Tumia Video Kufundisha
1 Ili kuwasilisha habari muhimu kwa watu wake wa kale, nyakati nyingine Yehova alitumia maono na ndoto. Fikiria maono ya Ezekieli kuhusu gari la kimbingu la Yehova. (Eze. 1:1-28) Hebu wazia jinsi Danieli alivyohisi baada ya kuonyeshwa ndoto ya kinabii kuhusu mfuatano wa serikali kuu za ulimwengu. (Dan. 7:1-15, 28) Na vipi ufunuo wenye kusisimua uliotolewa “kwa njia ya ishara” kwa mtume Yohana kuhusu mambo ambayo yangetukia katika “siku ya Bwana”? (Ufu. 1:1, 10) Yehova aliwafundisha watu wake wa kale akitumia rangi nyangavu na matendo makuu, na hivyo mambo hayo yalibaki akilini mwao.
2 Ikiwa tungependa kuwaeleza wengine kweli za Biblia kwa njia ambayo hawatasahau kwa urahisi, tunaweza kutumia video kufundisha. Video zetu zina habari nyingi nazo huwasaidia watu waamini Biblia, tengenezo la Yehova, na kanuni ambazo hutufanya tuwe Wakristo bora. Ona njia chache ambazo tunaweza kutumia video zetu kufundisha. Zifuatazo ni baadhi ya video zinazoweza kutumiwa.
3 Katika Huduma: Je, umekuwa ukimweleza mwanafunzi fulani wa Biblia kuhusu undugu wetu wa ulimwenguni pote? Mwonyeshe undugu huo kwa kutumia video Our Whole Association of Brothers. Unaweza kumpa aitazame akiwa peke yake au mnaweza kuitazama pamoja mtakapojifunza naye tena. Kisha zungumza naye ukitumia maswali yaliyo katika Huduma Yetu ya Ufalme ya Juni 2002.
4 Vijana, mnaweza kuwauliza walimu iwapo inawezekana kuwaonyesha wanafunzi wenzenu video za masimulizi halisi Jehovah’s Witnesses Stand Firm Against Nazi Assault au Faithful Under Trials—Jehovah’s Witnesses in the Soviet Union. Jitolee kuwa na mazungumzo ya maswali na majibu na darasa nzima ukitumia maswali kwenye Huduma Yetu ya Ufalme ya Juni 2001 au ya Februari 2003.
5 Kwa Familia na Marafiki: Wazazi, jiulizeni, ni lini mara ya mwisho ambapo watoto wenu walitazama video Young People Ask—How Can I Make Real Friends? Mbona msiitazame mtakapofanya funzo la familia tena? Huduma Yetu ya Ufalme ya Aprili 2002 ina maswali yanayoweza kutumiwa ili kuzungumzia mambo hayo waziwazi na kwa uchangamfu.
6 Je, kuna ndugu kutanikoni ambao umekuwa ukitaka kuwaalika nyumbani kwako? Mnaweza kuwa na jioni yenye kujenga kwa kutazama video Respect Jehovah’s Authority hasa ikiwa baadaye mtazungumzia mambo makuu mkitumia maswali yaliyo katika Huduma Yetu ya Ufalme ya Septemba 2004.
7 Nafasi Nyingine: Unaweza kutumia video zetu 20 katika njia zipi nyingine? Je, kumwonyesha mtu mmoja au wawili unaowatembelea kwa ukawaida kutamsaidia kufanya maendeleo ya kiroho? Je, unaweza kujitolea kuonyesha video hizo kwenye makao ya kuwatunzia wagonjwa au wazee? Je, video hizo zinaweza kufanya jamaa zako, majirani, na wafanyakazi wenzako ambao si Mashahidi wawe na maoni yanayofaa kutuhusu? Video zetu zinasisimua, zinaelimisha, na ni zenye matokeo. Kwa hiyo, zitumie kufundisha.
[Maswali ya Funzo]
1. Yehova alitumiaje vitu vinavyoonekana kuwafundisha watumishi wake wa kale, na matokeo yalikuwaje?
2. Tunaweza kutumia nini kuwafundisha wengine kweli za Biblia?
3. Unaweza kutumia nini kumwelekeza mwanafunzi wa Biblia kwenye tengenezo?
4. Kijana Shahidi anaweza kutumia vifaa gani kufundisha shuleni?
5. Wazazi wanaweza kutumia kifaa gani kwenye funzo lao la familia?
6. Unaweza kufanya mipango gani ili uwe na ushirika unaojenga pamoja na akina ndugu?
7. Unaweza kutumia video zetu katika nafasi zipi nyingine?