Ndoa​—Muungano wa Maisha

Ndoa za Kikristo zenye mafanikio zinamheshimu Yehova na kuwaletea mume na mke furaha. (Mk 10:9) Ili kuwa na ndoa yenye kudumu na yenye furaha, ni lazima Wakristo watumie kanuni za Biblia wanapochagua mwenzi.

Anzisha uchumba baada ya kupita “upeo wa ujana,” kipindi ambacho hisia za ngono zinakuwa zenye nguvu na zinafanya iwe vigumu kufanya maamuzi yenye hekima. (1Ko 7:36) Tumia kwa hekima miaka yako ya useja ili kuimarisha uhusiano wako na Mungu na kusitawisha sifa za Kikristo. Ukifanya hivyo, kuna uwezekano mkubwa kwamba utachangia ndoa yenye furaha.

Kabla ya kukubali kufunga ndoa na mtu fulani, tumia muda wa kutosha kufahamu “yule mtu wa siri wa moyoni.” (1Pe 3:4) Ukianza kuwa na shaka, zungumzia hisia zako na mtu huyo. Kama tu ilivyo na uhusiano na watu wengine, inapohusu ndoa unapaswa kufikiria zaidi kile unachoweza kumpa mwenzi wako badala ya kile utakachopokea kutoka kwake. (Flp 2:3, 4) Ukitumia kanuni za Biblia kabla ya ndoa, utakuwa ukijiwekea msingi imara wa kuwa na maisha ya ndoa yenye furaha.

TAZAMENI VIDEO YENYE KICHWA KUJITAYARISHA KWA AJILI YA NDOA​—SEHEMU YA 3: “HESABU GHARAMA,” KISHA MJIBU MASWALI YAFUATAYO:

• Uhusiano kati ya dada huyo na Shane uliendeleaje?

• Alitambua nini uhusiano wao ulipokuwa ukiendelea?

• Wazazi wake walimsaidiaje, naye alifanya uamuzi gani wenye hekima?