Matangazo

◼ Toleo la mwezi wa Februari: Toa kimojawapo cha vitabu vifuatavyo ikiwa vinapatikana, Biblia—Neno la Mungu au la Binadamu?, Je, Kuna Muumba Anayekujali?, au Siri ya Kupata Furaha ya Familia. Machi: Toa kitabu Biblia Inafundisha Nini Hasa? Jitahidi sana kuanzisha mafunzo ya Biblia. Aprili na Mei: Toa magazeti ya Mnara wa Mlinzi na Amkeni! Unapowarudia watu wenye kupendezwa, kutia ndani wale wanaohudhuria Ukumbusho na/au matukio mengine ya kiroho, lakini hawashirikiani sana na kutaniko, zingatia kuwaachia kitabu Biblia Inafundisha Nini Hasa? Lengo la ziara hizo linapaswa kuwa kuanzisha funzo la Biblia kwa kutumia kitabu hicho.

◼ Hotuba ya pekee kwa ajili ya majira ya Ukumbusho ya mwaka wa 2009 itakuwa na kichwa “Je, Kuna Dini Moja Tu ya Kweli Machoni Pa Mungu?” Ona tangazo linalohusiana na hotuba hiyo kwenye Huduma Yetu ya Ufalme ya Septemba 2008.

◼ Kuanzia juma la Februari 23, 2009, tutajifunza kitabu “Jitunzeni Katika Upendo wa Mungu” katika Funzo la Biblia la Kutaniko. Makutaniko yanapaswa kuwa na nakala za kutosha za chapa ya kawaida na chapa kubwa kabla ya wakati huo.

◼ Tungependa kuwakumbusha kwamba Ukumbusho wa mwaka wa 2010 utakuwa Jumanne, Machi 30, baada ya jua kushuka. Taarifa hii imetolewa mapema ili akina ndugu waweze kufanya mapatano ya kukodi majumba mengine mahali ambapo makutaniko kadhaa yanatumia Jumba moja la Ufalme. Wazee wanapaswa kufanya mapatano na wasimamizi wa jumba watakalokodi ili kuhakikisha kwamba Ukumbusho unaadhimishwa kwa njia ya amani na kwa utaratibu bila kuvurugwa na utendaji mwingine katika jengo hilo.