Ratiba ya Mkutano wa Utumishi

Juma Linaloanza Oktoba 13

Wimbo 174

Dak. 10: Matangazo ya kwenu. Eleza mipango ya kwenu kwa ajili ya kampeni ya trakti ya pekee inayoanza mnamo Oktoba 20, na uwatie wote moyo wachukue trakti hizo ikiwa bado hawajafanya hivyo. Pitia kifupi mapendekezo yaliyo kwenye ukurasa wa 8 yanayoonyesha jinsi ya kutoa gazeti la Mnara wa Mlinzi la Septemba 1 na Amkeni! la Septemba. Kwa kuwa wahubiri wengi wamekuwa wakitoa magazeti hayo kwa majuma kadhaa sasa, waombe wasikilizaji waeleze jambo fulani walilopata wakati wa kutoa magazeti hayo.

Dak. 35: “Ratiba Mpya ya Mkutano wa Kutaniko.”a Kadiri wakati unavyoruhusu, someni maandiko ambayo hayakunukuliwa na uwaombe wasikilizaji wayaeleze.

Wimbo 216

Juma Linaloanza Oktoba 20

Wimbo 113

Dak. 5: Matangazo ya kwenu. Matangazo yaliyoteuliwa kutoka katika Huduma Yetu ya Ufalme.

Dak. 20: Dumisha Shangwe Katika Huduma. Hotuba yenye kutia moyo inayotegemea habari iliyo katika gazeti la Mnara wa Mlinzi la Julai 1, 2005, fungu la 11-17, ukurasa wa 24-25. Mhoji mmoja au wawili ambao wamemtumikia Yehova kwa uaminifu kwa miaka mingi. Ni nini kimewawezesha kudumisha shangwe yao hata ikiwa watu hawapendezwi?

Dak. 20: Jitayarishe Kutoa Mnara wa Mlinzi la Oktoba 1 na Amkeni! la Oktoba. Baada ya kutaja kwa ufupi mambo yaliyo katika magazeti hayo, waombe wasikilizaji waseme makala ambazo wanafikiri zinaweza kuwavutia watu wengi katika eneo lenu. Waombe waeleze kwa nini zinaweza kuwavutia watu. Ukitumia baadhi ya makala hizo, waombe wasikilizaji wapendekeze swali linalofaa ambalo wanakusudia kutumia ili kuanzisha mazungumzo, kisha andiko kutoka katika makala hiyo ambalo wamepanga kutumia kabla ya kutoa magazeti hayo. Msemaji anamalizia sehemu hii kwa kuonyesha jinsi kila gazeti linavyopaswa kutolewa, akitumia mapendekezo yaliyo kwenye ukurasa wa 8 au mapendekezo mengine yanayokusudiwa kuwavutia watu wa eneo lenu.

Wimbo 148

Juma Linaloanza Oktoba 27

Wimbo 30

Dak. 5: Matangazo ya kwenu. Soma ripoti ya hesabu na taarifa ya shukrani.

Dak. 10: Mahitaji ya kwenu.

Dak. 30: “Funzo la Kibinafsi na Funzo la Biblia la Familia Ni Muhimu!”b Kadiri wakati unavyoruhusu, soma maandiko ambayo hayakunukuliwa na uwaombe wasikilizaji wayaeleze.

Wimbo 142

Juma Linaloanza Novemba 3

Wimbo 100

Dak. 10: Matangazo ya kwenu. Habari za Kitheokrasi. Wakumbushe wahubiri watoe ripoti zao za utumishi wa shambani za mwezi wa Oktoba.

Dak. 20: Shule ya Huduma ya Kitheokrasi ya 2009. Mwangalizi wa shule anazungumza pamoja na wasikilizaji kuhusu Shule mpya ya Huduma ya Kitheokrasi akitumia “Maagizo” yaliyo katika Ratiba ya Shule ya Huduma ya Kitheokrasi. Kazia mabadiliko ambayo yamefanywa. Watie wote moyo watimize migawo yao kwa bidii, kujitayarisha kutoa maelezo juu ya mambo makuu ya usomaji wa Biblia, na kutumia maelezo ambayo yanatolewa na mwangalizi wa shule kila juma kwa kutegemea kitabu Faidika na Elimu ya Shule ya Huduma ya Kitheokrasi.

Dak. 15: Boresha ‘Ufundi Wako wa Kufundisha.’ Mwangalizi wa utumishi au mzee mwingine anayestahili anataja na kuzungumzia kwa ufupi mambo matano muhimu yanayotumiwa katika ufundishaji stadi ambayo yameelezwa katika fungu la 5-18 kwenye ukurasa wa 9-12 wa gazeti la Mnara wa Mlinzi la Januari 15, 2008. Mhoji mhubiri mmoja au wawili ambao wanaona kwamba habari hiyo imewasaidia kuboresha uwezo wao wa kufundisha.

Wimbo 91

[Maelezo ya Chini]