Tunahitaji Ulimwengu Bora!
Katibu mkuu wa Umoja wa Mataifa, António Guterres, alisema: “Tunaishi katika ulimwengu uliovurugika na wenye matatizo mengi.” Bila shaka unakubaliana na maneno hayo.
Habari nyingi tunazosikia ni mbaya:
Magonjwa na milipuko ya magonjwa yanayoenea kwa kasi
Majanga ya asili
Umaskini na njaa
Uchafuzi wa mazingira na kuongezeka kwa joto duniani
Uhalifu, jeuri, na rushwa
Vita
Ni wazi kwamba tunahitaji ulimwengu bora. Ulimwengu ambao watu wote watafurahia:
Afya kamilifu
Usalama
Vyakula vingi
Mazingira mazuri
Haki
Amani
Lakini tunapozungumzia ulimwengu bora, tunamaanisha nini?
Ni nini kitakachoupata ulimwengu huu wa sasa?
Tunaweza kufanya nini ili tuishi katika ulimwengu huo bora?
Gazeti hili la Mnara wa Mlinzi linatoa majibu ya Biblia yenye kufariji ya maswali hayo na mengine yanayofanana na hayo.