Mipango Yako Ni Ipi kwa Ajili ya Aprili?

¹ Mwezi wa Aprili utakuwa kipindi cha utendaji ulioongezeka wa utumishi wa shambani kwa wengi wetu. Katika sehemu fulani fulani hali ya anga imekuwa ya kiasi na inafaa zaidi ili mtu akae shambani kwa vipindi virefu zaidi vya wakati. Kwa kawaida Aprili unathibitika kuwa mwezi mzuri wa kuweka miradi ya kibinafsi ya utendaji ulioongezeka katika huduma.

² Kundi lenu limefanya mipango ipi kwa ajili ya utumishi wa shambani wakati wa Aprili? Je! kutakuwa na mikutano zaidi ya utumishi wa shambani, kutia ndani kutoa ushuhuda jioni? Je! wewe utaweza kurekebisha ratiba yako ili upate faida ya mipango hii na kufanya kazi pamoja na wengine katika utumishi wa shambani? Je! unaweza kuweka kando kwa muda mfupi utendaji mwingine usio wa maana sana?

³ Kuongezea kuzuru wale ambao wanahudhuria Ukumbusho, Aprili utakuwa pia wakati mzuri wa jitihada mpya ya kuwatafuta watu wenye kupendezwa ambao wamekuwa na shughuli sana wasiweze kuzungumza pamoja nawe katika pindi nyingine au ambao hawakuwa nyumbani ulipozuru. Ijapokuwa huenda tayari umefanya majaribio kadhaa kutoa ushuhuda zaidi, mbona usichunguze-chunguze maandishi yako na uwatembelee tena watu hawa mmoja mmoja ukijitahidi kuamsha tena kupendezwa kwao katika habari njema? Pengine ziara za jioni zingekuwa zenye matokeo.

⁴ Akina ndugu na dada wengi wamepanga kufanya upainia msaidizi Aprili hii. Hawa wanatia ndani wengine ambao wana madaraka ya jamaa na hata wengine ambao wana kazi za kimwili za wakati wote. Takwa la saa 60 linamaanisha wastani wa saa 2 tu kila siku kwa mwezi mzima.

⁵ Ikiwa hali hazikuruhusu ufanye upainia msaidizi katika Aprili, huenda ikawezekana uongeze utendaji wako wa utumishi wa shambani kwa kutumia wakati fulani shambani pamoja na mapainia au na wengine ambao wanajitahidi pia kuongeza huduma yao mwezi huu. Unaweza kuhakikishiwa kwamba Yehova atabariki jitihada zako. Kupitia kwa roho yake yeye atakupa nguvu ili ufikie mradi wako.—Mit. 20:18; 21:5a.