Kuanzia mwezi huu, mkutano wa katikati ya juma hautakuwa tena na mapendekezo matatu tofauti kwa ajili ya utumishi. Badala yake, Daftari la Mkutano wa Huduma na Maisha litakuwa na mapendekezo ya kuanzisha mazungumzo yaliyo na swali la kwanza, andiko, na swali la pili la kuweka msingi wa ziara ya kurudia. Kutakuwa na video moja tu kwa juma ya mapendekezo ya kuanzisha mazungumzo. Kila mhubiri atajiamulia ni chapisho gani atakalotumia kati ya Vifaa vya Kufundishia na atatoa chapisho hilo wakati gani—iwe ni kwenye ziara ya kwanza au kwenye ziara ya kurudia. Isitoshe, daftari litakuwa na mapendekezo ya mazungumzo kwa ajili ya ziara mbili zinazofuata. Mapendekezo hayo yatatusaidia kukazia fikira lengo letu la kuwafundisha “wote [walio] na mwelekeo unaofaa kwa ajili ya uzima wa milele.”—Mdo 13:48.
Migawo ya Wanafunzi: Isipokuwa kuwe na maagizo tofauti, wanafunzi wanapaswa kutumia mapendekezo ya kuanzisha mazungumzo.