Wimbo 35

Njia ya Upendo Ipitayo Zote

(1 Wakorintho 13)

1. Mungu upendo, kwa hiyo

Hutaka tuwe hivyo,

Kwa Mungu, jirani, pendo

Litutie bidii.

Kuwe imani, ujuzi,

Lugha na unabii,

Pendo likikosekana

Tu bure, hatufai.

2. Tujapohubiri sana,

Na kuteswa vibaya;

Ingetufaidi nini

Ikiwa nia mbaya?

Pendo lafadhili sana,

Si la adabu mbaya,

Si la kiburi na wivu,

Busara latumia.

3. Pendo si kali, si chungu,

Mabaya lachukia.

Linavumilia sana,

Haki lafurahia.

Imani, pendo, vyadumu

Tukihudumu Mungu;

Njia ipitayo zote

Ni pendo la kimungu.