Sababu kwa Nini Trakti ni Zenye Thamani Katika Huduma Yetu Leo
1 Katika toleo la Mnara wa Mlinzi la Januari 1, 1991, ukurasa 30, kulikuwa na jambo lililoonwa lenye kichwa “Alipata Trakti Katika Njia ya Gari-Moshi.” Ilielezea juu ya msimamizi wa warekebishaji njia ya gari-moshi aliyepata mojayapo trakti zetu ilmebanwa chini ya reli moja. Yeye aliisoma trakti hiyo mara hiyo na akamwambia mwana-mkwe wake hivi: “Leo nimeupata ukweli!” Wanaume hao wote wawili waliagiza fasihi nyingine zaidi na wakajifunza. Leo, wazao wao zaidi ya mia moja ni watendaji katika kweli. Jambo hili laonyesha linaloweza kuwa tokeo la kusoma trakti moja tu.
2 Kuzitumia Fursa: Kila mahali ndugu wanatumia fursa za kuangusha trakti. Kijana mmoja Shahidi alitambua kuwa mwalimu wake alikuwa anahisi huzuni kwa sababu ya kifo cha mama-mkwe wake. Dada huyo mchanga alimwandikia mwalimu wake barua ya kumfariji na akatia ndani ile trakti Kuna Tumaini Gani kwa Wapendwa Waliokufa? Mwalimu huyo aliandika taarifa ya asante halafu akaongea na dada yetu mchanga. Sasa mwalimu huyu hupokea magazeti yetu kwa ukawaida kutoka kwake.
3 Wahubiri fulani waliokuwa wakitoa ushahidi kwenye barabara iliyokuwa ikielekea makaburini waliona watu waliokuwa wakiyapaka makaburi chokaa. Wahubiri hao walitumia fursa hiyo kuwatolea trakti. Siku iliyofuata ilikuwa sikukuu ambayo watu wengi huzuru makaburini, kwa hiyo hao wahubiri waliamua kusimama kwenye mwingilio wa makaburi na kutoa trakti. Zaidi ya trakti mia tano ziliangushwa, kukiwa watu watatu tu waliozikataa. Mwaka uliofuata, wahubiri walirudi na kuangusha tarakti zaidi ya elfu moja, kukiwa na watu sita tu waliokataa. Watu kadhaa walionyesha uthamini wao wa kina kirefu. Mwanamume mmoja aliisoma trakti alipokuwa anaenda zake, na upesi akarudi kuongea na dada aliyempa hiyo trakti. Yeye alisema: “Kuna mtu ambaye ningependa asome ujumbe huu. Naweza kupata nyingine?”
4 Trakti ni za ukubwa unaofaa na rahisi kuzibeba kokote twendako. Tunapozungumza na wengine kivivi-hivi, iwe ni wageni au tunaofahamiana nao, tunapaswa kujitahidi kutoa maelezo mafupi yanayoweza kuongoza kwenye kuzungumzia mojapo trakti nane tulizo nazo. Hili laweza kufanywa tuzungumzapo na majirani, tunapofanya ununuzi au kungoja maagano, tunapotembelea watu wa ukoo, au katika hali nyinginezo.
5 Sababu kwa Nini ni Zenye Matokeo: Trakti ni zenye rangi ya kupendeza. Ni fupi. Wenye nyumba na wale tunaokuta kivivi-hivi hawalemewi, wakihisi mzigo wa kusoma kwingi. Hata hivyo, ujumbe huo ni wenye kuvuta fikira na wenye kuarifu. Msomaji anapata maoni ya maana ya Kimaandiko ya jambo linalosemwa katika trakti. Mwanamume mmoja kijana, baada ya kupokea trakti Uzima Katika Ulimwengu Mpya Wenye Amani na kupitiwa pamoja naye alisema kwa mshangaoo: “Sijapata kamwe kusikia habari yenye kutia moyo jinsi hiyo juu ya hali za ulimwengu!”
6 Tunataka kutumia trakti hizi katika pindi yoyote ifaayo. Wahubiri wengi wameziona kuwa zenye msaada kuanzisha mazungumzo katika kazi ya nyumba kwa nyumba. Mafunzo kadhaa yanayoanzishwa sasa yaliongozwa kwa kutumia trakti. Kwenye ukurasa 4 wa toleo hili la Huduma ya Ufalme Yetu, kuna madokezo yanayofaa juu ya jinsi ya kutumia trakti kwa matokeo. Naam, trakti ni ndogo lakini ni zana zenye thamani katika huduma yetu.