Makala za Ziada Katika Mnara wa Mlinzi

Wahubiri wengi hutumia JW Library^® kutayarisha mikutano, na wanafurahia jinsi programu hiyo ilivyo na mpangilio mzuri wa kufungua kila makala ya funzo la Mnara wa Mlinzi. Lakini toleo la funzo la Mnara wa Mlinzi wakati mwingine huwa na makala za ziada zilizo na chakula cha kiroho. Unawezaje kupata makala hizo na kunufaika nazo kwenye JW Library?

• Mwishoni mwa kila makala ya funzo la Mnara wa Mlinzi, kuna kichwa kidogo kinachosema “Habari za Ziada.” Chini ya kichwa hicho kidogo, bonyeza kiunganishi kinachosema “Makala nyingine katika toleo hili.” Chunguza yaliyomo, ili uone jinsi makala za funzo zilivyoonyeshwa waziwazi na kuwekwa namba. Bonyeza kichwa cha makala ya ziada ambayo ungependa kusoma.

• Kwenye ukurasa wa Mwanzo wa programu ya JW Library katika sehemu “Ni Nini Kipya,” pakua kila toleo jipya la Mnara wa Mlinzi linapopatikana. Fungua gazeti ulilopakua na ufungue yaliyomo ili uhakikishe kwamba unanufaika na makala zote.