Hubiri kwa Ufahamu Wenye Kina
1 Kuwa na ufahamu wenye kina kwataka kwamba tuelewe jambo fulani kuhusu watu tunaohubiria. Kwa nini? Kwa sababu mafanikio yetu katika kufikia mioyo ya watu yanategemea uwezo wetu wa kutoa ujumbe wa Ufalme katika njia inayowavutia. Wakati wa mwezi wa Januari, tutakuwa tukitoa vitabu mbalimbali vya kujifunza Biblia ambavyo kutaniko huenda bado likawa navyo. Kama sivyo, wahubiri watatumia kitabu Kuokolewa Kuingia Katika Dunia Mpya. Madokezo yafuatayo yaweza kuwa yenye msaada.
2 Ukichagua kutoa kitabu “Amani na Usalama wa Kweli—Wewe Unaweza Kuupataje?” unaweza kurejezea picha iliyo kwenye ukurasa wa 4 na kusema:
◼ “Picha hii ni wazo la kile Biblia hufundisha juu ya kusudi la Mungu kwa dunia. Unafikiri itahitaji nini kwako wewe na familia yako ili kuishi katika dunia iliyo paradiso? [Ruhusu itikio.] Biblia huonyesha kwamba amani na usalama wa kweli karibuni zitakuwa halisi duniani kote na kwamba Paradiso itarudishwa. [Soma Zaburi 37:10, 11.] Kitabu hiki chaweza kukuonyesha unalohitaji kufanya ili kunufaika na yale Mungu atafanya. Ningependa kukuachia nakala hii kwa mchango wa __________ .” [Taja mchango.]
3 Ukitoa kitabu “Life Does Have a Purpose,” unaweza kusema jambo kama hili:
◼ “Mamilioni ya watu ulimwenguni kote wanatamani sana furaha, inayoonekana kuwaepuka ijapokuwa jitihada zao zote za kuitafuta. Wengi huona maisha kuwa jambo la kuishi miaka michache tu, kulea watoto, na kutazamia mazuri kabla ya kifo kuwapata.” Kisha shiriki baadhi ya mawazo yaliyo kwenye mafungu 1 hadi 3 kwenye ukurasa wa 5, soma Zaburi 37:11, na uonyeshe kifupi kwamba kusudi la Mungu ni kuumba ulimwengu mpya, paradiso kama inayoonyeshwa kwenye ukurasa wa 4. Pata maelezo ya mwenye nyumba kwa kuuliza swali kama vile: “Unahisije kuhusu tazamio hilo?” Ruhusu itikio, na kama kuna kupendezwa, mwachie kitabu kwa mchango wa kawaida.
4 Ikiwa unatumia kitabu “Our Incoming World Government—God’s Kingdom,” unaweza kuanza na jambo la habari za karibuni kuhusu tatizo fulani la kijamii lisilotatuliwa la jumuiya kisha uulize:
◼ “Je, wafikiri viongozi wa ulimwengu wataweza kutatua tatizo hili siku moja? [Ruhusu na ushukuru itikio la mwenye nyumba.] Sisi sote tutathamini kuishi katika ulimwengu ambao tatizo la aina hii halitakuwako. Jambo hili litakuwa halisi chini ya utawala wa serikali ya Mungu ambao sisi husali kuuhusu.” Soma Isaya 32:17, 18 ili kuonyesha jinsi amani na usalama zitakavyotimizwa hatimaye. Pia soma maelezo ya utangulizi chini ya kichwa kwenye ukurasa wa 1, na ueleze kwamba kitabu huandaa ithibati ya Kimaandiko kwamba jambo ambalo Mungu huahidi kwa dunia litakuwa kweli wakati ujao ulio karibu. Mtu akithamini habari hiyo, mtolee kitabu.
5 Ikiwa ungependa kufanya utoaji mfupi ukitumia kitabu “Kuokolewa Kuingia Katika Dunia Mpya,” unaweza kufungua kitabu kwenye ukurasa wa 4 na kuuliza:
◼ “Ni nini kitakachoipata sayari Dunia? Wengi hujiuliza juu ya jambo hili. Wewe wafikiri nini?” Shukuru itikio la mwenye nyumba, kisha usome maelezo ya kufungua kwenye ukurasa wa 2. Mwachie kitabu kwa mchango wa kawaida.
6 Ufahamu mzuri wenye kina utatuwezesha tutambue mahitaji na kupendezwa kwa watu tunaokutana nao. Mithali 16:23 hutuhakikishia hili, ikisema: “Moyo wake mwenye hekima hufundisha kinywa chake [“kuonyesha ufahamu wenye kina,” NW]; huzidisha elimu ya midomo yake.”