Mazungumzo ya Kirafiki Yaweza Kuufikia Moyo

¹ Mazungumzo yaweza kufafanuliwa kuwa “badilishano la mawazo kupitia mdomo.” Kuanzisha mazungumzo ya kirafiki juu ya habari inayohusu wengine huenda kukavuta kupendezwa kwao na kwaweza kutusaidia kufikia mioyo yao kwa ujumbe wa Ufalme. Mambo yaliyoonwa yameonyesha kwamba kuna matokeo zaidi kushirikisha watu katika mazungumzo ya kirafiki yenye ustarehe kuliko kuwahutubia.

² Jinsi ya Kuanzisha Mazungumzo ya Kirafiki: Kuweza kwetu kuzungumza na wengine hakumaanishi kwamba lazima tuwe na mpango fulani wenye kutokeza wa mawazo na maandiko. Kwahusisha tu kumfanya mtu yule mwingine aongee nasi. Kwa mfano, tunapokuwa na mazungumzo ya kirafiki na jirani yetu wa karibu, hayo hayawi magumu bali yenye ustarehe. Hatufikiri juu ya maneno yetu yafuatayo lakini twaitikia itazamiwavyo mawazo anayotoa. Kuonyesha kupendezwa halisi kwa yale asemayo huenda kukamtia moyo aendelee kuongea nasi. Ndivyo inavyopaswa kuwa tunapotolea wengine ushahidi.

³ Habari kama vile uhalifu, au hata hali ya hewa yaweza kutumiwa kuanzisha mazungumzo ya kirafiki. Mambo yanayoathiri maisha ya watu moja kwa moja ni yenye matokeo zaidi katika kuamsha kupendezwa kwao. Mara mazungumzo yameanzishwa, polepole twaweza kuyaelekeza kwenye ujumbe wa Ufalme.

⁴ Kuwa na mazungumzo yenye ustarehe hakumaanishi kwamba matayarisho ya mapema si ya lazima. Ni ya lazima. Hata hivyo, hakuna haja ya kutunga habari ngumu au kukariri hotuba, ambayo ingetokeza mazungumzo ambayo si yenye kubadilikana au yenye kufaana na hali iliyoko. (Linganisha 1 Wakorintho 9:20-23.) Njia bora ya kutayarisha ni kuchagua kichwa cha Maandiko kimoja au viwili, tukiwa na lengo la kujenga mazungumzo juu yavyo. Kupitia mambo yapatikanayo katika kitabu Kutoa Sababu kutathibitika kuwa msaada kwa jambo hili.

⁵ Sifa Muhimu kwa Mazungumzo ya Kirafiki: Tunapoongea na wengine, twapaswa kuwa wachangamfu na wanyoofu. Tabasamu na sura changamfu husaidia kuonyesha sifa hizi. Tuna ujumbe bora kabisa ulimwenguni; huo ni wenye kuvutia zaidi kwa watu wenye mioyo ya haki. Ikiwa wanahisi kwamba kupendezwa kwetu kwao kwachochewa na tamaa nyoofu ya kushiriki nao habari njema, basi huenda wakasukumwa kusikiliza.—2 Kor. 2:17.

⁶ Kushiriki katika mazungumzo kwapaswa kuwa jambo lenye kupendeza. Kwa hivyo, twapaswa kuwa wenye fadhili na busara katika kutoa ujumbe wa Ufalme. (Gal. 5:22; Kol. 4:6) Jitahidi kuacha mtu yule mwingine na maoni mazuri. Kwa njia hii, hata kama hatufanikiwi mara ya kwanza kufikia moyo, huenda akawa mwenye kuitikia zaidi Shahidi akiongea naye wakati ujao.

⁷ Kuanzisha mazungumzo ya kirafiki si tokeo la kujifunza hotuba ngumu. Ni kuamsha tu kupendezwa katika jambo ambalo ni hangaiko la mtu. Mara tumetayarisha kimbele, ndipo tutakapokuwa tayari kushirikisha watu katika mazungumzo ya kirafiki. Na tujitahidi kufikia mioyo ya wale tunaokuta kwa kushiriki nao habari bora kabisa ipatikanayo, ile ya baraka zidumuzo milele za Ufalme.—2 Pet. 3:13.