Je, Kutakuwa na Wakati Ujao Mzuri?

Watu hupendezwa sana kuzungumzia wakati ujao. Ni nani kati yetu ambaye hangependa kujua atakuwa akifanya nini mwezi ujao, mwaka ujao, au hata miaka kumi ijayo? Ulimwengu huu utakuwaje miaka 10, 20, au 30 ijayo?

JE, UNAAMINI kwamba kutakuwa na wakati ujao mzuri? Mamilioni ya watu wanaamini hivyo, nao wanaweza kugawanywa katika vikundi viwili: wale ambao husema kwamba wana sababu zenye nguvu kuamini kuwa hali zitakuwa nzuri na wale ambao huwa na mtazamo mzuri kwa sababu tu hali mbaya zilizopo zinavunja moyo sana.

Bila shaka, watu fulani hawaamini kwamba kutakuwa na wakati ujao mzuri. Kati yao kuna watabiri wa maangamizi ambao inaonekana kwamba hufurahia kutangaza ujumbe wa kuangamizwa kwa Dunia. Wanaamini kwamba ni watu wachache tu watakaookoka au hata hakutakuwa na waokokaji.

Wewe unatarajia nini wakati ujao? Je, unatarajia maangamizi au amani na usalama? Ikiwa unatarajia amani na usalama, tumaini lako linategemea nini? Je, ni ndoto tu au lina uthibitisho wenye kutegemeka?

Tofauti na watu wanaotabiri maangamizi, wachapishaji wa Amkeni! hawaamini kwamba wanadamu wote wataangamizwa kabisa. Tofauti na hilo, Biblia hutoa sababu yenye nguvu ya kuamini kwamba kutakuwa na wakati ujao mzuri.

[Hisani ya Picha katika ukurasa wa 5]

U.S. Department of Energy photograph