Watchtower MAKTABA KWENYE MTANDAO
Watchtower
MAKTABA KWENYE MTANDAO
Kiswahili
  • BIBLIA
  • MACHAPISHO
  • MIKUTANO
  • km 4/14 kur. 6-7
  • Muundo Wenye Kuvutia wa Trakti Mpya!

Hakuna video yoyote kwa sasa.

Samahani, haikuwezekana kupakia video.

  • Muundo Wenye Kuvutia wa Trakti Mpya!
  • Huduma Yetu ya Ufalme—2014
  • Habari Zinazolingana
  • Tumia Trakti Kueneza Habari Njema
    Huduma Yetu ya Ufalme—2012
  • Kutumia Trakti Ili Kuwa na Matokeo Yenye Manufaa
    Huduma Yetu ya Ufalme—1992
  • Kutanguliza Habaris Njema—Kwa Kutumia Trakti kwa Matokeo
    Huduma Yetu ya Ufalme—1990
  • Sababu kwa Nini Trakti ni Zenye Thamani Katika Huduma Yetu Leo
    Huduma Yetu ya Ufalme—1993
Pata Habari Zaidi
Huduma Yetu ya Ufalme—2014
km 4/14 kur. 6-7

Muundo Wenye Kuvutia wa Trakti Mpya!

1. Ni machapisho gani yenye muundo mpya unaovutia tutakayotumia katika utumishi wa shambani?

1 Katika Kusanyiko la Wilaya la mwaka 2013 lililokuwa na kichwa “Neno la Mungu ni Kweli,” trakti mpya tano zilitolewa. Kwa kuongezea, trakti Habari za Ufalme Na. 38, yenye kichwa “Je, Kweli Wafu Wataishi Tena?” imeongezwa katika idadi hiyo. Trakti zote sita zina muundo mpya wenye kuvutia. Kwa nini zina muundo mpya? Tunapozitoa nyumba kwa nyumba, tunawezaje kuutumia huo muundo mpya kwa njia nzuri?

2. Kusudi la kuwa na trakti zenye muundo mpya ni nini?

2 Kwa Nini Zina Muundo Mpya?: Tunapohubiri nyumba kwa nyumba, mazungumzo yenye mafanikio huhusisha hatua nne zifuatazo: (1) Anzisha mazungumzo kwa kuuliza swali la maoni. (2) Zungumzia wazo moja kutoka kwenye Biblia. (3) Mwachie mwenye nyumba machapisho asome. (4) Muulize swali utakalojibu wakati ujao, na ufanye mpango wa kurudi. Muundo mpya wa hizo trakti unatusaidia kufuata kwa urahisi hatua zote nne.

3. Tunaweza kutumia njia gani kutoa trakti mpya katika utumishi?

3 Jinsi ya Kuzitumia: (1) Baada ya kumsalimu, mwonyeshe mwenye nyumba swali lenye kuchochea fikira ambalo ni kichwa cha trakti, na uombe aeleze maoni yake. Swali hilo linampa fursa ya kuchagua jibu moja kati ya majibu matatu yanayopatikana chini ya ukurasa huo. (2) Fungua trakti, na mzungumzie sehemu “Biblia Husema Hivi.” Ikiwa hali zinaruhusu, soma maandiko moja kwa moja kutoka kwenye Biblia. Iwapo ana muda, zungumzieni pamoja sehemu “Faida za Kuamini Jambo Hilo.” (3) Mpe trakti, na umtie moyo aisome yote kwa wakati wake. (4) Kabla ya kuondoka, mwonyeshe swali lililo kwenye ukurasa wa nyuma chini ya kichwa “Jambo la Kufikiria” na ufanye mipango ya kuzungumzia jibu la Biblia utakapomtembelea tena.

4. Tunaweza kutumiaje trakti mpya katika ziara ya kurudia?

4 Ni rahisi pia kufanya ziara ya kurudia. Tumia maandiko yaliyoonyeshwa kwenye ukurasa wa nyuma wa trakti na ujibu swali ulilouliza mara ya mwisho ulipomtembelea. Kabla hujaondoka, mwonyeshe picha ya broshua Habari Njema, halafu mtolee mwenye nyumba broshua hiyo, na umwonyeshe somo linalohusiana na habari inayozungumziwa kwenye trakti uliyomwachia. Akiikubali, fanya mpango wa kuizungumzia broshua hiyo utakapomtembelea tena. Utakuwa umeanzisha funzo la Biblia! Au badala ya kumpa broshua, unaweza kumpa trakti nyingine na kufanya mpango wa kuizungumzia utakapomtembelea tena.

5. Kwa nini trakti ni muhimu katika huduma yetu?

5 Tumekuwa tukitumia trakti kwa zaidi ya miaka 130. Ingawa zimekuwa na ukubwa na miundo tofauti-tofauti, bado zimetusaidia kupata matokeo mazuri sana kwenye utumishi. Na tuendelee kutumia ifaavyo trakti hizi zenye muundo mpya tunapoeneza Neno la Mungu ulimwenguni pote.—Met. 15:7a.

    Maktaba Kwenye Mtandao (1980-2025)
    Toka
    Ingia
    • Kiswahili
    • Shiriki
    • Mapendezi
    • Copyright © 2025 Watch Tower Bible and Tract Society of Pennsylvania
    • Masharti ya Utumiaji
    • Sera ya Faragha
    • Mpangilio wa Faragha
    • JW.ORG
    • Ingia
    Shiriki