Mwezi wa Pekee Kwa Ajili ya Utumishi wa Shambani

Je! Desemba waweza kuwa mwezi wa pekee kwa ajili ya utumishi wa shambani kwako? Huenda ikahitajiwa kufanya marekebisho fulani katika ratiba yako ya kawaida, lakini je, matokeo yasingekuwa yenye kustahili?

Baadhi ya wahubiri wachanga zaidi waliobatizwa watakuwa na siku za ziada kwa sababu ya likizo la shule na wangependa kujiandikisha kuwa mapainia wasaidizi katika mwezi huo. Ikiwa baadhi ya wazee, watumishi wa huduma, na wahubiri wengine wangefanya kazi shambani pamoja nao, hilo lingekuwa jambo la kuwatia moyo kama nini! Ikiwa hali za binafsi hazikuruhusu kufanya upainia wakati wa mwezi huo, je, yawezekana kwako kutumia saa chache tu za ziada katika utumishi pamoja na wale watakaokuwa wakipainia? Kwa kweli hilo lingekuwa jambo la kutia moyo kila mmoja.

Wahubiri wote wakitia jitihada iliyoongezwa, huenda wazee wakaweza kupanga kuwa na kikundi cha kutoa ushahidi kila siku ili wale wanaoweza kupainia wawe sikuzote na mtu fulani wa kufanya kazi pamoja naye katika utumishi wa shambani.

Sasa ndio wakati, tukiwa mtu mmoja-mmoja na vikundi vya familia na vilevile kutaniko, kupanga kufanya Desemba kuwa mwezi wa pekee kwa ajili ya utumishi wa shambani katika kutaniko lenu.