“Kuutazama Ulimwengu” Yatumiwa Shuleni

EDELMIRA, msichana mwenye umri wa miaka 15 huko Marekani, alitumia vyema gazeti la Amkeni! shuleni. Aliwaandikia wachapishaji wa gazeti hilo barua ifuatayo:

“Kila Ijumaa sisi huwa na mgawo wa kutoa ripoti kuhusu tukio la karibuni. Nilisoma Amkeni! la Aprili 22, 2000 na kuteua makala ya ‘Kuutazama Ulimwengu’ yenye kichwa ‘Kampuni ya Tumbaku Yakiri Kwamba Uvutaji-Sigareti Husababisha Kansa.’ Niliandika muhtasari na kuusoma mbele ya darasa. Mwalimu na wanafunzi walisikiliza kwa makini sana. Nilipomaliza, msichana mmoja aliniuliza—mbele ya darasa lote—ilinichukua muda gani kutayarisha muhtasari huo. Kisha nikampa gazeti hilo. Alianza kulisoma kwa hamu sana, na mvulana mmoja wa kutaniko letu alipomwona baadaye, aliniambia kuwa msichana huyo bado alikuwa analisoma. Sasa msichana huyo anasema kwamba angependa kupokea kila toleo la gazeti la Amkeni! na Mnara wa Mlinzi.

“Jambo hilo lilinifanya nijivunie kuwa mmoja wa Mashahidi wa Yehova. Lilinifunza kwamba tuna fursa nyingi sana za kuzungumza na wengine kumhusu Yehova.” Edelmira amalizia hivi barua yake: “Ningependa kuwashukuru kwa ajili ya jitihada zenu za kuandika magazeti haya. Tafadhali endeleeni kuchapisha makala ya ‘Kuutazama Ulimwengu’!”