Tumia Video Kuwafundisha Wanafunzi Wako wa Biblia

Picha, video, michoro, ramani, mfuatano wa matukio, au vielelezo vingine vya aina hiyo hunasa uangalifu wa mtazamaji na kumsaidia kuelewa na kukumbuka mambo aliyojifunza. Mfundishaji wetu Mkuu, Yehova, alitumia vielelezo kufundisha masomo muhimu. (Mwa 15:5; Yer 18:1-6) Pia, yule Mwalimu Mkuu, Yesu, alitumia vielelezo. (Mt 18:2-6; 22:19-21) Katika miaka ya hivi karibuni, vielelezo ambavyo vimekuwa na faida kubwa ni video. Je, unatumia video vizuri unapowafundisha wanafunzi wako wa Biblia?

Video kumi zimeandaliwa ili kutusaidia kufundisha masomo yaliyo katika broshua Habari Njema Kutoka kwa Mungu! Kwa kawaida, kila video ina kichwa kinacholingana na mojawapo ya maswali yenye rangi nzito yaliyo katika broshua hiyo. Nakala ya kielektroni ya broshua hiyo iliyo kwenye tovuti ya jw.org ina viunganishi vinavyotukumbusha wakati wa kuonyesha kila moja ya video hizo. Isitoshe, video nyingine hupatana na habari zilizo katika machapisho mbalimbali kwenye Sanduku letu la Vifaa vya Kufundishia.

Je, mnazungumzia habari ngumu kwa mwanafunzi wako kuelewa? Au je, mwanafunzi wako anakabiliana na jaribu fulani? Tafuta video kwenye jw.org® na JW Broadcasting® ambayo itamfaa. Labda mnaweza kuitazama pamoja na kuizungumzia.

Kila mwezi, video nyingi mpya hutolewa. Unapozitazama, fikiria jinsi unavyoweza kuzitumia unapowafundisha wengine.