Julisheni Waziwazi Hukumu za Yehova Haraka
1Wakati wa Yehova uliowekwa wa kufikiliza hukumu zake dhidi ya Babuloni Mkubwa unakaribia upesi. (Ufu. 1:3; 19:2) Lakini kwanza, lazima onyo la mwisho litolewe kuhusu uharibifu wake. Ili kuokoka, lazima wapenzi wa uadilifu ‘watoke kwake’ na wajitahidi kupata msimamo unaokubalika mbele za Yehova.—Ufu. 18:4.
2Kitabu kipya Revelation—Its Grand Climax At Hand! kitatusaidia tutimize kazi hii ya kutoa onyo. Kinatoa waziwazi na katika njia dhahiri hukumu za Mungu dhidi ya ulimwengu huu uliohukumiwa. Ikiwa bado hujafanya hivyo, unapaswa kuweka wakati kando ili umalize kusoma kitabu hiki kipya upesi iwezekanavyo.
FANYA BIDII YA PEKEE
3Kwa sababu ya ujumbe wacho wenye uharaka, wahubiri wote watataka kushiriki katika kutoa kitabu Revelation Climax nyumba kwa nyumba. Andika wasiopatikana nyumbani na urudi tena. Wazee wapaswa wafikirie kupanga mikutano ya utumishi wa shambani ya ziada. Je! mipango ya utumishi wa alasiri itawasaidia wahubiri? Wengine wamepata kwamba kutoa ushuhuda mapema wakati wa jioni kuna matokeo sana.
4Zaidi ya kutoa kitabu Revelation Climax nyumba kwa nyumba, tumia fursa nyingine pia. Wahubiri wachanga wanaweza kuwatolea walimu wao kitabu hiki. Wale ambao wameajiriwa kazi wanaweza kuzungumza pamoja na wafanya kazi wenzi wakati wa chakula cha mchana na kuwatolea kitabu hiki. Wape watu wote—watu wa ukoo, watu wanaoleta vitu nyumbani, watu wanaouza vitu milangoni, madaktari, madaktari wa meno, mawakili, wafanya biashara tunaoshughulika nao—fursa ya ‘kusikia maneno ya unabii huu.’ (Ufu. 1:3) Huenda wakataka kuwa miongoni mwa mkutano mkubwa usiohesabika utakaookoka mwisho wa hukumu ya kimungu katika Har–Magedoni.
5Huku tukitaka kuwasaidia watu wanaopendezwa wathamini ujumbe wenye uharaka kutoka kwa Yesu Kristo unaopatikana katika kitabu cha Ufunuo tunataka pia kuonyesha baraka za Ufalme katika kutangaza habari njema. Madokezo fulani yalitolewa katika Huduma ya Ufalme Yetu ya Februari 1989, ukurasa 4, chini ya “Kutangaza Habari Njema,” mafungu 5 na 6. Tafadhali rudieni habari hizo zenye msaada ili mwe tayari kutoa kitabu Revelation Climax au toleo badala letu la kitabu “Ufalme wako uje” katika Kiswahili.
6Utoaji wako unaweza kubadilishwa kulingana na eneo unalofanyia kazi. Rudia habari iliyomo katika kitabu Reasoning chini ya “Dini,” kurasa 322-33, na chini ya “Babuloni Mkubwa,” kurasa 49-53 na pia chini ya “Ufalme,” kurasa 230-31, ili upate madokezo kuhusu jinsi hilo linavyoweza kufanywa. Ni jambo lenye uharaka kwamba tushiriki kikamili katika kujulisha ujumbe huu wa kimungu wa hukumu na tumaini.—Ufu. 14:6, 7.