Matangazo

◼ Toleo la fasihi kwa Desemba: Yule Mtu Mkuu Zaidi Aliyepata Kuishi. Januari: Kitabu chochote cha kurasa 192 kilichochapishwa katika 1983 au mapema zaidi. Ikiwa kundi halina akiba ya vitabu hivyo, kitabu Amani na Usalama wa Kweli—Wewe Unaweza Kuupataje? kitolewe na chaweza kuagizwa kutoka ofisi ya tawi au depo mbalimbali. Februari: Unaweza Kuishi Milele Katika Paradiso Duniani. Machi: Ufunuo—Upeo Wao Mtukufu U Karibu! ANGALIA: Makundi yatakayohitaji vifaa vya kampeni vilivyotajwa juu yapaswa yaviagize kwenye Fomu ya Agizo la Vitabu (S-14-SW) ya kila mwezi itakayofuata.

◼ Mwangalizi-msimamizi au mtu yeyote aliyepewa mgawo naye apaswa kukagua hesabu ya kundi Desemba 1 au upesi iwezekanavyo baada ya hapo.

◼ Mwandishi wa kundi na yule anayetayarisha maandikisho kila juma wanatiwa moyo wapitie kwa uangalifu maagizo yaliyo kwenye fomu M-203-SW ili wahakikishe kwamba habari yote imerekodiwa kwa usahihi kabla ya kutia fomu sahihi na kuipeleka kwenye ofisi ya tawi. Tafadhali hakikisheni kwamba maandikisho yote yanaambatana na fomu M-203-SW.

◼ Broshua mpya inayorejezea Maandiko ya Kiebrania tu imetokezwa. Ingawa broshua hiyo, yenye kichwa Je! Ulimwengu Usio na Vita Utakuwako Wakati Wowote?, imetayarishwa hasa kwa ajili ya Wayahudi, ujumbe wayo wote utafaa kutumiwa kotekote shambani. Itapatikana katika Kiamhariki, Kiingereza, Kinyarwanda, na Kiswahili.

◼ Makundi yanapaswa yaanze kuagiza mabuku yaliyojalidiwa ya Mnara wa Mlinzi na Amkeni! kwa mwaka wa 1992 kwenye agizo lao la vitabu la Desemba. Mabuku yaliyojalidiwa ni maagizo ya pekee.

◼ Vichapo vipya vinavyopatikana:

Kifaransa: Mabuku yaliyojalidiwa ya Mnara wa Mlinzi ya miaka 1962-1967. Kiingereza: 1993 Calendar of Jehovah’s Witnesses; Mabuku yaliyojalidiwa ya Mnara wa Mlinzi ya miaka 1983, 1984; Kaseti ya vidio—Purple Triangles; Disketi za kompyuta zenye ukubwa wa inchi 3¹⁄ 2 na pia inchi 5¹⁄ 2 za Biblia New World Translation Reference Bible (Rbi8). Kiswahili: Kaseti ya drama, Yehova Huokoa Wale Wanaoita Juu ya Jina Lake.