Kuboresha Ustadi Wetu Katika Huduma—Kuweka Msingi wa Ziara za Kurudia

Kwa Nini Ni Muhimu: Tunapompata mtu anayependezwa, itafaa kumtembelea tena wakati atakapopatikana nyumbani ili kutia maji mbegu ya kweli tuliyopanda. (1 Kor. 3:6) Kwa kawaida, ili tufaulu tunahitaji kuweka msingi wa ziara ya kurudia kwa kumuuliza mwenye nyumba kuhusu wakati tunaoweza kurudi tena. Kwa kuongezea, ni vizuri kumuuliza swali ambalo tutazungumzia tutakaporudi. Kufanya hivyo kutamchochea mwenye nyumba atazamie kwa hamu ziara yetu, na iwapo jibu la swali hilo lipo katika chapisho tutakalomwachia, kuna uwezekano mkubwa kwamba atasoma chapisho hilo. Pia, tukiweka msingi wa ziara ya kurudia, itakuwa rahisi kumtembelea tena kwa sababu tayari mwenye nyumba na sisi wenyewe tunajua jambo tutakalozungumzia. Tunapoonana naye tena, tunaweza kumweleza kwamba tumerudi ili kujibu swali tulilomuuliza na kisha kuendeleza mazungumzo.