Tovuti Yetu Rasmi—Itumie Katika Huduma Yako
Waelekeze Watu Watembelee Tovuti Yetu: Watu fulani wanaosita kuzungumza nasi au kupokea machapisho, wako tayari kutafuta habari kuhusu Mashahidi wa Yehova kupitia Tovuti ya jw.org wakiwa katika nyumba zao. Hivyo, wajulishe wengine kuhusu Tovuti yetu kila unapopata nafasi.
Itumie Kujibu Maswali: Nyakati nyingine, mwenye nyumba, mtu anayependezwa, au mtu tunayefahamiana naye atauliza swali kuhusu Mashahidi wa Yehova au mambo tunayoamini. Mwonyeshe jibu papo hapo ukitumia kifaa kinachobebeka au kompyuta. Kwa kawaida ni vizuri kusoma maandiko yaliyoonyeshwa, moja kwa moja kutoka katika Biblia. Ikiwa huna kifaa kinachobebeka kilichounganishwa na Intaneti, mwelezee jinsi anavyoweza kutumia Tovuti ya jw.org kujitafutia majibu ya maswali yake.—Nenda kwenye “Mafundisho ya Biblia/Majibu ya Maswali ya Biblia” au “Kutuhusu/Maswali Yanayoulizwa Mara Nyingi.”
Itumie Kutuma Makala au Chapisho kwa Mtu Unayemjua: Ambatisha faili iliyopakuliwa ya muundo wa PDF au ya muundo wa EPUB kwenye barua pepe. Au pakua chapisho lililo katika muundo wa sauti na kulinakili katika CD. Kila mara unapompa mtu asiyebatizwa kitabu, broshua, au gazeti zima la kielektroniki, unaweza kulitia ndani katika ripoti yako ya utumishi wa shambani. Machapisho hayapaswi kutumwa bila jina au utambulisho wa anayeyatuma. Pia hayapaswi kutumwa kwa wingi au kuhamishiwa kwenye Tovuti nyingine yoyote.—Nenda kwenye “Machapisho.”
Itumie Kuonyesha Habari za Karibuni Zaidi Kuwahusu Mashahidi wa Yehova: Jambo hilo litawasaidia wanafunzi wa Biblia na wengine unaowatembelea kuthamini umoja wetu wa Kikristo na kazi yetu inayofanywa ulimwenguni pote. (Zab. 133:1)—Nenda kwenye “Habari.”
[Picha katika ukurasa wa 5]
(Ona mpangilio kamili katika nakala iliyochapishwa)
Jaribu Kuitumia
1 Kwenye sehemu ya “Machapisho,” tafuta chapisho unalopenda kupakua, na bonyeza kitufe cha muundo wa faili ya maandishi au sauti unayotaka.
2 Bonyeza kitufe cha “MP3” ili upate orodha ya makala mojamoja. Bonyeza kichwa cha makala unayotaka ili uipakue au bonyeza ▸ ili uisikilize kwenye mtandao.
3 Chagua lugha nyingine kutoka katika orodha hii ikiwa unataka kupakua chapisho la lugha hiyo.