Sanduku la Swali

◼ Je, hatuchangi mara mbili tutoapo michango yetu tunapochukua vichapo na pia tunapoweka michango tuliyopokea shambani kwenye masanduku ya michango kwa ajili ya kazi ya Sosaiti ya ulimwenguni pote?

La. Michango inayowekwa kwenye masanduku ya michango kwa ajili ya kazi ya Sosaiti ya ulimwenguni pote si ya vichapo tu. Wahubiri na pia watu wanaopendezwa kikweli shambani hupokea vichapo bila malipo. Wahubiri wanapotoa michango yao, wanategemeza kudumishwa kwa ofisi za tawi, makao ya Betheli, shule za mishonari na za mazoezi ya kihuduma, mishonari, waangalizi wasafirio, vituo vya kugawanya vichapo, na kazi nyingine za utumishi zilizo za lazima ili kutimiza mgao ambao Yesu aliamuru wanafunzi wake wafanye. Kuchapisha vichapo ni sehemu ndogo tu ya mgao huo. Kwa hiyo, tunapopokea michango kutoka kwa watu wenye kupendezwa shambani, hatupaswi kusema kwamba mchango huo ni “wa vichapo.” Tunawaeleza kwamba wale wanaotaka kusoma kikweli vichapo vyetu wanavipokea bila malipo. Michango yoyote wanayotoa itatumiwa kushughulikia gharama zinazohusika katika kazi ya ulimwenguni pote. Ndivyo ilivyo na michango inayotolewa na wahubiri.