Kikumbusho

Je, Unatoa Ripoti Kamili?

Mwandishi na waangalizi wa mafunzo ya kitabu ya kutaniko wanaweza kuhakikisha kwamba ripoti zote za utumishi wa shambani zinatolewa. Makutaniko fulani yanatoa ripoti isiyo kamili au isiyo sahihi. Kabla ya kutuma ripoti kwa Sosaiti, ni muhimu kuichunguza ili kuhakikisha kwamba habari yote muhimu ipo. Mwandishi anapaswa kutia ndani ripoti zote zilizochelewa za mwezi uliopita na kukumbuka kuziingiza katika Rekodi ya Kutaniko ya Mhubiri. Mhubiri akitoa ripoti ya mwezi uliopita na nyingine ya mwezi huu, atahesabiwa mara mbili mwezi huu. Kila mhubiri anaweza kusaidia kutaniko litoe ripoti sahihi.

Kwa hiyo, usitegemee kumbukumbu yako; andika utumishi wako kila mara baada ya kwenda shambani. Unaweza kutumia kikaratasi cha ripoti; kiweke kwenye Biblia yako au mkobani. Wazazi wanaweza kuwakumbusha watoto wao. Waangalizi wa mafunzo ya kitabu ya kutaniko wanaweza kukusanya au kuwakumbusha wote watoe ripoti zao kwenye mikutano mwezi unapokaribia kwisha. Hakikisha kwamba unatia ndani wakati wowote uliotumia katika mahubiri yasiyo rasmi.

Ufanye nini unaposahau kutoa ripoti yako? Toa ripoti kamili haraka iwezekanavyo bila kungoja mwezi ufuatao; itatiwa ndani ya ripoti ya kutaniko na kuandikwa kwenye kadi yako. Hata hivyo, tunapendekeza ripoti itolewe bila kuchelewa. Ijapokuwa huenda hilo likaonekana kuwa jambo dogo, ni mojawapo ya njia tunazoonyesha uaminifu wetu.—Luka 16:10.