwenye ukurasa 5.