Je, Wewe Ni Mwenye Haya?
1 Hatushangai tuonapo mtoto mchanga akituchungulia akiwa nyuma ya mama yake au baba yake. Haya ni jambo la asili utotoni. Hata katika hali ya kuwa mtu mzima, wengi huwa wenye haya kiasili. Ikiwa haya huathiri kushiriki kwako katika huduma, waweza kufanya nini?
2 Kuiweza Haya: Ni jambo la maana kukazia uangalifu “yule mtu wa siri wa moyoni.” (1 Pet. 3:4) Imarisha upendo wako kwa Yehova na kwa jirani yako. Sadiki kabisa kwamba kutimiza utume wa kuhubiri ndiyo mojawapo ya njia bora zaidi ya kuonyesha upendo wa kujitolea. Fuatia utaratibu mzuri wa funzo la kibinafsi na kuhudhuria mikutano. Sali kwa ukawaida na hasa uombe msaada kutoka kwa Yehova. Imani yenye nguvu na kumtumaini kutaongeza uhakika na kukupatia “moyo mkuu hata zaidi kulisema neno la Mungu bila hofu.”—Flp. 1:14.
3 Pambana na hisia za kutofaa. Yaonekana kwamba ilimbidi Timotheo afanye hivyo. Paulo alimtia moyo Timotheo ‘asiache kamwe mtu yeyote adharau ujana wake,’ akimkumbusha kwamba “Mungu alitupa sisi si roho ya woga, bali ile ya nguvu.” (1 Tim. 4:12; 2 Tim. 1:7) Timotheo alitumiwa kikamili na Yehova, ambaye atakutumia wewe vilevile ukijitahidi kufanya maendeleo ukiwa na uhakika kabisa katika Yeye.—Zab. 56:11.
4 Kutafakari andiko la Biblia, kama vile Mathayo 10:37, kulisaidia dada mmoja ambaye haya yake ilimfanya ahofu mume wake mpinzani. Alipovumilia, huduma ikawa rahisi kwake, na hatimaye mume wake, mama yake, na ndugu zake wakakubali kweli!
5 Kujitayarisha Ni kwa Maana: Uhakika wako utaongezeka zaidi unapojitayarisha vizuri kwa ajili ya huduma. Chagua utoaji sahili kutoka katika kitabu Kutoa Sababu au matoleo yaliyopita ya Huduma ya Ufalme Yetu, uusome, na kuurudia. Badala ya kuongeza wasiwasi usio wa lazima, fikiria mambo yajengayo. Pata moyo mkuu kwa kuhubiri na wengine kwa ukaribu-karibu. Kumbuka kwamba watu wengi utakaowapata milangoni ni wenye haya, kama wewe tu. Kila mtu anahitaji ujumbe wa Ufalme.
6 Ikiwa wewe ni mwenye haya, usikate tamaa. Unapojitahidi, Yehova atakusaidia uwe mhubiri wa habari njema mwenye matokeo. Kisha utakuwa na shangwe katika huduma yako.—Mit. 10:22.