Ratiba Ya Mkutano Wa Utumishi

Juma Linaloanza Machi 14

Wimbo 132

Dak. 10: Matangazo ya kwenu na matangazo yaliyoteuliwa kutoka katika Huduma Yetu ya Ufalme. Ikiwa DVD kumhusu Daudi (David—He Trusted in God) inapatikana, watie moyo wote waitazame wanapojitayarisha kwa ajili ya Mkutano wa Utumishi wa juma la Aprili 4. Ikiwa haipatikani, someni Zaburi 91 mnapojitayarisha kwa ajili ya Mkutano wa Utumishi wa juma hilo. Tumia mapendekezo kwenye ukurasa wa 4 (ikiwa yanafaa eneo lenu) kuonyesha jinsi ya kutoa gazeti la Mnara wa Mlinzi la Februari 15 na Amkeni! la Februari 22. Mapendekezo mengine yanayofaa eneo lenu yanaweza kutumiwa. Katika onyesho moja, onyesha jinsi ya kumrudia mtu ambaye hupelekewa magazeti kwa ukawaida. Unapomalizia onyesho hilo tumia ukurasa wa nyuma wa Mnara wa Mlinzi la Machi 15 kumkumbusha mwenye nyumba kuhusu maadhimisho ya Ukumbusho.

Dak. 20: “Biblia Itakaziwa Zaidi.”a

Dak. 15:Msaada wa Kutuimarisha. Baada ya utangulizi usiozidi dakika moja, zungumzia pamoja na wasikilizaji Kitabu cha Mwaka cha 2005, ikiwa kinapatikana. Kutafakari matendo ya Yehova ya ajabu katika nyakati zetu hutuvuta karibu naye na karibu na ndugu zetu ulimwenguni pote. (Zab. 77:12-14) Hututia nguvu tuchukue msimamo wetu kumpinga Ibilisi tukiwa “imara katika imani.” (1 Pet. 5:8, 9) Pia, huwafanya wapya walithamini tengenezo la Yehova. Waombe wasikilizaji waeleze mambo yaliyowapendeza katika Kitabu cha Mwaka cha 2005. Panga mapema msikilizaji mmoja au wawili waeleze jinsi wanavyotenga wakati ili kusoma Kitabu cha Mwaka. Ikiwa Kitabu cha Mwaka cha 2005 hakipatikani, zungumzieni ripoti ya ulimwenguni pote iliyo katika Mnara wa Mlinzi la Februari 1, 2005. Kisha waombe wasikilizaji waeleze mambo yaliyowapendeza katika Kitabu cha Mwaka cha 2004. Wapongeze wahubiri kwa jitihada zao na uwatie moyo waendelee kuhubiri kwa ukawaida.

Wimbo 137 na sala ya kumalizia.

Juma Linaloanza Machi 21

Wimbo 140

Dak. 10: Matangazo ya kwenu.

Dak. 15: “Kuongoza Mafunzo ya Biblia Yenye Maendeleo—Sehemu ya 7.”b Unapotayarisha sehemu hii, chunguza habari iliyo katika Mnara wa Mlinzi la Julai 15, 2002, ukurasa wa 27, fungu la 5-6.

Dak. 20: Har–Magedoni Ni Nini? Baada ya utangulizi usiozidi dakika moja, zungumzia kwa maswali na majibu habari iliyo katika kitabu Kutoa Sababu, ukurasa wa 84-88. Waombe wasikilizaji wajibu maswali yenye maandishi mazito wakitumia maandiko yaliyonukuliwa na yale yaliyoonyeshwa. Eleza jinsi tunavyoweza kutumia habari hii katika huduma ya shambani.

Wimbo 109 na sala ya kumalizia.

Juma Linaloanza Machi 28

Wimbo 144

Dak. 10: Matangazo ya kwenu. Ripoti ya hesabu na taarifa ya shukrani kwa ajili ya michango. Wakumbushe wote watazame ile DVD kumhusu Daudi (David—He Trusted in God) wanapojitayarisha kwa ajili ya Mkutano wa Utumishi wa juma lijalo, au ikiwa DVD hiyo haipatikani, jitayarisheni kwa kusoma Zaburi 91. Watie wote moyo waalike wanaopendezwa wahudhurie hotuba ya pekee itakayotolewa Aprili 10. Taja toleo la Aprili na Mei.

Dak. 15: Mahitaji ya kwenu.

Dak. 20: Toa Mnara wa Mlinzi na Amkeni! Pitia mapendekezo yaliyo katika ukurasa wa 8 wa Huduma Yetu ya Ufalme ya Februari 2005 kuhusu jinsi ya kugawa magazeti mengi zaidi. Zungumzia mambo yanayovutia katika magazeti ya karibuni. Tumia mapendekezo yaliyo katika ukurasa wa 4 (ikiwa yanafaa eneo lenu) kuonyesha jinsi ya kutoa gazeti la Mnara wa Mlinzi la Machi 1 na Amkeni! la Machi 8. Mapendekezo mengine yanayofaa eneo lenu yanaweza kutumiwa. Katika kila onyesho, eleza jinsi kazi yetu ya ulimwenguni pote inavyogharimiwa.—Ona uku. 2 wa Mnara wa Mlinzi, au uku. 5 wa Amkeni!

Wimbo 116 na sala ya kumalizia.

Juma Linaloanza Aprili 4

Wimbo 119

Dak. 5: Matangazo ya kwenu na Habari za Kitheokrasi.

Dak. 15: Iweni na Upendo Kati Yenu Wenyewe. (Yoh. 13:35) Hotuba itolewe na mzee ikitegemea Mnara wa Mlinzi la Februari 1, 2003, ukurasa wa 15-18, fungu la 10-21. Kama inavyotajwa katika toleo la vichapo la mwezi wa Aprili na wa Mei, tunatiwa moyo tuanzishe mafunzo ya Biblia na watu ambao tayari wamejifunza kitabu Ujuzi na broshua Anataka. Eleza jinsi wahubiri wanavyoweza kushirikiana na wazee ili kuwasaidia wale walio dhaifu.

Dak. 25: Mazungumzo pamoja na wasikilizaji yanayotegemea makala “Yehova Ni Kimbilio Letu,” katika Mnara wa Mlinzi la Novemba 15, 2001. Sehemu hii inapaswa kushughulikiwa na kiongozi wa Funzo la Mnara wa Mlinzi. Wahimize wote waendelee kumtegemea Yehova kwa kusoma Biblia kila siku. Au, ikiwa DVD inapatikana, pitia makala yenye kichwa “DVD Yenye Mafundisho Muhimu.” Soma Zaburi 91:2 na 31:14, na utoe maelezo mafupi sana kuhusu mistari hiyo. Kisha zungumza pamoja na wasikilizaji makala “DVD Yenye Mafundisho Muhimu.” Uliza maswali yote yaliyo katika fungu la pili na la tatu katika makala hiyo. Waombe watu wa familia mbalimbali waeleze jinsi ambavyo ile sehemu yenye misaada ya kujifunza (“Learning Activities”) imewanufaisha. Malizia kwa kusoma Zaburi 56:11.

Wimbo 36 na sala ya kumalizia.

[Maelezo ya Chini]